-
السلام عليكم جميعآ يااخواني الأعزاء
اليوم اجريت المقابلة ألأولى بس متت لحد ان قابلت انا وزوجتي ضلينة من الساعة 11 صباحآ الى الساعة 4 ونص عصرآ
المهم//// جلست اول شي انا وزوجتي فبدء بالأسئلة مع زوجتي وكانت الأسئلة التحدث عن نفسها من الطفولة الى يومنا هذا
وكان الشخص الذي قابلنا اردني وكللللللش لطيف ودمة خفيف ومتعاون وبعد ان انهى الأسئلة مع زوجتي وراح اذكر بعض الأسئلة
وهي //// مااسم مدرستك الأبتدائية واين موقعها وكم سنة درستي في الأبتدائية والمتوسطة ايضآ نفس الحالة ....الخ من المدارس واماكنهن والتحصيل الدراسي
ثم متى تزوجتي واين كان زواجك يعني في اي فحافظة او دولة.... ماهي مدة زواجك وهل كنتي متزوجة سابقآ....
اي كنتي عند اختطاف زوجك وماذا فعلتي ومتى رأيتي زوجك بعد اختطافه.
ماهو عدد افراد عائلتك وكم اعمارهم وماهي اسمائهم
ماهو دينك وماهو مذهبك وهل كنتي محكومة سابقآ بجناية وهل انتميتي لحزب البغث وهل كنتي تدفعين اشتراك للحزب
هل انتميتي لمنظمة او رابطة او اتحاد او نقابة
هل تعملين وماهو عملك واين وهل كنتي ثابتة بهذا العمل كل حياتك ام انتقلتي بأماكن اخرى
هل تعانين من امراض مزمنة او مؤقتة او موسمية
هذا كان ما تكلم به مع زوجتي وانا جالس بجانبها واكيد هناك اسئلة اخرى روتينية لايسعني ذكرها
وبعدها قال لزوجتي الأن يمكنك ان تخرجي وتجلسي في الأنتظار وتتركينا انا وزوجك لوحدنا..
فكانت الأسئلة مع زوجتي هي نفسها معي ويضاف اليها حالة اختطافي وكيف حصلت بالتفصيل الممل
وبالمناسبة لم يقبلو ان ادخل السيدي الذي فيه فديو اختطافي لأن ممنوع دخول اي شيئ الكتروني
ولكن انا كنت ماخذ اكثر من 15 لقطة من الفيديو ومسويهن صور مثل ماشفتو بموضوعي السابق واكثر الصور الي انطيتهن بيهن وجهي بوضوح
فقام من يقابلني بأستنساخ الصور وبعض اوراق القضية ليضيفها الى ملفي الشخصي
ذكرت في المقابلة كل شيئ ماخليت شي وماضميت شي الى ان هو تعب من طباعة حواري بالكمبيوتر
وقال لي (انت داخل بضروف قاسية جدآ) وقلت له المهم اني خرجت من كل هذا
وبعد ان شرحت له قصة اختطافي بالتفصيل وتعب من كثر ماشرحتله بالتفصيل قال خلينا نرتاح 5 دقائق ونرجع نكمل
وصدك رحنة شربنة كل واحد جكارة برة وضلينة نسولف اني وياه على بلده الأردن كال خليني اروح اشوي واجي
كلتلة اخذ راحتك وطلع راح يتغدة
وبعدهة كلتلة على الخطفة الثانية وايضآ بالتفصيل الممل ولكن هذه المرة قللت التفصيل العالي الدقة لكي ارحمه وارحم نفسي لأن تأخرت كثيييير وياه وتعبت جدآ بحدود الساعتين ونصف اني بس احجي وهو خطية بس يطبع
وبعدها اعطيتة دفتر الخدمة العسكرية وقلت له اني لبست عسكرية سنتين بس ماذكرت اني كن حرس جمهوري اكتفيت ان اقول له اني كنت جندي مكلف فقط وماذكرت الحرس الجمهوري لتقليل الأسئلة علية
هذا كان اهم مافي المقابلة ومقابلتي الثانية والأخيرة هي بتاريخ 19/7/2010
اتمنى الموفقية لكم ولي ونسافر سوة وتصير هذي الأيام سوالف
ونروح نشوف الي طلعو قبلنة من اصدقائنة الي في منتديات عين كاوا
تقبلو تحياتي
اخوكم
ساحر بغداد
[/size][/b][/color]
