ankawa
منتدى الهجرة واللجوء => الهجرة و واللاجئين => الموضوع حرر بواسطة: Knight night82 في 21:41 06/07/2010
-
السلام عليكم
شباب شلون الصحة اني بامريكا و اريد احول ولاية بحثا عن (الماء و العشب) ادور دراسة فاريد اخذ رايكم بولاية مسسجوسس مدينة بوسطن او ولاية كاليفورنا مدينة ساكريمنتو او اي ولاية انتو تشوفوها مناسبة اليه
اريد اكمل ماجستير و صارلي 5 اشهر بمدينة Raleigh NC
اكو جماعة يكولون اذا تدرس و عندك جهال يدفعولك الايجار و المديكيت و الوفد ستامب 5 سنين و اكو ناس يكلك اكو السكشن 8 قدم عليه و تتملك بيت زين هاي كلها اريده و اريد ادرس بنفس الوقت (ابن ادم طماع)
لا والله هيه فرصة حتى الواحد ياخذ شهادة و يكدر بعدها يشتغل باجر زين
طبعا مو اعزب ويايه المره و بنات 2 وحده 4 و الخ 2
اخواني اي معلومات عدكم على ولاية بيها هيج مساعدات و جامعة زينه اهم شي السكشن 8 او البيت الحكومي و المساعدات 5 سنين و اتمنى ما تبخلون عليه باقيلي شهر لان و يخلص ايجاري
ااخوكم ابو طيبة
9193970989
ahmedalobaidi@yahoo.com
ايميل
ninimosha2@hotmail.com
-
اخويه زين الماجسنير سنتين ادور 5 سنين ليش :)
-
ولايه ايداهو
ولايه مين
-
اخونا عكعك يا ليت تزودنا بالمزيد من الولايات الي تستمر بيها المساعدات لخمس سنوات اذا ما عليك أمر ..
وهل قضية استمرار المساعدات حسب الولاية ام حسب المنظمة الي راح تتكفلك عند الوصول ؟
وشكراً لك ولصاحب الموضوع ..
-
ولاية مينيسوتا والي يفيدك ويخدمك ان شاء الله الاخ حمادة مينيسوتا احجي وياه وايايلة وهو اكيد مبقصر ان شاء الله ......
-
لورنس العراق أشكرك شكراً جزيلاً عزيزي ..
وأتمنى تزودونا بالمزيد من الولايات الي تستمر بيها المساعدات للـ iom لمدة خمس سنوات إضافة لـ(مينسوتا-مين-إيداهو) وشكراً ..
-
ولايه ماساشوستس المساعدات سنتين ويمكن ان تمتد الى 5 في حلات عدم الحصول على عمل ولكن بوسطن غاليه جدا وايجاراتها مرتفعه
-
شكراً لمشاركتك ونصيحتك اخ ( الحمل ) و بالفعل اكثر من شخص قال نفس الكلام عن بوسطن و بعض الولايات الاخرى من حيث الغلاء ..
شاكر لك مجدداً ..
-
مشكورين اخواني على معلوماتكم القيمة
بس اذا تكدرون شويه تفصيل اكثر مثل ولاية ماين شنو المساعدات البيها و اكدر استمر على المساعدات اذا بديت بدراسة الماجستير و اذا تشوف اكو ولاية احسا منها من ناحية الدراسة و المساعدات مستمره يا ريت لو تنصحوني بيها
و اني شاكر ردودكم و مساعدتكم
اخوكم الحمد العبيدي
ابو طيبة
-
اخويه زين الماجسنير سنتين ادور 5 سنين ليش :)
اخوية حسين اني وياك الماستر سنتين اولا لغتي مو مال اجتاز امتحان التوفل اذا الله راد بلكت بعد سنة و هاي شغلع اساسية بالماستر
ثانيا اذا نويت و نزلت ماستر انزل وياه اطروحه صح اصعب بس اذا الله راد و فتحها عليه اكمل دكتوراه
نحسبها بس استقرار و توفل و ماستر راحتلك 3 سنين بالوجه اذا الله راد و قدر طبعا يجوز اقل يجوز اكثر
فواحد هوه متغرب متعرب خلي يامن نفسه بولاية زينه اله و لعائلته و الفرص موجوده ببعض الولايات ليش ما يتحرك عليها و يستغل هذه الفرصة و يطلع بشهادة احسا تفيدة بالحياة و العمل و تحياتي الك
-
كل ماتتمناه وتطلبه تجده في ماينيسوتا minnesota
-
كل ماتتمناه وتطلبه تجده في ماينيسوتا minnesota
مشكور حمادة , اكو شخص تعرفة اكدر اتصل بيه و يفيدني ببعض المعلومات ؟؟ عن minnesota
-
شباب حتى السكشن 8 ما اريدة (خلي يولي) بس ولاية تخليني ادرس ماستر و الكاش مستمر لدفع الايجار
