ankawa
منتدى الهجرة واللجوء => الهجرة و واللاجئين => الموضوع حرر بواسطة: ام يزن في 17:58 10/06/2010
-
السلام عليكم
كيف احوالكم جميعا انشاء الله تكونون بألف خير عندي سؤالين الاول صحيح الي دافع فدية شغلته تتأخر والثاني شلون ويه القسم اذا كان مو كل الحجي صحيح مو حرام نقسم لو نقسم والله كريم :o
-
اختي ام يزن بالنسبة لتاخير المعاملة اذا كانت بيها دفع فدية موشرط اختي اكو من تنرفض واكو من تتاخر واكو من تنقبل حتى لو كانت دفع فدية وحتى التاخير ما تتاخر اني اختي كانت دافعه فدية لابنها وسالوها من وين دفعت كالت اختي دزت من الخارج وعادي ماحجوا شي وهي هسى بامريكا وما تاخرت معاملتها ورى قيد الداراسة المهم بالنسبة للحلف اذا كان كلامك بعض منه مو صحيح وانتي حلفتي عود من ترجعين من الحلفان صلي واطلبي التوبه ;D من الله وهو يسامحج لانه يعرف حال العراقيين ;D مجبورين المهم اختي انشاءلله ربي يوفقكم
-
بسمه تعالى .
القسم باللة لدفع المكروه لابئس به سواء كان كذبا او صحيحا وخصوصا بالنسبة للمقدمين على IOM واللة اعلم .
مفتي منتديات عنكاوة . ;D ;D ;D ;D
-
اختي
اني كنت دافع فدية وقررت انه اذكر الحقيقة للمحلف لاسباب عديدة اهمها انه اني مااحب الكذب وكذلك هي مثبتة اقصد حادثة الخطف ودفع الفدية عند قوات التحالف بشكل رسمي .... طبعا الامور مشت بشكل جيد معي رغم تاخري لانني بقيت قيد الدراسة لمدة سبعة اشهر تقريبا
بالنسبة للقسم والله اختي اتريدين الصدك هو الكذب حرام والحلف على شيء مو صحيح حرام لكن الكذب جائز في حالات منها اصلاح العلاقة بين الاخرين او الكذب على الاعداء وهذا ليس مجال التفاصيل فانا اشوف انه الله جل جلاله اعلم بالنوايا والحرام انه اذا انتم اتخافون من البقاء في العراق انه تبقون حتى تتقتلون او تهجرون لاسامح الله ارجع واكول انما الاعمال بالنيات والله عز وجل اعلم بنيتكم
اخوك ابو سارة
-
بسم الله الرحمن الرحيم ( الذين اذا فعلوا فاحشة او ذكروا ذنوبهم استغفروا الله و من يغفر الذنوب غير الله)
(يا ايها الذين آمنوا لا تجعلوا الله عرضة لأيمانكم) (ربي أدخلني مدخل صدق و أخرجني مخرج صدق و أجعل لي من لدنك سلطانا نصيرا)
صدق الله العظيم
المهندس megalove
-
اختي اغلب الملفات الي قيد الدراسه بسبب الفديه
واكيد الحلف حرام واذا كذب فاكيد حرام وهذا شي بديهي
-
الاخت ام يزن انتى تردين تعرفين القسم اذا بية كذب حلال هذا السوال وجهية الى حجى راضى اللة يرحمة لمن لف ايدة من جان مكاتب الواجب وكذب ههههههههه هية ينرادلهة روحة للقاضى بيج خير وجذبى المهم يقتنع المحلف وعود بعدين دفعى كفارة ولو موجود عبد الغفار العباسى جان نطاج فتوى بلموضوع ههههههه خوما تزعلين اختى
-
تحية طيبة
اختي سالفة الفدية لا تذكروها احسن لئن المحلف ياخذهة بغير معنى وهم مو بكل الحالات بس على الاكثر تتأخر الموافقة الامنية وعلى كولت المثل (الباب اللي يجي منة ريح سدة واستريح) والقرار بقى يمج
وعلى سالفة القسم والله ما ادري فمااكدر افتي بيهة ;D ;D ;D
تقبلي مروري
-
وردة ابو مريومة صحيح راسم الجميلى اللة يرحمة جان شاد اصبعة واشكرك اخوية الورد
-
اشكد جلو من كل واحد يفسر و يحلل بكيفه .ههههههههه ..ماكو واحد ممكذب و ميكذب بس الحلف باسم الله على قول الحقيقة و الكذب حرام مع سبف الاصرار و الترصد هههههه .
اني تدرون اشراح اسوي....من اكمل الجملة الي اردده وراه راح اضيف من عندي فد فقره ويه الحلف لزك.. اكول (باجر) عود ثاني يوم اذا واحد سالني احجي الصدك ;D..
-
عراقي وكالوة احلف!!!!!!!!!!!!!!!!!!!!
مع أعتذاري لكل العراقيين الصادقين!!
