ankawa
منتدى الهجرة واللجوء => الهجرة و واللاجئين => الموضوع حرر بواسطة: almnsi82 في 10:35 26/06/2010
-
السلام عليكم
اخواني االاعزاء تحية طيبة
اخواني اريد تساعدوني بالخروج من العراق شلون الطريقة وشلون اقدم ومن وين
انا متزوج ولدي طفلة و عندي طفل بالطريق ... مع العلم انا ما مشتغل ويه الامريكان او اي شركة امريكيا
انا موظف بعقد بدائرة حكومية عراقية ... ومدير منظمة ثقافية غير حكومية من منظمات المجتمع المدني واريد الخروج والهجرة من العراق الى اي دولة فارجو ان تساعدوني قدر المستطاع ,, هل استطيع التقديم الى منظمة من منظمات الهجرة الموجودة في العراق ؟ وممكن اسم وعنوان المنظمة ؟ ماهي الاوراق المطلوبة ؟
فارجو المساعدة رجاءا
وشكرا لكم
اخوكم
محمد
-
السلام عليكم
اخي الكريم اني اتصور الي ما مشتغل مع الامريكان لازم يسافر الى احد دول الجوار ويقدم على un ينتظر رحمة الله هذا رأي ممكن الاخوان عدهم رأي اخر
والمستمسكات هي طبعا الجوازات الجنسيه والشهاده اي ورقه بيه تهديد اي ورقه بيه توقيف مثلا الله يبعدك عنه ويبعد كل العراقيين عن التوقيف
وارجو من اخواني مساعدة اخونا محمد
-
وعليكم السلام
اخوي العزاوي55 شركا على ردك
ولكن سؤال اذا سافرت الى احد دول الجوار وتحديدا الاردن
هل اسافر مع زوجتي واطفالي ؟ ام اسافر بمفردي ؟
ولانني افضل السفر بمفردي لان تكاليف السفر مرتفعه جدا وكما سمعت من الاخوة اللي يقدم بمفردة ممكن تتعطل معاملته او ترفض !! و الافضلية للعائلة ؟؟
سؤال اخر وهو هل اذا اخبرتهم بان لدي مشكلة عشائرية و مهدد بالقتل ممكن تقبل قصتي ام ان هذه القصص لايستقبلوها وجزاكم الله خير
فما رايكم ارجو ان تساعدوني لاني متعب جداًً
وبارك الله بيكم
اخوكم
محمد
-
مرحبا
اخويه العزيز ماكو شي اسمه العائله افضل و العزابي افضل هاي مساله تبقه يمهم واذا ردت تجي وتقدم بحدك يقابلوك بحدك ميصير اجيب هوية زوجته وبنتك ميقبلون اله لازم يحضرون وياك ومثل ما كال الاخ الي قبلي انت والي كاتبه الله الك يمكن تسافر وره شهرين يمكن وره سنه يمكن وره سنتين حسب اما من بغداد فقط المشتغلين ويه الامريكان
اخوك
حمودي
الاردن_عمان
-
اخويه محمد بالنسبه للتقديم على الunضروري انته وعائلتك وخلي يكون بعلمك ممكن تقدم على unوتبقى تنتظر من سنه الى سنتين او ثلاثه صراحه احجيلك هذا طبعا في سوريا لانه الاعداد اكثر واني من عام 2006 مقدم وهسه يله قابلت الوفد واكو عوائل لا والله ممكن اقل من سنه
وللعلم من تسافر لبلد ثاني عليك ان ما ترجع للعراق اكثر من مرتين ثلاثه
اما القصص فيامكثره بالعراق بس يجب ان تكون قصه مقنعه وتحفظه انته وعائلتك بس التهديد العشائري ما اعرف والله بس العراق مليان قاعده ومليشيات وطائفيه وكلشي وكلاشي
الله يقدم ما فيه خيرا لك ولعائلتك
-
اخويه الورد تذهب الى اي دولة كأن تكون الاردن او سوريا او تركيا او مصر ...الخ
وتسأل على عنوان منظمة UN وتأخذ معك الجوازات وهوية الاحوال المدنية لكل فرد
وكذلك شهادة الجنسية واي مستمسك يثبت تعرضك للاضظهاد .
