ankawa

منتدى الهجرة واللجوء => الهجرة و واللاجئين => الموضوع حرر بواسطة: atoor في 13:44 23/07/2010

العنوان: استراليا
أرسل بواسطة: atoor في 13:44 23/07/2010
اخوان منو مقدم على استراليا من لبنان  ؟؟؟؟؟؟؟؟؟؟؟؟؟؟
و شنو نظامهم ؟
 وشكد اتطول؟؟؟؟؟؟؟؟؟؟؟؟؟
و تعرفون  ناس مسافريين  لاستراليا عن طري يو ان  بلبنان
العنوان: رد: استراليا
أرسل بواسطة: ** يدكو ** في 14:53 23/07/2010
مرحبا atoor ,,

هناك طريقتين للتقديم على استراليا من لبنان وهما

الاولى ...... عن طريق مكتب الامم المتحده
الثانيه ...... تقديم مباشر

بالنسبه للتقديم عن طريق الun  بعد ان تسجل في ال un يتم مقابلتك بالبدايه ويحول ملفك الى قسم التوطين وهو المسؤول عن تحويل الملفات الى الوفود الاجنبيه اي اذا كانت قصتك ضمن ضوابط وشروط الهجره الاستراليه فسيتم تحويله الى الوفد الاسترالي على ان يكون لديك اقرباء من الدرجه الاولى في استراليا

اما ثانيا ... عن طريق عمل form  عند مكاتب المحلفيين القانونيين في لبنان ويتم ارساله الى كفيل لك في استراليا والكفيل يقوم بتقديمه الى دائره الهجرة في سدني وينطون فتره انتضار من 30 الى 45 يوم وبعدها يجيك الرد

اما بالنسبه الى فتره الانتضار فمو شرط اكو ناس سافرو ب 10 اشهر واكو ناس بسنه و8 اشهر واكو ناس سنتين فهذا يعتمد على الملف الشخصي ونوع الكفاله المقدمه الخ

بالتوفيق
العنوان: رد: استراليا
أرسل بواسطة: atoor في 16:48 23/07/2010
شكوريين على الجواب

بس عندي سؤال ثاني  في حاله امراة في خطر  هل يحتاجلها كفيل ؟؟؟؟؟؟؟؟؟؟؟؟؟
العنوان: رد: استراليا
أرسل بواسطة: ** يدكو ** في 16:52 23/07/2010
اختي العزيزه هاي تبقى يم  لجنه التوطين ومدى اقتناعها بملفك  اتمناكي التوفيق بس وين وصلتي هسا

تحياتي
العنوان: رد: استراليا
أرسل بواسطة: (COBRA) في 17:08 23/07/2010
غزيزي...تحياتي
اذا عن طريق اليوان   ,, هو ليس اختياري  وانما هم يحددون الك بلد التوطين... اذا عن طريق الفورمات  نعم يحق لك اختياراستراليا حسب ردود الاخوان ..   تقبل تحياتي
العنوان: رد: استراليا
أرسل بواسطة: atoor في 18:35 23/07/2010
مقتبس من: يدكو في 16:52 23/07/2010
اختي العزيزه هاي تبقى يم  لجنه التوطين ومدى اقتناعها بملفك  اتمناكي التوفيق بس وين وصلتي هسا

تحياتي


اخي العزيز اني  اليو ان حولتني  الى السفارة الاسترالية  لانه ما  عندي احد بامريكا و قابلت بالسفارة  قبل 7 اشهر  والموظفة كالتلي انه اني معاملتي  ماشية  كامراة في خطر بس لحد الان مسالوني على  الكفيل و دا اخاف اروح اسال من السفارة لانه سامعة همه شوية نحسيين  لهكذا اني قلقانة كلش و العيشة هنا بلبنان نار
العنوان: رد: استراليا
أرسل بواسطة: ** يدكو ** في 20:19 23/07/2010
اختي العزيزة اني قبل فتره قريت موضوعج وكلتي بس باقيلنا موعد سفر حسب ضني ولحد الان مامخابريك فهذا الشي اعتيادي
اختي ميحتاج الى الخوف لان استراليا معروفه مع كندا بتاخر المعاملات وطلبات اللاجوء واطمئني كلشي عادي ومادام اليو ان حولت ملفكي الى السفارة الاستراليه هذا كلش زين لان معناها الامم مقتنعه بملفك ويستحق تحويله الى الوفد الاسترالي
اما عن الكفيل قدمتي للسفارة كفيل قبل مقابله المحلف لو لا

