ankawa
منتدى الهجرة واللجوء => الهجرة و واللاجئين => الموضوع حرر بواسطة: فداء الروح في 01:18 30/06/2010
-
اخوان الجو بهيوستن كل يوم برق ورعد ومطر مو طبيعي ابدا يعني مو مطر عادي .. احدى الجارات اخبرتني انه في اخبار عن اعصار او عاصفة قادمة هل هذا صحيح ؟ ارجوكم ساعدوني واعذروني على السؤال لو كان مو بوقته او بمحله
-
حبي فداء هذا الحجي جان يوم الاحد كالوها بالاخبار على اساس بمشكن وكالوا اخذوا الاحطيات ونزلوا الى البيسمنت ( يعني السرداب ) انتظرنا الاعصار مااجه خاف من عدنا ;D وكال راح اروح غير مكان خاف اجه يمكم حبي عود دزيه لمشكن مرة لخ لانه احنا بعدنا كاعدين بالسرداب اقصد ( بالبيسمنت ) دننتظره ;D
-
هاي هسه هيج صارت هيوستن اعذروني اني مو بدالاس لان حاليا اني بزيارة للعراق
-
اي صح اكو اعصار جاي من المكسيك واليوم كامت باوستن تكساس تمطر من ساعه 3 الظهر الى حد هسه ما وكفت وهذا مصدر الخبر
http://www.news8austin.com/content/top_stories/272154/rainstorms-pelt-austin
-
نعم اختي
هيوستن وتكساس عموما متحضرة بشكل كبير لاعصار يسمى اليكس وهو حاليا في المكسيك وجائز لن يضرب هيوستن لانه خارج المسار .. ومن الاستعدادت وصول قوات الاغاثة والجيش الى تكساس وتحذير التلاميذ بعدم الذهاب الى الدوام في حالة وجوده
-
هذا الكلام الصحيح.. بس حبيت ان اكول انه إعصار آيك من ضرب هيوستن عام 2008 احنا كنا موجودين بهيوستن ومعظم الناس طلعو خارج المدينة قبل يوم بس احنا بقينا والحمد لله ما صار شي وحتى الكهربات ما انكطعت ولا يوم وهية كانت مسألة ساعات اثناء الليل. بس اني كنت خايف على بنتي كان عمرها سنة ونص كلت يمكن رح تخاف بس الحمد لله بقت نايمة وما شعرت بشي.
الي حبيت اكولة انه الناس هنا تخاف من كلشي لأن مشايفين اما احنا فالحمد لله شفنا كلشي بالعراق من حروب وانفجارات وصواريخ ودبابات فأكيد مرح نخاف من شوية هوا أو مطر....... ;)
-
حبي فداء تابعي الموقع التالي لمعرفة الطقس ان شاء الله يفيدك عزيزتي
http://www.weatherpages.com/houston/
-
حبي فداء احنا بفرجينيا هم هيج مرة من المرات الدنيا ظهر والشمس قوية وموت من الحر وكنا دنطلع بس على كد ما بدلنا نزلنا جوة شتتصورين لكينا؟؟!!!! حالوب كل اثنين بكد كف الايد تصدكين؟؟؟؟ وبلا مطر بس حالوب ويفشخ بحيث اكو سيارة انفطرت جامتها ورأسا اشتغلت برد ورياح ومطر ههههههههههههههههههه ورة ساعتين وكف ورجعت الشمس واللي يشوفها ما يتخيل كان قبل ساعتين مطر ورياح وحالووووووووب.
-
:'(والله اخت سرى لو اجا اعصار هنا ماكو سرداب وين نروح :'( النوب بيوتهم اعتقد من هاي الي تطير
-
هاي شنو كله اعاصير ومطر وخوف ورعب الله يساعدكم شلون عايشين بهالوضعية همزين مجيت ;D
-
:'( اخوان بعد ما لحكنا نشوف شي بهالأمريكا هاي احنا شكد منفوسين مدنكدر نتهنى بشي النوب اعصار ??? http://ara.reuters.com/article/internetNews/idARACAE65T06R20100630 العاصفة أليكس تكتسب قوة اعصار وقد تصل الى اليابسة الاربعاء
-
اختنا الغالية فداء اولا الله يحفظكم من الاعاصير ومن كلشي سئ بس ذكرتيني لما كنا بتكساس فعلا تصير اربع فصول باليوم الواحد وما اعرف كل ولاية الها طبيعة جو تختلف عن الثانية لان احنة حاليا بكالفورنيا والجو بمنطقتنا ربيع كل السنة وبيتي مفتوح اذا تنزعجين من الاعاصير ونتشرف بيج بكل وقت من اوقات السنة ودمتي
-
تكساس معروفة بالهوريكانز والتورنادوز ولكل ولاية طبيعة وبالنسبة لكاليفورنيا الجو جيد بصورة عامة بس كل كم شهر تجي هزة ارضية ..بالنسبة لاعصار اليكس في بلاد العجائب فهذا حدوده الى هيوستن ومراح يوصل للشمال حسب تقاريرال weather channel..
بغدادي
-
اخوان مطر ورعد وبرق اي شي هاونات ضلو هناك وجايين وراكم بس دنرتب هنا تراب وهو يسمط سمط والسياره ضللته والحر يطب عبالك يطلبنه فلوس وبلنسبه للبك يجي ملثم بي كي سي بيده بلعراق اما بلنسبه للذبانه العراقييه توخره عبالك دتشاقه وياها تضل تلعب وياك تكوم تكفر تعيط تعوفك ثواني وترد ترجع حتى من كتاله الذبان كامت متخاف خلو سكته يمعود لطبون لابيسمنت ولا كل شي ضلو لمن يجي الاعصار رفعو راسنه يمعودين خلي يكولون العراقيين ميخاوفون من كل شي اذكرو يوم شهر الرابع يوم ثمانيه سنه 2003 لمن صار اعصار ترابي كمت متعرف امريكي من الحرس الجمهوري من اهلك عمي متغلسون وكولو يالله اسف على الاطاله اخوكم prison
-
;D اشكركم على الردود اخواني الاعزاء ( اختي ام الحلوة اني جاية لهناك بعد فترة قصيرة وان شاء الله نتعرف عليكم) اخوية البغدادي شكرا على الرد والله يباركم ويحفظ الجميع
-
اخوان مطر ورعد وبرق اي شي هاونات ضلو هناك وجايين وراكم بس دنرتب هنا تراب وهو يسمط سمط والسياره ضللته والحر يطب عبالك يطلبنه فلوس وبلنسبه للبك يجي ملثم بي كي سي بيده بلعراق اما بلنسبه للذبانه العراقييه توخره عبالك دتشاقه وياها تضل تلعب وياك تكوم تكفر تعيط تعوفك ثواني وترد ترجع حتى من كتاله الذبان كامت متخاف خلو سكته يمعود لطبون لابيسمنت ولا كل شي ضلو لمن يجي الاعصار رفعو راسنه يمعودين خلي يكولون العراقيين ميخاوفون من كل شي اذكرو يوم شهر الرابع يوم ثمانيه سنه 2003 لمن صار اعصار ترابي كمت متعرف امريكي من الحرس الجمهوري من اهلك عمي متغلسون وكولو يالله اسف على الاطاله اخوكم prison ;D ;D دونت ووووري اخوية كاعدين وساكتين وين نروح بعد هاي اخر الدنيا جينا . اهلا وسهلا بيك