-
الاخ العزيز احمد السلطان
رحمة الله على والديك
ذكرتني بحجي راضي الله يرحمة :D :D :D بس للتاريخ مو حجي راضي اللي لف ايده جان المرحوم راسم الجميلي بس اللي وزة حجي راضي وكله كول للمعلم هطرت ايدي بالجاكوج ومكدرت اسوي الواجب ههههههههههههه
وبخصوص العباسي
لمن احدى الخوات سالتة عن فتوى اطاعة الزوج بتحضير (المزة)الله يبعدنة ويبعدكم عنه
كال
هية خيارتين اثرميهن وجنج مسوية زلاطة وخلي الرجال يشوف دربه
;D ;D ;D ;D ;D ;D ;D ;D ;D ;D ;D ;D ;D ;D ;D
الاخت صاحبة الموضوع عذرا لخروجي عن الموضوع
اخوكم ابو مريومة
cairo
هههههههههههههههههههههههههههه
اجاج الصافي ام يزن
هنة خيارتين اثرميهن وهذا هو ههههههههههه
اختي هسة خلي ننفذ بجلدنا والله ارحم الراحمين :)
-
اختي ام يزن, ماكو داعي للكذب, احنا عدنا مخطوفين و كلنالهم دفعنة والحمد لله لحد هسة ماشية الشغلة وماكو اي سبب يخلي الواحد يكذب او يضم معلومة بهاذي الاهمية.
-
اخوان احنة لمن كللنة المحلف ارفع ايدك واحلف احنة بس رفعنة ايدنة وكلنة يس لا حلفلنة ولا هم يحزنون وثولناهه للشغلة سوينة نفسنة كلشي ما نفتهم بهاي الشغلة
تحياتي سواح
-
الف رحمة على روحك حجى راضى وراسم الجميلى كلة تريد تكذب اكذب تريد تترزززل ترزززل ههههههه
-
اخوان هي لا بالكذب ولا بالصدق اللجوء والموافقة على للجوء كلها قسمة بيد رب العالمين الله هو وحده الي يقسملك باي غرض تريده سوى للجوء او عمل او اي شي كان فاتركوها بيد رب العباد وهو موزع الارزاق بكل امور الحياة باللجوء بالمعيشة بالاولاد كلشي اذا ما عندنا نصيب بيه ما ناخذه لو انطبكت السماء على الارض ( ما ينولك الا نصيبك )
-
بصــــــــــــــــــــــــــــــــــــــــــــراحة
???
??? ???
??? ??? ???
??? ??? ??? ???
:o :o :o :o :o
مادري ;D ;D ;D ;D
بس انتي اذا الي راح تحجيه كله كذب فأكيد هاي مترهم لان تصير بليه ملح
واذا عندج فقره لو ثنين تريدين تلفلفيهن بنص القصه فيمكن بيهه مجال
والله اعلم.
بس سألي اهل العلم واكيد راح يجاوبوج
والله يرحم بحال كل مظلوم
-
اختي العزيزة ((( لا تدري نفس باي رض تموت يجوز تكذبين واصلا مو بسبب الفدية او غير شئ المهم فوتي بزودك واقري اية الكرسي 3 مرات وفوتي والله يسهلها عليك انشاء الله ؟
مثل اليوم ام المنظمة تكولشكد عمرك اكولها 35 تكولي وتبقى خمس سنين على ما تتوطن وتاحذ الجنسية صار عمرك 40 لويش مقدم؟ كولت الحمد الله والشكر هذا هم حظي فهيه يا اختي صايره على حجاية بيبتي صايره(((((دميسه)))) يعني مظلمة ودليلها الله
-
زين هو لازم واحد يحلف ؟؟؟ يعني ما ترهم يحلفلهم وحياة الاخوة ;D
اختي الكريمة اتمنالج الموفقية وتسهيل امركم انشالله
-
النجاة فى الصدق .......بس مو دائما
-
اختي ام يزن ..
مثل ما كالتلج الاخت انجي ..
من ترجعين استغفري الله وادفعي كفاره ;D ;D
ان الله غفور رحيم ..
اخوكم شمعة
-
على هذا حجيكم اني اكيد راح انرفض ههههههه اذا كذبت لانه ابد ابد ماادبرها بالكذب لا الكذب الابيض ولا الكذب الاسود ومن اكذب ايبين علية بسهولة وبسرعة انكشف وجهي يصير ترفكلايت واخربط بالحجي واتلعثم بس مع ذلك أشكر الله انه قصتي حقيقية ومتهدد ومتهجول ومتهجر ومتعرض الى اصابات جسدية اثناء الخدمة ولذلك ماراح اضطر الى الحلفان والحمدلله
-
السلام عليكم اخواتي واخواني
هذا الموضوع نازل صارله فترة..وكل مرة اريد ادخل وادلو بدلوي ((( حلوة ادلو بدلوي مو ؟؟..شكرا))) بس اتردد لأن اني لا مفتي ولا فيترجي ديني مثل ما يكول احد اخواننا المحترمين بس اليوم دخلت وشفت اجابات كثيرة وما تحملت...لازم ادلو بدلوي
احبابي...اريد اسال سؤال وياريت المتشددين دينيا (( مع فائق احترامي لهم )) يجاوبوني ... سؤالي هو
بالدين الأسلامي - الم يعطينا الله عز وجل بعض السماح في التعامل مع بعض الكبائر في حال الاضطرار وخصوصا الاضطرار بين الحياة والموت (( وخصوصا حالة الموت بدون قضية يعني ليس دفاعا عن الدين والعرض والمال وانما الموت غدرا )) ونحن نعلم انه لا يوجد انسان يترك حاله وماله ووطنه واهله اذا ما كانت حياته مهددة فعلا ؟؟؟
وماكو ترك....تحياتي
-
اخويه متوكل ...
