ankawa

منتدى الهجرة واللجوء => الهجرة و واللاجئين => الموضوع حرر بواسطة: GraphicDesigner في 12:05 01/07/2010

العنوان: موقع يمكنك من متابعة ملفك بنفسك
أرسل بواسطة: GraphicDesigner في 12:05 01/07/2010
السلام عليكم
اخوان اكو موقع تقدر تفوت عليه وتشوف ملفك وين وصل طبعا الي ادري بيه يعني من بعد ما استلمت الظرف يعني جماعة انتظار الموافقة الامنية بس لحد الان ما وصلتله,يعني تخلي رقم ملفك يظهرلك هسه وين هسه هو وليش نايمه عليه طابوقه ... فاذا اكو احد يعرفه بلكت يقوللنه شنوه ..ولو اني مأيس لان لو اكو احد يعرفه جان مابخلوا علينه بيه...بس حاولوا تتطقسون بلكت يوقع بيد احد..وبالمناسبة اكو لكل دولة موقع خاص يعني جماعة عمان موقعهم غير موقع سوريا..فحاولوا اخوان حته نخلص من مخابرات الاي او ام واجوبتهم المبهمه...انشروها رجاءا
العنوان: رد: موقع يمكنك من متابعة ملفك بنفسك
أرسل بواسطة: Safaa Alkhrkhy في 12:10 01/07/2010
والله عمي اني بحوشت وبحوشت وبحوشت هواااااااااااااااااااااية على هيجي شغلة مالكيت ...
العنوان: رد: موقع يمكنك من متابعة ملفك بنفسك
أرسل بواسطة: GraphicDesigner في 12:20 01/07/2010
اخي اني جدا متاكد من وجوده ومواعديني بمال تركيا ,ومال سوريا بعد دانتظر
العنوان: رد: موقع يمكنك من متابعة ملفك بنفسك
أرسل بواسطة: Safaa Alkhrkhy في 12:24 01/07/2010
اخي الغالي اني اقصد جماعة بغداد فياريت اتنورنة على باقي الدول ... ولو اني متاكد انه جماعة بغداد ماعدهم هيجي موقع لانه همة اصلا هسة حتى الايميلات مادايجاوبون عليهة
العنوان: رد: موقع يمكنك من متابعة ملفك بنفسك
أرسل بواسطة: بنت العراق 84 في 12:59 01/07/2010
طبعا بس قريت العنوان دست كلك من هذا الي شلع الماوس شلع عبالي GraphicDesigner دينطينة هيجي رابط يوضح وين واصل الفايل مالتنة طلع هو يريد البارط :'( :'( اني هم شكد سالت وشكد دورت بالنت ماكو هيج شي مع العلم اسهللهم يسوون هيج شي حتى لنخابرهم وندوخهم كل شوية وكلمن يشوف الكيس مالتة بنفسة بس شنسوي اي شي يريح البال مدينطونة والله كريم
تحياتي
العنوان: رد: موقع يمكنك من متابعة ملفك بنفسك
أرسل بواسطة: ** يدكو ** في 13:14 01/07/2010
اي والله خوش فكرة بس منو يكدر يحصل هيجي شي
العنوان: رد: موقع يمكنك من متابعة ملفك بنفسك
أرسل بواسطة: GraphicDesigner في 13:52 01/07/2010
اني اسف بنت العراق الي رفعت معنوياتج ونزلته بكلك ماوس هههههههههه
بس اريد اشوفكم هذا الموقع الي اليوم لكيته بالبحوشة ومقدرت اوصل نتيجة ,بلكت انتو تقدرون توصلون بيه لفد حل...
http://immigration.about.com/od/usvisas/a/Case_Status.htm
العنوان: رد: موقع يمكنك من متابعة ملفك بنفسك
أرسل بواسطة: ددوفي في 14:04 01/07/2010
اخواني اني سامع انه جماعة تركيا يتابعون ملفاتهم عن طريق النت ولكن ملفات اليو ان
العنوان: رد: موقع يمكنك من متابعة ملفك بنفسك
أرسل بواسطة: Safaa Alkhrkhy في 14:10 01/07/2010
هههههههههههههههههههههههههه
صدك ضحكتني صدك
عمي هذا الموقع اني امبحوش بي لما بازعة نفسي ... هذا الموقع ماتكدر اتحصل منة اي معلومة لانه لايشمل المتقدمين عن طريق المنظمة او الهجرة الخاصة من العراقيين ... للاسف الشديد
موكتلك لاتعب نفسك عيوني انتة اني لعبت وياهم مية لعبة وماكو دربونة مامشيت بيهة ولارقم ايضا ..

