ankawa
منتدى الهجرة واللجوء => الهجرة و واللاجئين => الموضوع حرر بواسطة: koka75 في 00:35 19/06/2010
-
اخواني واخواتي اني كملت مقابلة يوم 14 في شهر ال 6 وبانتضر الفيزا اذا الله سهل يرجى من كل واحد كمل مقابلة ودينتضر الفرج يكتب شوكت قابل ومن تطلع فيزتة بخير وسلامة هم ينطينة خبر في سبيل واحد يصبر الثاني على الانتضار ونشالله الفرج للجميع والموفقية للجميع
اخوووكم ابو محمود
-
اخوية ابو محمود بالخير المقابلة وان شاء الله الفيزا باسرع وقت
اني قبل كم يوم نزلت نفس موضوعك بس شو الاخوان كان جوابهم كلش غير متعاون شنو جماعة الاس اي في محد ديقابل لو شنو احنة انريد حتى لو ما مستلم الفيزا خلي يكول بس شوكت كانت مقابلتة والمحصل فيزا نباركلة والله يوفق الجميع
اخوك مقابل بنهاية الرابع ولحد الان قيد المراجعة الادارية
اخوك سواح
-
مشكوور اخي العزيز سواح ونشالله الموفقية والحصول عالفيزا باسرع وقت بس مدافتهم ليش ماكو ردود اذا علموضوعك او موضوعي يمكن الناس خايفة تنحسد اذا كالو شوكت قابلو وشكد واستلمو الفيزا \ بالموفقية للجميع
-
عمي ابو محمود يمكن اني ما كلتلك عالخير عالمقابلة وارجو ان تقبلهه مني هسه
اني مقابلتي بهالكم يوم الجاية واول ما ارجع راح اكتب تفاصيلهه هنا
بالمناسبة اكو مخرجة امريكية دتسوي فلم ببغداد وصارلي فترة يمهه وهرتني هري مقابلات وشغل وناوية تصورني بيوم المقابلة وبيوم السفر
بس لا تكولوووووووووون
اكو فد سؤال مهم
اللي يقابل هالايام ينطوه اي indication او اي تلميح عن شكد راح ينتضر الفيزا لو ما عنده غير الانتضار القلق؟؟؟
يعني معقولة الشخص اللي يقابله ما اله اي دور بتحديد موعد الفيزا؟؟ لو اله دور بس ما يكول حتى لو نحاول وياه؟؟
زين حسب خبرتكم
شكد نسبة الناس اللي تطول فيزتهم اقل من اسبوع ورة المقابلة وشكد نسبة اللي تطول شهور؟؟؟
-
عمي ابو محمود يمكن اني ما كلتلك عالخير عالمقابلة وارجو ان تقبلهه مني هسه
اني مقابلتي بهالكم يوم الجاية واول ما ارجع راح اكتب تفاصيلهه هنا
بالمناسبة اكو مخرجة امريكية دتسوي فلم ببغداد وصارلي فترة يمهه وهرتني هري مقابلات وشغل وناوية تصورني بيوم المقابلة وبيوم السفر
بس لا تكولوووووووووون
اكو فد سؤال مهم
اللي يقابل هالايام ينطوه اي indication او اي تلميح عن شكد راح ينتضر الفيزا لو ما عنده غير الانتضار القلق؟؟؟
يعني معقولة الشخص اللي يقابله ما اله اي دور بتحديد موعد الفيزا؟؟ لو اله دور بس ما يكول حتى لو نحاول وياه؟؟
زين حسب خبرتكم
شكد نسبة الناس اللي تطول فيزتهم اقل من اسبوع ورة المقابلة وشكد نسبة اللي تطول شهور؟؟؟
ان شاء الله تتوفق بالمقابله
واعتقد الي استلموا فيزا باسبوع عددهم قليل جدا
بالنسبه للشخص الي راح يقابلك بالتاكيد اله كل التاثير بس مراح يكلك اشكد اتطول بس ينطيك تلميح (( اذا ما خابرناك وره اسبوعين انت اتصل بينا على الايميل الموجود بالورقه
اني بالنسبه الي انتضرت شهرين ياله استلمت الفيزا
-
