ankawa
منتدى الهجرة واللجوء => الهجرة و واللاجئين => الموضوع حرر بواسطة: WITHOUT في 16:11 05/06/2010
-
في الوقت الحالي كثرت حالات تجنب تعلم اللغة الانكليزية في امريكا وخاصة في مدينة سان دييكو وهي كا لتالي :
1- تبلغ دائرة في سان دييكو تسمى (MAXIMUS) ومقرها في منطقة LEMON GROVE بانك تشكو من حالات غير صحية فيقولون لك اذهب الى الطبيب واجلب تقرير بذلك هذا لاصحاب الولفر خاصة .. وهنا تنتهي المرحلة الاولى ..
2- تذهب الى طبيب امريكي واصلة عربي او عراقي وتدعي بالعوق البدني او العقلي او كلاهما وعلى شرط ان تعرف مسبقا ان هذا الطبيب الذي ستذهب اليه سيكون متعاونا معك ولايرفض لك طلبا بان تقول اكتب لي عندي كذا وكذا لقاء مبلغ من المال ويوقع الطبيب على التقرير ويختمة ... وهنا انتهت المرحلة الثانية ..
3- تاخذ التقرير الطبي الذي صادق علية الطبيب الامريكي العراقي الاصل وتعمل من نسخ تحتفظ بها وترسل او تعطي نسخة منه الى ( MAXIMUS) وعلى ضوء التقرير سيقول لك الكيس ووركر الخاص بك مباشرة انك معفي من فروض تعلم اللغة الانكليزية وخاصة اهل الولفر وبهذا لامدرسة تتعارك حتى تسجل بيها مثل مدا يصير بالكاهون بسان دييكو ولا مطلوب منك ساعات دروس انكليزي اذا كنت تعمل حتى ولو بارت تايم
فتنتهي القضية وتصير FREE لامدرسة ولاتعلم ولا يحزنون
-
لا اخي بصراحه اني ما اشجع هذا العمل لان راح يبقى طول العمر يفر باذانه خاصة الناس الذين ولا طكة انكليزي وحتى لو بطريقة قانونيه تقبل مروري
-
أني همين ما اشجع هذا العمل, لانه ابصراحه الي يسوي هذا العمل هو بس الانسان الفاشل حشاكم.
-
يعني مع احترامي لرايك
تتصور انه انت سويت انجاز من ما تعلمت انكليزي
هاي غريبه مو هيج
يعني بقيه القوميات تتعارك حتى تتعلم انكليزي انت جاي تكل للاعضاء سوو شي مو قانوني وادفعوا رشوه للطبييب وبعدين لا تتعلمون
انت ارجوك ارجوك بس انتبه لحجيك
هل انت تتكلم بالمنطق . يعني انت سويت انجاز هسه
زين اذا مراح تتعلم انكليزي هسه شوكت تريد تتعلم
لا حول ولا قوه الا بالله
بس اكول
الله يسهل امرك
-
اخواني احبائي
اخترامي لارائكم انا قلت هذا الذي يحدث الان وهو تعبير عن الحالة وليس رائي ... الموضوع تصوير حالة ينفذها اغلب الذين يودون التهرب من التعلم والحصول على راتب الولفر بدون تعب او تعليم ... هذا هو محور كتابي للموضوع
وشكرا احبائي
-
عمي ابو عبدالله
ويكولك اللاجئ العراقي ما يلكي شغل واموره مو زينه وامريكا ما تراد!!!!!!!!!!!!!!!!!!!!!!
