الى كل اعضاء الموقع الحبيب عينكاوا... تحية و سلام.
ارجو منكم مساعدتي... و قضيتي كالآتي:
قدمت طلب لل (IOM) سنة 2008, بداية سنة 2009 سويت كل المقابلات و الفحص الطبي وطبعات و الصورة و مقابلة محلفين نهائية و كلشي و كلاشي...
و ظلينه ننتظر الجواب (أني و الكروب اللي قابلو كلهم).......
و بعدين وصلتنه رسالة بالبريد الألكتروني (بعد أنتهاء مقابلة المحلفين مباشرة في شهر أبريل) لكل واحد من الكروب.. تحمل نفس الرد..
و الرساله بيهه وثيقة PDF من دائرة الهجرة الأمريكية و موقعة منهم مباشرة, تقول ما معناه (للكل) أن القضية تم تأجيلها (لكن لم ترفض) لغرض أجراء مراجعة لعملية التوطين بشكل أفضل (للشخص أو العائلة) في الولايات المتحدة, و الرجاء الأنتظار حتى يتم الأتصال لتحديد موعد السفر و ممنوع التأجيل أما متى سيتم الأتصال لتحديد موعد السفر فهذا غير محدد كما تقول الرسالة وقد تستغرق مدة زمنية طويلة 0يعني يجوز سنة ضوئية).
و بالمناسبة كلنة استلمنة نفس الرسالة سواء أفراد أو عوائل..
وضلينة نتخابر أحنة كم واحد من الكروب و محد أجاة جواب ابد.. لكن أتصلو بواحد و سافر فورا في شهر فبراير 2010.
و بالمناسبة, أحد اصدقائي.. قضيته تافهه هوه و زوجته.. و قدم عالIOM شهر الخامس و سافر شهر العاشر... شوف البخت.. و وراهه ما عجبتة الحياة فرجع!!!
ارجوكم.. ساعدوني .... والله دا أتمزق من القلق يومية... قضيتي انرفضت...انقبلت..شنو السالفة؟
بالمناسبة اتصلت بمكتب عمان لفونيا فأجابوني بان الملف مالتي بمكتب بغداد,, و الحجي كان من ورة خشمهم!!
ارجوكم ساعدوني... لمن عنده معلومه... حتى اروح انتحر و اخلص روحي... لو اشوفلي درب على غير مكان.. لو شو شلون... ارجوكم.
المعذب الى الأبد.
شكرا لكل الأعضاء في النتدى الذين أجابو على موضوعي......
شكرا لكم...
لا أملك غير الصبر.... و الله كريم
تحياتي لكم.