ankawa
منتدى الهجرة واللجوء => الهجرة و واللاجئين => الموضوع حرر بواسطة: ام عسل في 19:33 08/06/2010
-
هلوووووووووو على كل المرفوضين وبانتظار دوله اخرى
اتمنى من كل الاخوة و الاخوات الي رفضتهم امريكا ودينتظرون دوله ثانيه ان يشاركوني وندردش بخصوص هذا الموضوع للاستفاده من اراء الجميع..
قبلتنا امريكا بتاريخ 1\2\2009 وتم تحويل ملفنا الى iom وقابلنه مرتين وبعدها قابلنه لجنة التوطين بتاريخ 11\6\2009 وبعده اجه الرد بالرفض بتاريخ 11\7\2009 وبعد شهر قدمنا استئناف وانتظرنا رد الاستئناف بعد 7 شهور بتاريخ 13\ 3\2010 ايضا الرد كان مرفوضين ومن هذا التاريخ لحد هذا الوقت لاشي جديد فقط انتظار دوله ثانيه .. واتصل با اليون كل شهر مره ويقولون ملفكم باقسم التوطين ويقولون انتظرو لا يوجد وفود حاليا ونحن جميع بانتظار الفرج ومع تمنياتي بالتوفيق للجميع.
-
خوش جمعية:
طلعت من العراق سنة 1997 وانقبلت بالامم المتحدة سنة 2000
تم تحويل ملفي الى السفارة الامريكية للتوطين ماكان اكو مقابلات بـ IOM. المقابلات كانت بداخل السفارة الامريكية. المقابلة الاولى والثانية نهاية 2002
مقابلة اولى محلفين شهر الثاني 2003 بدون نتيجة قيد الدراسة
مقابلة ثانية اعادة محلفين شهر الرابع او شهر الثالث والله نسيت 2005 ايضا بدون نتيجة قيد الدراسة
مقابلة ثالثة ايضا اعادة محلفين شهر السادس 2008 ايضا بدون نتيجة قيد الدراسة
مقابلة رابعة ايضا اعادة محلفين 16/2/2009 ايضا بدون نتيجة قيد الدراسة
استلمت الرفض نهائي بتاريخ 5/2/2010 وحاليا ملفي بقسم التوطين الامم المتحدة بانتظار توطين الى بلد اخر ... وماكو غير امريكا
رجاءا لاتسألوني شلون ومتى وكيف؟ لان هذا حقيقة وانا تعبان نفسيا
-
الله يساعدك يا اخ ابو عماد ويفرجه عليك وعلى جميع المرفوضين باسرع وقت
-
السلام عليكم
مثل ماكال اخوية ابو عماد خوش جمعة
احنة من 1992 دخول عمان 2007 قدمنا على اليو ان 4-2-2008 مقابلة توطين امريكا
الشهر الثالث مقابلتين بالاي او ام
الشهر الخامس مقابلة المحلفين
الشهر السابع رفض وما قدمنا استأناف ونتصل باليو ان نفس الكلام ماكو وفود انتظرو وشكلنة راح نشيب واحنة ننتظر الله كريم
-
السلام عليكم ياجماعة اللى عندة قيد الدراسة ويشوف قصة اخونة ابو عماد اللة يكون بعونة يتفاءل كلش هوااااااااية ههههههه كلها بيد رب العالمين واللة كريم
-
خوش جمعيه والله انشاء الله خير
انا قدمت على UN بسنه 2007 وبتاريخ 1-2 2009 مقابله توطين بالمفوضيه طبعا امريكا
15-3-2009 اول مقابله IOM
22-3-2009 مقابله ثانيه
3-5-2009 يوم النكسه /المحلفين
7-7-2009 رفض
19-7-2009 قدمت استئناف
4-10-2009 رفض الاستئناف
7-12-2009 مقابله بالمفوضيه مراجعه القصه وقالو لي انت على المانيا ولحد الان ماكو شي يعني بوووووري
اتمنى الموفقيه للجميع
ابو شهد
-
اشكر الجميع على الردود لمشاركتي الموضع والله يفرجه على الجميع باسرع وقت انشاء الله
بنسبه الاخ ابو شهد...اذا محوليك على المانيا ليش ماتتصل بيهم او تراسلهم على الايميل حتى تعرف مصيرك وين لان اذا دزيت الهم اميل هم بعد فتره راح يتصلون بيك ومن الله توفيق
ماعدنا غير الصبر الله كريم بس والله حتى الصبر مل من عدنا
-
اختي العزيزه ام عسل اخر مره اتصلت بالموظفه الي قابلتني قالت المانيا اكتفت بالعدد حاليا وسألتها اين سيتم تحويلي لاي بلد قالت لا اعلم انتظر قرار اللجنه وسالتها عن بعض الدول ومن ظمنها فلندا وبرطانيا واستراليا وكندا قالت احتمال وعلى الاغلب يتم تحويل المرفوضين على كندا هذا كلام الموظفه بالحرف والله اعلم انشاء الله خير0
ابو شهد
-
ان شاء الله خير يارب اصبر يا ابو شهد والله كريم لان احنه ماعدنا غير الصبر لانه اصبح رفيقنا الدائم ومن الله التوفيق للجميع
-
نسال الله ان يفرجه عليكم و علينا
حاليا ماكو توطين غير امريكا.... بس حسب معلوماتي اكو اتصال بين المفوضية والتوطين الى كندا ودول اخرى... والمفوضية ينتظر الرد من الهجرة الكندية ودول اخرى ...وانشاءالله خير.. تغير اسلوب المفوضية حاليا يحاولون استحصال موافقة مبدئية من دول التوطين على الملفات قبل ابلاغ صاحب الملف باسم الدولة. خاصة نحن المرفوضين من امريكا صعب جدا اذا يرفضنا دولة اخرى. ولهذا السبب ربما نتأخر شوية ولكن الاهم هو استحصال الموافقة المبدئية من دولة التوطين ودراسة ملفاتنا قبل اجراء المقابلة.