تحياتي

ابو سارة
العنوان: رد: موقع يمكنك من متابعة ملفك بنفسك
أرسل بواسطة: AbU.SaRa في 15:30 01/07/2010
شباب ما اتصور اكــــــــــــــــو فد موقع للبحث لأن مدورين لما بزعانين
العنوان: رد: موقع يمكنك من متابعة ملفك بنفسك
أرسل بواسطة: ابو الحسن في 15:38 01/07/2010
عمي مانكدر نفتي وشيوح الاي او ام موجودين
اني سالت العزيز عككعك والطيب الكرحي واكدوا ماكو هيجي دربونه وهاي درب الصد ما رد
وماكو بس الصبر ورحمة الله واسعة
ابو الحسن
العنوان: رد: موقع يمكنك من متابعة ملفك بنفسك
أرسل بواسطة: ســـرى في 16:22 01/07/2010
اخوية العزيز ما اريد اخيب املكم بالموقع اولا الموقع اللي ذكرته حضرتك موقع كلش حلو بالمناسبة للي يحب يستفيد منه بيه كلشي عن كلشي بسسسسسسسسسس هو ذاكرلك انه تدخل الريسيت نمبر المؤلف من 13 رقم وهذا لطلبات الهجرة او adjustment of status في موقع دائرة الهجرة الامريكية وماله علاقة بطلبات اللجوء من ناحية تجييك الملف وين واصل تقبل تحياتي واحترامي.تمنياتي بالموفقية للجميع
العنوان: رد: موقع يمكنك من متابعة ملفك بنفسك
أرسل بواسطة: hussam2010 في 18:09 01/07/2010


السلام عليكم هذا الموقع الرئيسي لمنظمة iom بس ما اعرف يفيد لو لا
http://www.iom.int/jahia/jsp/index.jsp

