ankawa
منتدى الهجرة واللجوء => الهجرة و واللاجئين => الموضوع حرر بواسطة: عمر عراقي في 23:27 05/06/2010
-
حبايـــــــــــــــــــب شلونكم وشلون صحتكم وشلون الاهل ان شاءالله بخير
المهم الموضوع شنو
حبايب مره ثانيه نريد نعرف منو من الي موجودين هنايه او الي يعرفهم احد الموجودين
صاحب اسرع سفرة بالعراقيين يعني نريد نعرف حتى نفرح (طبعا يشمل المسافرين او الي ماخذين موعد رحله) ..
وحتى نرجع نقلق مره لخ نريد نعرف منو صاحب ابطئ ملف يعني يعني المسافرين وغير المسافرين.
واتمنى ان اكون توفقت بطرح مثل هذه الفكره .
ولكن لزيادة المعلومات والالمام بكافة التفاصيل
وقبلااااااااااااااااتي لكم حبايـــــــــــــــــب
-
اسرع ملف اعرف وحده كملت كل المقابلات وسافرت بشهرين
وابطىء ملف اكو ناس سنه ونص ينتضرون الموافقه
:D شنو رأيكم :D
-
شكرا ع الموضوع اخوية عمر العراقي
انا اعرف شخص قدم ع اي او ام بغداد ب في بدايه شهر ال7و طلع بشهر 4 :) و ماكو شي يميزه عن غيره من الاخوان والاخوات المقدمين ع البرنامج من بغداد ولا هو مشتغل ويه الجيش ولا ويه الحكومة الامريكية مجرد مشتغل ويه منظمة انسانية امريكية
و اعرف اشخاص مقدمين من 7-2008 لحد هسه ماكو اي خطوة بقضيتهم
فلا تشوش بالك ماكو اي سقف زمني معين للتمشية معاملات اي او ام
-
اني كلها على بعضها من اول يوم قدمت
على اليو ان وبعدها اي او ام
لحد اخر شي راح اسافر انشاء الله
كلها راح اتصير
_ سنه و 5 ايام
الحمد لله
ماعرف محسوب ويه البطى لو السريع
-
شكرا ع الموضوع اخوية عمر العراقي
انا اعرف شخص قدم ع اي او ام بغداد ب في بدايه شهر ال7و طلع بشهر 4 :) و ماكو شي يميزه عن غيره من الاخوان والاخوات المقدمين ع البرنامج من بغداد ولا هو مشتغل ويه الجيش ولا ويه الحكومة الامريكية مجرد مشتغل ويه منظمة انسانية امريكية
و اعرف اشخاص مقدمين من 7-2008 لحد هسه ماكو اي خطوة بقضيتهم
فلا تشوش بالك ماكو اي سقف زمني معين للتمشية معاملات اي او ام
لا مو قصدي اتشوش ولا اشوش على غيري بالعكس
حتى يصير عندي وعند الجميع علم ودراية تامه بكل مايصير عند الكثير من المقدمين على برنامج اعادة التوطين
الي منعرفهم ولانعرف شكد طولت شغلتهم ويجوز يستفاد الكثيرين من هذي المعلومات.
وبالنسبة للاخ الورد alisony اتصور الفترة الي طولتهه هي (خوش فترة) يعني لاطويلة ولاقصيرة حسب معلوماتي البسيطة.
وبالنسبة للموضوع عندي اضافه ياريت لو الاخوان يحددون من اي دولة كان التقديم و التنويه الى المقدمين على siv والمقدمين على un يعني ذكر البلد وجهة التقديم مع الحب للجميع.
-
اخي العزيز ما اريد اسوي احباط للناس اخوك بكل فخر واعتزاز اول مقابلة بشهر الرابع 2007 وكتبتلكم موضوع عراقي كتلة الهم بس الحمد لله انفرجت والملف يكلون دينختم اكد يكلون يعني لا شايف ملف ولا شايف ختم بعيني ويمكن اذا اخذة للمختار مال محلة 712 حي المثنى وخاتمة بايدي جان اطمانيت
اخوك حسوسة من مصر
-
السلام عليكم
اخوكم من سنة 2008-2 ولحد هذة اللحظة لاتوجد الموافقات الامنية
موافقة المحلفين موجودة
الفحص الطبي موجود
الولاية موجودة + الكفيل موجود
الامنية وين تاهت مادري
ان مع العسر يسرا
robin - Cairo
-
اخي robin انت من اى بلد امقدم وشكراا اخوك امير البغدادي
-
يا باشا انا مقدم من مصر ام الدنية بالفهلوةةةةة والاونطة
-
حبايب حسوسه الله يفرجها على الجميع وان شاءالله نشوفك باميركا بالقريب العاجل
وصديقي روبن هود كذلك ان شاءالله نشوفك باميركا عن قريب..
وتفيدون اخوانكم بالمنتدى بتجاربكم.
بس مداشوف تفاعل من الحبايب الباقين
حتى لو متكتبون عن نفسكم كتبو عن اي احد تعرفوه.
