ankawa
منتدى الهجرة واللجوء => الهجرة و واللاجئين => الموضوع حرر بواسطة: غربة وطن في 17:17 01/07/2010
-
مساء الخير
في موضوعي الاول تكلمت بخصوص الكفالة الخماسية التي سيتم ترتيبها لي الى كندا
وقد علمت ان مبلغ السفر بالطائرة الى كندا هو على حسابي الشخصي
بحاجة الى اجابة سريعة ودقيقة لأسعار تذكرة السفر للشخص الواحد من سوريا الى كندا
وقد علمت انها تختلف صيفا وشتاءا
وفي اي عمر بالنسبة للطفل يجب علينا ان نحجز تذكرة له ايضا
مع محبتي لكم
-
اخي الكريم التذكرة حسب الخطوط الجوية على ياخطوط تريد تروح؟
-
اخي تستطيع ان تقدم طلب قرض حتى لو كفالة خماسية على مبلغ التذكرة و السفارة الكندية هي الي تدفعه وانت من توصل تقسطه لمدة سنتين على ما اعتقد...
ولمعلوماتك ايضا حتى تستطيع ان تقدم طلب قرض على اجور الفحص الطبي
تحياتي للجميع
-
ســـرى
اخي العزيز
لا املك المعلومة بصراحة عن اي خطوط جوية سيكون الطيران
لأنهم ابلغوني عن الكفالة قبل ايام
وبحاجة لمعرفة تكاليف السفر
من سوريا الى كندا واذا كنت تملك معلومة عن اي خطوط جوية ايا تكن ياليت ان تكتبها هنا
مع مودتي لك
-
migrant
حبيبي الغالي هل انت متأكد من هاي المعلومة
يعني وين اقدم على طلب القرض هاي اولا ً
وشنو سالفة الفحص الطبي
اخوك ترى جديد بالشغلة هم بيها فلوس
\واذا عنك اجابة بخصوص الطفل وشكد عمره يلا تنحسب اله تذكرة طيران
مع مودتي لك
-
حبيبي اعرف ناس طالعين من سوريا بنفس الطريقة..و القرض توقعه بالسفارة ويه اوراق الفحص الطبي لو بمن تسلمها بعد ما يقبلوك...
وحسب معلوماتي بس مو متاكد مو بكيفك تحجز هم يحجزولك على الخطوط ..وبالنسبة للقوانين العامة لشركات الطيران الرضيع الي عمرة اقل من سنتين يكون سعر تذكرته تقريبا ثلث التذكرة للبالغين بعد السنتين لازم مقعد وحده...
يابه انت ليش مستعجل بعد وراك حصبة وجدري ههههه دخلي يقابلوك والله كريم.
الله يسهلك امورك
تحياتي
-
migrant
حبيبي الغالي هيه مو مسألة استعجال لأن الموضوع اكبر من هيجي
اني متهدد وما اكدر اطلع من البيت واشتغل
بس اريد اعرف شكد راح تكلفني كل هاي الامور
يعني حتى ارتب مبلغ الايجار والمعيشة بسوريا
فأكتشفت انت تكول مبلغ التقسيط على التذاكر والفحص الطبي
ومثل ما كتلك ان جديد عالشغلة
سؤال اخير
تكدر تكلي شكد تقريب سعر التذكرة مال سفر اذا تعرف او اذا سمعت منا ومنا
مع الشكر الجزيل لكل حرف قمت بكتابته
-
حبيبي تدلل ...
