ankawa
منتدى الهجرة واللجوء => الهجرة و واللاجئين => الموضوع حرر بواسطة: ninwanastar في 08:11 07/07/2010
-
السلام عليكم
ممكن اي واحد عنده خبرة في التقديم على un في ماليزيا واعادة التوطين ؟
هل استطيع الحصول على اقامة اذا حصلت لجوء عن طريق ال UN ?
وماهي الخطوات ؟ الف الف شكر
-
خويي
اول شي لازم يكون عندك جواز والجواز مابيه اقامه يعني تكون اقامتك خلصانه
ومن الباب راح يكلولك مسدوده ويطلعولك الف حجه واخر شي ينطوك موعد بعد شهر
ولازم وره شهر هم تروح وماعندك اقامه بجوازك
ويقابلوك عدة مقابلات تاخذلهه فد سنه وبعدين اذا اقتنعوا بقضيتك ينطوك بدل ورقة الحمايه
هويه مدتها سنتين ووره ماتخلص السنتين هم تجدد سنتين وهاي هيه
كسر بجمع ضرب بطرح ماكو لجوء من ماليزيا
بس للمشتغلين ويه الامريكان
خويتك
مظلومه سوادي فلك حثل مسحوول كمبوش مطشر
ماليزيا - كوالالمبور
-
اشو ظلمتيها بوجهي وسديتيها
هو غير قانون ال يو ان نفسه بكل الدول ؟ ليش بغير دول ينطون وبماليزيا لا ؟
-
عيني هنا بماليزيا ماكو مثل مكالت الاخت مظلومة سوادي
يعني هنا نظام ال un يختلف وهسة اكلك ليش بالتفصيل
لان هنا المركز مال ال يو ان مسؤول عن اللاجئين الاسويين يعني جماعة المنمار والبورما فهذولة الهم الاولوية بالمقابلات والمساعدات والتوطين
يعني من كل الف ياخذون عائلة ويمكن اكثر النسبة
هنا اذا قبلوك واخذت الهوية اللي تجدد كل سنتين يكولولك ماكو توطين للعراقين الا يمكن بالحالات الخاصة جدا
وماكو مساعدات مالية او مواد تمونية فقط كشفية المستشفى العام تكون النص بقيمة 2$ بعد الخصم
فنصيحة انك تقدم من دولة عربية اسرعلك واضمن