العنوان: رد: موقع يمكنك من متابعة ملفك بنفسك
أرسل بواسطة: kunda في 18:13 01/07/2010
أكو موقع كوكل ايرث تقدر تعرف ملفك وين نايم باي دائرة هههههههههه
العنوان: رد: موقع يمكنك من متابعة ملفك بنفسك
أرسل بواسطة: Safaa Alkhrkhy في 22:41 01/07/2010
kunda
قوية قوية قوية كلش
واكو ابو علي الشيباني ابو قناة الديار همين ايفيدك
العنوان: رد: موقع يمكنك من متابعة ملفك بنفسك
أرسل بواسطة: GraphicDesigner في 02:23 02/07/2010
اني اشكر الاخوان الي تجاوبوا ويه الموضوع بشكل راقي بما يدل على حسن اخلاقهم...
اما بالنسبة للكُوندة!!! وصفاء الكرخي..فاني اشوف وجودهم كزائرين افضل من وجودهم كاعضاء لان تعليقاتهم مابيه اي نفع للاخرين مثل وجودهم..فبالنسبة لصفاء فاني شفت تعليقاته دائما سلبية مثل الصورة الي حاطه الي يمكن يشوف بيه مستقبله او ماضيه او شي يعبر عنه...
فمن المفروض اما ان تقول خيرا او فاصمت..فممكن زائر يقره الموضوع وعرف لاول مره بهذا الموقع وسأل وقدر يوصله وجابلنياه,بس انتو بتعليقاتكم المحبطه وعالية المفهوميه!! الداله على اصحابه يمكن قنعتوه حته ميدور,وبالمحصله رح كلما ينكتب موضوع انتو تقفلوه بعباراتكم الفذه,وبالتالي يصير الموقع عباره عن فلان سافر ..مبروك, وفلان نايمه شغلته, وفلان قال, وذاك رد,وتدخل للموقع وتطلع وانت ما مستفاد شي بسبب تعليقات التافه..
فبناءا على العقليتين الافلاطونية فاشوف على الموقع انو يوقفون المشاركات ويعتمدون على الارشيف لان الاعضاء والزوار الواضح اكتفوا بالموجود وصاروا يعرفون كلشي..
وبالنسبة الي فارجو من ادارة الموقع الغاء عضوتي لان بصراحة بدا الموقع يهبط بسبب مشاركات بعض الاعضاء البعيدة عن الفائدة
واشكر مجددا الاعضاء اصحاب الردود الموضوعيه
واعتذر عن الكلمات الي بدرت مني بس غثوني وحبيت انطيهم قدرهم
العنوان: رد: موقع يمكنك من متابعة ملفك بنفسك
أرسل بواسطة: Safaa Alkhrkhy في 11:32 02/07/2010
مقتبس من: GraphicDesigner في 02:23 02/07/2010
اني اشكر الاخوان الي تجاوبوا ويه الموضوع بشكل راقي بما يدل على حسن اخلاقهم...
اما بالنسبة للكُوندة!!! وصفاء الكرخي..فاني اشوف وجودهم كزائرين افضل من وجودهم كاعضاء لان تعليقاتهم مابيه اي نفع للاخرين مثل وجودهم..فبالنسبة لصفاء فاني شفت تعليقاته دائما سلبية مثل الصورة الي حاطه الي يمكن يشوف بيه مستقبله او ماضيه او شي يعبر عنه...
فمن المفروض اما ان تقول خيرا او فاصمت..فممكن زائر يقره الموضوع وعرف لاول مره بهذا الموقع وسأل وقدر يوصله وجابلنياه,بس انتو بتعليقاتكم المحبطه وعالية المفهوميه!! الداله على اصحابه يمكن قنعتوه حته ميدور,وبالمحصله رح كلما ينكتب موضوع انتو تقفلوه بعباراتكم الفذه,وبالتالي يصير الموقع عباره عن فلان سافر ..مبروك, وفلان نايمه شغلته, وفلان قال, وذاك رد,وتدخل للموقع وتطلع وانت ما مستفاد شي بسبب تعليقات التافه..
فبناءا على العقليتين الافلاطونية فاشوف على الموقع انو يوقفون المشاركات ويعتمدون على الارشيف لان الاعضاء والزوار الواضح اكتفوا بالموجود وصاروا يعرفون كلشي..
وبالنسبة الي فارجو من ادارة الموقع الغاء عضوتي لان بصراحة بدا الموقع يهبط بسبب مشاركات بعض الاعضاء البعيدة عن الفائدة
واشكر مجددا الاعضاء اصحاب الردود الموضوعيه
واعتذر عن الكلمات الي بدرت مني بس غثوني وحبيت انطيهم قدرهم

اخونا GraphicDesigner
اولا اني اشكرك جدا على مشاعرك وتعبيرك الرائع وهذا دليل على حسن ذوقك وطيبة قلبك ونبل اخلاقك.
ثانيا اخي الغالي اني افتخر كلش بمديحك اللي وللاخ كوندا باننا نمتلك عقليتين افلاطونيتين وهذه شهادة اعتز بها.
ثالثا احب انوه هنا واشير بانه لايوجد موضوع انقفل بسببي او نتيجة تعليق الي او رد.
رابعا بالنسبة للصورة اخي الغالي فهذا الواقع اللي انعيشهة بالعراق للاسف الشديد واحب انقلك صور اخرى للاستفادة منها ستجدها في نهاية الموضوع.
خامسا واخيرا  عينكاوة للجميع ومنهم واليهم وهي ليست حكرا لاحد مهما كان.

تحياتي  مع الود الاكيد     ابو سارة
العنوان: رد: موقع يمكنك من متابعة ملفك بنفسك
أرسل بواسطة: لاجئة في تركيا في 12:07 02/07/2010
مرحبأ ... هذا موقع اليو ان  لجماعة تركيا تكدر من خلاله تشوف ملفك احنا بهذا الموقع نشوف ملفاتنا