هذا ما فهمته من المفوضية.وانشاءالله مو غلطان
تمنياتي للجميع بالموفقية والسفر السريع
-
مرحبا اخي ابو عماد
عا شت ايدك على هذا الخبر صدك اليوم رجعتنلنه الامل... هذا الخبر من الامم المتحده ؟؟
يعني اتصلت بيهم وهم ردو عليك ؟؟
-
اختي الفاضلة ام عسل المحترمة
المفوضية ماكلولي هذا الحجي بشكل مباشر ولكن من خلال الكلام معهم عرفت هذا الموضوع. هذا ما فهمته منهم.
-
ان شاء الله خير يا اخي ابو عماد والتوفيق للجميع والسفر السريع
-
السلام عليكم
اني انرفضت يوم 17/8/2009
والاستئناف انرفض يوم 25/1/2010
ولحد الان ماكو شي اخابرهم يكولولي بالتوطين
غير المفروض يدزون عليه مقابلة توطين مره ثانية؟
الله يسهل عالجميع
-
السلام عليكم
خوش جمعة ان شاء الله ميبقى واحد منها الا وطار هههههاقصد طار بالطيارة مو شيء اخر
الدخول قبل الاحتلال
التقديم عليو ان الشهر السابع من 2007
مقابلة توطين امريكا الشهر الثاني 2009
مقابلتين وحدة ورة الخ بالاي او ام بشهر الثالث
مقابلة محلفين بشهر الخامس
الرفض بشهر السابع وان شاء الله خير لاننا لا نعلم الخير اين
والانتظار لحد الان والفرج منك الهي
ام عبدو عمان
-
اخي الفاضل yasooo المحترم
مو شرط المفوضية يقابلك للتوطين ... بعض المرات بعد الرفض الامريكي بدون مقابلة يتحول ملفك الى توطين بلد اخر... اكوا هواية لاجئيين بدون مقابلة توطين خابروهم لتتوطين بلد اخر. بس انت تابع قضيتك كل شهر مرة او مرتين خابر المفوضية وانشاءالله خير.
-
شكرا ابو عماد عالرد
الله كريم ان شاء الله تفرج عالجميع
-
اشكر الجميع على الرد بس ياريت كل واحد من يصير وياه اي شي جديد او اي اتصال يتصلون بيه خلي يخبرنا لان احنه هنا عائله واحده وحتى يزرع الامل بداخل كل واحد مرفوض وعلى كلام ام عبدو ان شاء الله ميبقى واحد منها الا وطار بالطياره يعني يارب السفر للجميع باسرع وقت ومن الله الفرج للجميع تمنياتي للجميع بالموفقيه ..
تحياتي لكم ام عسل
عمان\ الاردن
-
السلام عليكم
سؤال لعنده معلومات يفيدني
اني حجيتلكم قصتي مرفوض حتى الاستئناف
اذا اخويه راح لأميركا ميكدر يقدملي مناك؟
-
اخي لفاضل yasooo المحترم
الجواب: اعتقد لا... لان أنت مرفوض حسب قوانين الهجرة الامريكية USCIS وخاصة رفضك من الاستئناف.
لان كل قوانين الهجرة الامريكية مربوطة ببعض... انا اعندي اخ يحمل الجنسية الامريكية وهو من 1996 يعيش بامريكا ومايكدر يساعدني..... اخي انتظر المفوضية ماكو حل اخر....
-
شظل من العمر كضينا كله انتظار
-
السلام للجميع ...
ما اكول غير بس
ان مع العسر يسرا فأن مع العسر يسرا
الله ييسرها للجميع يا الله وشكاتب رب العالمين على العين والراس وصدكوني لو بيها خير للشغله الله ييسرها للبشر لان الله سبحانه وتعالى دائما يريد خير للي خلقه
قل لن يصيبنا الا ما كتبه الله لنا
اخوكم
احمد الدوري
الاردن_عمان
-
مرحبا للجميع
ماكو شي جديد ماكو احد اتصلو بيه من اليون يمعودين بس فرحونه والله مانحسدكم
-
ماكوووو.....
