ankawa
منتدى الهجرة واللجوء => الهجرة و واللاجئين => الموضوع حرر بواسطة: vincenzo في 15:57 20/06/2010
-
اول فشل انه اضطريت ادفع المية وسبعين دولار مالة الفحص وجنت محضر ادوات مال بجي فد 6 اشهر بس من شفت الموضفة التستلم الفلوس لغيت كل مشاريع البجي عالفلوس
بالحقيقة والواقع فد خلقة مو طبيعية وشوفتهه تسوة ملايين ولذلك اني اشجع كل الشباب (الغير متزوجين لان المنزوجين هاية الشغلة احتمال تسويلهم مشاكل) ان يقدمون اس اي في ويمرون بكل المراحل والكوم ابروفال وكلشي وكلاشي مو حتى يهاجرون لامريكا لو فد شي بس حتى يشوفوهه لان شوفتهه تسوة انتضار عشرين سنة بالمعاملة
هيه جنسيتهه ما اعتقد امريكية بس مدري من يا عرب
الفشل الثاني انه لا صارحتهه ولا ذبيتلهه الرقم ولا انتضرتهه بباب العيادة لو بباب الخضراء حتى الحكهه مثل السبعينات
شوفو اخوكم شكد فاشل وما بيه خير
وبعد ما دوختكم بالفشل مالتي اللي عنده اي سؤال عالفحص بوامار اني حاظر بس رجاءا لا تسألوني عليهه لان رأسا يهيج القولون ويمكن راح ابطل ما اسافر من وراهه
بالمناسبة مقابلتي بالسفارة بعد كم يوم (اقل من اسبوع) ووازيت نفسي كلش عالفحص لان جنت مقهور عالفلوس واصلا الموعد اللي انطونياه اول مرة جان قبل 3 ايام بثمانية الصبح بس وصلت بالدعش وما قبلوا يدزولي اسكورت لاخ فاجلوني عاليوم الوراه
ليش تأخرت لان ضلين متردد ليش دا ادفع كل هالفلوس وابجي
بس لا بيوم السفارة هم اضل متردد واتأخر لان والله متعاجز من الروحة لامريكا
هنا....هنا!!!
بس الجماعة اللي رايح يمهم بنيو جيرسي شجعوني اليوم وذكروني من تطفه الكهرباء الضهر والحرارة تعبر الخمسين والواحد يكوم راسه يوجعه من الحر وكالتلي بس تعال وراح اخلي غرفة نومك شبابيكهه مثلجة من التبريد اللي ابد ما يطفه
شتكولون اروح لو ما اروح؟؟؟
-
لاتروح
-
لا تروح
-
منو يريد الفيزا اذا استلمتهه؟؟
-
لا لا لتروح, يمعود أمريكا شنو, أكو واحد يعوف العراق العظيم.
-
لا حبيبي النقيب
اني اذا ما اروح فمو بسبب مقارنة امريكا والعراق
وانما من ورة هاي البلوة ام الفلوس الشفتهه
-
لو اني بمكانك ازوج (العداده ) واكعد بالبيت ياسفر........ يابطيخ
-
هههههههه
والله خوش نصيحة
وخوب هيه ام الفلوس بعد
لك عيني عكك لو تشوفهه غير؟ والله تعوف ام الدنيا وابو الدنيا وحتى خالاتهه وتجي تكابلهه وتكعد
اني هسه بمرحلة ادور شيوخ معتورين من ذولة العكلهم تايرات 18 حتى يخبطولياهه
عمي يا شيكاكو يا نيو جيرسي
هيه يمكن لو بريطانية لو استرالية من طريقة حجيهه
بس اريد اعرف من يا عشيرة حتى عمامنه "يطيحون" على عمامهم بس ما اعرف من شكد ارتغاع
-
عمي والله صعدت عندي السكر عبالي صدك اكول فشل الله لايكولها
الف مبروك المقابلة وان شاء الله الفيزة عن قريب وتكتب النا تكول باركولي وينقل موضوعك للدردشة
عمي بخصوص الموظفة
شلون ادفع الغرامة مال كسر الاقامة مال ماليزيا وارجع اقدم اس اي في من بغداد ؟شتكول عمي انه حاير انصحني
ابوالحسن - ماليزيا العظمى
-
اذا عندك مشكله مع الكهرباء اشتريلك فد مولده ام 30 امبير
وسبلت ابو 1 طن وخليلك راتب شهري للكاز والعطلات ونام رغــد
.........
