ankawa
منتدى الهجرة واللجوء => الهجرة و واللاجئين => الموضوع حرر بواسطة: سامي مصر في 09:46 19/06/2010
-
مرحبا اخواني في هذا المنتدى الراقي .
اخواني ممكن احد يعرف شنو اجراءات عقد الزواج في مصر وين بالضبط بيا محكمة وشنو الاوراق اللي يطلبوها, بصراحه اني عندي كرين كارت وترفل دوكيومنت وعندي جواز عراقي نوع اس منتهيه المده مالته وخطيبتي عدهه البطاقة الصفرة مال اليوان وجوازهه منتهيه المدة من نوع اس بهيجي حاله يعترفون بالترفل دوكيومنت كوثيقة لعقد الزواج في مصر والبطاقه الصفرة مال اليوان ,اتمنى من اخواني يساعدوني بالاجابة وخصوصا الاخت انجي وجماعة مصر والف شكر .
اخوكم سامي
-
اخي وابني سامي المحترم اولا الف الف الف مبروك وعقبال البنين والبنات وشايف كل الخير بحياتك الجديدة
1-المحكمة اسمه محكمة الاجانب الطابق السابع وصايرة بصف وزارة العدل المنطقة اسمه الازوغلي تقريبا وسط البلد نصيحة لا تروحون بالسيارة الخاصة لانه الباركنك كلش صعب اذا انت باكتوبر يركوبون لرمسيس وتكسي 5 جنيه يوصلون واذا بمدينة نصر نفس الشي0
2-انصحك من تجي لمصر تجدد الجواز الاس بالسفارة ميطول ان شاء الله بنفس اليوم وتعقد بي ونفس الشي بالنسبة لخطيبتك هم تجدد الجواز اس بالسفارة العراقية بالمهندسن ميدان الثورة0
3-وية متجددون الجوازات تاخذون تايد من السفارة لمحكمة الاجانبوايضا بنفس اللحظة لانه السفارة فارغة الناس طلعت من ام الدنيا هههههههههههههههههه 0
4اقرب مستشفى حكومي على بيت خطيبتك اجيب ورقة الك والها مال صحة لغرض الزواج0
5-بالنسبة للرسوم ياخذوه نسبة على المتفدم وفد شي بسيط جدا بس ماكو بالعقد كيلو ذهب لو ما ادري شنو بالجنيه المصري 0
6- تحظر شهود اثنين واذا ماكو خابرني اني اجي اشهدلك حبيبي واذا ماكو ترة موجودين بالصالة مال الانتظار الشاهد ياخذ 10 جنيهات وشتريد يشهدلك بس انت تامر ياباشا العرائيين اكدع ناس ( المقولة التاريخية) 0
7- اني اسف اذا نسيت شي بس اذا ازدحام اكو ابو الجاي انطي 10 جنيهات يخليك اوراقك اول الناس وتمنيات بالسعادة 0
اخوك وابوك
حسوسة من مصر
-
السلام عليكم
يابة واني هم الشاهد الثاني لايشل هم بس خاربني وتدلل ونجيك اني وعمي حسوسة
وحتى جيبلك وياية لفتين طعمية ولفة فول هاي هدية الزواج ;D ;D ;Dومبرووك مقدمااا
ان مع العسر يسرا
robin - Cairo
-
يابة شتريد بعد حتى الاكل وصل من اخونة العزيز روبن واذا تريد ترة الهلاهل والمزيقة هم موجودة والجكليت علية بس جيب العروسة وتعال وليدي لاانه اني ابني الجبير انقتل بالعراق بالعنف الطائفي واريد افرح باي شاب واعتبرة بمكان ابني الي راح
اخوكم حسوسة من مصر
-
السلام عليكم
عمي حسوسة ان شاءالله شهيد وبالجنة وكلنا خسرنا هواية احباب اني والدي هم نطاك عمرة وخالي والسبب
علمود كضو عمرهم بخدمة البلد والدفاع عن ترابة ان لله وانا الية راجعون
يابة وهم وياها عبوة كشري بس مو مفخخة هههههههه والرقاصة اذا مو فيفي عبدة فلا اجيب غيرها ;) ;)
ان مع العسر يسرا
robin - Cairo
-
الله يحفظك روبن حبيبي واحد شيسوي الله يصبرنة وياكم
بس اكلك اني وياك نازلين هاي باط هاي بيط والعريس ماكو
اخوك ان شاء الله المخلص
حسوسة من مصر
-
اخويه الجبير وابويه حسوسه المحترم.
الله ينطيك الصبر على ابنك الشهيد وانشاء الله بجنة الخلد واني بمكانه شتريد اني حاضر, وانشاء الله اول المدعوين انت وماقصرت بالرد على استفساري والمعلومات القيمة والله يسهل وتكون انت الشااهد على عقد زواجي ولوفيفي عبدة لو ملازم مثل متكول.
واشكر اخوية روبن هود اللي مقصر ويايه هم وعزيمته الحلوة الطعميه والكشري والمزيقة والهلاهل.
انتو اهلي ياطيبين صدك لو كالو العرقيين ا كدع ناس.
اسف على تاخير الرد لان مكدرت ادخل المنتدى الاسويت سامي مصر2 يالة كدرت وشكرا .
اخوكم سامي
-
الف الف مبروك مقدما وياريت تعزموني ههههههههه خالي روبن هود شنو هل بخل طعمية ووفول مو اسمك روبن هود ههههههههههه يابة اني اجيبلك جدر هبيط لحم غنم هرفي على عناد روبن هود
-
شكرا ابني سامي على شعورك وان شاء موفق وبعد شتريد صارت هبيط وية الطعمية لانه الظاهر مو بس زواجك رح يصير تصاهر بالحطارات الفرعونية الفول والطعمية والبابلية والسومرية بالهبيط والتشريب ودشهونة
ترة رح تصير مشكلة وية النسوان من ورة المنتدى والتشهي مال الاكل
اخوكم حسوسة
-
اخوية موفق هوة بقة روبن بهل الزلك اذا اني روبن ذولة فراعة مولاي وانتة بعد ادرة لعد اشلون لازم اوكلة من اكل البلد على الاقل متئكد منة باكلة مو يكلي لحم ضاني وبعدين يطلع لحم حمير ههههههه وقابل لحم بغداد مثل لحم الفراعنة على الاقل من اروح لكصاب ابغداد كدام عيني الذبيحة اهنا بمصر لو حتى يكلي هذا ضاني اكلة احلف بالمصحف وهم ماصدكة هههههه وهم يدلل اودية لمطعم المذاق الي بمدينة نصر بالحي السابع بعد هذا عظماوي ومن ربعنا ثقة ثقة ;D ;D
ان مع العسر يسرا
robin - Cairo