ankawa
منتدى الهجرة واللجوء => الهجرة و واللاجئين => الموضوع حرر بواسطة: Ankawa79 في 12:51 23/06/2010
-
رجاءا اخوان عندي كم استفسار للخيرين
1.اريد استفسر عن اي تقديم جديد لل اي او ام عن طريق بغداد. يعني اذا واحد قدم وين راح يسوي المقابلات.
2. اني عندي كل المستمسكات مال ايس اي في . يمكن اقدم لوحدي وبعدين اضيف الزوجة . ويمكن اقدم اول مرة بدون الباسبورت ولمن اتزوج ادز معلومات الزوجة ويا الباسبورات مالتنه.
3. هل من الامكن ان اسوي المقابلة مالتي بتركيا بدل بغداد.واذا اسويها بتركيا يمكن ان انرفض.
شكرا الكم
-
اخي الكريم بالنسبة لمقابلات اي او ام بغداد ما زالت في بغداد لحد الان.بالنسبة للاس اي في انت اول شي من سياق المعاملة انه تقدم بس اوراقك وبعد حصولك على موافقة رئيس البعثة الكوم ابروفال يالله تقدم اوراق زوجتك بس نصيحة مو تقدم بس لنفسك وبعدين تدز على زوجتك ورة ما توصل لامريكا ترة هواية تتأخر.
بالنسبة لتركيا ما افتهمت انت ليش خال الرفض ليكدام عادي الاس اي في هو تقديمه كله بالايميل والبريد العادي تكدر تقدم وبعدين تسوي مقابلتك في تركيا وبهالحالة راح تقابل في السفارة الامريكية هناك وماكو شي يختلف عن تقديم بغداد بس طبعا تحديد مقابلتك في تركيا راح يكون اسرع لانه الزخم قوي في بغداد اكيد.تقبل تحياتي
-
شكرا اختي سرى.
1-اكدر اقدم اوراقي هسه بدون الباسبورت ورا ما احصل الكوم اقدم جوازي ويا اوراق زوجتي؟
2-اكدر اسال ليش الي ديكتبون بهل المنتدى ليش ما ديقابلون بتركيا.
3-اكدر اقابل بتركيا وارجع لعراق وراه اسافر منا لو لازم ابقى اهناك.لان اني من اهل الشمال
4-اني من اهل شمال العراق هل هذا يؤثر على اعطاء الفيزا.وشكد تتاخر معاملة الاس اي في.
شكرا على هذا امنتدى الرائع. ارجوكم احتاج اجوبتكم
-
من رخصة الاخت سرى خليني اجاوبك على اسئلتك الاخيرة وبحسب خبرتي المتواضعة (وايضا شعرت بانحياز الك لانك ابن الشمال مثلي ههههه)
1-اي نعم تقدر تقدم على الاس اي في بدون باسبورات الى ان يطلبوه منك ومااعتقد ينطلب لحد الكوم ابروفال اللي هالايام صاير كلش عزيز ويتأخر تقريبا سنة
2-اكثر المقدمين مايريدون يروحون لتركيا وغيرها لااجراء المقابلات لانهم وبتفاوت فيما بينهم طبعا منتظرين ومستقرين في العراق نوعا ما فيكولك بدل مااتبهدل بتركيا والعمل والايجارات والاطفال وتعرف يعني موسهلة يكولك انتظر واني كاعد ابيتي صارت كان بها ماصارت ماخسران شي ((هذا تحليلي))
3-قبل كنت اسمع انه اكو ناس تفتح ملف بتركيا بس على اليو ان مو اس اي في ويرجعون للعراق الى ان يخابروهم يروحون مرة اخرى يكملون المعاملة بس بعدين توقف هذا الشي وصار عليك لازم تبقى بتركيا لحد اكمال معاملتك او اخذ الرفض هذا طبعا على اليو ان .
4-اذا تقدم على اس اي في او اي او ام من العراق واكرر من العراق فهذا ابد ابدا مايؤثر كونك من اهل الشمال لان همه يمشون على مدى استحقاقك للفيزا وليس على مكان سكنك صدقني مالهم اي علاقة اني ساكن في اربيل مع العلم اوراقي كلها بغداد ومع ذلك ذكرت انني ساكن في اربيل مع العلم لو كايل بغداد محد جان راح يعرف واعرف هوايا ناس من الشمال انقبلوا وسافروا بكل سهولة بس في حالة ان تقدم لجوء على اليوان وانت من اهل الشمال وعرفوا ذلك فنسبة قبولك ضعيييييفة جدا صدقني
5- اهلا وسهلا بيك ابن ولايتي وشتريد احنا بالخدمة ترة اكو بعد اصدقاء هنا من الشمال بالمنتدى مو بس اني ...