ولتروح لاميركا ظل عيد الفحص واتفرج على هاي الحلوه ام شعر الذهب
-
هاي شالك بيهه عمي ابو حسن
هسه انته متكتر بماليزيا شجابك هنا تنافسني على ال"مرة"
غير حتى هنا نتكافش اني وياك مكافش وتصير بالجيلات
راح ادزلك صورة "صخريتي" عالخاص حتى تبدل ;D ;D
-
حبيبي عموري يعني شنو مضرب عن الطعام؟؟؟ يعني تدفر الماعون يلله تاكل البيه؟؟
وطبعا هية فعلا شكرة وموووووو طبيعية
-
اصدقائي
واحنا كاعدين بالعيادة
ناقشنا (اني وباقي المراجعين- اللي همه بالحقيقة بس 2 دكتور بكد ابوية وزوجته) شلون عيادة وامار احسن من غيرهه وطلعنه بالاتي:
1- سعرهه اقل (170 للجبير و85 للزغير-بالدولار)
2- همه يودون نتائجك للسفارة وانت لاتدوخ بيهه
3- وهو الاهم-لان جديدة نسبيا فشبه فارغة وهمه فاتحيهه بس لغرض فحوصات الهجرة لامريكا
يعني اسرع واكثر امانا
4- ميحتاج تجيبلهم اي صك من اي بنك وانما هيه هاية البلوة تدفعلهه دولار وتكللهه شكرا لان خليتيني اشوفج وحياتي كلهه طلعت عدم قبل ما اشوفج وانته الممنون
5- مو بالخضراء وانما بالجادرية وتنتضر اسكورتهه ببحيرة الجادرية
يعني لا كرادة ولا سيدية...خاف واحد يكول اني سني لو شيعي لو ما اروح مدري وين...يعني مكانهه عام ومحايد
-
هي النتائج اصلا هم يودوها احنا بالشفاء فحصنا وهم يودون النتائج للسفارة ما ينطوها باليد. وهمزين من رحنا بيومها هم كانت فارغة.مبروك ويوم استلام الفيزا.
-
فنجز راحت عليك بس استلم كوم اله ارروح اصارحه فرصتك راحت و انوووب بريطانيه اويلي مبروك اخويه وانشاء الله يسهل مقابله وتستلم فيزه و تنطيه الي شسوي باامريكا يمعود كهرباء هناك ماكووو ;D ;D ;D ;D
ARMY STRONG
-
اني اكول روح ولمن توصل لنقطة الدخول شك الجواز مالتك راساً واطلب لجوء
-
اهلا اخي vincenzo
مو اتصور كان عدنا ردود بالموضوع على فرنسا والمكسيك واللاعبين السود؟
ما اعرف وين صارن لو هذا غير موضوع واني متوهم؟
تحياتي
-
عيني فنزينو هية تشيه ياهو من هذني رحمة لبوك؟؟؟
-
عيني فنزينو هية تشيه ياهو من هذني رحمة لبوك؟؟؟
-
مبروك حبيبي الورده وانشالله يوم السفر وتعال هنا بامريكا هوااااي حلواااات اذا تريد اخطبلك وحده ;D ;D
بس احسب حسابك غسيل المواعين عليك لان الامريكيات يحبون الرجال الي يشتغل بالبيت عنهم
-
صديقي ابو الصوف
هذني كلهن وكل عشايرهن يروحن فدوة الهه ههههههه
روح انته لالاسكا بعد راحت عليك لان ابو الاي او ام اصلا من راس العكد مال العيادة واكفيلة شقاوات المنطقة يكولولة اشطح حبيبي روح العب بعيد
حبيبي ابو خالد
ميلحكنهه وداعتك
ليش اني مو مشتغل وعايش وية مئات اذا مو الاف الامريكيات والامريكيين
هاية مدري شنو القالب والخامة مالتهه هههههه
اويلي علية شورطني وفحصت لو اصلا قدمت اس اي في ;D ;D ;D
-
السلام عليكم
متكلي هاي شطلعت وياك .... هاي مع احترماتي الك البنيه امسويه بيك شئ ... احنا ابونا شايفيه بعينه وانت حاير بالبنيه وااله عندك كلب جبير . ثانيا اكلك همه ذوله كاتلين نفسهم على الزواج اتوكل على الله وكوللها واني مستعد اروح وياك خطابه وبالخدمه .... اسف على الميانه الي ذبيتها وياك ... انت اخويه