الله كريم تفائلي بالخير تجديه الرب معكي
العنوان: رد: استراليا
أرسل بواسطة: tariq_s55 في 22:58 23/07/2010
سلام عليكم
اخواني او خواتي اني 7-1 سويت مقابله بالسفاره الاستراليه طبعا اني امقدم لليو ان او هما حولوني الاستراليا او 20 -7 استلمت المغلف يعني الموافقه كلولي i o m اتخابرك او ايحددون موعد الدوره او اعرف جماعه نفس الشي سوو دوره او انطولهم تكت 28-7 ايسافرون و الدوره جانت قبل اسبوع او السفاره الاستراليه بالهم طويل يعني ينرادلهم صبر طبعا طلبو مني عناوين كرايبي هناك او اني من يوم القابلت باليو ان الى الظرف طولت سنه بالضبط طبعا اني بالاردن 
طارق العوصجي
عمان الاردن
العنوان: رد: استراليا
أرسل بواسطة: ** يدكو ** في 23:09 23/07/2010
مبروك الك اخي العزيز هل تعتقد ان الاردن احسن من لبنان من ناحيه  استراليا تقبل تحياتي
العنوان: رد: استراليا
أرسل بواسطة: tariq_s55 في 23:59 23/07/2010
هاي شلونكم  شكرا اخويا يدكو الاردن احسن من اي دوله لل يو ان لين كل السفارات موجوده بيها ان جان الاستراليا او الغير دوله الموفقيه للجميع
طارق العوصجي
عمان_ الاردن
العنوان: رد: استراليا
أرسل بواسطة: atoor في 02:27 24/07/2010
مقتبس من: يدكو في 20:19 23/07/2010
اختي العزيزة اني قبل فتره قريت موضوعج وكلتي بس باقيلنا موعد سفر حسب ضني ولحد الان مامخابريك فهذا الشي اعتيادي
اختي ميحتاج الى الخوف لان استراليا معروفه مع كندا بتاخر المعاملات وطلبات اللاجوء واطمئني كلشي عادي ومادام اليو ان حولت ملفكي الى السفارة الاستراليه هذا كلش زين لان معناها الامم مقتنعه بملفك ويستحق تحويله الى الوفد الاسترالي
اما عن الكفيل قدمتي للسفارة كفيل قبل مقابله المحلف لو لا

الله كريم تفائلي بالخير تجديه الرب معكي

شكرا  على التواصل 
 اني قابلت  بالسفارة الاسترالية  و سويت فحوصات  و مكملتها صارلي 7 اشهر بس لحد الان ماكو خبر بس بالمقابلة  وية الوفد الاسترالي مسالوني  على الكفيل و لا عنوانة  بس سالوني منو عندي باستراليا  بس الشي الي عرفته انه  ملفي  هو امراة في خطر لانه اني ما متزوجة و و الدي مريض  مشلول
 اعرف انه  اني دا  الح بالموضوع بس و الله مو بيدي  اعصابي تلفت
ارجع و اشكركم على التواصل  و ياربي  تتسهل امور الجميع انشاء الله