-
السلام عليكم
اخويه ساحر بغداد مبروك ع المقابله
وانشاءالله تمشي معاملتك بسرعه
ومن غير اي عراقيل
تحياتي اخوك عزيز
-
اهلآ اخوية الغالي عزيز
الله يحفظك ويسهلك امرك مثلما تتمنى الخير لغيرك ياوردة
طبعآ اني كللللللللللش تعبان وراح اخذلي غفة واشوفكم بليل
لأن ما اتصور يومي يعدي بدونكم ياغالين
بس كنت ماخذ عهد على نفسي بس ارجع اسولفلكم
واي واحد عندة استفسار بخصوص المقابلة الأولى لايتردد اني حاظر
اشوفكم بالليل يا احبابي
تحياتي
اخوك
ساحر بغداد
-
الف مبروك يا ساحر و انشاء الله يوم الي تقابل محلفين و تحصل الموافقة
بس لو امكن تذكر الدولة الي امقدم منها لا اني دا انتظر المقابلة الاولى بعمان صارلي فوك ال 6 شهور و ما ادري ليش نايم الملف مالتي
-
كلش زين مبقى شي
وما دام مقابلتك الثانية قريبة يعني اعتقد امورك راح تمشي سريع وسفرك قريب والله اعلم
حاول تكتب اللي كلتة اليوم بورقة وقلم وحسب التسلسل لان المحلف راح يستند على اللي كلتة انت اليوم
وابد لتضيف شي كدام المحلف لان يعتبر عدم تطابق وية اقوالك وهذا مو بصالحك
حتى لو كان الشي اللي تضيفة مهم اتركة احسنلك
لان المحلف يعتبر اي اضافة هي تغيير للحقيقة لان المفروض كلشي تكول بالمقابلة مال اليوم
احفظ اقوالك وانتظر المقابلة مال المحلف
وحظر الجنطة من هسة
بس دير بالك الجنطة الها مواصفات خاصة لتشتريها ليكدام
اشتريها ورة الدورة التثقيفية
-
lمبروك اخي ساحر للمقابلة الاولى ربي يسهل امرك الى اخر المشوار وانشاءلله وبعونه تعالى القبول والسفر القريب ربي يوفقك ويوفقك كل الاخوة المنتظرين المقابلات والسفر
-
الاخ ساحر بغداد
بالموفقية انشالله , تمنياتنا لك بسرعه الاجراءات وسهولة السفر والاستقرار انشالله , لك والى كل الاخوان المنتظرين وان منهم.
حقيقا منذ البداية انا متابع موضوعك والجميع بالبيت اتاثروا بقصتك وخاصة الصور الي عرضتهن.... انشالله كله هذا تخفيف ذنوب وعتق من النار انشالله .
وانا عندي استفسار اذا امكن اخوي
من خلال مقابلتك الاولى ..مفتهمت اذا اكو اهناك اجراءات لتسريع المقابلات , وليش احنه معاملتنا ع الشحن بدون اي مقابله بدون اي ذكر لاكثر من 7 اشهر.
امنياتي لك بالموفقية مره ثانية وسرعه السفر
اخوك
الاسمر الزين
-
مبرووووك اخوية العزيز بالتوفيق ان شاء الله ويارب يعوضك عن كل الي شفته بخير ان شاء الله
تمنياتي الك ولزوجتك بالسفر القريب العاجل امين ياربي
-
انشالله خير ربي يوفقك وتنسه كل المريت بيه وتصير سوالف الله يسهل للجميع تقبل مروري
-
اخي الف مليون مبروك والحمدلله بس اريد اذكرك بشيء اي شي حجيتو ويا المقابل اكتبه حرف حرف بدفتر حتى يكون الك مرجع
في المقابلات الجاية وخاصا التواريخ ولاتزيد ولاتنقص باي شي حجيتو بالمقابلة الاولى اي اقصد عندما تروح المقابلة الجاية
وتمنياتي لك بالموفقية
وتقبل مروري
-
مبروك اخويه ساحر بغداد عيني وانشالله المقابله الثانيه سهله اتكون والله ايوفقك وسهل امورك وتسافر
اختك شموسه123
-
ساحرنه الله يسهل امورك ان شاء الله للاخير... و يسهل امورنه. بس عندي استفسارين.