الناس تدفع فلوس حتى تتعلم لغه يمعود وانت هيج تحجي؟؟
-
اخواني احبائي اكرر رجاء ما كتبته هو الحالة الحالية وليس رائي
يجب الانتباة رجاء مع الشكر
-
اخي اني افتهمت انه انت دا تنقل الحاله بس اكو ناس تدفع فلوس حتى تتعلم او تدرس سنين بجامعات حتى تاخذ لغه واللغه مفيده بكل مكان مو بس بامريكا لان اغلب الوظائف يريدون واحد عنده لغات
مشكور على نقل الوضع
-
شكرا اختي ام مشمش
الاخوان زعلوا مني اعتقدوا اشجع هذا العمل طبعا ومليون لالالالا ثم لا
لكن مجرد تصوير حالة
-
اخي العزيز مثل ما فهمت منك انه انت ما تشجع هذا العمل وانما دتنقل حالة فالمفروض يكون طرحك بصيغة استنكار مو صحيح؟ اخي الكريم الافضل انه لا تذكر طرق غير مشروعة او غير قانونية لانه على فكرةيخالف قوانين المنتدى واذا حبيت تذكر حالة سلبية تحصل في امريكا المفروض يكون الطرح مختلف.تقبل مروري.
-
اشكر سرى على رائيها
اود ان اقول هو تسجيلي لظاهرة حالية لبعض العراقيين في سانت دييكو - كاهون
لكن اسيء فهمي وكتبوا كلمات اعتبرها ليست في محلها
وقريبا ساكتب عن ظاهرة اسواء منها بعشرات المرات يسعى لها بعض العراقين في كالفورنيا - سان دياكو
وسارى اجاباتكم وما هي ردود افعالكم ... وساكتبها بصيغة اخرى وحسب قوانين المنتدى
-
مشكور لتفهمك اخي العزيز وسعة صدرك والمهم هو ايصال المعلومة اكيد وبالطريقة الصحيحة .تقبل تحياتي
-
مع احترامي لصاحب الموضوع لكن اعتقد الادراة مقصرة بعدم غلق هيجي مواضيع تعلم الناس الاساليب الملتوية للغش والرشوة والتلاعب الغير قانوني والالتفاف على قرارات الدولة اللي انطتك لجوء خلي نعرف شنو معنى انه انطوك لجوء؟؟؟يعني انت( دخيل) يمهم انت سامع بالثقافة البدوية كلمة دخيل ومن تكون دخيل على قبيلة او قوم ليس من المفروض ان تتبع الاساليب الملتوية والرشاوي بل ان تكون صادق مع نفسك ومع الاخرين احنا نعرف انه اغلب العراقيين يلفقون القصص فقط لغرض الوصول الى الدول الغربية ومنها امريكا هذا لايعني ان نتمادى في الاساليب الملتوية ولااي غرض شوفوا الغرض ((لتجنب تعلم لغة العالم والدنيا واللغة الاولى عالميا))واللي الناس بالعراق مو بغيرة تدفع الالاف الدولارات نعم الالاف علمود تقوي نفسها ولو شوية بهذا اللغة العظيمة لغة الانترنت والكومبيوتر والسياحة والعلم والعلوم والتجارة الرياضة ووووو ولماذا لغرض ان ((تكعد بالبيت ))والله عفية على صاحب الموضوع وعلى الادارة اللي سمحت بهذا الموضوع
-
ما اريد اعلق بعد على الموضوع
لان استلموك مربعتين الجماعة ;D
نصيحة وجة هذا الموضوع للكبار بالسن ؟؟؟
-
اكيد اﻻخ وذاوت غلطان بعنوان الموضوع
وانه كان في باله ان يكتب عن سلبيه معينة في مكان معين
واﻻ ما ممكن ؟؟؟؟؟؟؟؟؟
-
السلام عليكم
مااريد اضيف على الموضوع الربع كفوا
بس خليها بالك وللمصلحة العامة (اذا عرفت لغة قوم امنت شرهم )
-
استادي WITHOUT انت صدك WITHOUT . ??? ??? ???
يعني بالعراقي كلشي ماكو . >:( >:( >:(
-
اخوان الرجال ماله علاقه
الموضوع وما بيه انو هو ديشرح حاله سلبيه دتصير هنا بامريكا, يعني مثل البعض يكلك العراقين مو متاسعدين بينهم لو هذا كسر ايده علمود ياخذ مساعدات لو هذا اشتغل بالكاش علمود متنكطع الفود ستامب .