أخوكم كوندا
-
مرحبا اخواني
اني من الشمال وتحديدا من عينكاوة، اني بعدني دانتظر الكوم ابروفال بس اذا وصلت مرحلة المقابلة راح اختار سفارة امريكا بتركيا، بس بعدني داحاول اجمع معلومات عن هذا الشئ يعني الواحد شكد يتاخر ورا المقابلة يلة يحصل الفيزة، او ممكن ناخذ جوازاتنا ويانا ونرجع للعراق وبعدين ندزها وية ال DHL للسفارة بتركيا وبعدين من ينطونا الفيز يرجعوها وية ال DHL النا؟ رجاءا اخوان اللي عندة معلومة خلي يساعدنا
شكرا
Nadia
-
شكرا للاخ كوندا والاخت سرى وكل الاخوان في المنتدى
هم اني حاير مثل الاخت نادية يشغلةالمقابلة والجوزات. اني هسه خاطب بعدني متزوج، يمكن هسه اقدم لوحدي بدون جواز واكتب ملاحظة باني خاطب لوماكو داعي على هل الملاحظة.يعني ادز اوراقالزوجة بعد الزواج بدون ما اكتب الملاحظة. شتنصحوني اقدم لوحدي وبعدين اتزوج واقدم اوراق الزواج بدون كتابةملاحظة باني خاطب، لو انتظر اتزوج ونقدم سوية.
-
مرحبا وخصوصا الاخت ناديه
اني هسة انتظر موعد مقابلة والصدق اريد اقابل خارج العراق وخابرت مسوول قسم الاس اي في وكالت عادي سافر الى اي دولة ودزنا العنوان واحنا نخليك تقابل بسفارتنا الي تريد اتروح للبلد الي بيها بس المشكلة اكو جماعة كالوا السفارة الامريكية الي خارج العراق راح تطلب منك عدم محكومية واني ما مسويها وفوق هذا كله سالتها اذا السفارة الي خارج العراق مثلا طلبت بيان الولادة اشلون كالت ما الك علاقة احنا الي نطلب المعلومات ارئيسة اقصد جماعة الان في سي مو السفير والله اعلم
-
اخوية ankawa79 انت هسه من تقدم لوحدك عادي بس الافضل انه تعقد على الاقل على خطيبتك وكلهم للاس اي في انت متزوج بالمعلومات اللي تزودها الهم بالفورمات لان من تتاخر شغلة العقد مالتك راح تتأخر لاسمح الله بشغلة السفر بعدين وتعال لازم تقدم اوراق زوجتك وهذا كله تأخير فقط اعقد عقد محكمة حتى تذكر انه انت متزوج (الخطوبة ما تفيدك بشي لازم عقد زواج رسمي).تحياتي
-
يعني ما بيها مجال اقدم وحدي وبعدين ادزهم معلومات مال زوجتي لمن اتزوج. لو انتظر واقد اوراق كامل بعد الزواج, لان شويه ديكولون اكدر اقدم لوحدي قبل المقابلة وبعدين ادز اوراق زوجتي ويا الباسبورتات
-
اخوية حاول تعقد على الاقل بعد مرحلة الكوم ابروفال يعني قبل ما تدز اوراقك واورا زوجتك للNVC لان اذا تاخرت تلقائيا راح تتاخر معاملتك اما اذا بعد المقابلة قدمت اوراقها فالتاخير يصير اكثر ولازم يحددولك موعد مقابلة لزوجتك بعد همين انت قدم اوراقك هسه وعود من يجيك الكون ابروفال حاول تمم العقد وتقدم اوراقك اوراق زوجتك سوية.
-
عزيزي عين كاوة انت ليش تريد اتعقد الامور على نفسك باجر من الصبح اخذ الجناسي مالتك واخذ خطيبتك وعمتك وروح للمحكمه وسوي عقد زواج وعود براحتك شوكت متريد اتزوج المهم تدفع معاملتك كامله
-
شكرا لاخت سرى
اني هسه عندي وثيقة الاتش ار و كتاب تاييد من مسوولي الي جنت اشتغل ويا بس ما اعرف هو باقي لو لا اذا هو ما باقي يكدر يتصل بيهم عن طريق الايميل الشخصي.
هل لازم اقدم كتاب الاتش ار و التاييد من مسوؤلي المباشر ويا فورم دي اس 57 وبعد الكوم اقدم الجوازات ويا عقد الزواج لاني اني بالعاشر داتزوج.لان على ما اعتقد الكوم ابروفال ديتاخر هل الايام ولمن تجي الابروفال اني متزوج ومطلع الجوازات ان شاءلله.