1- بالمقابله الموظف كلك او حجه شي على الايملات الي دزيته الهم بالفتره الاخيره الي جنت كايل بيه انو اطلقو عليك رصاص من مسدس كاتم؟لو لا؟ لان هاي مستجدات ما جانت موجوده بملفك الاساسي الاولي.
2- اني الي افتهمته من موضوعك الاولي انو اشتغلت 3 اشهر فقط و وراه اثناء تجديد العقد انخطفت...زين بهيجي حاله معناه مو لازم مشتغل سنه كامله وياهم حته يقبلون الكيس. يعني سالك اشكد مشتغل ويه الامريكان و وين و الفتره؟
تحياتي
-
مبروك وان شاء الله المقابلة الثانية اتصير سهلة عليك يا رب وان شاء الله سرعة السفر لك ولكل الذين يتمنونها
احلــــــــــــــــــــى منتــــــــــــــــــــــدى
-
اخوية المتميز
علة عيني وراسي الاعداد الكبيرة ال كاعد تقابل واللي تعتبرة دليل على تسريع المعاملات 000 بس بصراحة الامور والانتظار الطويل ديصير ورة المقابلة الثانية وحضرتك كاعد تشوف هذا الشي --- ناس صارلها بال 6 اشهر واكثر كلشي مكملة ولحد الان كلشي ماكو
تحياتي
-
الف مبروك على المقابله وانشاء الله السفر القريب يارب اخوك امير البغدادي
-
الاخ العزيز ساحر بغداد الف مبروك المقابلة الناجحة ان شاء الله واتمنى ان تنجح في مقابلتك الثانية يارب ويفرجهة ربي عليك باسرع وقت لان انت احق واحد بالحياة الحرة الكريمة يارب تتحقق كل امنياتك تحياتي لزوجتك البطلة
مع تحياتي ودعواتي الخالصة الك
اختك داليا الوردة الوردة
-
اخي العزيز مبروك عليك المقابلة وانشاء الله راح الهواي ومابقة الا القليل وانشاء الله نسمع اخبارك من امريكا وفي هذا المتدى الاكثر من رائع ولاتنسانا بالدعاء
اخوك /اسعد العراقي
-
بالتوفيـــــــــــــــــــق اخـــي الورد ساحـــــر بغـــــــــــــــــــــــــداد
-
انشاء الله تشوف الخير وتتوفق يارب وتسافر
تحياتي الك وللعائله الكريمه
اختك ازل
-
شلونكم اخواني الأعزاء والأوفياء الغاليين جميعآ
اشكركم على كل ماتقدمتم به من كلمات جميلة في ردودكم الطيبة التي اصبحت مصدر طاقتي
في قضيتي .... والله تعجز الحروف والكلمات الجميلة ان توفي بحقكم فأنتم نموذج عراقي فريد وراقي
الله يحفظكم جميعآ ويعطيكم اضعاف ماتتمنون لي يااروع من عرفت بحياتي يامحترمين يااصلاء
اول شي اقول لكم اعذروني تأخرت عليكم بالرد لأني رجعت من المقابلة تعبان كلش ونمت
وهسة كعدت
راح ابدء ارد واجاوب كل شخص قام بسؤالي حسب
تابعو ردودي
اخوكم
ساحر بغداد
-
السلام عليكم يااخواني الأحباء الطيبين
الرد على اخي الثعلب//
انا مقدم من بغداد ومقابلاتي في بغداد وانا بقيت انتظر تقريبآ ستة اشهر وبعدها قابلت ولكني ارسلت لهم ايميلات كثيرة اطلب فيها تسريع العمل في قضيتي ..... فأنصحك ان لاتنقطع بالتواصل معهم لتسريع مقابلتك.