يعني الرجال ديكتب عن حاله سلبيه
-
مشكور اخي WITHOUT على صراحتك واني فهمت فكرتك وقصدك لكن اسم الموضوع (العنوان) خلى الكثير من الاعضاء يحكم على الموضوع بطريقه غير مدروسه.
شباب هم علكيفكم والموضوع مابيه شئ ابدا والولد اصلا ديستنكر اللي ديصير.
اتمنى منكم شوية صبر وتأني قبل الجواب.
-
السلام عليكم
مشكور ابو عبدالله نقلك هاذا الموضوع يمكن انك استعجلت بكتابت العنوان بس انتا قصدك شريف
انا انكليزيتي مو كلش قوي صحيح اقدر ادبر نفسي وفهم المقابل بس والله امنيتي اتكلم بطلاقة حتى اطفالي جاي اعلمهم بلبيت على مود من يكبرون يكونون اقوياء اللغة سلاح تقدر تروح بية وين ماتريد
شكرا الك اخي العزيز ولا تزعل من اخوانك ترى الكل هنا يهمة مصلحت الثاني ونتا اولهم بس يمكن العنوان ماكان في محلة
تقبل مروري
اخوك جرح الزمن
-
عزيزي كما اشار الاخ الاشقر ( العنوان) اسيء فهمه وبما انت ترفض ذلك حسب تعليقك فانت كتبت لتصور حالة سلبية نود جميعا ان نتجاوزها لانه لكل الشعوب سلبياتها وايجابياتها
وانا شخصيا اعرف كثيرين من اللذين اعرفهم وليس كل اهل الكاهون اكملوا معاملاتهم بهذا الخصوص ويشتعلون ( اسود ) ويستلمون راتب الولفر + بدون دروس انكليزي + شغل اسود + مساعدات كنسية ومنظمات انسانية +
وهكذا تمشي امورهم
كان تعليقي بمستوى من الادب والفكر .. فاتمنى على من يعلق ان يكون كذلك
مع شكري لجميع الاخوان
-
تحية للاخ كاتب الموضوع اتمنى متزعل من اخوانك وردودهم العنيفة شوية مع العلم انت وضحت رأيك برفضك مثل هيج ضاهرة تهدم ماتبني
يمكن حضرتك مارتبت الموضوع بطريقة حتى لا يساء فهمك
تحياتي واحترامي لحضرتك
ام محمد
-
عيني وذاوت مادري فلو اوت انته اصلا صحيح نقلت اللي ديصير هنانة بس همين انطيت تفاصيل واحداثيات يعني حتة اللي ما مفكر بهيجي شي ولا يندل انته كاعد تدلي وتسهلة الطريق يعني شلون ما نكول كلمة حق يراد بها باطل
-
المفروض اتغير اسم الموضوع من
ها هي الطريقه القانونيه لتجنب تعلم الانكليزي في امريكا الى
ها هي الطريقه القانونيه للعيش في امريكا مثل الاطرش بلزفه ;D ;D ;D
جورجيا
-
السلام عليكم...
اشكرك اخي على الموضوع الي يوجهنه الى تجنب هكذا تصرفات .
بارك الله بيك وننتظرمنك ترفدنة بكل الحالات السلبية الي تكدر اتوضحهه وطريقة تجنبهه وتجنب الناس الي تتعامل بيهه.. مره اخرى جزيل الشكر لك لكن ارجو ( تغيير اسم الموضوع )...
