ankawa
منتدى الهجرة واللجوء => الهجرة و واللاجئين => الموضوع حرر بواسطة: norge في 22:09 10/06/2010
-
السلام عليكم
بخصوص الفيزه مال سوريا الواحد لازم ياخذ فيزه مال سوريا من السفاره السوريه لو يكدر ياخذها من يوصل مطار دمشق وكم تكلف الفيزه ؟وشلون الواحد يدفع الفلوس بل مطار مع العلم اني مقيم في اوربا قبل سنتين
مع جزيل الشكر الكم اخواني
-
اعتقد من توصل لمطار تقدم على فيزا الدخول في حالة انت جاي من دولة اوربيه او من تحجز تذكرة ينطوك فيزا مع التذكرة حسب ما اعرف
-
اخوية العزيز انت باي دولة حتى نشوفلك موقع السفارة السورية اسألهم واستفسر منهم.
-
الشيء المتاكد منهة مية مية انه من توصل المطار تاخذ الفيزة لقاء مبلغ 50 دولار وهي لمدة شهر طبعا انتة يرادلك بخاشيش فد 30 دولار همين!!!
روح والهوة بضهرك!!!!
-
اخي العزيز انتة اذا بالعراق و بغداد تحديدا الفيزة تكدر تاخذها بطريقتين عن طريق السفارة او تروح لمكاتب بالمنصور و الافضل تروح لمكتب بالمنصور اسمى شركة ضيوف العربية طبعا سعر الفيزا هو 140 دولار مدفوعة اجور التاشيرة مال المطار او الحدود البرية و اذا تاخذها عن طريق السفارة فا سعرها 125 دولار
-
الاخ السائل في اوربا اخي العزيز ايهم.تقبل تحياتي
-
اذا تجي بجواز عراقي لازم تفيز بالسفارة و نفس الاجور يعني تدفع اجور دخول 50 دولار و مغادرة 50 دولار حتى اذا دخلت ترانزيت هم تدفع نفس المبلغ . شكرا للتوضيح اخت سرى
-
لا العفو اخي العزيز ايهم ومشكور عالرد.
وهم بينما يجي اخونا ويكولنا وين هو باوربا هذي التعليمات للي موجودين بالسويد وايضا لحملة الجوازات الاوربية المذكورة ادناه:
((الوثائق المطلوبة للحصول على سمة دخول إلى سورية
ملاحظة هامة
يمكن لحملة الجوازات النرويجية أو الفلندية أو الدانماركية وهم من أصل عربي الحصول على سمة دخول إلى سورية من المطار أو من المنافذ الحدودية الأخرى بمجرد إبراز وثائق تثبت جنسيتهم العربية الأصلية بما فيهم العراقين الذين يحملون الجنسية السويدية، النرويجية، الفنلندية والدانماركية .
رسم السمة على الجواز العراقي هو 370 كرون سويدي نقداً ويفضل ارسال المعاملة في البريد المضمون وليس المجيئ شخصياً، او الحصول على السمة من المنافذ الحدودية السورية.
أما حملة الجوازات الأجنبية فينطبق عليهم ماينطبق على مواطني الدولة التي يحملون جوازها.
ملاحظة هامة : يرجى الدفع نقداً
1. إملاء استمارة معلومات عدد 1 وتتضمن كافة المعلومات وذلك وفق (النموذج) او لتعبئة الاستمارة مباشرة
2. صورة شخصية ملونة عدد 1.
3. جواز السفر الأصلي صالح لمدة ستة أشهر على الأقل .
4. مغلف بريدي ملصق عليه الطوابع البريدية اللازمة ومسجل عليه عنوانكم لإعادة المعاملة إليكم بالبريد (بريد مسجل حصراً وليس عادي)وذلك لتجنب وقوع حوادث فقدان للجوازات .
ويجب على المقيمين في كل من النرويج، الدانمارك، وفلندا ارسال طوابع دولية عدد 9 تقريباً لجواز واحد و 12 لجوازين وهكذا.....(International Coupons) اضغط هنا لمشاهدة النموذج
دفع الرسوم المتوجبة نقداً ( يرجى الاطلاع على صفحة (الرسوم القنصلية).
5.تمنح السمة المتعددة في حالات خاصة.