شكرااخي العزيز vincenzo اولا اتمنالك كل الخير وسهولة المقابلة انشالله اما بالنسبة للشخص الي راح يقابلك اني كل الي حسيتة او استنتجتة انه اهم شي تكون اوراقك كلها كاملة وتكوون اجاباتك هم كاملة وبدون تردد في سبيل متبقي الهم اي حجة اما شكد اطول الفيزا فهاي والله ماعرفها واني بالذات دانتضر على نار لاني عندي اقامة دائمية في بلغاريا وستنتهي يوم 29 بشهر التاسع ويجب ان اسافر الى بلغاريا قبل شهر الثامن لانه في واحد بشهر الثامن يصيرلي سنة من طالع من بلغاريا وعندها لا استطيع الدخول مرة ثانية لان القانون البلغاري يكول لازم اقل من سنة وادخل فلهذا خايف لاتتاخر الفيزا واضل بقلق هالنوبة لاحضت برجيلها ولااخذت سيد علي هالنوبة اضيع المشيتين لانه اقامة بلغاريا مو بسهولة حصلتها وبطلعان الروح والانتضار والصير وخصارة فلوس طبعا وبقت يم رب العالمين انشالله الموفقية للجميع
اخوووك ابو محمود
-
اخي ابو محمود ان شاء الله تحصل الفيزا باسرع وقت والله ما يضيع تعبك وتضيع المشيتين يا ربي تحصل المشيتين والله الوضعية ورا المقابلة كلش صعبة والحالة النفسية حيل تعتبانة والواحد متقيد ما يكدر كلشي يسوي والله يسهلهة على الجميع
ما عدنة بس الدعاء والله يفرجهه
اخوك سواح
-
ابو محمود فيزة امريكا صارت بالجيب بعد شتسوي ببلغاريا متكلي؟
حتى ااذا شوية تأخير فانت انشاء الله ضامنهه لان قابلت و او كي
-
مرحباً أخوان آني مقابل بيوم 23 بالشهر الخامس لكن بوكتهه كان عندي طفل وماعندي جوازه وجنسيته على العموم طلعتله الجنسية وترجمتهه والجواز ودزيتهن بيوم 15 بالشهر السادس (هذا الشهر) ودزيتلهم ايميل وكلولي الجماعة بأنهم أستلموهن وبعدني دا انتظر والله كريم.
-
حبيت اسلم عليكم اخوتي وان شاء الله ما يضيع تعبكم ويوم اللي تفرحونا بالفيزا.
-
شكرا اخي العزيز vincenzo وحجيك صحيح بس من حجيك اكتشفت انه الي يقابل معناها خلص مستلم الفيزا مستلمها انشالله فهل هذا الحجي صحيح يعني هل سامعين انه اكو احد قابل واوراقة كلها كاملة وجاوبهم علجميع الاسئلة مضبوط واجاه رفض لاسامح الله او لا لايوجد هيجي حالة رجائا ابلغوني وصحيح الفيزة والاقامة في امريكا احسن مليون مرة من اقامة بلغاريا ونشالله ربي يوفق الجميع ويسهل اموركم كلها
شكرا اخي العزيز سواح ونشالله ربي يوفقك ويسهل امورك
شكرا اخي صقر الجزيرة علمشاركتك وربي يسهلها بوجهك وتستلم الفيزا باسرع وقت
شكرا الى اختنا العزيزة سرى عالمتابعة اميرة المنتدى وربي يفتحها بوجهك وينطيج علكد نيتج وشكرا علمساعداتج التي لاتعد ولاتحصى ربي يحفضج ويسلمج
اخووووكم ابو محمود
-
صديقي اني هسه مقابل (يوم 23-6)
اولا اكو رفض بس واحد بالالف يمكن وبهالحالة تستلم الضرف من الدي اج ال بيه جوازات بدون فيزا و وياهه رسالة اعتذار
عندي سؤال
اول شي شو جماعتنه هنا غطوا فد غطة معقولة محد استلم شي ليهسه
بالمناسبة همه السفارة قبل لا يدزولك الفيزا يدزون ايميل بيه انه فيزتك صدرت فاحسب 3 ايام عمل وروح للدي اج ال وينطوك رقم التراكنك
سؤالي هو اللي قابلوا كلهم انطاهم اللي قابلهم كومة اوراق مستنسخة او مطبوعة و وياهه ورقة زغيرة هيه الريسيت مالة استلام الجوازات لو بس اني؟؟
