ankawa
منتدى الهجرة واللجوء => الهجرة و واللاجئين => الموضوع حرر بواسطة: azizaliraqi في 19:09 06/07/2010
-
السلام عليكم حبايب
اني صار اسبوعين منتظر ال Employee Verification من مسؤل GLS
وهسه راح احجي بالتفصيل.
اني من سنة 2003 اشتغلت مترجم ويه المارينز. واشتغلت بعدها ويه القوات الايطاليه
وظليت اتنقل بشغلي كل فتره ويه وحدات جيش مختلفه. بس شنو؟ ما استمر اكثر من 6 شهور وياهم
لان شويه اخوكم مزاجي وما احب شخص يتهجم او يحجي على بلدي واسكتله. لكن والحمدلله حتى من اطلع منهم
اطلع بوجه ابيض ماكو اي شكاوي عليه.
المهم اخر شي وقعنه عقد ويه شركة ال GLS بسنة 2009
واشتغلت لمدة 5 شهور ومن طلع تعييني وظيفة مدرس
عفت الترجمه كلت الشغل الحكومي اضمن.
طبعا خلال هايه الفتره الي مضت اتغيرو مدراء شركة GLS واخذت اميل شخص اميركي هوه مسوي Employee Verification
لولد صديقي ودزيتله اميل كتله اريد Employee Verification ودزيتله بالاميل صورة من باج الشركه
وهسه صار تقريبا اسبوعين وماكو رد منه
قبل كم يوم وصيت صديقي اليه كتله يمعود شوفلي الزلمه ليش ميجاوب عليه ولادز الطركاعه Employee Verification
اليوم صاحبي كلي هذا يكول اني دزيتله اميل جاوبته بيه "يقصدني اليه" . اني كتله لصاحبي كلشي ما وصلني
لا اميل ولا حامض حلو ولاجكليته
ابو ال GSL يكوله هذا المترجم الي يريد Employee Verification اني ما اعرفه ولا شايفه "طبعا ميعرفني لان اني تركت الشغل قبل لايجي هوه للعراق" ودزيتله اميل جديد ومجاوبني.
هسه شنو الحل برائيكم؟ اني ما دزيت ولا ورقه لجماعة SIV لان منتظر استله Employee Verification حتى ادز اوراقي كامله.
زين ادز اميل ابو ال GSL ويه اوراقي واكولهم ها اميل الرجال وانتو خاطبوه لان ميقبل يطيني Employee Verification؟
لو شسوي؟ هسه بس اريد امشي باول خطوه اخاف تصير سالفه منا منا وتوكف الطلبات لو يصير شي
لان اين كل حظ ماعندي واعرف كل شغله اقدم عليها راح تتخربط ههههههههههه
تحياتي حبايب وكل رد منكم صدكوني راح يكون مساعده مهمه من حضراتكم
تحياتي اخوكم عزيز العراقي
-
و انتة ليش ما تراسل جي ال اس مباشرة و تكلهم اريد املوي فرفكيشن ليش تنتظر شخص يسويها ؟
-
سلام عليكم
تسلم اخويه ايهم
بس شلون اني امليها؟ يعني ادخل ع الموقع واكلهم دزولي نسخه فارغه واني اكليها؟
شلون يصير حبي؟ لو اني افتهمتك غلط؟؟؟
تحياتي
-
اخي قدم عل اي او ام احسلك لان ال اس اي في متفيدك ولا راح ايسرعون معاملتك بس شغلتك ع الاي او ام احسن لا فيرفيكايشن سارتيفيكايت ولا هم يحزنون اتوكل بالله وقدم عل اي او ام
تحياتي
-
زين انت عندك تزكية من مسؤول امريكي تثبت انه انت اشتغلت سنة؟ هاي غير الHR LETTER اللي ينطوكياها الGLS.
