ankawa
منتدى الهجرة واللجوء => الهجرة و واللاجئين => الموضوع حرر بواسطة: ابو الحسن في 12:55 14/07/2010
-
عمي الله يساعدهم
شفت هاي السالفة البارحة وحبيت ابشركم
عندنا عائلة اصدقائنا صارلهم مقدمين من شهر الخامس سنة 2009 والبارحة اول مقابلة في بغداد
اللي قابلهم لبناني يكولون خوش ادمي وطيب وحباب
ورة ما خلص المقابلة
كالهم مقابلة محلف وفحص طبي بعد شهر وراح نخابركم
صاحبنا كاله مو يكولون تنام المعاملة ببغداد
كاله لالالا هسة لازم نصفي كل المعاملات بسرعة
وهذا الكلام صار مع جميع العوائل اللي كانت مقابلة امس
والله كريم رحمة الله واسعة ان شاء الله كلها على نهاية السنة بامريكا وتككول وتس اب
ابو الحسن - ماليزيا
-
شكرا على الخبر انشاء الله اكو تسارع اني امكمل كلشي من 22\5\2009 ونتظر صارلي سنه انشاء الله اكو تسارع يارب اخوك امير البغدادي
-
تسلم واتعيش عمنا ابو الحسن على هل خبيري الحلوي ;D
جورجيا
-
السلام عليكم
تعيش وتسلم اخونا العزيز على هالاخبار الحلوة هواية صار يكولون اكو تسريع بالمعاملات يعني الخبر صار شبه مؤكد
ان شاء الله التوفيق والسفر العاجل للجميع يارب
اختكم داليا ال3وردات
-
what is up
مشكور عيوني ابو الحسن
-
عمي وهسة اجتي المجموعة الثانية من المقايلة الاولى من نفس العائلة لان العائلة ماشاء الله جبيرة ومقسيمهم على اكثر من كيس واكثر من اي زت نمبر وجنت اسولف وياهم وكالولهم نفس الكلام بالحرف الواجد والله كريم تفرج وتهون
عمي ابو سارة الكرخي هاي مال وتس اب سالفتها طويلة عود يرادنا يوم نسولفها على الخاص لو على الياهو والله كريم
ابو الحسن - ماليزيا
-
ياربي ايبشرك بالخير عمنا ابو الحسن
وان شاء الله يوم الي تسرع معاملة ماليزيا واتفض شغلتكم على خير
ولو هيه كل سنه من تقرب اشهر الصيف وراح تنتهي السنه الماليه ايصير عدهم سرعه بالمعاملات
وان شاء الله هالسنه تنفض كلها وميبقى احد نايمه علي الطابوكه
-
عمي ابو الحسن
اشكرك على هاي البشارة الحلوة ---- صحيح احنا دنشوف اكو تسريع بالمعاملات شوية بس هذا ميضمن انه الكل لازم يكونون بامريكا قبل نهاية هاي السنة والدليل شوف الرد اللي اجة لاخونا صفاء الكرخي من باربارا ستراك واللي تكول احنا صح لازم المعاملات تخلص قبل نهاية السنة بس هذا لايعني انه الكل لازم يكونون بالولايات المتحدة في هذا الموعد
تحياتي
-
السلام عليكم
عاشت ايدك اخوي الغالي ابو الحسن على هالخبر والاخبار الحلوة دائما تجي من الناس الطيبين امثالك بارك الله بيك
اخوك
Echo 9
-
الله ارحم الراحمين
الله يسهل
الف شكر ابو الحسن عالخبر
-
ياأللـــــــــــــــــــــــــــــــــــــــــــــــــــه
-
ان شاء الله تفرج على كل المنتظرين تسلم عمنا الغالي.
-
عمي ابو الحسن اللله يبشرك بالخير وانشالله الكل تسافر وتخلص كولوا ييييياااااااااااااااااااااااااااااااااااااااااااااااااااارب
تحياتي
momoturath
-
عمي بارك الله بيك على نقل الاخبار الجيدة
بس هاي الاخبار تفيد اللي بعدهم ممقابلين احنة نريد من واحد يقابل المحلفين يسمع من المحلفين هيجي حجي
لان هذولة همة المهمين
جوني جاك
-
بارك الله بيك اخوية العزيز
-
أبو الحسن انت وردة واخبارك وردة مثلك
أخوك كوندا
-
صار شهرين ونص منتظر ايميل للمقابله الثانيه وكلشي ماكو
الـــــــلـــــــــه يــــــــــسمع مـــــــــــــــــــــــــــــــــــــــــــنك
-
ان شاء الله عمي تفرج على الجميع واللي ما مقابل العينتين المحلف يقابل واللي مخلص مقابلة يطلع له موعد سفر بعون الله
بالمناسبة
جماعتنا من قابلوا كالو احنا كنا اربع عوائل اول مقابلة والازدحام والمذبحة كلها مقابلة محلف
والله كريم
ابو الحسن
-
السلام عليكم
اخي العزيز اعتقد ان كلامي الIOM هو كحقنة مهدئة لان احنا مقابلين صارلنا اكثر من شهرين محلف بس لا رد ولا خبر