ابو ماجد
-
vincenzo
اكلك اني هم سويت فحص طبي بعيادة وامار وهم شفت هاي البنية الي اخذت الفلوس بس ما شفتهة حلوة ويمكن لسببين :
اولا لان اخذت 510 دولار مال اربعة اشخاص اني وزجتي واطفال 2
ثانيا لان يمكن ام دعاء جانت ويايه ;D ;D ;D
داعيك ابو دعاء
-
ابو ماجد عزيزي اني جدا اشكرك على استعدادك لجمع راسين بالحلال وهاي ترة جبيرة عند الله
واني ترة هم روووووووووحي طالعة لان الوضعية بالعراق قاتلة ما اعرف انت وين هسه
ولذلك داتشاقة واحشش من القهر
اضربلك مثلين اولا سيارتي دا ابيعهه تحضيرا للفلته فكلت ارتب كشرهه واصرف على تبريدهه حتى تصير توب (يعني اصرفلي كم ورقة حتى تصير بيهه شوفة وتنباع بسرعة وبسعر زين) واذا فجعتا تطفة وبعد ما تشتغل وكام المجول وحساس الكرنك وحساس الاوكسجين وحتى السلف والبنكة هههه وجان يستلموني مجموعة قفاصة خسروني كونية فلوس يلله استعدلت فراح مشروع التبريد والضهر من اصعدهه والحرارة فوك الخمسين كلشي يجوي والثانية حتى اذا تجيني وطنية الضهرية فهم المكيف العندي اللي شبه مبيوع يزعل علية من 11 الضهر لل5 العصر يومية واني كاعد طابق سابع يم الله هههه
واخذ راحتك بالميانة وحياك الله
حبيبي البسيط
اولا انت متزوج ومتكدر حتى ترفع راسك وتباوعهه زين
وثانيا وانت كلتهه اني سنكل ففرق الفلوس يأثر عالمشاعر ههههه
ويمكن بومنه جانت لابسة لبس كلله وسائل ايضاح بينما بيومكم يجوز جانت لابسة بوشية وقبوط لان باردة جوة
-
vincenzo
على ذكر البرودة شفتهة شلون مثلجة جوة لعد ليش السبالت مالتنة متشتغل مثل ملاتهم ??? ??? ما ادري هذا بخت الامريكان ;D ;D , لان نيتهم صافية بس احنة حتة لو اكو كهرباء نضل قلقين ليش ما طفت الكهرباء والله بيومهة واحنة كاعدين بصالة الانتظار كلنة لهاي العراقية الطويلة "اروحلج فدوة نصي التبريد" :o :o
-
حبي فنزينو
شوقتني كلش كلش اشوف هالحورية!!!
يعني حتى ملكة جمال العراق والسودان وامريكا مو مثلهة؟؟؟
لك هاي شنو ؟؟؟
عمي يويمة جيك الضغط والسكر لعد !!!
هاب المناسبة ابو المولد طفة ولازم افلت!!
تحياتي من صدك الك بسلامة الوصول الى امريكا
اخوك صفاء
-
اتمنى لك التوفيق اخي العزيز فنجنزو...
-
يعني صديقي عندي سؤال ومو تغلس
ابشرفك انت مسوي موضوع وكاعد تتغزل بهاي الحاته وعمي ابو الحسن يريد يرجع من ماليزا من وراك
ادري متكلي هاي شبيكمو خبلتنا يمعود بهذا العنوان مال موضوعك
بدله رحمه لعيون الحاته بدله
وسميه
دفعت فلوس الفحص والموضفه جانت حاته بيت الله
هع هع
-
ابو عبودي ابشرك
جتنة مكرمة من الحكومة .....
الكهرباء تنطفي 5 ساعات وتجي ساعة وحدة!!!!!!
مو حقة صديقك اينزل هيجي موضوع؟؟؟؟
-
8) اكول الف مبروك .. بس اني اكول لو كايل للموضفة انو اسمك vincenzo جان هي تعوف وضيفتها وتهاجر وياك مااااااا تكلي منين هالاسم الصعب مدا اكدر اكتبه بالعربي :-\
-
:)
انقهرت عبالي خربت شغلتك والله.. يلله زين كله طلع تحشيش
good luck