 ارجع و ا
العنوان: رد: استراليا
أرسل بواسطة: ** يدكو ** في 07:47 24/07/2010
صدكيني اختي العزيزه داقدر ضروفج وان شاء الله الوالد يكون سالم بس اريد ااكدلج بان استراليا يرادله صبر وعندي اقرباء صارلهم 8اشهر ولحد الان ماماخابريهم على موعد سفر اتمناكي كل الموفقيه تقبل تحياتي الرب معكي
العنوان: رد: استراليا
أرسل بواسطة: حامد شاكر في 17:01 24/07/2010
اختي  هناك طريقه تسهل الموضوع نوعا ما اذا فيه عندك احد في استراليا ممكن يوكل محامي خنا ثعد اعطائك الوثائق اذا كانت لديك لمقابلتك في السفاره الاسترالبا ونسخه من هوية التوطين وعندي جماعه اصدقاء في تركيا عملوها وماشاءالله فرجت لهم
يارب تفرج عليكي واتمنالك التوفبق والشفار والصحه للوالد



حامد شاكر
العنوان: رد: استراليا
أرسل بواسطة: atoor في 16:12 10/08/2010
مع الاسف اليوم  خابروني من السفارة  و خبروني بالرفض لوالدي لمشاكل صحية  بس طلبوا مني اسوي كتاب استرحام  ابين بي  الاسباب الي تخليهم يقبلوني  و طلبوا مني  عدم محكومية .......... مدى اعرف شسوي  الدنيا اسودتت بعيني واني ما اكدر ارجع  لانه من صدك اني هددوني  ابغداد الله يخليكم  شتعرفون  عن كيفية كتابة  طلب الاسترحام هذا  و تعرفون واحد صار بي هيجي شي  فيدوني  ترى  اني اختكم
العنوان: رد: استراليا
أرسل بواسطة: يوزارسيف في 17:13 10/08/2010
اختي العزيزة مو خوش خبر هذا... ولو آني ما عندي خبرة بأسترلايا ، بس اعتقد امامج خيارين:
الاول: ان تقدميت استئناف للقضية بالمنظمة او بالسفارة.
الثاني: ان تحولين ملفج لاعادة التوطين الى دولة ثانية كامريكا مثلا" او كندا او غيرهن.
هذا رأيي وممكن الاخوة اللي بالمنتدى اصحاب الخبرة ينطوج النصيحة ، عموما" اختي لا تأيسين وانت صبرتي هواية وبقى القليل انشاءالله.
العنوان: رد: استراليا
أرسل بواسطة: tariq_s55 في 11:09 11/08/2010
هرحبا شلونكم
شلونج اختي atoor سلامتا الوالد  اختي بالنسبه للكتاب الاسترحام ماعندي معلومات بس لعدم محكوميه منانا جيبيها من الاردن اني طلبو مني جبتها من المحكمه الي بالعبدلي بس ما اعرف لين اني مقيم بالاردن جبتها منا لو ايسير لاي واحد وان شاء الله ربنا يفتحها عليكم و للجميع
طارق العوصجي
عمان الاردن
العنوان: رد: استراليا
أرسل بواسطة: zeeta في 15:34 11/08/2010
مرحبا اخواني
حبيت اسال واستفسر عن بعض التفاصيل
انو بالاردن يصير اقدم على اليوان وهمين يقدمولي اخت زوجتي باستراليا فورمات يصير اثنينهم وهل هذا جيد او لا او ماياثر ?
العنوان: رد: استراليا
أرسل بواسطة: ** يدكو ** في 17:57 11/08/2010
والله اختي انقهرت على شغلتج ان شاء الله يكون الوالد بخير وحاولي تسوين استاناف بصراحه ماعندي معلومات عن الموضوع بس احاول ان شاء الله من بعض الاخوه احصل على بعض المعلومات بخصوص موضوعج بالتوفيق اختي
العنوان: رد: استراليا
أرسل بواسطة: atoor في 16:05 12/08/2010
اشكركم  على مساندتي و الله انتم على راسي  اتصلت بالسفارة خبروني اسوي كتاب  ليقنعهم بالقبول بالرغم من حاله والدي  بس اطلب منكم دتعولي و ياربي  تتسهل امور كل الناس
العنوان: رد: استراليا
أرسل بواسطة: ** يدكو ** في 16:22 12/08/2010
اكيد اختي ندعيلك بالخير وان شاء الله تبشرينا بخير موفقه يارب
العنوان: رد: استراليا
أرسل بواسطة: المسافرة في 16:32 12/08/2010
ان شاء الله يتيسر امرك وامر الجميع وبالتوفيق   
العنوان: رد: استراليا
أرسل بواسطة: h.a.m.o في 03:22 13/08/2010
مو ضوع جدا مفيد شكرا لطرح الموضوع 