http://results.unhcr.org.tr/index.php



تدخلون المواليد ورقم الملف والسنة اللي اخذتو بيه فسفورة (ورقة اللجوء) يعني لو سنة 2009 بس تكتبون 09 واذا 2008 بس تكتبون 08 ورقم الملف مالتك   وانشاء الله تستفادون تحياتي للجميع
العنوان: رد: موقع يمكنك من متابعة ملفك بنفسك
أرسل بواسطة: kunda في 12:30 02/07/2010
مقتبس من: GraphicDesigner في 02:23 02/07/2010
اني اشكر الاخوان الي تجاوبوا ويه الموضوع بشكل راقي بما يدل على حسن اخلاقهم...
اما بالنسبة للكُوندة!!! وصفاء الكرخي..فاني اشوف وجودهم كزائرين افضل من وجودهم كاعضاء لان تعليقاتهم مابيه اي نفع للاخرين مثل وجودهم..فبالنسبة لصفاء فاني شفت تعليقاته دائما سلبية مثل الصورة الي حاطه الي يمكن يشوف بيه مستقبله او ماضيه او شي يعبر عنه...
فمن المفروض اما ان تقول خيرا او فاصمت..فممكن زائر يقره الموضوع وعرف لاول مره بهذا الموقع وسأل وقدر يوصله وجابلنياه,بس انتو بتعليقاتكم المحبطه وعالية المفهوميه!! الداله على اصحابه يمكن قنعتوه حته ميدور,وبالمحصله رح كلما ينكتب موضوع انتو تقفلوه بعباراتكم الفذه,وبالتالي يصير الموقع عباره عن فلان سافر ..مبروك, وفلان نايمه شغلته, وفلان قال, وذاك رد,وتدخل للموقع وتطلع وانت ما مستفاد شي بسبب تعليقات التافه..
فبناءا على العقليتين الافلاطونية فاشوف على الموقع انو يوقفون المشاركات ويعتمدون على الارشيف لان الاعضاء والزوار الواضح اكتفوا بالموجود وصاروا يعرفون كلشي..
وبالنسبة الي فارجو من ادارة الموقع الغاء عضوتي لان بصراحة بدا الموقع يهبط بسبب مشاركات بعض الاعضاء البعيدة عن الفائدة
واشكر مجددا الاعضاء اصحاب الردود الموضوعيه
واعتذر عن الكلمات الي بدرت مني بس غثوني وحبيت انطيهم قدرهم
   

شنو السالفة اخونا كرافك دزاينر يعني  اذا حاولنا نضيف نوع من المزح وتلطيف الجو انكلبت الدنيا ؟؟شوية  على كيفك ويانا
العنوان: رد: موقع يمكنك من متابعة ملفك بنفسك
أرسل بواسطة: kunda في 12:44 02/07/2010
السلام عليكم :
بداية اعتذر من اخواني رواد المنتدى اذا بدر مني اي تعليق او رد لم يكن في محله ,,واحب اخاطب الاخ صاحب الموضوع أولا النك نيم مالتي (كوندا ) وليس (كوندة)وهذا الاسم هو من شمال العراق الحبيب واذا عندك مشكلة وماعاجبك الاسم تقدر تراسلني على الخاص مثل ماسويتها قبل (((افتهمتني)))  وهسة ارجع للموضوع  أذا على الردود مالتي فماأعتقد بيها شي اذا حاولنا نضيف نوع من البهجة والمزاح مثل مايصير بمواضيعنا اللي ننزلها والمفروض ابد ماتزعل لانه مو من المعقول يبقى الموضوع جاد  اكثر من اللازم الناس تريد تهرب وتتخلص من الواقع المأساوي اللي عايشيه بالعراق فرجاءا لاتسويها قصة هذا بالنسبة الي.