زين اللي قابلكم هم قبل ما تخلصون كاللكم انه هاية الفيزا ببلاش وانه اذا واحد سألكم تجاوبوه انه ما دفعتوا عليهه ولا فلس؟؟
-
اخوية فنجز الف مبروك على المقابلة وان شاء الله تحصل الفيزا وتفرحنة مو مثل باقي الاخوان شو صايرين بس يحصلون الفيزا بعد لا حس ولا خبر عمي ترة ما نحسد والله طبعا مو الكل بس شو هاي الحالة كثرانة بالمنتدى مع الاسف
اتمنى الجميع يحصل على الفيزا
اخوية فنجز اكو واحد انرفض كدامك من الاس اي في ودزولة اعتذار لو بس تخمين
تحياتي
اخوك سواح
-
اولا السلام عليكم وثانيا اني مقابل بنهاية الرابع 2010 ولهسة ماكو شي. الله كريم.... هية تصفة
-
اخي العزيز اني نطاني اوراق هواية بس مانطاني الورقة الصغيرة الي تثبت اني مقابل او تثبت ان جوازي يمهم ولاكلي على سالفة انه الفيزا ابلاش والله خوفتني خاف اكو شي ترة جريت بووووشي
اخوووك ابو محمود بالموفقية للجميع
-
اخوية ابو محمود ان شاء الله ماكو شي لان اهواي من اخوتنة ما منطيهم هاي الورقة ان شاء الله ماكو مشكلة
اخوك سواح
-
شكرا اخوية سووواح وربي يطمنك ويريح قلبك مثل ماطمنتني وريحت قلبي ولو بعدني دالووب لا دانتضر علنار والله كريم نشالله الموفقية للجميع
اخووكم ابو محمود
-
معقولة احنا بس هالخمسة بهالموضوع اللي قابلنه ودننتضر فيزا؟؟ وين الباقين؟؟
ومعقولة محد استلم شي من بدأ الموضوع لليوم؟؟
حبيبي ابو السوح محد انرفض
وذكرت فوك انه ما اعتقد يصير الرفض (ان وجد) اثناء المقابلة لان قابل بالمقابلة تكافشنه وياهم!!!
ولا حتى سامع عن رفض بالاس اي في غير بس فد مرة واحد تعبان نزله موضوع بالمنتدى يكول دزولي للدي اج ال جوازاتي بلا فيزا و وياهه اعتذار
بس اني سامع انه ولد فد يوم انرفض لان جان بيشمركة وبنية هم انرفضت لان جانت بالاتحاد الوطني الكردستاني وهاي بالان في سي مو ورى المقابلة والجماعة بالان في سي ما محدثين سجلاتهم وبعدهم يعتبرون هاي الشغلات ارهابية!!! تصور؟؟
بس بعدين وكفلهم كولونيل ابو الطير وضل يتراسل وية الان في سي وفهمهم وهسه ثنينهم بامريكا
ومرة فد ولد من جماعة الجنرال انرفض وكتبت عنه الجرايد الامريكية من زمان ويمكن هسه قضيته انحلت لان جان عنده سجل جنائي ومسجون بزمن النظام لان بايك سيارة مالة عدي مدري شنو!!! فانته لاحظ انه حالات جدا متطرفة اللي تنرفض وكلهه قبل المقابلة اصلا
ابو محمود هاية كلهه شكليات ولا يهمك لا ورقة زغيرة ولا جبيرة
الله كريم
هسه متحسون اللا جايكم الايميل يهلهل بس رجاءا بلغونا هنا رأستا وفي التو
مو تغلسون ;D ;D
-
مساء الخير اخوان,
بصراحه اني مدخلت لان اتصور كلكم تعرفون قصتي الحزينه ;D ;D وهي دانتظر الفيزا صار اكثر من 10 اشهر
يعني ما احب اهبط معنوياتكم واخليكم تملون من الفيزا مثلي :D :D
بس انشاء الله تستلموها انتو عن قريب واني انشاء الله اذا استلمتها راح ابلغكم
يعني لا اخاف من حسد ولا شي..واتصور اكو الاخ الحافي ايضا مقابلته جانت بشهر ديسمبر الفات واتصور بعده
ممستلم الفيزا..
