ankawa
منتدى الهجرة واللجوء => الهجرة و واللاجئين => دردشة منتدى الهجرة واللاجئين => الموضوع حرر بواسطة: nameless في 05:43 22/07/2010
-
قصيدة اكثر من رائعه
اسمهاقاله باله برتقاله
للشاعر يحيى العلاق
نتصالح لو ما نتصالح ؟
.. قاله باله برتقاله ...
وأفرض طلعت ما نتصالح
شراح انسوي بهاي الحاله ؟ ..
****
معناها نقسم موطنة
دولة شيعة .. ودولة سنة
كل واحد يكتب دستوره
وكل واحد جدول أعماله ..
ونشرع قانون ايفرق
ويكول الما واحد كاله ..
****
يا ويل السني اليتجرأ
ويصاحب شيعي ويبراله ..
ويا ويل الشيعي يحن كلبه
ويدك ترميشة لجواله ..
ولو شافو بالنقال اسمه
الا يشيلوه بنقاله ..
****
والمتزوج من الثاني
يطردها وينكر أطفاله ..
وتشمل هاي الأجرائات
حتى أرقام السيارات
ماكو لوحة بصرة عراق
وماكو لوحة عراق ديالى ..
سنة عراق وشيعة عراق
وكل واحد يعرف منواله ..
****
زوجي وفردي
وطبعأ بإستثناء الكردي
ما نكدر نمنع تجواله ..
وممنوع يغنون لداخل
لو يستمعون لمواله ..
وممنوع نغني احنه الميمر
لو مرت لمة خياله ..
وممنوع بشارع يتلاكن
ام دحام وأم جماله ..
****
كولو هذا اليوم شماله ...
وكولو فال الله ولا فاله ..
ليش اتخيل هاي الحاله ؟ ..
****
كمت اتخيل هاي الحاله
من شفت الاستاذ اغتاله
واحد ما يوصل لنعاله ..
ومن شفت الدكتور اتهجر
وأحتلو بيته النشاله ..
ومن شفت العالِم متهدد
حاير وين ايشد رحاله ..
****
يومية وكالو نتصالح
والإشكال إنفض إشكاله ..
ويوم الثاني تموت أطفال
ويتفجر مسطر عماله ...
لو تتفقون ونتصالح
لو نرجع ع القاله باله ..
.. قاله[/center] باله برتقاله ..
-
عاشت ايدك وتسلم
للاسف هو هذا الحال فعلا... (( اسمعت اذ ناديت حيا,,,,ولكن,,,,لا حياة لمن تنادي ))
اخي العزيز
بس اتمنى لو كنت نزلت هذه القصيدة الشعبية الجميلة في موضوع (( سوق عكاظ )) حتى نلنلم مواضيعنه لأن بدات تتبعثر
-
هذا صار حالنه بكل مكان , مو بس بالعراق , جينه الى امريكا ومخلصنه من قاله باله
جنت عايشه بغداد سنيين ومشفت الشفته اهنا
-
تسلم اخويه,,,,, وهو هذا الحال ........ كنا متاملين يرجع فديوم العراق لاهله ,,, بس حتى املنا بدا يتلاشى بسبب اللي انسمعه واللي نحسه ,,,,المخالب الي اتمزق ,,,,,,,,,, الف حسره ,,, بس نرجع ونكول املنا بالله عز وجل .
-
انشاء الله فد يوم يرجع العراق مثل قبل ونرجع لبلدنة يارب يسلمووووووووووووووا على الموضوع
-
يسلمو على الموضوع وعاشت الايادي