ankawa
منتدى الهجرة واللجوء => الهجرة و واللاجئين => الموضوع حرر بواسطة: echo 9 في 00:42 10/07/2010
-
السلام عليكم
اخوان رجاءا اللي يعرف الصيغة الينكتب بيها التعهد مال العدم محكومية يزودني بيها رجاءا
اخونا فنشيزو يمكن اخر واحد بالمجموعة اللي ارسل اوراقه وحصل الفيزا على الاس اي في
واذا اكو احد من الاخوان عنده صيغة تعهد العدم محكومية لايقصر
تقبلوا تحياتي
Echo 9
-
اخوية ايكو اتصور عدم المحكومية بس الي باقي خارج القطر لمدة تزيد عن 6 اشهر اما الي بداخل القطر ما يحتاجهة و الصيغة ما موجودة بالمنتدى لان هية ورقة تاخذها من مكتب الادلة الجنائية و بعد راح يجون الاخوان يشرحولك بعد اكثر
-
اتصور عمنا ايكو يقصد تعهد يكتبه للSIV حتى ما يطلبون منه عدم المحكومية.
-
- شكرا للرد اخوية ايهم
بس مو هذا قصدي من السؤال
قريت ببعض المواضيع ومنها موضوع لاخونا فنشيزو بانه ماكو داعي للي بالعراق يسوي عدم المحكومية وبدلا عنها يكتب تعهد ويرسله للجماعة
اللي اريده هو هذا التعهد فقط بارك الله بيك حبيبي ايهم
اخوان اللي سامع بهيج موضوع لايقصر بالاجابة
- شكرا بنيتي الغالية سرى هو هذا قصدي بالضبط ربي يحفظج ويرعاج يالغالية
-
دز رسالة لفنشنزو هو يدزلك الايميل اللي دزه الهم احسن اتذكر هو نزل مرة موضوع بهالخصوص بس ما عندي اللنك.
-
احاول ادز رسالة لفنشيزو بس يا لين الاخوان يجاوبونا على هالموضوع
-
بانتظار الرد من اصحاب الخبرة
-
لكيته رد فنجنزو:
وهم دزولي الان في سي يريدونه
وكتبتلهم مثل هذا ردي اللي حضرتك نقلته هنا
وهم كتبت تعهد على نفسي وطبعته و وقعته ودزيته الهم ك PDF
كتبت بيه انه اني vincenzo ابن ام vincenzo ما محبوس او محاكم او مرتكب اي جريمة بحياتي غير بس مرة غرموني المرور 30 الف دينار عراقي لان رقم سيارتي جان ما واضح ولهذا وقعت ومشت السالفة
تدري اني ليش هيجي سويت؟؟
لان هاي الوثيقة ما مطلوبة من بعض الدول ومن ضمنهه العراق
بس اللي يطلبهه عادة فد موضف تعبان ومطفي فلازم نوضحلة ونصير سباع
مو مثل بعض الاخوة والاخوات هنا بالمنتدى وخارجه مع احتراماتي يخافون ويتجفون الشر ويروحون يطلعونهه وناطين لزمة علينه كلنه
هذا رأيي وانت بعد بكيفك تريد تاخذ بيه او تريد تسمع كلام اختي szsz والاخرين
بس خلي ببالك انه اني ما اطلعه لو تنكلب الدنيا لان برايي احنا مو مجرمين ومجيكينه امنيا بصورة كافية واللا ما كان شغلونه وياهم واذا لحوا مستقبلا بطلب هالورقة المضحكة مستعد اكلب الدنيا عليهم بطريقتي الخاصة واكو محامين امريكان اصدقاء ديتابعون هالموضوع
وهذا رد قبله هم اله
عدم المحكومية غير مطلوبة بالبرنامج الجديد مال ال5000 اس اي في بالسنة
واذا طلبوه من واحد كحالة فردية المفروض يصير سبع ويكلهم العراق مو من ضمن الدول المطلوب منهم هيجي وثيقة ويشوفهم الويبسايت مالة الخارجية الامريكية اللي بيه التعليمات
شوفوا اخر شي كاتبيه همه هناك:
"Police Records
Temporarily unavailable. Certificates of Non-Conviction have previously been available via the Directorate of Criminal Identification Department in Baghdad. This office sustained heavy damage in a bomb attack and thus, it is not currently feasible to obtain a Certificate of Non-Conviction. "
شوفوا شكد قديمين وتعبانين
وهذا الرابط:
http://travel.state.gov/visa/frvi/reciprocity/reciprocity_3586.html
-
عاشت ايدج يالغالية ربي يحفظج شكد طيبة
عمي انتي ووين وهذا السخيف مهندس مغترب وين صحيح الله خلق وفرق
بارك الله بيج بنيتي الوردة سرى
-
اعزائي وحبايبي
انا مقدم على لم شمل الى كندا للقائي بوالدي الذي لم اره منذ 1985
طلبت مني سفارة كندا في سوريا ( عدم محكومية من الاردن ) كوني كنت مقيم في الاردن لفترات متقطعة لم تتجاوز احدها الــ ست شهور ...
