ankawa
منتدى الهجرة واللجوء => الهجرة و واللاجئين => الموضوع حرر بواسطة: المهندس سيوفي في 08:48 09/07/2010
-
السلام عليكم جميعا
قصة هذا الولد بالمختصر المفيد انه اعزب ومقدم وية اهله على IOM بغداد وخلص كلشي من مقابلات وفحص طبي (خلص مقابلة المحلف قبل 40 يوم) والمفروض هو بس بانتظار موعد السفر والله يعلم شوكت!
هو بصراحة مقدم وحدة على برنامج SIV وواصل بيه مرحلة NVC بس لحد الان مدازلهم اي شي لان كله امل يطلع وية الاي او ام سوية وية اهله ---- اجاه الايميل في وقتها من NVC بتاريخ 1 اكتوبر 2009 يطلبون منة ارسال الاوراق المطلوبة ومثل متعرفون انه حسب قانونهم اذا مرت سنة على هذا الايميل ومااجاهم اي رد من الشخص راح القضية تتكنسل عدهم اوتوماتيكيا ---- المفروض هو عندة مجال وياهم لغاية 1 اكتوبر 2010 (علمود تقبط سنة) --- اليوم اجاه ايميل منهم يكول كالتالي:
On October 1, 2009, the Department of State’s National Visa Center (NVC) advised you of the necessary steps to prepare for an appointment to file a formal application for a Special Immigrant Visa. Our records indicate that we contacted you on December 14, 2009 and to date we have not received a response from you. If a period of one year passes without contacting the NVC (by telephone, mail or email), your case will start the termination process.
To pursue your Special Immigrant Visa application and avoid termination of your visa registration, you must immediately notify the NATIONAL VISA CENTER at NVCSIV@state.gov. Upon receipt of your email, the National Visa Center will send you information on applying for your Special Immigrant Visa. If you do not request information on applying for your Special Immigrant Visa, your immigrant visa registration will be terminated.
If you do not wish to continue the processing of this application, please contact us at NVCSIV@state.gov.
مشكلتة الحقيقية انه بين نارين هسة وميعرف شسوي ---- حسب كلامة هو ميكدر يعوف اهلة وبعدين همة يطلعون وراه بسبب انه هو المسؤول عنهم كليا بالاضافة الى انه والدتة متتحمل يتركها وبعدين هي تلحكه (تعرفون قلب والدة) --- المسالة الاخرى انه همة كعائلة كملوا كلشي وية الاي او ام قبل 40 يوم ولحد الان مايعرف قضيته وين راح تصفة وياهم يعني لارد محلف ولاشي --- هسة هواية راح يكولون ان شاء الله مقبول عالاي او ام وماكو اي مشكلة --- بس تعرفون يبقى القلق موجود وهاي المنظمة ماعدها معايير ثابتة
السؤال هسة هو قانونيا بعدله اقل من 3 اشهر الا سالفته تصير اكسباير وية ال SIV وعنده مجال بين ميبين شي من المنظمة --- بس همة يكولون رد علينة حالا --- شيرد عليهم ميعرف؟؟؟ وبنفس الوقت ميريد يكنسلها لان محتفظ بيها كاحتياط لحد اخر لحظة بين ما الله يفرجها وية الاي او ام او يبين شي من عدهم عالاقل
شنو رايكم اخواني واهل الخبرة لان اني بصراحة هم دخت وياه وكتلة راح انزل موضوعك واخلي خبراء وابطال المنتدى يفهمونة شنو السالفة او عالاقل شنو يكون الرد على هذا الايميل بدون ميكنسل شغلتة وياهم بالوقت الحاضر؟؟؟
تحياتي ومساعدتكم ضرورية لان اليوم اتصل بيه الصبح وحالتة تعبانة خطية ههههههههه
الله يبارك بالجميع مقدما
-
حبيبي سيوف تحياتي الك والله الموضوع يحير بس عندي سؤال هوة صاحبك مكل كل شي بال اس اي في؟
يعني مثلا يكدر يماطل وياهم ويكلهم ممكل اوراقي ودا اشتغل عليه
-
اني ابصراحه من رأيي يروح على ال اس اي في واهله يبقون على الاي او ام ....