ويحق لك التقديم من العراق اذا كنت تعمل او عملت مسبقا مع قوات التحالف او مع شركة اجنبية
او لديك مقاولات مع القوات الاجنبية وهناك مواضيع كثيرة عن تقديم SIV و IOM من العراق
-
مشكووور اخوي الدوري على الرد وجزاك الله خير على المعلومة القيمة
-------
الاخ العزاوي شكرا مرة اخرة على الرد
مشكووور وجزاك الله خير ووصلت الفكرة
-
اخوي عمر اشكرك على الرد بس المشكلة انا مامشتغل ويه الامريكان وبهذا هل تعتقد يكون املي ضعيف بالجوء ؟
اتمنى اضافتي على الماسنجر من الاخوة لاستفسار اكثر منهم
shlooncom@yahoo.com
وشكرا لكم
-
اخويه محمد بالنسبه للتقديم على الunضروري انته وعائلتك وخلي يكون بعلمك ممكن تقدم على unوتبقى تنتظر من سنه الى سنتين او ثلاثه صراحه احجيلك هذا طبعا في سوريا لانه الاعداد اكثر واني من عام 2006 مقدم وهسه يله قابلت الوفد واكو عوائل لا والله ممكن اقل من سنه
وللعلم من تسافر لبلد ثاني عليك ان ما ترجع للعراق اكثر من مرتين ثلاثه
اما القصص فيامكثره بالعراق بس يجب ان تكون قصه مقنعه وتحفظه انته وعائلتك بس التهديد العشائري ما اعرف والله بس العراق مليان قاعده ومليشيات وطائفيه وكلشي وكلاشي
الله يقدم ما فيه خيرا لك ولعائلتك
اخويه العزيز ممكن سؤال:
انته تعرف احد قدم على UN وبعدين راح للعراق ورجع وانقبل وسافر؟
اني الي اعرفه اي واحد يروح للعراق لابد ان تتكنسل شغلته اذا مو بالبداية او بالنص
فبالنهاية لان بس يشوفون الجواز بي سفرة للعراق بعد التقديم راح يلغون الشغله
الا اذا في حالة بلغتهم بنفسك انك رحت للعراق مضطر وتنطيهم اسباب مقنعه
وتثبت بدلائل او اوراق رسميه . مع تمنياتي للجميع بالتوفيق
-
اشكركم اخواني على الردود والمعلومات المفيدة
-
اخي العزيز مرحبا بك
في البداية اذا رغبت بالسفر خارج العراق فاختار الدولة الي بيها اقارباك او اناس استفادوا من تلك الدولة اي من ناحية الايجارات والشغل والاقامة وسرعة المعاملات في اليو ان واذا طلعت افضل ان تكون عائلتك معك لان الامم تمشي العوائل اكثر من الشباب في البداية فقط اي اول ماتقدم على اليو ان اني احجي هذا بلبنان اذا ذهبت لتركيا فهيا غالية من كل شيء وانت ماتعرف اللغة اكيد لكن فيها مناطق رخيصة متواجد فيها العراقيين ومنها قرطلش وغيرها هذا اذا رغبت تركيا سوف اعطيك معلومات اكثر اما سوريا فهيا نوعا ما ارخص ولكن الشغل موجود نوعا ما ولكن الرواتب قليلة اما اردنفنوعا ما بين الاثنين اما لبنان فهيا غالية ولكن الشغل متوفر والرواتب زينة نوعا ما
وراح اشرحلك الاكثر بس انطيني اي دولة تريد
وبالتوفيق
-
اخوية العزيز
حضرتك ما مشتغل وية الامريكان وما متهدد يعني ما عندك قصة وحسب مفتهمت امكانيتك المادية كلش ضعيفة والسفر للاردن مكلف وخلي ببالك احتمال كبير تتاخر معاملتك اكثر من سنتين ويجوزتلاثة وخلي ببالك ايضا احتمال كلش جبير تنرفض يعني مجازفة جبيرة يعني لازم اتخلي ببالك اشنون راح اتقضي تلث سنيين بعمان انت وعائلتك وشكد راح اتكلفك هاي العملية ونتائج النجاح كلش محدودة لازم هيج تحسبها لو بوحدك تكدر تتحمل بس لاتنسى عندك عائلة وفرصك كلش ضعيفة وانت مثل ميكولون جاي على تاليها