الي قبلنا كان ينطوهم الرد خلال 45 يوم شنو هال تسريع !!!!!! يعني اعتقد الي سووه انه زاد عدد الكيسات الي يقابلوها
و النتائج عكسية زاد العدد وزاد وياة الوقت اللازم لمعاملة الكيس الوحدة فتشوف جماعة المكتب الامني بامريكة مورثين اخر شي
علنو انهم يستقبلون 60 الف ملف بالسبوع !!!! تخيل ( تم التصحيح)
شكرا على الموضوع الجميل اتمنى ان يكون هنالك نتائج ملموسة و اشكرك على الامل الي انطيتنيا
-
مرحبا
والله ان شاء الله تسهل الامور اني هسة اريد اعرف قابلت اولى 3 شهر نيسان والثانية 11 شهر تموز بس اشو ما دزوا على موعد فحص طبي ليش اكو واحد هيج مارة بي الحالة
-
السلام عليكم
ارجو الرد من عندكم رجاء
-
السلام عليكم
ارجو المساعدة اليوم قد وصلني ايميل في تحديد المقابلة الاولى وعندة اعادة ارساله لهم مرة ثانية مع انني كتبت لهم بالعربي انني سوف اكون في الزمان والمكان المحدد لم يأتي منهم ريبلاي او اي شيء يثبت انهم استلمو الايميل
المساعدة رجاء
-
السلام عليكم
بس حبيت اعقب ع رد الاخ الكبير ابو جنة المحترم
اذا باليوم الواحد 60 الف كيس
طيب لو فرضنا انه كل كيس بيه فد 4 اشخاص
يعني باليوم الواحد 240 الف كول ربع مليون
يعني بشهر 7 ملايين ونص
ما اتشوفها صعبة؟
تحياتي
-
السلام عليكم
ارجو المساعدة اليوم قد وصلني ايميل في تحديد المقابلة الاولى وعندة اعادة ارساله لهم مرة ثانية مع انني كتبت لهم بالعربي انني سوف اكون في الزمان والمكان المحدد لم يأتي منهم ريبلاي او اي شيء يثبت انهم استلمو الايميل
المساعدة رجاء
اخوية عيد ارسال الايميل مالتك مرة اخرى ولا ترتاح الا يجيك الاوتوربلاي مالتهم يؤكد انه استلموا الرسالة
-
السلام عليكم اخوية لورنس العرب اعتذر اني اقصد 60000 بالاسبوع و اسف لعدم الرد للانشغال
بالمناسبة الموضوع مو يخص العراقيين بس شكو طلابة اكو منظمات مبلشة بيهم على كلن ممكن تشوف هذا التقرير
هو عن الجنسية بس هم معاملاتنا تمر بهاي مع احترامي للجميع
http://www.youtube.com/watch?v=TZvABjnsVUw
و طبعا هنا يذكر انة يوصلهم 62000 اسبوعيا و هذا الحجي بسنة 2006 لعد هسه شلون ؟!!!!
اني مو خبير هجرة اني مثلكم مقدم على البرنامج و اسمع منكم شي صير و نسولف عن الي نمر بي
-
السلام عليكم
اخي العزيز اعتقد ان كلامي الIOM هو كحقنة مهدئة لان احنا مقابلين صارلنا اكثر من شهرين محلف بس لا رد ولا خبر
الي قبلنا كان ينطوهم الرد خلال 45 يوم شنو هال تسريع !!!!!! يعني اعتقد الي سووه انه زاد عدد الكيسات الي يقابلوها
و النتائج عكسية زاد العدد وزاد وياة الوقت اللازم لمعاملة الكيس الوحدة فتشوف جماعة المكتب الامني بامريكة مورثين اخر شي
علنو انهم يستقبلون 60 الف ملف بالسبوع !!!! تخيل ( تم التصحيح)
شكرا على الموضوع الجميل اتمنى ان يكون هنالك نتائج ملموسة و اشكرك على الامل الي انطيتنيا
ستين الف ملف بالاسبوع حسبتها تطلع ثلاث ملايين ملف بالسنه واذا iom صارلهم ثلاث سنوات يعني تسع ملايين ملف واذا كل ملف بي ثلااااث اشخاص كمعدل يعني سبعه وعشرين مليون شخص مقدم على لجوء اخويه اعتقد هذا كلام مو منطقي ::) ;D ;D
-
الله يسمع منك ، ويسرع معاملات الناس ، الوضع اصبح لا يطاق ، ماكو حل غير الهروب من العراق ، كل الاوضاع خارج العراق مهما كانت سيئة فهي افضل من داخل العراق
-
جماعه عمان ميسرعوهم ؟
-
الله يبشرك بالخير اخويه وانشاء الله يوم النا كلنا ونرتاح من هذا البلد وهذا الحال التعباااااااااان
الله يسهل يارب
-
يا تسريع الله يخليكم شو صارلي 5 اشهر قابلت المقابلة الاولى ولحد الان ماكو شي !!!!!!!!!
-
شكرا اخونة وعمنة العزيز ابو الحسن على هذه المعلومات الي راح تفيد بيه الكثير من اخوانك وراح اطمئنهم ونشاللة الموفقية لك وللجميع وربي يحل مشكلتكم وتستقرون باسرع وقت باذن الله
اخوووكم ابو محمود
-
شكراً ابو الحسن
شكراً لجهودك في نقل المعلومات واضفاء البسمة على االوجوه
اخوك الناسك