-
اخوية العزيز مع احترامي لرأي الاخوة صحيح اكو مساعدات تستمر بس مو انت كاعد تدرس ماجستير ودكتوراه وتويفل وهذا الكلام من موظفة تجربة الناس اللي يمنا صارلهم سنين صحيح ممكن يستمر الفودستامب والتأمين الصحي بس الكاش ما ممكن اذا يشوفوك ما تريد تشتغل خلي نكون واقعيين على الاقل لازم تثبت انت ما لكيت شغل فعلا يعني ما معقولة تظل كاعد 4 الى 5 سنوات وهم ينطوك ايجار.نصيحتي الك انت من هسه اشتغل عى شغلة التويفل وكمله حتى تختصر الزمن واللي اجوي قبل 7 او 8 سنوات حصلوا بيوت وكعدوا بيها ولحد الان كاعدين ببلاش واني اعرفهم شخصيا بس بالوقت الحالي جدا صعبة اذا مو مستحيلة انه ينطوك بيت.تحياتي واحترامي لك وللاخوة جميعا
-
اخوية العزيز مع احترامي لرأي الاخوة صحيح اكو مساعدات تستمر بس مو انت كاعد تدرس ماجستير ودكتوراه وتويفل وهذا الكلام من موظفة تجربة الناس اللي يمنا صارلهم سنين صحيح ممكن يستمر الفودستامب والتأمين الصحي بس الكاش ما ممكن اذا يشوفوك ما تريد تشتغل خلي نكون واقعيين على الاقل لازم تثبت انت ما لكيت شغل فعلا يعني ما معقولة تظل كاعد 4 الى 5 سنوات وهم ينطوك ايجار.نصيحتي الك انت من هسه اشتغل عى شغلة التويفل وكمله حتى تختصر الزمن واللي اجوي قبل 7 او 8 سنوات حصلوا بيوت وكعدوا بيها ولحد الان كاعدين ببلاش واني اعرفهم شخصيا بس بالوقت الحالي جدا صعبة اذا مو مستحيلة انه ينطوك بيت.تحياتي واحترامي لك وللاخوة جميعا
هم قبلت اختى سرى بكل هذا و رضيت حتى لو بدراسة الكولج بس اريد ولاية استقر بيها هنا ماكو حتى الفود ستامب و المدي كيت اجاني بس 6 اشهر و ما يقبلون يجددوه و ماكو كاش اسستنس يعني على الاقل بس سنتين اوكف على رجليه باي شهادة بس ولاية بيها خير و هنا مع احترامي الجماعة الي ويايه المعلومة ما تطلع منهم بطلعان الروح نسمعها من الغريب و من جماعتنا ماكو حتى ولاية اريد اروحلها ما ينصحوني زين ادري شلون هسه بس ولاية امورها زينه و مساعداتها مستمره بالوقت الحاضر و بعدين نحجي على الدراسة اني لو وحدي ما اهتم بس ويه والدتي و زوجتي و عندي بنات اثنين يعني لازم احصن نفسي بمكان مضمون من ناحية المساعدات و زين
-
اخوية العزيز اني بفرجينيا واللي شفته انه اللاجئين اللي جايين من زمان محصلن بيوت وكاعدين بيها ببلاش ولحد الان هم عدهم تأمين عالحكومة وسألت بنفسي الاب والام مبقيلهمياه 7 سنوات والاطفال اللي تعدوا ال20 سنة كطعوه عنهم والصغار بعدهم عالحكومة على الرغم من انه ابوهم يشتغل اكو برنامج هنا عدنا يسموه التانف TANF اللي هو مساعدات كاش من الحكومة حسب افراد العائلة كل شهر بس لازم يدخل دروس او دورة لتعليم حرف معينة مثلا خدمة الزبائن ومن هالقبيل المساعدات تستمر 60 شهر قابلة للتجديد بس السستم بصورة عامة ديتجه لجعل الناس يعملون حتى لايعتمدون عالمساعدات اك شغلة اخرى شفتها هنا بالنسبة للدراسة تكدر تقدم على دراسة وتدفع تكاليفها من خلال العمل اوفرتايم بالجامعة نفسها واني بصراحة ما دخلت بتفاصيل الموضوع بس هذا اللي شفته بعدة مواقع جامعات.اضافة الى انه البرامج البحثية قسم منها تكون اسعارها اقل لان هم يريدون طلاب للمجال البحثي فيدفعولهم التكاليف وطبعا حامل الكرين كارد يختلف عن غيره لان التكاليف تكون اقل عليه.بالنسبة لوالدتك اذا عمرها 65 فما فوق راح ينطوها راتب وتأمين صحي من الحكومة والاطفال همين لاتشيل همهم بس تبقى شغلة الايجار بس اول كم شهر يدفعولكم والفودستامب ممكن تجدده ما دام انت ما تعمل.
