ankawa
منتدى الهجرة واللجوء => الهجرة و واللاجئين => الموضوع حرر بواسطة: yamawwad في 21:54 11/06/2010
-
السلام عليكم
شلونكم اخواني الافاضل ان شاء الله اتكونون بالف خير
اني جديد بالمنتدى واريد المساعده والمشوره منكم
بالنسبه للعمل في الاردن شلون ؟ اريد اجي للاردن واقدم لجوء لكن اللي سمعته انه فترة اللجوء اتطول اشكد الله اعلم القصد لازم ادور على شغل , زين الا عندي اقامه يله اكدر احصل شغل ؟ لو يصير على الكارت مال الامم المتحده احصل شغل ؟
ياريت اتكتبولي كل التفاصيل وجزاكم الله عني الف خير مقدما
-
اخوية العزيز مو شرط عندك اقامة
هم اغلب العراقيين ما عدهم اقامة
بس ماراح تكون قانوني بس ترة الموضوع عادي و هم يعرفون هالشي
و الناس عايشة
اتوكل على الله
ومالة علاقة ورقة الحماية مال الامم المتحدة
هي بس تثبت انك طالب لجوء و ما يسفروك و عادي الناس متفهمة و هواية عراقيين ديشتغلون
-
و الله من خلال سفري للاردن اكدر اكولك اكو شغل و ما راح ادوخ ان شاء الله بس مو تكعد و تسكت لازم اتعب نفسك بس لازم من جوة ليجوة لان الاخوان الاردنيين من يدرون بيك ترا كبل بلا تفاهم خصوصا هاي الفترة ورقة الحماية تفيدك و الاحسن اول ما توصل لاردن تاخذها اخونا توكل على الله بس شوية بشغلة الشغل كون حذر يعني عمان شوية بيها تشدد لو تطلع خارج عمان احس شوية احسن
-
اخويه yamawwad العزيز اهلا بيك اولا وسهلا وبعدين توكل على الله يا اقامه انت تحجي عليهه محسوبك الله وكيلك نمت بعمان 5 سنوات والحمد لله اشتغلنه ورتبنه امورنه وقدمنه على اللاجوء والحمد لله هسه مسافرين . ولتخاف احد الاعضاء يكلك اشتغل جوة العباء اني اكلك اشتغل فوك السطح ولتخاف بس لسئ لا مخلوق انت تعيش
اخوك صقر وان
-
السلام عليكم .......... اهلا وسهلا بيك اخوي العزيز بين اخوانك ....... الدين النصيحة اريد اكلك شغلة ابعمان الشغل مو بس قليل لكن نادر خاصة في هذه الفترة ....... واذا عندك افلوس تصرف منة تكدر تجي .بس مال
تعتمد على الشغل اول ماتجي هاي السالفة صعبة جدا اوخلية اتولي .. بس اذا اخونا الصقر 1 يتعهدلك بل شغل هذا بحثا اخر ....... ??? ??? ???........ ارجع وكول الدين االنصيحة
-
عيني اغاتي ilkorabe ابو التعهدات على كيفك ويانه ؟؟؟ شنو تعهد خطي عندي الله يغفرلك اخويه
انته وين عايش ؟؟؟؟؟ بجزر القمر لو بهاواي ... لو ذيج الله يخليك ,, يعني بربك اريد اسئلك سؤال واحد واريد عندك الشجاعه بالرد مثل ما امتلكته ورديت ؟؟؟ يعني اكو 750 الف عراقي بعمان هذوله شيسون يركصون جوبي ؟؟؟ لو كولهم مليارديريه واني جنت مغفل بعمان ونايم .. شلون عايشين اذا ماكو الله يرزق العباد شنو قابل جنه بعمان ناكل حوووو الله يخليك .هاي داعيك عن مليون ونص بسوريا ذوله شنو عايشين بس على الهوى؟؟؟؟
اكو آية بالقران الكريم اتمنى تروح تقراها حتى يصير عندك ايمان بالله عز وجل (( وما تدري نفس ماذا تكسب غداً وما تدري نفس بأي أرض تموت))
الرزق والموت اخونه بس رب العالمين يكتبه مو انت وبدون استهزاء رجاء الله يوفقك اخويه
وهذا الرابط هديه مني الك وانشاء الله انت راح تتأكد بنفسك عن عدد المهاجرين العراقين http://www.ankawa.com/forum/index.php/topic,86249.0.html
صقر وان
-
اتفق ويا الصقر بس خليها صنطه مو فوك السطح لان الداير ميدايرك مو خوش
-
السلام للجميع .....