اخي Koka لتقلق بخصوص استلام الوصل الصغير من السفارة بعد المقابله لان مو كل الي قابلوا بالسفارة
استلموه..اكو ناس ما استلموا الوصل واستلموا الفيزا مالتهم بعد اسبوعين من المقابله يعني لتقلق وانشاء الله خير..
تحياتي للجميع
Linda
-
اختي لندا دزيتلج رسالة حتى افتهم شنو القصة ارجو ان تجاوبيني اقرب ما يمكن
-
اخوان اشلونكم جميعا ....
اتمنى ان تكونوا بالف خير ... اني ايضا قابلت يوم 22 في هذا الشهر وان شاء الله لنا وللجميع اللي قابلوا تجي الفيزا ...
شباب وشابات كول يالله ولاتياسوا اكيد الرب ماينسى احد والامل فيه كبير .
تحياتي
النسر الذهبي
-
شكرا اخي vincenzo وشكرا للاخت ليندا وشكرا للنسر الذهبي واتمنى شيصير وياكم تبلغونة اهنا اما بالنسبة للاخت ليندا فاعتقد انه تاخر الفيزا لمدة 10 اشهر شغلة موطبيعية وياريت لو تكتبلنة اذا اكو شي وياها يعني مثلا جان عدها نقص بالاوراق وكملتها او سالوها كم سؤال ومجاوبت عليه او اكو شي ثاني وياريت الي عنده معلومات اذا احب اسحب الجوازات واسافر واكلهم من تطلع التيجة دزولي ايميل علمود اجيبلكم الجوازات فهل هذا الشي رح ياثر علمعاملتي رجائا الي يعرف اي شي يبلغني لان اولا عندي اقامتي في بلغاريا راح تخلص ويجب ان اجددها ولحد يكول اني بطران لان صيف العراق مداتحمله لااني ولاالاطفال واريد اروح الى بلغاريا هم اجدد الاقامة وهم اخلص من صيف العراق يعني اكمعد اهناك وانتضر نتيجة الفيزا فهل هذا الاجراء ممكن اسويه لو لا مع العلم ان السفارة والان في سي يعرفون انه عندي اقامة في بلغاريا وباني حاصل على اللجوء هناك يعني مو اخاف اكلهم يعني يعرفون بحالتي فياريت الي يعرف شي عن هذا الموضوع يبلغني وشكرا جزيلا للكل والموفقية للجميع انشالله وبسرعة استلام الفيزا باذن الله
اخوووكم ابو محمود
-
اخوان صديقتي قابلت بالسفارة ببغداد يوم 16/6 اليوم استلمت ايميل يكول انو دزوا جوازها وية الفيزة بال DHL انشاء يوم نسمع اخبار هيجي عنكم اولا وبعدين احنا
Nadia
-
يالله الله يبشرج بخير اختنة العزيزة ناديا2004 ونشالله يوم الي تستلمين انتي وبقية الاعضاء واني هم طبعا بس مممكن نعرف انتي بيايوم قابلتي بالسفارة ونشالله خير
اخووكم ابو محمود
-
الى الاخ koka ولكل الاخوة والاخوات,
بالنسبه لمقابلتي بالسفارة اني كان عندي نقص باحد الاوراق ودزيتها الهم بعد شهر من المقابله اني ايضا جنت مقدمه على البرنامج القديم مال الجنرال بس تاخرت المعامله بالnvc فقدمت على البرنامج الجديد واتصور هذا جان احد الاسباب اللي اخر الفيزا مالتي ايضا اضافه الى انه اني مسافرة خارج العراق هوايه بس مباقيه اكثر من 6 اشهر...بس الفيزا مالتي جان المفروض تنطبع بعد اربعة اشهر من المقابله مالتي وما اكدر اكللكم اشلون عرفت ::) ::) بس المهم انه صارتلي مشكله ويه احد الاشخاص الامريكان المسؤلين عن السكريننك وصارت الكيس مالتي Pending تقريبا شهرين وهسه بالجديد دخلت مراجعه اداريه صار تقريبا اربعة او خمسة شهور وبعدني دانتظر الفيزا والله كريم ...