همزين اني ماعندي شي هسة و كاعد على الانترنت وسويتلك بحث.. ;D
سعر التذكرة تقريبا 3000 للنفر الواحد على طيران كندا وهاي المعلومات و تدلل
Air Canada
Flight 6581 operated by bmi / Flight 859 / 470
10:25am
Damascus, Syria (DAM)
11:30pm
Ottawa, ON Canada (YOW)
$3,183 per person total $3,488
بس اخوية تره كندا متحزر و متعرف اشوكت يقابلوك و يمشون معاملتك يعني شغلة حظ و طبيع ملفك اني هذولة الناس الي كتلك عليهم طولو سنتين بينما اخونا الي ويانه بالمنتدى 5 اشهر و سافر و من عمان تقريبا 10 اشهر واخوك الى هسة ينتظر حمة الله همين ;D :D
تحياتي الك
-
تذاكر السفر من سوريا الى كندا هي 1500$ ذهاب واياب للشخص الواحد
وطبعا قابله للزياده والنقصان بس شغلة 100$ الى 200 $
تقبلو مروري
اخوكم : الفريدو
-
تذاكر السفر من سوريا الى كندا هي 1500$ ذهاب واياب للشخص الواحد
وطبعا قابله للزياده والنقصان بس شغلة 100$ الى 200 $
تقبلو مروري
اخوكم : الفريدو
تحياتي اخوية ابو احمد طبعا اني هم معلوماتي انه سعرها لا يتجاوز ال 2000 دولار بس ما اعرف اشعجب السعر هسة هيجي غالي "بالمناسبة هاي اسعار الخطوط الكندية مثل ما موضح من موقعهم ..اتوقع غير شركات ارخص .."
تحياتي للجميع
-
هلو اخويه ماكرينت شلونك اخبارك
اخويه هاي ع الخطوط البريطانيه واسعارها تو ووي 1500$ للشخص الواحد
تقبلو مروري
اخوكم : الفريدو
-
اخوية العزيز الفريدو
تحياتي الك
بس عندي سؤال اذا بس ذهاب شكد لحجز بلا زحمة عليك ؟؟
وممنون لكل حرف كتبته خلاني استفاد منه
تحياتي الك
-
اخويه العزيز
سعر التذاكر اني من عمان وبشهر 3 طلعت على خطوط لوفتهانزا للشخص تقريبا 1000 دولار وعندي طفل عمره 3سنوات حسبو التذكره 700 دولار
وبالنسبه للفحص الطبي حدود 150 دولار اخويه عند الموافقه النهائيه همه السفاره يسئلوك هل تريد ندفع البطاقه والفحوص كقرض وبعدين تقسط لمده 3 سنوات من تاريخ وصولك بدون فائده وبعد 3 سنوات تصير فائده تقريبا عليه 2.5 بالميه بس حد اعلى لازم تدفع خلال 6 سنوات اكثر حد
وعمي اي شي تحتاج اسال بس ادعي يخابروك وتخلص من الانتضار
اريد وطن
-
اخوية اريد وطن الغالي
شكرا على مرورك للموضوع وردك الجميل الي وصلي معلومة استفاد منها بأذن الله
وياربي الكل يخابروهم ويطلعون بأسرع وقت
تحياتي
-
السلام عليكم ..
اني كتبت الى الاخ غربة وطن على الياهو عن السعر بالمضبوط من سوريا لان اليوم رحت الى مكتب سفريات وكعدت يمهم وسألتهم بس راح اذكرهه هنا حتى يستفاد منهه غير شخص .
من سوريا السفر عن طريق الطيران التركي سعر التذكرة ذهاب فقط 1150$ للبالغ والطفل سعر التذكرة 100 الى 120 $ فقط هذا بس ذهاب // والطيران التركي ايسموه جيد فقط واكو بعد جيد جدا واكو ممتاز واصور اسعارهن مو اكثر من 1500$ او شوية اكثر بس الحجز يعتمد على الوقت يعني اني من كتله اريد احجز كال شوكت كتله مو شرط كال ميصير مو سعر الحجز حسب اليوم يا طيران راح يروح يكون السعر كتله بعد 15 يوم كال التركي وهذا سعره اعلاه ... بالمناسبة غربة وطن طلع جيران قديم سبحان الله عين كاوا صدك منزل ثاني النه ويا محلى الصدف الي بيه ...
احلــــــــــــــــــــــى منتـــــــــــــــــدى