-
مرحبا للجميع
ماكو شي جديد ماكو احد اتصلو بيه من اليون يمعودين بس رجعولنه الامل مو والله ملينه من الصبر .. صحيح هذا الخبر الي الناس دا تتكلام بيه بان باشهر السابع تجي الوفود هل احد سمع من هل الكلام وهل كلام مؤكد اتمنى اذا احد سامع شي خلي يخبرنا وشكرا للجميع امنياتي بالموفقيه
تحياتي لكم
ام عسل\ عمان الاردن
-
مرحبا عيني ام عسل انشاء لله تكونين بخير احنا ارفضنا قطعي من امريكا صار سنة من الرفض وننتضر دولة ثانية نعم سمعت بلخبر قبل يومين هم من ناس ينتضرون كالو بشهر 7 وفود راح تجي ونشاء لله خير ونسافر يارب تحياتي للجميع
-
السلام عليكم اخواني الاعزاء اني مرفوض بعد الاستئناف من شهر 7 سنة 2009 وانتظر مثلكم لكن سمعت قبل كم يوم من شخص له علاقات مع اليوان ان انشاء الله الوفود اجت بشهر 5/4/3 واخذت كل ملفات المرفوضين للدراسة والموعد القادم للعودة هي شهر 7 انشاء الله خير والله يسر على الجميع
اخوكم //// مجرب الغربة :) :) :) :) :) :) :) :) :) ;) ;)
-
شكراااااااا الكم على الرد chou ومجرب الغربه ان شاء الله يكون الخبر هذا صحيح والي بيه خير الله يقدمه ويارب الله يسر على جميع ومن الله التوفيق
ملاحظه...اخواني واخواتي اعضاء الجمعيه المحترمين اي احد يتصلون بيه رجاااااااء ان يخبرنا باكل جديد حول هذا الموضوع
تحياتي\ ام عسل
-
الله يفرجها عنكم وان شاء الله اتسافرون باسرع وقت واتصير اسوالف اني اعرف الشعور الي تمرون بيه لانني اني هم متلكم مريت اب هاي التجربه المؤلمه وبالنهايه والحمد لله انقبلت وسافرت واني حاليا في فنلندا والحمد لله المولى الكريم فيااخواني اصبروا ولا تياسون ابدا مدام انتوا متوطنين لازم اتسافرون واني عندي اصدقاء اهواي من بعد ما انرفضوا من اميريكا اتوطنوا على كندا وسافروا الى كندا وان شاء الله تتحولون على كندا باسرع وقت يارب والله ولي التوفيق
-
السلام عليكم
اشكرك اخي على مرورك ونقل المعلومة والله يبشرك بالخير انشاء الله خير ويارب يسر على الجميع
-
سلام للجميع
طبعا انا بسوريا اول مرة اسمع انو اكو مرفوضين قدماء مثلكم والله يعين الجميع بس الارجو منكم لزعلون ترة كلهه قسمه ونصيب اني اكو ناس جوي وراية بسنه ونص وطلعوا لامريكا او ولا واحد فتح نت يحجي وياية والله يعلم اشكد وكفتلهم وحالين بس اريد اعرف الوضع اهناك شلونه يشجع مداعرف ناس تكول تعيس تعب بتعب وناس تكول مستقبل اريد اون لاين نحجي ماكو
اخواني تره بس الله واكفنة بالغربه صدكوني
-
مرحبا
اخي اسدبابل هذا نصيبنا با الحياة كل انسان ياخذ نصيبه دا ننتظر والله كريم,.. طبعا هاي بعض الاصدقاء ومع الاسف لاتستغرب منهم بس يوصلون بعد مايعرفون ناسهم واصدقائهم انت يا اخي توكل وروح وخليه على الله على الاقل روح جرب وشوف باعينك وعلى كلامك صدك بس الله واكفنه بالغربه ومن الله التوفيق
ام عسل
-
السم عليكم اخواني واخواتي
القصص كثير والاسباب الرقض من امريكا كثير
السؤال المهم هو
الى متى سنبقى على هذا الحال والى متى سيتم التوطين على دوله ثانيه هل هناك اي معلومات جديده
لان بصراحه بعد ما نتحمل
-
السلام عليكم
والله يا اخ حيدر كلنا على هذا الحال ماعدنا غير الانتظار والله حتى الانتظار مال من عدنا وماكو اي معلومات جديد بس على اساس الوفود راح تجي باشهر السابع ننتظر والله كريم ان شاء الله نسمع اخبار حلوه ومفرحه ومن الله التوفيق والسفر العاجل للجميع
تحياتي\ ام عسل
-
السلام عليكم
ياجماعة الخير ماااااااااااااااااكو اخبار جديده محد اجاه تلفون ولاسمع خبر جديد يمعودين بس فرحونه والله مانحسدكم الي يفرحكم يفرحنه لان احنه هنا بالمنتدى الجميل عائله وحده
-
السلام عليكم انشاء الله نسمع اخبار حلوة بهذا الشهر لان احنه ننتظره بفارغ الصبر والله يسر على الجميع وشنو نسمع نوصل للجميع حتى الكل يعرف الاخبار ونبشر خير
اخوكم مجرب الغربة :) :) :) :) :)