الرد على اخي الأسمر الزين//
انا من ملاحظتي وكلامي مع بعض الموجودين عرفت ان هناك تغير بسرعة الأجراءات بس نحو الأفضل اكيد
يعني اصبحت الأجراءات سريعة وضعف ماكانت عليه والمقابلات بالجملة يعني من اني رحت وحسب ماقاله الحارس الأمني الموجود عند باحة الأنتظار .. قال انه قد قام بأدخال مايقارب 50 عائلة في الساعة السادسة او السابعة صباحآ وهذا ماقاله لي نصآ
ومن كان قد ادخلهم هم اصحاب المقابلات الأولى واما الثانية فأنا رأيتهم بعيني وكان عددهم ايضآ كبير بس خلصو المقابلات بسرعة
اما تأخر اجابتهم عليك .. فأقلك تواصل معهم واسأل عن قضيتك بمعدل اسبوعي وهذا مافعلته اني ونفع معي وخابروني. اتمنالك الموفقية.
الرد على الأخ ارمنيان//
1- الذي قام بمقابلتي لم يذكر اي شي بخصوص ايميلي واطلاق النار ولكن انا قمت بذكرها عندما كنت اشرح حالتي ولكن سألته وقلت له انه المنظمة قامت بالأتصال بي اكثر من 4 مرات بعد ان ابلغتهم بأيميل بحادثة محاولة قتلي الأخيرة فهل هذا الشي عادي وقال لامو عادي ولكن يبدو ان المنظمة هناك في عمان استجابت لأيميلك لأنك مهدد.. فأعتقد الموضف الي يقابل المقابلة الأولى مايعرف شيصير من احداث في المنظمة بالأردن ولكن هو فقط يسجل المعلومات التي تنذكر من صاحب القضية ليتناقش بها المحلف في المقابلة الثانية وهذا مااني اعتقدة
2- الفترة مومهمة حتى اذا كانت يوم واحد وهذه التعليمات قديمة كلش وتحدثت يعني من كان يعمل مع الأمريكان لمدة لاتقل عن سنة فهو ينقبل على برنامج الهجرة اما بعد التحديثات التي صارت في قوانين منظمة الهجرة الدولية فأصبح كل من عمل بعقد مع الأمريكان حتى اذا يوم واحد يستحق طلب اللجوء على ان تكون هناك شركة تزوده بتأيد عمله معهم...
وبخصوص سؤالك////// هل سألك كم عملت مع الأمريكان ومكان عملك// ... الجواب نعم سألني وحتى سألني هل شركتك امريكية قلت نعم واين مقرها قلت الحارثية واين عملت قلت كان عقدي بالموصل وعملت داخل قاعدة مشتركة كحارس امني مع شركتي المتعاقدة هناك..
انشاء الله تكون اجابتي لك وافية
الرد على المهندس سيوفي///
اخي العزيز كان هناك اشخاص مقابلين مقابلة ثانية ومخلصين كلشي ومأخريهم على وجود بصمة مو واضحة او نقص بشيئ معين ودازين عليهم يعني حسب ماسمعته وناقشتة وية بعض الموجودين راح يقومون بتسريع المعاملات كلهة ويحسمون قضايا نائمة كثيرة ولكن انصحك كما نصحت الأخوان ان تتواصل معهم بمعدل ايميل كل اسبوع وتطلب ان يسرعون بقضيتك او تقلهم اني في خطر او من هذه الأمور بس المهم ان تتواصل وياهم ولاتخليهة سكتة لأن همة هم يضربوهة سكتة اذا ماتواصلهم ... اتمنى اكون اوصلت الفكرة لحظرتك ياغالي
ونصيحتي الى الجميع ان يقومو بالتواصل مع المنظمة بمعدل ارسال ايميل كل اسبوع
وهذه الطريقة الوحيدة التي يشعرون بيهة بالظغط ويتصلون بيكم ويلبون احتياجكم
الطريقة مجربة مع الكثير ونجحت بس لاترسلون ايميلات كثيرة بنفس الأسبوع حاولو ارسال ايميل بالأسبوع او كل اسبوعين افضل..
دعائي للجميع بالموفقية والله يسهل لكل واحد ينتظر فترة طويلة
وانشاء الله هذه السنة تكون نهاية معاناة الأنتظار للجميع
تقبلو تحياتي وحبي لكم
اخوكم
ســــــــــــــاحر بغــــــــــــــــداد
-
2- الفترة مومهمة حتى اذا كانت يوم واحد وهذه التعليمات قديمة كلش وتحدثت يعني من كان يعمل مع الأمريكان لمدة لاتقل عن سنة فهو ينقبل على برنامج الهجرة اما بعد التحديثات التي صارت في قوانين منظمة الهجرة الدولية فأصبح كل من عمل بعقد مع الأمريكان حتى اذا يوم واحد يستحق طلب اللجوء على ان تكون هناك شركة تزوده بتأيد عمله معهم...