بس عندي سوال

هذا الشي يصير بسوريا لو بس بعمان وبلبنان لان  ماكو سفاره استراليا ة بسوريا

شنو الحل ؟للي يريد يقدم على استراليا من سوريا ؟
العنوان: رد: استراليا
أرسل بواسطة: محمد معتصم في 18:03 14/08/2010
اخوانى انى بسوريا وامى واختى سافروا لاستراليا بفيزه 204 نساء فى خطر وعندما قدمولى على برنامج اللجوء بكفاله فيزا 202 اجانى وره اربعه اشهر رفض مع العلم انو اسبابى مقنعه مع ومثبته بمستمسكات   علما ان الكفيله امى  هل تعتقدون يااصحاب الخبره اجانى الرفض بسب الكفاله وهل يؤثر عليه كتاب الرفض اذا تم تحويلى من يو ان سوريا الى استراليا علما ان كتاب الرفض من هجره فكتوريا واليو ليس لهم علم به ز
العنوان: رد: استراليا
أرسل بواسطة: h.a.m.o في 06:35 01/02/2011
ممكن سؤال لصاحبي الخبره ....!
بعض الاصدقاء  متناقشين على الفورم والي يتقدم في سدني ممكن العناوين ؟
او ذا احد يعرف اكو مكتب في  مالبورن ؟ او اب وسيلة اخرى
هل يوجد اي احتمال انو استراليا تقبل لاجئين من سوريا حاليأ
هل توجد وسيلة واقعيه انو انساعد  بعض الناس الي تريد توصل استراليا
نتكلم عن شي واقعي وملموس يعني ( مكاتب و عناوين و  ارقام  تلفونات نكدر نتصل بيها ) !
والشكر والتقدير للجميع
العنوان: رد: استراليا
أرسل بواسطة: tariq_s55 في 13:53 01/02/2011
هاي شلونكم
اخواني اني عندي كرايب انطولهم الموافقه في سوريه حاليا هما باقي الاجراأت القانونيه بس اني حاليا في سدني بالنسبه للمساعده اني جاهز بس ما اكدر اصير كفيل او اسوي المعامله لين  اول شي لازم اتكون صله قرابه او ثانيا لازم اكون اشتغل تاكس  بس اذا عناوين او ارقام تلفونات او اي شي ثاني اني بالخدمه اني ساكن بالمنطقه الي متواجدين كل المكاتب الهجره بيها يعني مراح اتاثر عليا او احب اساعد لين هم اني ناس ساعدوني او هذا فضل من رب العالمين
تحياتي
العنوان: رد: استراليا
أرسل بواسطة: معماري بغداد في 14:52 01/02/2011
هل هنالك عمل للمعماريين في سدني
العنوان: رد: استراليا
أرسل بواسطة: tariq_s55 في 13:46 02/02/2011
هاي
اي اخويه معماري اني شرحتلك الموضوع
تحياتي
العنوان: رد: استراليا
أرسل بواسطة: معماري بغداد في 14:41 02/02/2011
مشكور طارق .... بالنسبة للمهندسين لازم يعادلون الشهادة حتى يجدون شغل بالمكاتب لو عقد عمل يكفي
للعمل مباشرة في سدني يعني الشغلة يرادلة دراسه لو شهادتنه تكفي
العنوان: رد: استراليا
أرسل بواسطة: tariq_s55 في 23:17 02/02/2011
لا لازم  اتعدل الشهاده او عقد عمل هم لازم اتفوت دراسه مكتب اسمه تيف هوا الي ينطي شهاداة ممارسه المهنه بس بعد الدراسه بيه لفتره المكتب الي ايقرر