-
وهذا برنامج المساعدات الشهرية للعوائل اللي عدهم اطفال بولاية فرجينيا
http://www.ankawa.com/forum/index.php/topic,403207.0.html
-
نيو هامبشر اللي اتريده من دراسة ومساعدات موجود بهذه الولاية
-
ماقصرتو شباب ع المعلومات ربي يحفظكم
زين عندي سؤال:
ولاية الاسكا احد يعرف شي عنها؟ بالنسبه للخدمات الي تتوفر للمهاجر والاجئ؟
لان اشوف هاي الولايه عدد سكانها قليل ويكولون انو اغلب سكانها ديهاجرون لغير ولايات
فشي اكيد محتاجين ناس تسكن بيها
وشي اكيد راح يوفرون اغراءات حتى الناس تكعد بيها
مثل ما معمول بالنرويج على ماعتقد
لان سمعت انو الي يريد يسكن بشمال النرويج بنص الجليد والصقيع
يخلونه على روسهم ويسهلون هواي امور ماديه
ماعرف بعد اذا كان كلامي صحيح او خطأ.
لا شايف امريكا ولا شايف النرويج
تحياتي وياريت احد اذا عنده معلومه عن الاسكا
لان عطشان للبروده موتني الحر :'(
-
نيو هامبشر اللي اتريده من دراسة ومساعدات موجود بهذه الولاية
مشكور اخي و جزاك الله الف خير زين اخي ممكن يا مدينه مدة المساعدات تعرف احد اكدر اتصل بيه و افهم منه عنده مباشرة
و تحياتي الك
-
عدنا الاخ (الفلكي) في ولاية نيوهامبشاير ارسله رسالة عالخاص وان شاء الله خير حتى تكون صوة واضحةوتتأكد
-
اني صديقتي بشيكاغو وتكول المساعدات ممتازة وخمس سنين
-
صباح ومساء الخير على الجميع
اني بفلوريدا -جاكسنفيل
تستطيع ان تحصل تقاعد الى والدتك 675 دولار شهريا
الفود مستمر اذا انت لم تعمل
تستطيع ان اتقدم على بيوت الحكومه
وتستطيع ان تعادل شهادتك بعد ان تكمل دورات الانكليزي
وبعد ان تكمل دورات الانكليزي ومعادله الشهاده تجد عمل جيد
-
وهذا برنامج المساعدات الشهرية للعوائل اللي عدهم اطفال بولاية فرجينيا
http://www.ankawa.com/forum/index.php/topic,403207.0.html
الاخت سرى معلوماتج قيمة و واضحة اروح و ارجع و اقرى بردودج
-
صباح ومساء الخير على الجميع
اني بفلوريدا -جاكسنفيل
تستطيع ان تحصل تقاعد الى والدتك 675 دولار شهريا
الفود مستمر اذا انت لم تعمل
تستطيع ان اتقدم على بيوت الحكومه
وتستطيع ان تعادل شهادتك بعد ان تكمل دورات الانكليزي
وبعد ان تكمل دورات الانكليزي ومعادله الشهاده تجد عمل جيد
الله يسلمج اختي اني شبه عادلتها و قدمت لوالدتي على SSI للحالة الصحية بس بعد يريدون تقارير همه رفضوها مبدئيا
عمرها 54
بقى بس اريد ولاية بيها ولفر و حلوه و بيها جامعة بيها خير اروح اشتغل بالجامعة و ادرس بس اضمن ايجاري و الفود ستامب و المديكيد
و خلي اشتغل بالجامعة
نصحوني ابلش ببرنامج work study للدراسة و العمل بالجامعة لتسديد اجور العمل بس خلي احصل ولاية حلوه وبيها ولفر
-
شباب منسوتا و نيوهمبشير (مطلوبين) اذا ماكو تكليف يا ريد لو يكون بينا اتصال حتى افهم بعض المعلومات
تحايتي لاخواننا و اخواتنا بالمنتدى
-
السلام عليكم
شباب شلون الصحة اني بامريكا و اريد احول ولاية بحثا عن (الماء و العشب) ادور دراسة فاريد اخذ رايكم بولاية مسسجوسس مدينة بوسطن او ولاية كاليفورنا مدينة ساكريمنتو او اي ولاية انتو تشوفوها مناسبة اليه
اريد اكمل ماجستير و صارلي 5 اشهر بمدينة Raleigh NC
اكو جماعة يكولون اذا تدرس و عندك جهال يدفعولك الايجار و المديكيت و الوفد ستامب 5 سنين و اكو ناس يكلك اكو السكشن 8 قدم عليه و تتملك بيت زين هاي كلها اريده و اريد ادرس بنفس الوقت (ابن ادم طماع)
لا والله هيه فرصة حتى الواحد ياخذ شهادة و يكدر بعدها يشتغل باجر زين
طبعا مو اعزب ويايه المره و بنات 2 وحده 4 و الخ 2
اخواني اي معلومات عدكم على ولاية بيها هيج مساعدات و جامعة زينه اهم شي السكشن 8 او البيت الحكومي و المساعدات 5 سنين و اتمنى ما تبخلون عليه باقيلي شهر لان و يخلص ايجاري
ااخوكم ابو طيبة
9193970989
ahmedalobaidi@yahoo.com
ايميل
ninimosha2@hotmail.com
اسف على التاخير تم الرد على الخاص
-
اسف على التاخير تم الرد على الخاص
مشكور الفلكي و ما قصرت