هل الجوازات يحتاجوها للكوم ابروفال لو نبراسكا لو ان في سي ونفس الشي ويا عقد الزواج.
اني مشتغل سنة ونص ويا السي بي اي وقت بول بريمر وعندي ريكومندشيات من عدهم هل اقدم هاي الاوراق ويا الاوراق المطلوبة لو لا.
شنو بالضبط الاوراق الي لازم اقدمها للكوم ابروفال.وبعد الكوم ابروفال
هل لمن اقدم وحدي للكوم اذكر باني خاطب وبعدين راح ادز اوراق الزواج لو ماكو داعي على ذكر هاي الملاحظة. اقدم لوحدي وبعدين ورا الكوم ابروفال اقدم عقد الزواج وياالباسبورتات لنبراسكا وان في سي
اشكركم هوايا واسف عن كثرة الاسئلة لان ما نعرف شنسوي من غير الاعضاء الاعزاء في هذا المنتدى الرائع وخاصة الاخت العزيزة سرى.
-
اخوية عنكاوة ليش تحير نفسك؟ انت هسه قدم اوراقك اول وتالي ما يحتاجون اوراق خطيبتك قبل الكوم اوكي؟ بالنسبة للتوصية والاتش ار شوف هذا الموضوع علمود تعرف مواصفات الاتش ار والتوصية
http://www.ankawa.com/forum/index.php/topic,405417.0.html
ومن تملي الفورم 157 راجع الموضوع التالي حتى لايرجعولك الاستمارة مرة ثانية
http://www.ankawa.com/forum/index.php/topic,412569.0.html
وحتى تعرف انت مكمل كل شي قبل التقديم من مستمسكات مطلوبة منك راجع الرابط التالي بالعربي ومن موقع السفارة وامشي عليه خطوة بخطوة
http://www.travel.state.gov/pdf/SIVArabictranslation.pdf
-
شكرا اختي العزيزة سرى. بس اذا طلب ممكن؟ يمكن ان احصل على ايميل الشخصي مالتج حتى اذا اريد شي اراسليج واكون كلش ممنون.
اني هسه لازم ادز الاتش ار وكتاب التاييد وفورم 157بدون الجواز. يعني ادز هاي الاوراق ورا الكوم ادز الهم الجواز. هل هذا يوز لو لازم الجواز لازم اقدم من الاول. زين بالنسبة للجناسي وهوية الاحوال المدنية ؟ تاييد التهديد المباشر هل اقدمه لو انتظر هم يطلبوه من عندي. وعندي غير كتب تاييد اقدمها لو لا .
شكد تتاخر اعطاء الكرين كارت لمن توصلين امريكا لان اني ناوي اخذ اجازة من الشغل لمدة شهرين وارجع اشتغل اهنا. يمكن لحامل الايس اي في بان يرجع للعراق ورا ما ياخذ الكرين كارد. شكد تتاخر شغلة الكرين كارد ويمكن ان ارجع اهنا ورا الكرين كارت.
تحياتي
-
شكرا اختي العزيزة سرى. بس اذا طلب ممكن؟ يمكن ان احصل على ايميل الشخصي مالتج حتى اذا اريد شي اراسليج واكون كلش ممنون.
اني هسه لازم ادز الاتش ار وكتاب التاييد وفورم 157بدون الجواز. يعني ادز هاي الاوراق ورا الكوم ادز الهم الجواز. هل هذا يوز لو لازم الجواز لازم اقدم من الاول. زين بالنسبة للجناسي وهوية الاحوال المدنية ؟ تاييد التهديد المباشر هل اقدمه لو انتظر هم يطلبوه من عندي. وعندي غير كتب تاييد اقدمها لو لا .
شكد تتاخر اعطاء الكرين كارت لمن توصلين امريكا لان اني ناوي اخذ اجازة من الشغل لمدة شهرين وارجع اشتغل اهنا. يمكن لحامل الايس اي في بان يرجع للعراق ورا ما ياخذ الكرين كارد. شكد تتاخر شغلة الكرين كارد ويمكن ان ارجع اهنا ورا الكرين كارت.
تحياتي
ممكن يا اخت سرى والخيرين يجاوبوني على هذا الاستفسار
-
اخي العزيز ANKAWA79 دزيتلك رسالة عالخاص.
-
اخت سرى
دزيتج رسالة على الخاص مالتج وعلى الايميل الشخصي مالتج.
-
اوكي اخوية العزيز هسه اشوفها.