-
اخويه unfaithfull
تسلم ع الرد حبي بس اني اريد VIS علمود الكرين كارد اسرع
وبالنسبة لاختي سرى
اني بحياتي ما كملت شغل سنه ويه اي قوات, مثل ماكلت اشتغل جم شهر واطلع واشتغل ويه غير قوات
واني تارك الشغل وياهم من شهر 10-2009 وماعندي تزكيه تثبت اني مشتغل سنه كامله. كل الي عندي ريكومنديشن من المارينز بس بيها حجي كلش قوي يعني راسي يصير ب10 دفاتر من يلزموها الجماعه اياهم ههههههههه وريكومنديشن من اليطاليين
لان ما جنت اهتم لشغلة الريكومنديشن وال GLS ماعندي منهم غير الباج لا هيومن ريسورس ولا ريكمنديشن منهم.
وتحياتي للجميع
-
بدون تزكية ما تكدر تقدم عالSIV اخوية لازم يكون عندك تزكية وبالنسبة للمدة ممكن يكون عندك تزكية لمدة 6 اشهر وتزكية ثانية لمدة ستة اشهر اخرى المهم كلها تصير سنة ولازم من مواطن امريكي ولازم بيها ايميله علمود يتصلون بيه وبعد اكو شروط على كلامك احسنلك تقدم IOM لان انت لحد الان مامكمل متطلبات الSIV واللي هي اهم شغلتين.
-
تسلمين اختي سرى
ماطول هيج راح اقدم ع البرنامجين وبلكي يحسبون خدمتي ويه القوات الجنبيه كانها خدمة ويه القوات الامريكيه
وتنحل المشكله
الف شكر اخواين واخواتي
-
اخوية كتبتلك رسالتين على الخاص ... ارجو الاطلاع عليهم وراح بعون الله تجد الحل من هاي المعضلة.
اخوك ابو سارة
-
تسلم لي ابو ساره الغالي
ومبادرتك هايه تدل على طيب اصلك
جاوبتك حبي ع الخاص ومنوووووون منك والله
-
أخوية انت تكول اشتغلت وية المارينز من 2003 ووراها بين فترة وفترة جنت تبطل وترجع للشغل مرة ثانية, زين يعني بوكتها انت جنت تشتغل وياهم عن طريق شركة تايتن مو؟
-
السلام عليكم شباب
شباب اني همات سبق وان اشتغلت مترجم ويه الجيش الامريكية ولفتره اقل من سنة بالاضافة الى عملي مع شركات اخرى بالمعسكرات
شلون احصل Employee Verification عن طرق الانترنت وشنو الصيغة الي اكتبهه الهم بالانكليزي
اخواني واخواتي ممكن احد ايدزلي الصيغة ان وجدت بالانكليزي علمود ادزهه للشركة ويا ليت احصل منكم اميل ال HR مالت ال GLS
لان بصراحة اني راجعت ال GLS بالخضراء وهذا الباكستاني طنكًر عليه يكول الا اجيب جواز سفر ومليت وعجزت ولسة ممحصل على جواز
اتمنى احصل الجواب منكم لان اخوكم متضايق ومحتاج وقفتكم ووياي
تسلمون
تحياتي
-
سلام عليكم
اي حبي كابتن علي capt.ali
جنت اشتغل ويه التايتن ولهسه عندي الهويه الاصليه مالتهم
بس لان المارينز انسحبو من المدن بشهر تموز 2003 ودخلت مكانهم القوات الايطاليه
ومابقى مارينز واحد بالناصريه " على فكره اني من سكنة االناصريه مو بغداد" فاشتغلت راسا ويه الايطالين
وبقيت وياهم تقريبا 4 او 5 شهور وعفتهم وره شع=هرين تقريبا اشتغلت ويه الامريكان همين شهرين وبطلت
ههههههه احب ابطل ;D