شباب على كيفكم ويه بعض الكل يريد مصلحة الكل اتمنى من الله الي يكدر يدبر شغله للاخ yamawwad ممنونين منه للي يكدر هو الاخ طالب شغل بلكي من اهل المروه يلكوله شغل اني بالنسبه الي راح اسعاله وان شاءالله خير بس انتضر من الاخ yamawwad شنو مؤهلاته شيعرف ميعرف شكد عمره واذا يحب على الخاص يدلل ما اوعد احد بشي لكن ان شاءالله وهمين الاخوه الموجودين يمكن يكدرون يساعدو ومن ناحيتي اهلا بيك اني بحدي اسكن تجي اول كم يوم يمي وعلى راسي
اخوكم
احمد الدوري
الاردن_عمان
-
عليك بتقوى الله ان كنت غافلا يا ْ تيك بالارزاق من حيث لاتدرى ... على بن ابى طالب عليه السلام وكرم الله وجه ورضى الله عنه
-
السلام عليكم
اخوتي الافاضل عااااااااااجز عن الشكر وجدا فرحان باجوبتكم
ممنون جدا وجزاكم الله عني الف خير
-
السلام عليكم ورحمة اللة ........ اني اشكر الاخ الصقر 1 على غيرتة وحميتة العالية للمساعدة ...اخوي المسالة مو قضية شجاعة ياوردة ياشجاع ..... اذا انتة صارلك خمسة سنوات اني صارلي 8 سنوات صح بلبداية كان اكو حركة بسوك بس هسة صارت شحيحة ...... ثانيا هذة الاحصائية قديمة
بعدين اني ماكلت ماكو شغل بس كلت في هذا الضرف نادر ولي يجي ومخلي بالة يعتمد الشغل راسا
راح يتاذة وكلت يحتاجلة مبلغ حتى ايمشي وضعة بي ...... اتمنى اكون غلطان ...... ;) ;)
-
خلي في بالك انه من تشتغل تكون انت تحت الاردني يعني أي مشكلة تواجهك بالعمل لازم تغلس لان اكو ناس بس تبلغ عليك دائرة الوافدين والاقامة تروح كبل للحدود وهنا لاامم ولا حتى أوباما أفيدك الا أذا عندك عرف ويه عراقي تشتغل والعراقي هو صاحب العمل بهاي الحالة توكل بالله
-
بالضبط مثل ما كال اخونة رافد كلامة صحيح مية المية
-
اخوية اني صارلي بعمان شهرين تقريبا ودا ادور على شغل و كل يوم جمعة وسبت افتح كل جرائد الاعلانات (الوسيط ، عرض وطلب... الخ) واقرا الوضائف الموجودة ورحت لعدة وضائف واول سؤال اسئلوه هو هل عند اقامة دائميا لو لا حتى وصلت المرحلة اليوم رحت لفد نادي رياضي كلي اريد اقامة.
فموضوع الشغل اني ما اكلك سهل هو صعب و بصعوبة تلكاه و بعد الرزق من الله.
بس كبداية لازم فد جم شهر تعتمد على الفلوس الى معاك .
مع الشكر
-
صحيح انو العمل مع العراقي افضل
بس مالها علاقه حتى لو كان اردني
اني اعمل مع اداره عراقيه لكن لكيت
اعمال مع الاردنين بس ماكدرت اعوف
شغلي ويه العراقيين علمود كم فلس
وخصوصا اني راح اسافر
بس المسئله هي
شتكدر تسوي؟ او ماهو اختصاصك وتكدر تفاوض بي موقصدي شهادتك
لانه هوايه اردنيين عدهم شهادات ونايمين
واذا قصدك اي شغله تريد فعندك المصري
مكفي و موفي
-
والله اعتقد انه عدد العراقيين في الاردن تناقص بشكل كبير جدا في السنوات الاخيرة هسه هذا الرقم 750 الف ترة رقم خيالي اني اكول مايتعدون المئة الف بالزايد 200لان الاردنيين شعب وسخ شي على شي والفلسطينيين اوسخ واحنا مجربيهم زين ومن زمان نعرفهم والله يساعد كل عراقي يعيش بالاردن
-
اخوية (يمعود) الشغل في الاردن حالة حال باقي الدول يوم زين ويوم شين ولكن مثل ما تفضلوا الاخوان قبلي لازم تحسب حساب الفترة بالبداية بين ما تلكى شغل لأن وراك اجار واكل وشرب ومواصلات وفواتير وايضاً البحث عن عمل ياخذ مصروف من طريق وتكسيات ومقابلات ...الخ
-
لماذا نخرب موضوع السائل بالشتم والسب يا ابطال الكي بورد وين المشرفين
اخوية السائل شغل اكو بالاردن لاكن لاتتوقع اول متجي ايخلوك مدير اشتغل اي شي وافتهم السوك لا تستنكف اهواية عراقيين يشتغلون وعايشين والشرطة غاطة الطرف عليهم
