ankawa
منتدى الهجرة واللجوء => الهجرة و واللاجئين => الموضوع حرر بواسطة: مسافر ودربي بعيد في 13:52 07/07/2010
-
اخواااااااااااااااان عندي سؤال ؟؟؟؟؟؟؟؟؟؟؟؟؟؟؟
اني عندي طفل عمرة 4 اشهر واحتمال ينطوني موعد سفر خلال كم شهر حبيت اسأل على كرسي الاطفال بالطيارة موجود او لا ....لان المسافة بعيدة وشلون يبقى الطفل يم الام او الاب راح الطفل يتعب والاهل يتعبون منو مسافر قبلي وعندة اطفال يكلي
شنو سوة
-
مرحبا بك
منقول من اخت انجي
اخي العزيز بالنسبة لاطفالك الي عمره فوق السنتين راح يخلوه يكعد بكرسي لوحده لانه كل طفل يعبر السنتين يعتبر نفر مثل الشخص الكبير وبنسبة للطفل الاخر راح يكون جالس مع والدتة او معك وطبعا يوجد عناية بيهم وربي يخليهم الكم
-
نعم اختي صحيح الطفل اللي اقل من سنتين يبقة يم والدته بس توجد رعاية خاصة الهة وانتي تكدرين تاخذين وياك كرسي طفل او عربة طفل من النوع الصغير الى داخل الطيارة...
ياسمين البغدادي
-
اخوان شكرا جزيلا على الردود الاخ يدكو والاخت ياسمين البغدادي
-
hاخي العزيز بنسبه لطفل اني عندي بنت عمرهه سنه سافرنه بطيارتين من مصر الى المانيا وبعدهه الى تورنتو كندا اكو يم لمقاعد بشكل جربايه او سرير صغير يعلكو الكم يم كراسيكم لاءن انتو راح تكعدون بنص ويطوكم لمقعد الي كدام علمود سرير لطفل وهيه تره لسفر تعب بتعب على الكل صدكني هيه مجرد وقت وينكظي والله يوفقك وتوصل بسلامه اخوك ابو اياد من تورنتو
-
بالدورة التثقيفية كالو الى اقل من سنتين يبقى مع الوالدة بدون كرسى طفل بس ممكن تاخذ وياها كرسى طفل هذا حسب ماسمعت
-
شكرا اخ عماد عالجواب الله يبارك بيك وشكرا الى jasmin hussam
بس الواحد محتار شيسوي
الله كريم
-
زين سؤال ثاني الى بالنسبة الى لم الشمل او الدعوة للزيارة كيف الاجرائات وبعد كم من الوقت ويصر لاي شخص الدعوة او لو الشمل
-
هذا عن الزيارة لامريكا
http://www.ankawa.com/forum/index.php/topic,404713.0.html
وهذا عن لم الشمل
http://www.ankawa.com/forum/index.php/topic,272748.0.html
http://www.ankawa.com/forum/index.php/topic,405416.0.html
-
والله عاشت ايدج ي اخت اسرى وان شاء الله بالتوفيق
-
هلو
مو شرط مو كل الطائرات اكو بيها اسرة مال اطفال او شي ... سافرنا وابني الصغير عمره سنة وشوية صار بينا فلم هندي...
-
شكرا زيوس على الرد بس ممكن تكول شصار وياك حتى نستفاد من تجربتك
مع فائق احترامي
-
اغاتي بس ولو ما اعتقد راح تستفيد فد شي من تجربتي بس راح احجيلك شوية
حبيبي مثل مكتلك مو كل الطائرات تتوفر بيها هاي سالفة السرير وتبقى انت وحظك و لا تتصور المقاعد مثل ما انت تريد يعني اقصد ترتيب الجلوس مالتكم كعائلة يعني من طرنا من شيكاغو الى سان ديغو جان اني مخليني بالنص و زوجتي واطفالي بالاخير و انا عندي سابق علم لان كلمت الموظفة مال iom وكلتلي بالموضوع فبقيت واكف الى ان اجت وحدة امريكية وتبادلنا المقاعد اني وياها.
زين هذا الصغير من كد التعب والانتظار بالمطارات والساعات بقى يبجي طول الرحلة المذكورة اعلاه الى ان نام بعد جهد حثيث وطبعا الرحلة طولت 4 ساعات وشوية
بالطيارة من المانيا الى امريكا والرحلة طبعا 8 ساعات على ما اذكر كعدنا بالمقعد الثاني بالمنتصف يعني مو امام الجدار الي مخلين بيه الاسرة و كامنا عائلة هندية حطو بنتهم الصغيرة وانمت وهم هم ناموا واحنا ميتين تعب كلنا للمضيفة يابة خلي الطفل ينام يعني نفتح السرير الثاني بصف مال الهنود وخليه ينام راحت واجت كالت لا ما يصير لازم يبقى يمكم ..
بالاضافة الى ال 3 ساعات الي خلصناها بمطار المانيا والتعب اكو هاي ال15 ساعة بمطار الاردن ... من كد التعب من وصلنا امريكا انا يمكن يومين نايم يعني والله اتغدى وانام اكعد ثاني يوم الصبح لمدة يومين ...
ما اريد اسويها هوسه وسودة بس السفر متعب بشكل وخصوصا اذا اكو اطفال
انا طولت عليك شوية واتمنى لك التوفيق والسفرة المريحة وسلامة الوصول وبلكي ضروف سفركم تختلف عن ضروف سفرنا .. وشكرا
-
مشكور اخويه تعبتك ويايه
والله هاي مو خوش سالفة
يله المهم عدت على خير
اشكرك مرة ثانية وبالتوفيق