ماذا افعل الان دخيلكم عجزت عن اصدار هالعدم محكومية ...
اخر شي الي صديق بالاردن قال اعملي وكالة خاصة حتى اراجعلك على عدم المحكومية لانه هو سأل هناك ... لكن بالعراق من اصدقها من الخارجية وهالملاعيب الروتينية تتأخر شهر تقريبا او عشرين يوم وانا باقي على ملفي بالسفارة 25 يوم وينغلق ... اذا ما جبت عدم محكومية
قلت اروح سوريا .... واكملها من سفارة الاردن مناك ... فما ادري اكو نتيجة لو لا
لانه سفارة اردنية بالعراق ماكو .... بالمنطقة الخضراء ومحد يكدر يراجعها ولا تنجز معاملات يعني سفارة بس اسم ... ارجوكم مستقبلي ورؤية والدي على المحك ... انتظر ردكم اخوان .
-
اخوية صديقك يكملها وانت تصدقها بيوم واحد من العراق ليش شهر؟
-
أختي العزيزة فهمتي الموضوع خطأ ::
انا اريد عدم محكومية من الاردن اي انه انا لم احكم او اسجن في الاردن :: لكي ارسلها لسفارة كندا ::: بالتالي ما احتاج اي تصديق من العراق :: لكن !!!!
صديقي عندما يريد ان يصدر لي عدم محكومية من الاردن ... فيجب أن اعمل له وكالة خاصة لإنجاز معاملة عدم المحكومية ...
وبالتالي الوكالة الخاصة تتأخر لانه يجب ان اصدقها من الخارجية العراقية في العراق ...لانه انا مقيم في العراق ...
وأرجوا قراءة موضوعي جيدا لكي يكون الرد مميز ... وايضا ارجوا مساعدتي في طريقة قد تكون اختفت عني ...
شكرا لكل متفاعل وشكرا لك اختي .
اخوكي
-
اخي الكريم هذا كان ردك:
((اخر شي الي صديق بالاردن قال اعملي وكالة خاصة حتى اراجعلك على عدم المحكومية لانه هو سأل هناك ... لكن بالعراق من اصدقها من الخارجية وهالملاعيب الروتينية تتأخر شهر تقريبا او عشرين يوم وانا باقي على ملفي بالسفارة 25 يوم وينغلق ... اذا ما جبت عدم محكومية))
وما مبين انه دتتكلم عن تصديق الوكالة
عالعموم ماكو اشكال وما عندك غير حل لازم تسويله وكالة حتى يمشيلك بيها تتصور اكو حل اخر؟؟
-
اوووووف مج سرى ... ضلمتيها بموجهي ...... هههه ... امزح وياج ... اختي العزيزة
الله كريم .... بس انا غركَان ودا ابحث عن قشة ... لان اهلي كُلهم حصلوا على فيزا الى كندا وباقين يسافرون يوم 26/7 الى كندا وانا بقيت حسوا بشعوري بليز .