ankawa
منتدى الهجرة واللجوء => الهجرة و واللاجئين => الموضوع حرر بواسطة: atoor في 13:46 17/07/2010
-
السلام عليكم
عندي سؤال اتمنى احد يجاوبني عليه , اني قدمت على اليو ان بشهر السابع وية امي و ابوية و الاثنين كبار بالعمر و والدي عنده شلل نصفي . اني اصلا مشتغلة بمنظمة امريكية و مسوية مشاريع حققت نجاح بالعراق و كاتبين عنها بالجرايد العراقية و الامريكية , المهم قدمت على اليو ان في لبنان و حولوني على السفارة الاسترالية حسب طلبي و قابلت بالسفارة بشهر 12 و بعدها حولونا الى الفحص بعد 10 ايام و بعدها باسبوعين طلبوا فحص ثاني للوالد لانه مشللول , خبرتني السفارة انه اوراقي قدمت على انه اني امراة في خطر .
لحد اليوم محد ماخابرني مدى اعرف اذا احنة مقبوليين لو لا و حتى مسالوني على كفيل اصلا مع العلم انه اختي تعيش باستراليا .
زين هو التقديم هيجي يطول و شنو مميزات امراه في خطر
الي يعرف اي شي الله ايخلي يجاوب لانه صراحة كتلنا القلق
وشكرا
-
مرحبا بكي اختي
1- اختي مادام انتي مسويه الفحوصات يعني ماخذين ok من الوفد مايحتاج الى القلق
2- فترة اعطاء الفيزة مو شرط وتتاخر من 6 اشهر الى سنة
3- هل سالتي كفيلج مخابري لو لا باستراليا
تنبيه / اختي اذا كنت مخابره السفارة ارجو ان لاتتكرري مخابرتهم اكثر من مرتين لان ياثر على الملف ويفضل ان يكون الكفيل هو الي يتحرك باستراليا
واستراليا تحتاج الى صبر يعني ان عندي كرايب صارلهم 9 اشهر مخلصيين الفحوصات ولحد الان ماماخذين موعد السفر
واخير ماالكي الى الصبر وان شاء الله السفر القريب
-
شكرا على الرد ممنونة الك
بس اني ما سالوني على الكفيل اخذوا عناوين كرايبنة باستراليا ,بس سمعت انه ميحتاجون كفيل لحالتي
-
اختي انشاءلله يارب عن قريب يتصلون بيكم وينطوكم موعد السفر بس حبيت اذكر حالة صارت هنا قبل اربع سنوات كان اكو عائلة مقدمة على استراليا اقرباء من الدرجة الاولى كان عدهم هاي العائلة بنت عمرها 12 سنة عدها حالة صحية عوق وشلل كملوا المقابلة والفحوصات وظلوا ينتظرون موعد سفرهم وحتى دفعوا الغرامات مال اقامة بتركيا اخر لحظة جاهم رفض بسب انه استراليا لا تقبل حالات مرضية وكاموا حولوا فايلهم الى امريكا واخذوا لجوء هنا اختي لا تاخذي كلامي وتفكري به مجرد ردت اكول حالة صارت قبل احتمال هسى غيروا القانون لانه هذا الحجي من اربع سنوات وانشاءلله بعونه تعالى يتم القبول النهائي وتبشرينا بموعد سفركم ربي يوفقكم