حبايـــــــــــــــــــــــــب
-
شكرا عيني عمر بالتوفيق للجميع ويارب الله يفرجها على الاخ روبن لانه اني بمصر من 2005 وكظيناه شكرا يابشا ومعلش وبكرة ان شاء الله يارب عمي روبن يوم الي تبشرنة وتفرحنة واحب اضيف نقطة صغيرة اهم شي واحد لايصيبة الياس لمن يتاخر ويةه محلفين او امنية والصبر حلو والله كريم والموفقية للجميع
اخوكم حسوسة مصر
-
الاسرع الارنب الابطأ الركه
اخويه لا دوخ كلمن وقسمته اكو ناس شهرين مطولت واكو ناس سنتين وبعدها
اتمنالك التوفيق
-
بالعجلة السلامة و في التئني الندامة انا ايد الاخ عكعك انا الارنب اسرع مع احترامات للركة و تنميات اله بالوصول اخوان هي الاشغلة كلة صايرة عشوائية الي داشوفة ماكو قاعدة عامة بالموضوع و اللة مع الصابرين
-
اني احتفلت قبل يومين باطفاء الشمعة الثانية وية المنظمة ببغداد
امخلص كلشي بس داانتظر الامنية عافاكم الله وشافاكم
-
حبايــــــــــــــب عكعك وديفيد وصفاء الله يسهل امورنا واموركم جميعا
وخلينه نسوي كروب باميركا سويه ان شاءالله
-
شكراً على هذا الموضوع الحلو
موعد 7-1-2010
مقابلة اولى 28-2-2010
مقابلة توطين 16-3-2010
مقابلة ثالثة استفسارات 7-4-2010
وبأنتظار تحويل الكيس للــIOM
مع تمنياتي للجميع بالتوفيق
أخوكم VIP2010
-
شكرا على تفاعلك معنا اخونه الورد VIP2010 ونتمنى الك الموفقيه
ويوم الي نشوفك باميركا ان شاءالله.
-
حبايــــــــــــب VIP2010 اني اشكرك على مشاركتك الحلوه
والله يسهلها عليك وعلينا وتفرج
واتمنى مشاركة اكثر لتعم الفائدة.
-
دخلت تركيا 13/2/2009
اول مقابلة 15/3/2009
2 مقابلة 11/7/2009
3 مقابلة 8/9/2009
اعادة مقابلة 11/9/2009
15/12/2009 موعد الطيران لمشكن
يعني 10 اشهر و يومين
-
اخويه lssm_michigan توصل بالسلامة ان شاء الله والله يوفقك
بس شو لاموافقه امنية ولا فحص ولا محلفين؟
مفتهمت مواعيدك ومقابلاتك وشنو هذا النظام بتركيا يعني يختلف؟
-
اخويه الورد مؤيد العبيدي ان شاء الله العاصفة تجيلك
وبسرعه تلفلف غريضاتك وتذبك بالمطار وبيدك التكت
وتغمض تفتح تلكي نفسك بأميركا وبولايتك الجديدة
بس ادعيلنه.. حبايـــــــــــــــــــب
-
مو بهالحالة لازم نسأل اللي قدموا وانقبلوا وسافروا واني شخصيا اعتقد اللي يسافر ويوصل نادرا مايبقى يهذا الموقع نادرا جدا وتقدر تلاحظ هذا الشي من قراءة المواضيع القديمة وراح تشوف بانه اجيال الاعضاء تتغير مع الزمن
-
مرحبا أخوان ....حبيت أشارك بالموضوع بس أني أس اي في أذا ممكن
اول ايميل دزيته بتاريخ 22-12-2009
الجيف أوف ميشين أجه بنص شهر الواحد
الظروف الاثنين اللي أستلمتها بعد ارسال الاي 360 اجتي ب شهر الثاني وكنت داز ال360 عن طريق الميل العسكري ورجعت الظروف الاثنين على الميل العسكري كذلك
اجاني الايميل بيه الكيس نمبر بعد يومين من استلمي الظروف
وراها دزيت ال دي اس 230 واجاني موعد المقابلة بيوم 9-5-2010
قابلت وأستلمت الفيزا بيوم 12-5-2010 اي بعد ثلاثة أيام وهو نفس يوم أصدارها .
شكرا جزيلا
-
مرحبا أخوان ....حبيت أشارك بالموضوع بس أني أس اي في أذا ممكن
اول ايميل دزيته بتاريخ 22-12-2009
الجيف أوف ميشين أجه بنص شهر الواحد
الظروف الاثنين اللي أستلمتها بعد ارسال الاي 360 اجتي ب شهر الثاني وكنت داز ال360 عن طريق الميل العسكري ورجعت الظروف الاثنين على الميل العسكري كذلك
اجاني الايميل بيه الكيس نمبر بعد يومين من استلمي الظروف
وراها دزيت ال دي اس 230 واجاني موعد المقابلة بيوم 9-5-2010
قابلت وأستلمت الفيزا بيوم 12-5-2010 اي بعد ثلاثة أيام وهو نفس يوم أصدارها .
شكرا جزيلا
اهلا بيك اخي وشكرا على مشاركتك