واذا تمكنت اتحصل اقامة وضعك يكون قانوني محد يكدر يحجي وياك
توجد منظمات انسانية تعاون العراقيين من تدريب على عمل وفتح دورات ويعطون راتب بالاضافة الى الشهادة واذا كنت متميز يساعدوك بالعمل
اثنين من اصدقائي استفادو من هذا البرنامج ويعملون حاليا في فندق الرويال عمال حدائق وحصلو على اقامة سنوية وراتب زين
تحياتي للكل ماعدا كوندة
-
السلام عليكم
اخي العزيز العمل موجود بس اذا انتا ادور شغل نفس اختصاصك يمكن راح تتعب بلحصول علية وانتا ماعرفنة شنو عملك حتى الواحد يقدر يساعدك حبيبي اذا تريد تشتغل اشغلك مع اصدقائي الي كنت اعمل معهم ناس يخافون الله ومايروح حقك والراتب زين الك بلبداية يعني تقدر ادبر امورك على ماربك يفرجها انا عملي فني ديكور واعمل هنا لي 8 سنوات بنفس العمل واذا اجيت للاردن راسلني على الخاص وراح اوصيهم عليك ونشاء الله يقدرني على عمل الخير للكل والكل هنا اخوانك انشاءالله
اخي العزيز الي يحجي على الشعب الاردني والفلسطيني شوف ماكو شعب بلعالم الى تلقي بية هاي الاشكال انا احجيلك عن نفسي مرة لزمونة عصابة بتركيا ورادو ياخذون كل الفلوس الي عدنة يعني قفاصة محترفين والله الي فزعنة باخر لحظة شباب من فلسطين هما داخلين بصورة رسمية وحنا غير شرعية هاذا الحجي 2001
والله مقوفهم رجولي بمعني الكلمة لزمو واحد مدوة بشارع وشرد انتا تعال شوف هاذا الشخص العراقي الموجود بعمان المشكلة انة عراقي اخ لو تدرون شيسوي يعني اليهودي اشرف منة اخوا اكو واحد يكسر اولاد بلدة اكو واحد يظيع اهلة هاذا الشخص عندة لاات وية جماعة واصلين بلاردن يعني ويكل الهم ونتم تعرفون شنو مصيرة بنهاية هاذا يروح يزور العراقيين بلبيت ويشوف منو جاي من غير جواز سفر ثاني يوم يكون هاذا الشخص بلمخابرات وراها ابعاد وسفر جماعة هواية من سحاب وهسة هوا سكن بلهاشمي الشمالي وقبل كم يوم سواله مشكلة هم وية جماعة يعني انسان حقير بمعني الكلمة انا ماريد اذكر هوا منين واسمة ودينة وهوا الة يوم هم يوقع ومحد يسمي علية
اخوكم جرح الزمن
-
اخ كونـــــــــــــــــــــــــــــــــــــــدا
انت ببغداد وتتكلم على الاردن ؟
ليش متجي لعمان وتكتب هذا الكلام؟
على الاساس العراقيين بيضوا وجه ببلدان المجاورة
خليها سكته ............. لو نفتح الموضوع شديسوون بالسويد لو امريكا لو بأوروبا
مع كل الاحترام للمحترم نفسة بدول الغربة اينما يكون
وكل الحب والتقدير لكل من يرفع رأس العراقيين باخلاقه واعماله
-
اخوان اشو بداية الموضوع عن العمل في الاردن وبعدها انحنى الموضوح منحى اخر ارجو التمسك بالوضوع الرئيسي و ترك السب والشتيمة على الغير يا اخ كوندا فالمثل يقول احترم تحترم.
ارجو من الاخوة عدم الدخول في مثل هذه المواضع لان هذا المنتدى قد فتح للاستفادة وليس للانتقاد من الاخرين
(و خلونا رحمة لواليديكم منتطرق الى هيجي مواضيع و نحافظ على نجاح هذا المنتدى الرائع)
-
يعني الله وكيلكم الواحد صار يخاف يسئل ويخاف يجاوب بهذا المنتدى مااعرف عبالك مافيات بعض الاعضاء
الاخ yamawwad سئل على عمل كفر يعني لو شنو والحمد لله ياهو الي تلزمه يصير مختار ويعرف كلشي بالدول .. وبعدين كندا اذا عندك تصفيات حسابات روح لعمان وصفي حسابك عيب هذا الحجي اذا عدكم مشاكل وي دوله او شخص افضل صفوها وياه وبدون كلمات نابيه عيب.
والشي الثاني وين الاخت انجي الاخ تايكر اشو مشفناهم حذفوا الموضوع وكالو هذا احذ منحى غير منحى المنتدى والموضوع .. اني اخاف ياخذ(( منحى 1000 دولار وبعد ميرجعهن؟؟؟
صكر وان