والله ياخويه ساحر بغداد هسه طمنتني على شغلتي ربي يريح بالك ويوفقك
لان اني ولا مره جريت سنه كامله وياهم
الله يبشرك بالخير
-
مرحبا اخويه ساحر بغداد ...
ارجو توضح هذي الجمله """هذا كان اهم مافي المقابلة ومقابلتي الثانية والأخيرة هي بتاريخ 19/7/2010 """
عزيزي اذا انته قابلت يوم 6/7/2010 مقابله اولى .... اشلون حددولك مقابله ثانيه واخيره يوم 19/7/2010
يعني هذا التاريخ همه حددوه الك بوقت المقابله الاولى لو شلووون ؟؟؟؟؟
-
اخواني الاعزاء
اني طبعا عضو جديد وشفت هواية اكو معلومات ممتازة بالمنتدى
الله يخليكم عندي استفسار اني مقدم على الاي او ام عمان عن طريق الميل اني بالامارات و عائلتي بسوريا المهم انطوني كيس نمبر يوم 4-5-2010 و وراهة نامت علينا الطابوكة كلما اخابرهم يكول الموافقة بعد مجتي اريد اعرف وين تروح المعاملة و تقريبا شكد تطول بالمعدل علما اني كنت متعاقد مع الجيش الامريكي ( مقاول ) ودزيت اوراق العقد و اسم و ايميل الامريكي الي موقع العقد وياي .
وهل الموضوع وقت و بس لو ممكن تطلعنة ميت عرقولة
اكون ممنون لليجاوبني بالتفصيل
-
السلام عليكم جميعآ يااخواني الأعزاء
اليوم اجريت المقابلة ألأولى بس متت لحد ان قابلت انا وزوجتي ضلينة من الساعة 11 صباحآ الى الساعة 4 ونص عصرآ
المهم//// جلست اول شي انا وزوجتي فبدء بالأسئلة مع زوجتي وكانت الأسئلة التحدث عن نفسها من الطفولة الى يومنا هذا
وكان الشخص الذي قابلنا اردني وكللللللش لطيف ودمة خفيف ومتعاون وبعد ان انهى الأسئلة مع زوجتي وراح اذكر بعض الأسئلة
وهي //// مااسم مدرستك الأبتدائية واين موقعها وكم سنة درستي في الأبتدائية والمتوسطة ايضآ نفس الحالة ....الخ من المدارس واماكنهن والتحصيل الدراسي
ثم متى تزوجتي واين كان زواجك يعني في اي فحافظة او دولة.... ماهي مدة زواجك وهل كنتي متزوجة سابقآ....
اي كنتي عند اختطاف زوجك وماذا فعلتي ومتى رأيتي زوجك بعد اختطافه.
ماهو عدد افراد عائلتك وكم اعمارهم وماهي اسمائهم
ماهو دينك وماهو مذهبك وهل كنتي محكومة سابقآ بجناية وهل انتميتي لحزب البغث وهل كنتي تدفعين اشتراك للحزب
هل انتميتي لمنظمة او رابطة او اتحاد او نقابة
هل تعملين وماهو عملك واين وهل كنتي ثابتة بهذا العمل كل حياتك ام انتقلتي بأماكن اخرى
هل تعانين من امراض مزمنة او مؤقتة او موسمية
هذا كان ما تكلم به مع زوجتي وانا جالس بجانبها واكيد هناك اسئلة اخرى روتينية لايسعني ذكرها
وبعدها قال لزوجتي الأن يمكنك ان تخرجي وتجلسي في الأنتظار وتتركينا انا وزوجك لوحدنا..