أما بالنسبة للاخ صفاء الكرخي وانتقادك لردودة والصور اللي يرفقها فصدقني يااخي وبدون انحياز للاخ الكبير صفاء ترة هالرجال علم من اعلام المنتدى ومايجي واحد مثلي يقيمة ,,الشخص مبين من ردودة ومن افكارة وعقليتة انه اكبر من هالكلام اللي حضرتك تفضلت بيه وتقدر تراجع المواضيع والردود مال الاخ صفاء وبالنسبة للصور اللي يخليها اني احييه من كل قلبي على جهوده في نقل الحقيقة والتعبير الحي للواقع المرير المأساوي في بلدك والصورة تنقل معاني وعبر اكثر من ان ينقلها اكبر كتاب فرجاءا رجاءا اخونا Graphic Designer خليك متساهل ويانا وحاول تفتح صفحة جديدة واحنا اخوتك
العنوان: رد: موقع يمكنك من متابعة ملفك بنفسك
أرسل بواسطة: ** يدكو ** في 12:54 02/07/2010
والله اخيGraphicDesigner صدك تحجي اكو اعضاء مع احترامي بس يكتبون ردود محبطة وموذية بس ارجو من البعض الي يكتب هيجي ردود خلي لا يكتب احسن لان الاخ منزل موضوع يساعد الناس بيه بلكي واحد من الزوار شافه ونزله ويستفاد الجميع هو بفائد الكل مو واحد ينزل معنويات وارجو من الاخت انجي الانتباه رجاء لان اني جنت منزل موضوع ونفس الحاله صارت وحذفته لان بع الاعضاء نزلو من معنوياتي
العنوان: رد: موقع يمكنك من متابعة ملفك بنفسك
أرسل بواسطة: Safaa Alkhrkhy في 15:17 02/07/2010
اخواني جميعا بلا استثناء ..........
اشكركم جميعا جميعا واكرر واعيد اننا هنا لخدمة بعضنا الاخر وان كنا في بعض الاحيان نطلق نوع من المزاح او الفكاهة فهو لتلطيف الجو ليس الا ...
اذا ماكان هناك سوء فهم قد حصل بقصد او بدونه فانا اقدم اعتذاري للجميع واطلب منهم ان يتذكروا اننا جميعا لخدمة بعضنا يعضا...
اخي المتميز العراقي وبقية الاخوة الافاضل ..
بعض من هذه الصور شاهدتها بعيني وفي مدرسة لابني وهناك الاتعس ... وهذا هو عراقنا الجديد!!!!!!! مع الاسف الشديد


اخوكم  ابو سارة
العنوان: رد: موقع يمكنك من متابعة ملفك بنفسك
أرسل بواسطة: مالايكي في 15:43 02/07/2010
هسه الموضوع جان شنو؟

اني انلاصت عليه   اشو صور  ودمايه   واعصاب  وصياح


العنوان: رد: موقع يمكنك من متابعة ملفك بنفسك
أرسل بواسطة: ابو الحسن في 15:44 02/07/2010
عمي صاحب الموضوع تاج راسي
استهدي بالرحمن بس ترة احنا من القهر والكابة لازم شوية نتشاقة ونتلاطف واذا مو هيجي نطك من القهر
عمي ترة العزيز ابو سارة الكرخي والطيب كوندا من علية القوم بالمنتدى ومعدن اصيل وبس انخاهم وشوف الكاع شجايبة زلم
يلة حبايبي استهدوا بالرحمن وكلنا اخوة واهل ان شاء الله
ابو الحسن
العنوان: رد: موقع يمكنك من متابعة ملفك بنفسك
أرسل بواسطة: kunda في 15:44 02/07/2010
اخوية (يدكو) يمعود هيجي صايرة ؟؟لهلدرجة الواحد مايتحمل شقة وضحك ؟؟انت تعرف احنا عراقيين واغلب العراقيين تاخذهم الطرفة والفكاهة والمزح مع بعضهم البعض    والله حتى (بالفواتح )اكو تنكيت وضحك هاي طبيعية الفرد العراقي من كثر ماعاناه ومن كثر مامرت عليه مشاكل ومظالم  ...غالبية ابناء شعبنا وجد في روح الفكاهة فرصة ولو ضئيلة لابتعاده عن هموم الحياة وأكرر اسفي اذا ماعجبكم شي بردي واعتذر ايضا نيابة عن اخي صفاء الكرخي   بس اخوان والله مو حلوة تخلوها بس دراما ومسلسلات حزينة هم خلو شوية متنفس للكوميديا بحياتكم   تحياتي (طبعا كوميديا بدون تجريح للاخرين)
اخوكم كوندا العنكاوي
العنوان: رد: موقع يمكنك من متابعة ملفك بنفسك
أرسل بواسطة: kunda في 15:48 02/07/2010
عشت ابو الحسن اخونا الجبير على راسي ماليزيا وكل اهلها  وتحية الك ياراقي وباقة ورد من (اربيل) الى (كولا لامبور )يالعزيز
العنوان: رد: موقع يمكنك من متابعة ملفك بنفسك
أرسل بواسطة: ** يدكو ** في 17:06 02/07/2010
صح اخي kunda حجيك صحيح بس تعرف كل انسان والو طبع خاص بس اعذرني اذا حجيت كلام مو بمحلو واني اسف الك بس نفس السالفة صارت وياي واضطريت الى حذف الموضوع الي نزلتوا