راح اسميك (( ابو دلوي )) ;D ;D
عيوني ولو اني هم مثلك ( لا فيترجي ولا تنكجي ديني )) .. ولكن فعلا في الدين الاسلامي هناك جواز محدد في الكذب لحالات الضروره في الانقاذ من الموت ... ولا استطيع الحديث اكثر من ذلك لكي لا يخرج الموضوع عن طبيعته ويتحول الى موضوع (( فتاوى عينكاوا ) ;D ;D
اخوكم شمعة
-
اختي ام يزن ..
اكو حل واحد لهاي المشكله مال القسم ..
تشترين (( طلي )) وتنطيه لاخونه العزيز الغالي مفتي الديار والمستشار عكعك التطوي لان هوا واخونا عبسي جانو على كل استشاره ياخذون عليها (( طلي)) .. وما الج شغل بالباقي ... بس المهم الطلي يوصل ;D ;D ;D
-
السلام عليكم
تحياتي الحارة تضامنا مع اجواء بغداد
كلام اخي العاني هو الصح...وفعلا...بالرغم من صعوبة مقابلة المحلف لكن نجد الكثير منهم يحاول يساعد قدر الامكان طالما يلمس انه القضية اللي امامه والاشخاص اللي يقابلهم هم فعلا ما يشكلون اي تهديد بالاعتماد على خبرته....والنصيحة ايضا صحيحة لكن نقول مهما كان المحلف عنده انسانية وتعاطف فمراح يكون ارحم من رب العالمين....
حبيبي شمعه...ان شاءالله تكون دائما مضيء ومتألق واتمنالك التطور والترقي وتصير لاله...ههههه
عجبتك دلوي؟؟...قوية مو بالله؟؟.... :D :D :D...تحياتي اخي الغالي
-
مثل اليوم ام المنظمة تكولشكد عمرك اكولها 35 تكولي وتبقى خمس سنين على ما تتوطن وتاحذ الجنسية صار عمرك 40 لويش مقدم؟ كولت الحمد الله والشكر هذا هم حظي فهيه يا اختي صايره على حجاية بيبتي صايره(((((دميسه)))) يعني مظلمة ودليلها الله
اخوية الغالي ابو شهودة الوردة(نيرون) رحمة للفحمة شيل الرقم من اسمك ;D ;D ;D
شلونك عمي ان شاء الله مرتاح
وشنو يعني تاخذ الجنسية وانت عمرك 40 سنة؟؟؟؟
اني اعرف عمة صديقي راحت لاستراليا وعمره 68 سنة وكامت تدرس لغة بالمدرسة وية الزعاطيط يومية شايلة اللفكس وطالعة من الصبح
يابة وين رايحة ؟ للمدرسة
ومنين جاية ؟من المدرسة
شلون حجة للدياحة؟؟؟
طالما اكو امل فالحياة متتوقف(محدش يسالني انته جبت الكلام ده منين لان اني ما اعرف) ههههه
بس اني اشك بان ام المنظمة عده غير شغلة وياك فلهذا متريدك تسافر ;) ;) ;) ;) ;) ;) ;)
تقبلوا فائق اعتزازي وتقديري
اخوكم ابو مريومة
cairo
اخواني خواتي فكرو بأولادكم يعني الاعمار بيد الله و اربعين يعني بعدك شباب
والخمسين هوة الاربعين الجديد مثل ميكولون الامريكان (المتجنسين) ;D
بس الاهم انو اولادكم رح ياخذون الجنسية وتظمنولهم مستقبلهم, واذا بعدكم ممتزوجين انشاء الله من توصلون هناك وتتزوجون ولدكم رح يجون امريكان.
وعلمون منطلع عن الموضوع هواية, احد أأكد على حجايتي انو احنى كان عدنة مخطوف ومأثرت الحجاية على مقابلتنة.
-
خويه المتوكل .. ابو دلوي
اني صرت مولده خمسن كي في ;D ;D
اخوكم شمعة
-
اخي العزيز شمعه..الف مبروك الترقية.....الله يزيد كيفياتك حبيبي..وهاي هدية مني حتى لا تضل وحدك...
تحياتي ;D ;D ;D