6 ـ اما بالنسبة للمجموعات السياحية :
تمنح سمة الدخول الجماعية مجاناً للأجانب المسافرين للسياحة بما لا يقل عن عشرة أشخاص بموجب كتب صادرة عن مكاتب وشركات سياحية من البلد المقيمين فيه ممهورة بأختام هذه المكاتب كما يجب على المسافرين الدخول والخروج بشكل جماعي.
الوثائق المطلوبة للحصول على السمة الجماعية:
1-كتاب من المكتب أو الشركة السياحية التي نظمت الرحلة مذكور فيه عدد الأشخاص المسافرين وتاريخ دخولهم ومدة بقائهم في سوريا.
2-ملئ الإستمارة لكل شخص وفق (النموذج) او لتعبئة الاستمارة مباشرة
3-صورة شخصية عدد/1/
4-جوازات السفر
5-صورة عن جواز السفر لكل مسافر
6-ملئ استمارة الفيزا الجماعية وفق النموذج
7-مغلف عودة ملصق عليه الطوابع البريدية))
-
اخويه اكو طريقتين وحده منها مثل متفضل بيها صفاء من توصل مطار سوريا تروح
لكونتر مخصص للاجانب وتسوي فيزه دخول لشهر واحد لقاء 50 دولار والثانيه تروح للسفاره وتاخذ
فيزه لقاء 60 $ تقريبا
بالتوفيق
-
السلام عليكم اخواني
مشكورين هوايا وماقصرتوا في اجوبتكم الاخت انجي والاخت سرى والاخ صفاء الكرخي والاخ ايهم والاخ عكعك التطوي
بل نسبه للاخت سرى اني موجود بل نرويج وجوازي نرويجي يعني كبل اسافر ومن اوصل مطار دمشق يطوني دخوليه ؟ وهم علمود دفع الفلوس شلون لان سمعت قسم ناس يكولون لازم تخلي 50 دولار بل جواز وتنطي جوازك حتى ينطيك دخوليه بل مطار اكو هيجي شي ؟لو ادفعها بل كونتر مثل ما كالوا الاخوان وهم لازم ادفع بخاشيش بل مطار لان هذا الشي ممنوع هنا ب اوربا قصدي هاي الشغله عاديه بل مطار دمشق لان هاي اول مرة اسافر بيها الى سوريا ارجو ان توضحولي كل شي بهذا الخصوص
مشكورين يا اخواني متمنيا الكم الموفقيه
-
اذا جوازك نرويجي يعني ينطبق عليك الكلام اعلاه اللي اني ذاكرته بس شلون تدفع فلوس التأشيرة بالمطار هاي ما اعرف بيها اخوية العزيز بس انت اتصل بالسفارة شوف هذا الرابط
http://www.syrianembassy.se/Svenska/konsfragor.htm
وشوف المقطع التالي بيه
Holders of Danish, Finnish, or Norwegian passports have the option of obtaining their visa from Syrian borders on arrival, or send their applications and passports to the embassy in Stockholm to obtain their visa.
فانت بقت بكيفك اخي الكريم
ومن اللي شفته الظاهر ماكو سفارة لسوريا في النرويج بس سفارة سوريا في المانيا تقوم بمهامها وشوف هذا العنوان
سفارة الجمهورية العربية السورية في برلين
مفتاح المدينة والدولة : 004930
رقم هاتف السفارة :0-50177
رقم فاكس السفارة :311-50177
عنوان السفارة : Rauchstrasse25,10787Berlin
-Germany
الدول المرتبطة بمجال عمل البعثة: السويد- النرويج- دانمارك
وموفق ان شاء الله اخونا العزيز.
-
الاخت العزيزه سرى شكرا على المعلومات وارقام السفاره السوريه
تحياتي الك اختي العزيزه
-
اهلا بيك اخي العزيز الاخوة كلهم ما قصروا وان شاء الله تروح وترجع بالسلامة بس بلكي تكتبلنا عن تجربتك اذا ما بيها زحمة عليك حتى الكل واحنا منهم نستفيد موفق بإذن الله.
-
لا ابدا اي زحمه ماكوا بس ارتب اموري هنا وان شاء الله بل صيف رايح اذا الله راد
وهم لازم اصرف 100 دولار اسويها خرده دولارات علمود البخاشيش ;D
هاي شلون شغله وهم من اغادر سوريا والله خوش شغله هاي ;D
شكرا اخت سرى ما قصرتي و كذلك الاخوان الي ردوا عليه جميعا الف الف شكر
موفقين جميعا