ankawa
منتدى الهجرة واللجوء => الهجرة و واللاجئين => الموضوع حرر بواسطة: asmar22 في 13:31 21/06/2010
-
السلام عليكم
اليوم اجانى ايميل من الان في سي بية حددو الى ع على برنامج الهجرة اخوانى انى هسة اشةية مرتبك اخانى اربد اسئل سنو الاشياء الى لازم اسويها اولا
ماعندى اسكورت لفحص سنو معنى الحروف الى اتخص الوثائق الى لازم احضرها لمقابلة بالمقابلة
شنوة الاسئلة الى راح يسئلها القنصل الى ولعائلة
بصراحة اريد اشوية معلومات عن هاى المرحلة الوثائق المطلوبة منى
وتمنى الموفقية لجميع وباسرع وقت انشاء اللة
وشكرا
اخوكم الاسمر
-
الف مبروك اخونا العزيز وان شاء الله يوم اللي تاخذ الفيزا.
لا ترتبك المقابلة كلش سهلة بالايميل راح تلكة كل التعليمات منطيك ايميل راسلهم اذا ما عندك اسكورت ولازم تدزلهم ايميل بعدد افراد العائلة وحاول تدزه من وكت افضل.
تعليمات الفحص الطبي اكيد موجودة يمك واذا ما موجودة راح تجيك بايميل ثاني لا تشيل هم واختار المركز اللي تفحص بيه وخابرهم وحدد موعد الفحص لازم فد اسبوع قبل يوم المقابلة ومن تخابرهم للمركز هم تكوللهم على اسكورت حتى يدخلوك.
الاحرف الخاصة بالوثائق تقلب الصفحة وراح تلكة كل وحدة شنو معناها وهذا موضوع سال بيه اخونا صقر الجزيرة نفس سؤالك عن الاحرف والرموز وجاوبناه بس هم تأكد من الايميل اللي اجاك لان بيه كل الرموز وشنو تعني
http://www.ankawa.com/forum/index.php/topic,413215.0.html
الاسئلة لا تشيل همها سهلة ومن المعلومات اللي انت كاتبها بس الانتماء لحزب البعث يسألون عنه وخدمة العسكرية واذا مسافرين برة العراق وشنو سبب السفر
وهاي تفاصيل الفحص موضوع الاخ النسر الذهبي
http://www.ankawa.com/forum/index.php/topic,419194.0.html
وهذا هم الفحص والمقابلة للاخ العزيز national
http://www.ankawa.com/forum/index.php/topic,414304.0.html
-
اولا الله يسهل عليك ياربي المقابلة واتكون سهلة ان شاء الله
وثانيا ممكن سؤال صارلك شكد من قدمت إلهم؟؟؟لان اني هم مقدمة من شهر ال8-2009 والى هسة بس اجاني قبل اسبوع ايميل بي استمارات ومعلومات سويتها فاريد اعرف ورة شكد حددولك موعد مقابلة ادري هو شي مو ثابت بس اريد اخذ فكرة لان هنا بالمنتدى قليل اكو مقدمين عن طريق السفارة فارجوا الاجابة مع خالص تقديري وتمنتياتي الك وللعائلة بمقابلة سهلة وتجي تحجيلنة شصار وياك ان شاء الله
تحياتي
بنت العراق 84
-
اختي الكريمة بنت العراق الاخ اسمر مقدم عالهجرة الخاصة SIV انتي تقصدين هذا البرنامج انتي مقدمة عليه لو غيره؟
-
ها ها اوكي اني مقدمة طريقتين اولا عن طريق الفيزا سنتر NVC وعن طريق IOM
بالنسبة للiom اني مشيت بيها وقابلت محلفين وصارلي 3 شهور من مستلمة الظرف مال املحلفين وانتظر موافقات امنية بس الي عن طريق الnvc بس اجاني قبل اسبوع ايميل بي ابلكيشن ومعلومات فعبالي اسال وراها بشكد يحددولي موعد بالسفارة واني جان عبالي ال siv
نفس الnvc
فشكرا اختي عالتوضيح
-
مرحبا صديقي
استاذ اسمر الله يرضى عليك اتمنى اتكولي من مليت الاستمارة 230 الي دزيتها لجماعة الان في سي بالنقطة 34 الخاصة بالخدمة العسكرية شكتبت اذا انت خادم عسكرية يعني اشرحليها اذا خادم عسكرية وبالمناسبة خلال اشكد دزولك مقابلة اي بعد ان اخبروك جماعة الان في سي انه اوراقك كاملة بعده كم الفترة وحددولك المقابلة يعني شهر لو اقل واني خادم الك يا ورد اتمنى ردك بسرعة شكرا
-
اختي العزيزة ما افتهمت يعني شنو قصدك عالNVC؟ انتي مقدمة معاملة هجرة خاصة لو غير شي ممكن توضحيلي بدون زحمة عليج حبيبتي
-
السلام عليكم ورحمة اللة وبركاتة
شكرا للجميع وانشاء اللة اتمنى التوفيق للجميع
شكرا جزيلا اخت سرى وانشاء اللة نخدمج بالافراح
انى قدمت من زمان يمكن الاخت تعرف اشوية عن ضروفى لان انى عندى ضروف عائلية خاصة خلتنى اتاخر بالبرنامج يعنى انى كنت ااخر معاملتى اشوية اشوية انى قدمت من الشهر العاشر 2008 والمفروض اكمل بسرعة وكنت مقدم على اى او اوم بنفس الوقت تقريبا وقابلت المقابلة الاولى يوم 13 -3-2009 وبعدين اجلت 3 مقابلات وتركت موضوع اللجوء واعتمدت على برنامج الهجرة لان عندى مشكلة احد اولادى اكبر من 21 سنة
وهسة نفس المشكلة عندى لاتزال
انى خادم عسكرية فتلرة طويلة وعندى دفتر خدمة واوراق كاملة ومترجمة وكتب رسمية بهذا الشى وضوجونى على هذا الشى بالاستمارات ودزيت كل شى يخص بالخدمة العسكرية وية الاستمارات فايل بى دى اف كامل من دخولى للخدمة الى خروجى منها كامل على حدة وية الاستمارات لان ما اكدر اشرح كل شى بالاستمارة مال 157 و230
انى دزيت اوراقى الى الان فى سى من الشهر 11-2009 ورجعت كم مرة وكل مرة يردون شكل لان هاى تعتمد على الموضف الى ايقيم المعاملة
وعود اكمل الكم كل شى بعد المقابلة انشاء اللة
واتمنى الخير للجميع يارببببببببببببببب
اخوكم الاسمر