             وارجو من كل الاخوة الاعضاء مساعدة البعض لاننا في غربة وبعيدين عن بلدنا وقسوة الحياة

     وتعيشون ويحيا العراق وبالتوفيق لكل عراقي


العنوان: رد: موقع يمكنك من متابعة ملفك بنفسك
أرسل بواسطة: حبزبوز1 في 18:16 02/07/2010
طبعا بارك الله بكم جميعا للروح التي اتسمت بردودكم التي اصطبغت اما بطابع الاعتذار او الشرح المختصر للاخ الكريم صاحب الموضوع حول القصد من تلك الردود لم يكن الا من باب العفوية ولم يقصد بها اية اساءة متعمدة وفعلا ما احلى ان تكون لغة الحوار هي لغة المحبة والتسامح لان لا طائل من استخدام لغة اخرى لا ضر منها ولا نفع .. وجميعنا مررنا بهذه الحالة في هذا المنتدى الكريم او غيره بل وقد تصل بعض الردود احيانا الى لغة غير حضارية ومعيبة ولكن بروح بمثل التي شوهدت هنا والطريقة التي تم بها معالجة سوء الفهم من الاخوان تدل على مستوى عال من الخلق والتربية نتمنى ان يكون من سمات كل الردود في منتدانا او غيره .. وتقبلو مروري 
العنوان: رد: موقع يمكنك من متابعة ملفك بنفسك
أرسل بواسطة: مالايكي في 18:41 02/07/2010
هاي شنو؟

 

فضت  ؟  يلله يمعودين   ماكو شي بعد....   شي اكشن


ههههههه  اتشاقه والله
العنوان: رد: موقع يمكنك من متابعة ملفك بنفسك
أرسل بواسطة: GoldenEgle في 19:22 02/07/2010

اخوان هذا الموقع مباشر اللي تكدر تجيك وهو تقريبا نفس الموقع بس موقع حكومي مباشر وعلى  شرط انه تدخل رقم الوصل اللي استلمت بعد ارسال ال I-360  واللي تبدا ب LIN والبقية ارقام ويكون مجموع الاحرف مع الارقام 13 ... حيث توضع رقم هذا الوصل وبعدين تشوف وين واصل الملف وحالته مع قراءة تفاصيل الحالة وشنو اسبابها .


 تحياتي
النسر الذهبي
العنوان: رد: موقع يمكنك من متابعة ملفك بنفسك
أرسل بواسطة: عمر عراقي في 22:31 02/07/2010
مقتبس من: GoldenEgle في 19:22 02/07/2010

اخوان هذا الموقع مباشر اللي تكدر تجيك وهو تقريبا نفس الموقع بس موقع حكومي مباشر وعلى  شرط انه تدخل رقم الوصل اللي استلمت بعد ارسال ال I-360  واللي تبدا ب LIN والبقية ارقام ويكون مجموع الاحرف مع الارقام 13 ... حيث توضع رقم هذا الوصل وبعدين تشوف وين واصل الملف وحالته مع قراءة تفاصيل الحالة وشنو اسبابها .


 تحياتي
النسر الذهبي
اخويه وحبيبي النسر الذهبي الله يبارك بيك بس شويه وضح الموضوع لان بصراحه مفتهمت شي
ومشفت اي موقع قلبي يمكن انت تعبان او دايخ والله يساعدك ورده .
او فهمني يجوز اني دايخ ومسطور . وانتظر توضيحك.
اما بالنسبة للموضوع فأكو موقع مال تركيا ما اعرف نزلتو لو لاء لان اني بصراحه مقريت كل الردود
وهذا الموقع مال تركيا وما ادري اكو مثله بعمان او بسوريا او بمصر  ؟؟؟؟ ما ادري بصراحة.
هذا الموقع .
http://sonuclar.unhcr.org.tr/index.php