ويعني جريته هيج اشتغل وابطل لحد ما اشتغلت بشركة مقاولات تشتغل مشاريه جوه القاعده الاميركيه تقريبا سنتين وما بطلت
وبعدين رجعت اشتغلت ويه الامريكان لحد ما طلع تعينين كمدرس وبطلت
تحياتي الك
-
اخويه سيد الوفاء
دزيتلك رساله ع الخاص
وطبعا مشكو اخونه صفاء ابو ساره على مساعدته
لو ما ابو ساره ما جان كدرت اساعدك اخويه سيد الوفاء
-
يا هيه الهوية الاصليه مالتهم؟ ام البصمة؟ ;D
لعد اذا انت مشتغل وية تايتن كمترجم زين ليش مجيب الEmployment Verification من تايتن وتفضها؟
-
acpt.ali اي حبي
الهويه ام البصمه الي تصير بالزاويه اليسرى فوك هههههههه
اني دورت على عنوان تايتن بالكوكل بس ماحصلت
موجود تايتن انشورن وتايتن مال نقل ماعرف اي
يعني مو جماعة الترجمه
واذا عندك اميل واحد منهم منا منا دزه لاخيك ;D
تحياتي اخويه علي
-
بالنسبة للشركة ترة اسمها اتغير قبل اربع سنين وصار اسم الشركة L-3 Communications واعتقد عقدهم بالعراق مال مترجمين انتهى قبل فترة طويلة, بس بعدهم عدهم الداتا بيس مال مترجمين,
اشكيد اتوررررررق $$$$ علمود انطيك الايميل؟ ;D ;D ;D (داتشاقة وياك :D)
حبيبي دزيتلك ايميل مال موظفة تشتغل بL3 على الخاص
راسلها ودزلها اسمك الكامل مثل ما مكتوب بالهوية مال تايتن, ودزلها رقم باجك + مواليدك + تاريخ البدء وانتهاء العمل بالشركة + بيا Camp او FOB جنت اتداوم, وانشالله ورة يوم راح يوصلك ال VOE بالباكيت ;D
واذا مشتغل وية تاين اقل من سنة ومحتاج يكتبولك خدمة سنه بالVOE فكلي علمود اراسلك على الخاص وافهمك شتسوي.
-
تسلملي حبي
واذا على شغلة التوريق سهله اشتريلك كل شهر لفة من الفود ستامب هههههههههههه
تسلم حبي الاميل وصلني وطبعا ماشتغلت وياهم سنة كامله
فياريت تحجيلي شلون اخليهم يكتبون هذا مشتغل قبل لاندخل العراق اصلا ههههههه
تحياتي الك يالغالي
-
ليش انت اشتغلت وياهم بس بال2003؟ يعني بال2004 مجنت تشتغل وياهم؟ حتة ولو مشتغل بس شهر واحد وياهم بال2004؟
-
اذا مشتغل وية تايتن بس بال2003 فهمين سهله, يكدرون يسوولكياها خدمه سنه, يعني مثلا يسوولكياها الخدمه من شهر الثامن 2003 الى شهر الثامن 2004, بس اني خايف ليروح انت مشتغل وية غير شركة امريكية بال2004 قبل شهر الثامن؟
-
اخويه الغالي كابتن علي
اخر يوم اشتغلت ويه تايتن كان يوم 11 كانون الثاني من سنة 2004
وطلعت منهم بعدين اشتغلت ويه شركة مقاولات عراقيه
وعلى فكره نسيت اكولك اني اشتغلت ويه الانترناشيوال بوليس ادفايزرز وذولي بريطانيين
اشتت وياهم بس 3 ايام والجماعه الي بالي بالك دزولي تهديد تره نزينك صفر :'(
انته فاهم كلامي صح؟
-
أي اخوية افتهمت, بس تواريخ الشغل مفتهمتها, راسلني على الخاص بدون زحمه وكلي بيا شهر اشتغلت وية تايتن وبيا شهر بطلت...ووراها ييا شهر اشتغلت وية هاي الشركة العراقية علمود اكدر افيدك.
-
حبي كابتن علي جيك الخاص حبي