ان شاء الله الكل تتعلم الانكليزية ( لبلبان) واول واحد اني ;D ;D ;D
احلــــــــــــــــــــــــــــــــــــى منتـــــــــــــــــــــــــــــــــــــدى
-
اسف كثيرا على العنوان انا اعترف اخطاءت بشان تسميته
لكن اللي لاحظته اكو اعضاء تعتبروهم اعضاء بارزين ظهرت منهم كتابات ما كنت اود قرائتها... ما اكول اكثر اعتقد العبارة مالتي مفهومة ... ليش هيجي يكتبون ما ادري ... الله ينطيهم على قدر نياتهم
هذا اولا
لكن ثانيا اني لاحظت انه الجماعة يحبون تردد عبارات عاشت ايدك يعني مجاملات خلي نوسع صدرنه ونتناقش بكل المواضيع با سلوب حضاري بعيد عن كل ماهو هابط ونناقش السلبيات ونطرح ما هو الافضل
لا ان نجلس نسب ونستنكر و الاناء ينضح بما فيه لا اقول اكثر
تعالوا نفكر بموضوعية لماذا فعل هذا الشيء هولاء ونحاول ان نغير من وضعهم ونقول مثلا
هولاء اللذين عملوا هذا الشيء مستواهم الفكري والعلمي بسيط وصعب ان يندمجوا بالمجتمع مثل الاخرين فلذلك يلجاؤن لهذة الاساليب الغير صحيحة فيكول خلي اشتغل سائق بسيارتي اوصل عوائل عراقيين للمستشفى او للمنظمات او غيرها واحصل على قوتي واني معفي من المدرسة وهمينه بطريقي اشوف يا كنيسة او منظمة تنطي مساعدات اخذها بطريقي ويتعلم انكليزي شوية شوية صحيح يتعلم ببطئ بس مو معناها ماكو شي بس بطيء واثنين هو قريب من عائلته اكثر وقت ممكن هذا مثال واحد واكو عشرات الامثلة
اريد ان يكون النقاش يتحلى بالاخلاق وبعيد عن الالفاظ الجارحة لطفا
-
الى كل الأخوان والأخوات اللي يستخدمون هشكل طرق ترة ماكو شي يستمر والاميركان مو اغبياء ويعرفون كلش زين شنو اللي ديصير وهذه بالنتيجة رح تضرنا نحن كقادمين جدد للولايات المتحدة واني لو عندي القدرة على مراسلة مسؤولين اميركان اوصل لهم هشكل افكار حتى يتخذون الاجراءات اللازمة بحق هشكل نماذج مع الأسف تكون في اميركا
-
يعني مع احترامي لرايك
تتصور انه انت سويت انجاز من ما تعلمت انكليزي
هاي غريبه مو هيج
يعني بقيه القوميات تتعارك حتى تتعلم انكليزي انت جاي تكل للاعضاء سوو شي مو قانوني وادفعوا رشوه للطبييب وبعدين لا تتعلمون
انت ارجوك ارجوك بس انتبه لحجيك
هل انت تتكلم بالمنطق . يعني انت سويت انجاز هسه
زين اذا مراح تتعلم انكليزي هسه شوكت تريد تتعلم
لا حول ولا قوه الا بالله
بس اكول
الله يسهل امرك
صح لسانك :)
-
الرجاء لالالالالالالالا للمجاملات شبعنا من هذة الكلمات شبعنا والله العظيم نريد ان يشتغل الدماغ بدل اللسان حتى نصحح الاخطاء ونعلم جماعتنا شلون نزيد الايجابيات
بعبارات المجاملة نزيد الاخطاء او ناس تايد على كلام ناس لكلكه
WORLDGOLD
-
ابو عبدالله التكساسي الوردة............
كلامك صحيح ومضبوط ضبط العكال............
الحالة فيها غش وضحك على الذقون وهذا مانرفضه جملة وتفصيلا...........
تحياتي الى عبودي!!!
-
بغض النظر عن منو كاتب الموضوع المهم انتقاد الحالة نفسة لان هاي الحالة هي وحدة من الامراض الاجتماعية الكثيرة الي اعاني منة المجتمع العراقي بس اكول مع الاسف اكو ناس مكان ما يحمدون ربهم على التعلم و مجالات التقدم بالحياة افكرون بالمقلوب