اخي كوكا بالنسبه لسؤالك عن السفر خارج العراق اني دزيت ايميل مسبقا للسفارة اسئلهم بيه عن سحب الجواز مالتي لان اريد اسافر الى ان تخلص الفيزا ويتصلون بيه علمود ادزلهم الجواز من جديد وما كان عندهم اي مانع يعني هذا الشي ميأثر على الفيزا مالتك اسحب جوازك وسافر بالسلامه واذا تخلص معاملتك راح يتصلون بيك علمود ادزلهم الجواز عن طريق dhlويخلون الفيزا بيه ..
انشاء الله تستلم الفيزا عن قريب...
تحياتي
Linda
-
اخي koka
اني حبيت افرحكم ولذلك كتبت عن الكيس مال صديقتي، اني بعدني دانتظر الكوم ابروفال :'(
-
شكرا اختنا العزيزة ليندا عالتوضيح وشكرا للاخت ناديا وصدك صدك فرحتينة ونكول نشالله حضنة يصير مثل حض صديقتج وربي يوفق الجميع
اخوووكم ابو محمود
-
شكرا للاخت Linda1 ونشالله ربي تسلمين الفيزا باسرع وقت وتبشرينة علمود نفرح ووياج تحياتي للجميع
اخووكم ابو محمود
-
http://www.ankawa.com/forum/index.php/topic,424132.0.html
-
مرووووووووووك لاخونا vincenzo استلام الفيزا بوقت قياسي وهوة 3 ايام ونشالله ربي يوفقه ويفتحها بوجه ويوفق جميع الاعضاء والحمدالى الله هاذا واحد خلصنة منة من المقابلين والدينتضرون لفيزا ونشالله كل واحد يدخل موضوعي هذا يحصل الفيزا بوقت قياسي مثل اخونة العزيز بالتوفيق للجميع والسفر باقرب وقت
اخووكم ابو محمود
-
شباب دزيت رسالة الى السفارة للاستفسار عن الفيزا فاجاني الايميل التالي والي افتهمته من الايميل وحسب انكليزيتي انه معاملتي دخلت بالمراجعة النهائية وديكولولي يجب ان تكون صبورا وهية تاخذ بعض الوقت وسيبلغنوي برسالة عالايميل بالنتيجة-- ارائكم شباب وشنو الي افتهمتو -يعني الي افتهمته صحيح لو لا
اخوووكم ابو محمود
Dear Mr. abo mahmood;
You case is undergoing final administrative processing, we working toward completing the process. Whenever we get to the final step, we will notify you by email. please be patient, it takes a while. Thanks .
Regards;
Immigrant Visa Unit
Consular Section, Baghdad
-
اي اخوية ابو محمود اللي افتهمته صحيح بس محد يعرف شكد المدة ان شاء الله خير ويارب يوم استلامكم الفيزا وسفركم.
-
شكرا اختي سرى ونشالله الموفقية للجميع وسرعة استلام الفيزا والسفر باذن الله
اخووكم ابو محمود
-
اخي كوكا ... اني قبل شهرين جاوبوني نفس الجواب وكل قبض ماكو ... ما اريد اهبط معنوياتك لان صارت بديهيه انه كل قضيه الهه ظروفهه الخاصه واطمأن انشالله اتحصلهه هالايام وانريدك اتبشرنه والله يسهلله عليك انت والاخت ليندا وكل من دا ينتظر ...
حافي
-
السلام عيكم اخون ادري هذا الموضوع كلش عتيك بس حبيت اجدده واعرف وين وصلو الجماعة هنا طلعتلهم الفيزا لو لا لان مداشوف اخبارهم بالمنتدى وحبيت ادعو كل الي قابلو ودينتظرون الفيزا ان يشاركون ويكولونه شكد انتظروا واستلموهاا
اني قابلت يوم 21-9-2010 وكلولي it will take alittlebit process ودانتظر والله كريم فيا اخوان احجولنه شديصير وياكم
تحياتي ويارب يسهل على الجميع
-
يابة يا قديم يمعود لا تكبرنه ترة بعدنه شباب اني واخوك كوكا وهذاك اليوم استلمنا فيزاتنه واجينا هنا لامريكا
الوحيد اللي ليهسه ما مستلم هو اختنا لندا وهيه عدهه غير سالفة مو مثلنه وانشاء الله تنحل باقرب وقت
-
آني قابلت يوم 16/11 ولازم ادز الترجمة مال الوثائق بالدي اج ال , لأن الترجمة الي وديتهه ماقبلوهه :(