للخوة اضل مطلوب وما اوفي ديني
وما اعتقد وفيت لو انطي عيني
شرد اوصفك وانت وصفك مو سهل .. خاف اكلك انت ورده وما يجي وصفك عدل .. خاف اكلك انت ليل واني ادري الليل بعيونك كحل .. وخاف اكلك انت طير وتمشي عني وينكطع حبل الوصل .. واخاف اكلك انت ابويه وانت امي وبقى بعيونك طفل
مر بيه حلم خل منك اشبع شوف
يااجمل حلم صورته بعيوني
يلوموني عله حبك واحترك بيه
وازيد بحبي لك كلما يلوموني
اذا حبك نهر اتمنة اغرگ بيه
والغرگان نعرف يدخل الجنة
واذا لاسامح الله قسمتك بالنار
وحگ الله ورسولة لنارك اتعنة
تكتل حلاة البيك جفينة شرك خليت الاعمة يشوف من فلك طرك
شگد حاولت وياك وادعي الله يهديك
تالي طلعت بذات يا وسفتي عليك...
لاتزعل اذا رادو يطعنوك
مرات الطعن ينطيك مقدار
وصير انته بخور وخل يشعلوك
واترسهم عطر من تشتعل نار
غالي ومعزتك جبل ماتنشره وتنباع
وشوفتك شهدوعسل وبيك الوفه ماضاع
تغيرني بكلماتك
وتاخذني بنظراتك
الدنيا مالها اخر
من عيونك لضحكاتك
مهما تغيب الشمس نورك يضل عنوان.....
باجر وهسة وأمس تبقى أعز أنسان..
انه بسمك حبيبي اليوم طكيت
وسبع طلقات بالعذال طكيت
نفاخة فرح وبعيد طكيت
شمرت روحي على بيتك واهليه
انا بگاروك حبك وانته هزني
صرت فرصه بحياتك وانتهزني
انه شجره محبتك وانته هزني
وخلي الورد يتناثر عليه
ياهو الكالك بيك اني مجنون
او ياهو الكالك ماكو بمثالك
قبل لتروح خلي اتراهن وياك
من باجر احب عشرة ابدالك
حبيبي انشد عليك شصار ما صار
وغيرك للكلب مفتاح ما صار
ادور عليك بالبلدان وامصار
ولكيتك بالنبض دكات الية
الجمال البيك ما مثله جمال
وتدري منك غار بستان الورد
انت ربك نزلك جنة عله كَاع
وانتَ نازل ملك من جنة خلد
ومن تهز بچتفك الوادم تذوب
لن جمال البيك ماردهم مرد
انته ربك ميزك عن العباد
تطلع بتموز يكتلنة البرد
روح الروح للمحبوب شهدي
انا النحلة النحيلةوخلص شهدي
حرت للغالي غير الورد شهدي
الورد بس للورد يصلح هدية
صرت مرهون حبك ونت راهن
اوتعال وشوف هجرك ونت راهن
يجي يوم ان توجه ونتراهن
منو اكثر ايحب ويود خويه
مثل يوسف جمالك يهدم الحيل
لان ربك جمالك مازجه بخوف
وذا يوسف الشافه يذب الايدين
انته عيون يمك ذبت الشوف