اني وياك هي تحير ......
بس اني سامع ان ه يكدر يفصل الكيس مالته
شوف رأي الاعضاء
ومن الله التوفيق
-
حبيبي سلام اشكرك عالرد
هي مرحلة NVC تعتبر اخر مرحلة ووراها يحددولك موعد مقابلة بالسفارة وبعدها الفيزا ---- بهاي المرحلة المفروض يدزلهم مستمسكات همة يطلبوها عادة والاخوة يعرفوها ---- قبل شوية جنت احجي وياه عالجات يكول راح اكتبلهم انه اني عندي قضيايا عائلية وراح اكون حريص انه اجاوبكم قبل متصير السالفة اكسباير --- انتو شنو رايكم؟
بانتظار المزيد من ردود الاخوة الاعضاء
تحياتي
-
حبي سيوف لعد خلي يكمل اوراقة ويروح يقابل طبعا اكيد المقابلة هم يرادلهة وقت مو راسا بلكي تطلع النتيجة مال اي او ام
لان اذا كلهم عندي قضاي عائلية راح يروح علية لان الجماعة ميشتغلون عالعواطف وانتة ادرة بهذا الموضوع وتحياتي الك
-
اخوي سيوفي خلي يدزلهم يكللهم عندي نقص بالاوراق
او يدز قسم ويبقي قسم يعني شويه يطولهه وياهم وهم راح الاكسباير يتمدد بهاي الحالة واني افضل هاي الطريقة
تحياتي
-
اشكرك اخوية سراح عالرد --- هسة فكرنة سوية وراح نخلي يرد عليهم بالشكل التالي:
Dear Sir\Ma'am
Please be advised that I am still interesting to keep my case active and I am working on the requested doucments that need to be submitted. I'll make sure to send them to you as soon as possible.
Thank you
شنو رايكم هسة ؟؟؟
-
عاشت ايدك خوش رد
كو هيد
-
هوة هذا الكتلك علية بالبداية عاشت ايدك
تحياتي
-
شباب تفاعلكم وية الموضوع
UP
-
عصفور في اليد احسن من 25 مليون عصفور بالعراق ,,,,, اخويا خلي يتوكل على الله صاحبك و يكمل وية الاي او ام و عود من تطلع الفيزا مالتا شوية يتاخر بموعد السفر و كان الله يحب المحسنين
-
اخوية سيف خلي يدز اوراقه للNVC وترة هي راح تاخذ وقت وخلي لايدزها كاملة حتى يظل ايميل منه وايميل منهم وتفوتلها مدة وهسه الله كريم منا لمن يدزوله على موعد مقابلة اخونا الكرادي ظل يمكن 7 اشهر وهواية اخوة تأخروا خلي يجاوبهم بالايميل اللي انته كتبته ويدزلهم الاوراق شوية شوية.
-
عاشت ايدج اخت سرى --- هاي خوش فكرة مال يدزلهم الاوراق شوية شوية ويظل يعلس وكت
شوفي هذا الرد اللي جاوبهم بيه اليوم على ايميلهم ال قريتي فوك:
Dear Sir\Ma'am
Please be advised that I am still interesting to keep my case active and I am working on the requested doucments that need to be submitted. I'll make sure to send them to you as soon as possible
ها شنو رايج سرى ؟
-
اي خوش ايميل بس خلي يدزلهم الاوراق وراها بفترة بسيطة حتى يعرفون انه هو جاد بالموضوع بس عود لايدزها كاملة حتى يطلبون منه التكملة.موفق ان شاء الله
-
في البدايه دز ايميل كلهم ان اني مهتم ان اسافر على الاس اي في و اني مدرك لوقت انتهاء الفتره ولكن عندي نقص بالاوراق من اكمل كل الاوراق راح ارسلهم
شوف ردهم على هذا الايميل بعدين تعال وقلنا شنو الي صار
باختصار ماطل بالتي هي احسن
تحياتي