فكانت الأسئلة مع زوجتي هي نفسها معي ويضاف اليها حالة اختطافي وكيف حصلت بالتفصيل الممل
وبالمناسبة لم يقبلو ان ادخل السيدي الذي فيه فديو اختطافي لأن ممنوع دخول اي شيئ الكتروني
ولكن انا كنت ماخذ اكثر من 15 لقطة من الفيديو ومسويهن صور مثل ماشفتو بموضوعي السابق واكثر الصور الي انطيتهن بيهن وجهي بوضوح
فقام من يقابلني بأستنساخ الصور وبعض اوراق القضية ليضيفها الى ملفي الشخصي
ذكرت في المقابلة كل شيئ ماخليت شي وماضميت شي الى ان هو تعب من طباعة حواري بالكمبيوتر
وقال لي (انت داخل بضروف قاسية جدآ) وقلت له المهم اني خرجت من كل هذا
وبعد ان شرحت له قصة اختطافي بالتفصيل وتعب من كثر ماشرحتله بالتفصيل قال خلينا نرتاح 5 دقائق ونرجع نكمل
وصدك رحنة شربنة كل واحد جكارة برة وضلينة نسولف اني وياه على بلده الأردن كال خليني اروح اشوي واجي
كلتلة اخذ راحتك وطلع راح يتغدة
وبعدهة كلتلة على الخطفة الثانية وايضآ بالتفصيل الممل ولكن هذه المرة قللت التفصيل العالي الدقة لكي ارحمه وارحم نفسي لأن تأخرت كثيييير وياه وتعبت جدآ بحدود الساعتين ونصف اني بس احجي وهو خطية بس يطبع
وبعدها اعطيتة دفتر الخدمة العسكرية وقلت له اني لبست عسكرية سنتين بس ماذكرت اني كن حرس جمهوري اكتفيت ان اقول له اني كنت جندي مكلف فقط وماذكرت الحرس الجمهوري لتقليل الأسئلة علية
هذا كان اهم مافي المقابلة ومقابلتي الثانية والأخيرة هي بتاريخ 19/7/2010
اتمنى الموفقية لكم ولي ونسافر سوة وتصير هذي الأيام سوالف
ونروح نشوف الي طلعو قبلنة من اصدقائنة الي في منتديات عين كاوا
تقبلو تحياتي
اخوكم
ساحر بغداد
[/size][/b][/color]
ها عمي الله يساعدهم بالله بالي يمك كان
على الخير والبركة اتمام المقابلة واني اسف مانبهتك على شغلة الكامرة او الفديوا (شلون فاتتني ما اعرف)
المهم خلصت بخير وسلامة
هسة انت لازم اتسوي الاتي
بعد ماتقرة جوابي ،،،،على السريع تفتح ملف وورد وتكتب قصة التهديد؟؟؟لاتكول ميرادلها مذكرة لان ابسط شي راح تنساة او يغفل عن بالك مو بصالحك،،،،حتى تكون شغلتك دي لوكس
لان بالمقابلة الثانية راح يرجع يستفزك بالكلام بخصوص كلامك الي حجيتة بالمقابلة الاولى،،،وتلكية بس يرد يلزم عليك لزمة
طبعا هذا في اسوء الحالات ،،،ما اريد اخوفك بس الحذر واجب
هسة نرجع على شغلة المقابلة الثانية
لازم اتردلهم خبر ،،تكول بية انت راح تحضر المقابلة الثانية حسب التاريخ المذكر والوقت والمكان
جاوب باختصار،،،
والله يسهلها عليك انشالله
اخوك كـــــــرادي
-
السلام عليكم ورحمة الله وبركاته
شلونكم اخواني الأعزاء الأحباء الأوفياء الغالين
راح ارد على كل الأسئلة والأستفسارات الموجهة الي
الرد على مهندس مدني
اخي الغالي يبدو انك مامتابع قضيتي لهذا انت ماتعرف شنو السالفة هههههههههههه
اجاوبك ياغالي اني صارت وياي حالة استثنائية وهي انني بعدني مامقابل المقابلة الأولى واجتني رسالة من المنظمة تفيد بأني قد انهيت المقابلة الأولى وتم تحديد موعد لمقابلة ثانية في التاريخ الذي ذكرته واني هم بدوري استشاريت اخواني بالمنتدى وقالي احد الأخوان ان اخليهة سكتة وماارسللهم تأكيد للموعد الى ان اقابل المقابلة الأولى ومن اخلصهة ارجع للبيت وارسللهم التأكيد واعتبر نفسي ماشفت الأيميل الابعد ان قابلت المقابلة الأولى ;)
اتمنى انني وضحت لك الحالة الأن.
تحياتي
اخوك
ساحر بغداد
الرد على بغداد بالقلب
اخي الغالي فترة انتظارك المتوقعة والأعتيادية هي من 6 الى 7 اشهر واذا زادت راسلهم بالأيميل واطلب منهم تسريع اجرائاتك وانطيهم اعذار مقنعة مثلآ خلصت فلوس او اقامتك راح تنتهي ويرجعوك للعراق وانت هناك مهدد ..... الخ من الأعذار
اما اين تكون معاملتك او اوراق قضيتك فهي في الأردن في مقر منظمة الهجرة الدولية في عمان واذا كنت تريد سرعة في الأجرائات خلال اشهر قليلة فيفضل بك الذهاب الى عمان لمقر المنظمة وترسل لهم ايميل على انك تريد الذهاب الى عمان لأجراء وانجاز المعاملة الخاصة بيك وراح يتصلون بيك خلال مدة اقصاها 14 يوم ويفهموك شتسوي
اتمنى اني قد اغنيتك بالجواب
تقبل تحياتي
اخوك
ساحر بغداد
الرد على الكراد
شلونك اخوية الغالي الوردة
لاتتأسف قابل دماغك كمبيوتر بالعكس حبي انت كفيت ووفيت بمساندتك ووقفتك وياي
اما بخصوص توجيهاتك الي الأن فأقلك اني طبقتهة وسويت كل الي ذكرته من تدوين للحديث المقابلة الأولى وبكل التفاصيل
اشكر تواصلك وياي ودعمك لقضيتي
تقبل فائق شكري واحترامي
اخوك
ساحر بغداد
-
اخونا ساحر بغداد هذا الحجي وين ابغداد لو بعمان؟؟؟؟؟؟؟
-
اخوية كوندة ... في بغداد
-
الف الحمد لله خلصت من اول مقابلة وعدت على خير وياربي تكون مقابلة المحلفين هم سهلة وتسافر بسرعة انت وزوجتك وتنسون ايام التعب والعذاب وتبدون صفحة جديدة مليئمة بالتفائل والطمأنينة ان شاء الله
تحياتي الك
اختك
بنت العراق84
-
الف مبروك على المقابلة الاولى انشالله المقابلة الثانية راح اتكون سهلة ويه محلف بشوش و خوش ادمي .. يوم استلام موافقة المحلف و السفر انشالله..
تحياتي
-
مرحبآ بأختي بنت العراق و Hanar
اقول اااااااااااااااااااااامين لدعواتكم لي
الله يوفقكم ويفرح قلوبكم مثل ماتتمنون لغيركم
وجودكم يسعدني وكلامك يفرحني وكلكم ذوق بما تكتبوه
الله يفرجهة عليكم بكل حياتكم ويفرجهة علية
اااااااااااامين يارب
تحياتي لكم
اخوكم
ساحر بغداد
-
اخوان الله يرضى عنكم جاوبوني وين هاي المقابلات وشلون اكدر اقدم عليها الله ايخليكم لاتتركوني
وبالنسبة الهاي المقابلات بس للمسيحيين لو ايصير غيرهم هم ايقدم
الله يحفضكم جاوبوني
-
اخوان الله يرضى عنكم جاوبوني وين هاي المقابلات وشلون اكدر اقدم عليها الله ايخليكم لاتتركوني
وبالنسبة الهاي المقابلات بس للمسيحيين لو ايصير غيرهم هم ايقدم
الله يحفضكم جاوبوني
-
اخي النورس جوناثان
هدي اعصابك وراح اشرحلك شنو الحالة
اول شي اخي العزيز الموضوع مايخص مسيحي او مسلم اوصابئي او يزيدي اوكردي او تركماني..
الموضوع يخص من كان يعمل كمترجم مع الأمريكان او كان يعمل بشركات امريكية تعمل في العراق بتفويض من الحكومة الأمريكية
اذا كنت انت قد عملت فيما انا ذكرت فأرجو حينها ان ترسل لي رد لأشرح لك كيف تقدم مع ذكر مكان اقامتك ان كان في العراق او خارجه ...
واذا كنت لم تعمل في الشركات الأمريكية فلا يمكن لك التقديم لأنها حصرآ لمن عمل معهم.
ويمكنك التقديم من خلال المفوضية السامية لشؤون الاجئين من اي بلد تراه مناسبآ ماعدى العراق.
تقبل تحياتي
اخوك
ساحر بغداد