ankawa
منتدى الهجرة واللجوء => الهجرة و واللاجئين => الموضوع حرر بواسطة: echo 9 في 19:26 26/07/2010
-
السلام عليكم
قبل كم يوم حصلت على الكوم بروفل من ال SIV وكان من ضمن رسالتهم البيها الكوم ملاحظة بانه اذا كنت مقدم على ال IOM فلابد من ابلاغ ال IOM ليتسنى لهم ايقاف العمل بالكيس مالتي . انا استشرت مجموعة طيبة من اعضاء المنتدى بوقتها وللحقيقة القسم الاكبر منكم نصحني بعدم ابلاغ ال IOM بذلك ولكن انا ارسلت لهم رسالة ابلغتهم بالحصول على الكوم بروفل منعا لاي اشكال . على العموم شوفوا رد ال IOM على رسالتي لهم
Dear Mr. xxxxx,
Thank you for your email
Congratulations for getting the SIV approval, we wish you a safe and peaceful life in the U.S.
Please be informed that your cases with USRAP will be closed upon your request.
Kindly be advised that your family members are eligible to apply for USRAP based on your SIV.
Ø Please be advised that your qualifying family members are the following: parents, spouse, children (any age, married or single), grandchildren (under 21 and single), brothers and sisters (any age, married or single), brothers and sisters’ spouses, and nieces and nephews (under 21 and single.) In order for grandchildren, nieces and nephews to qualify, they must be on the application with their parents.
Please feel free to contact IOM Baghdad Info Center for further inquiries.
Kind regards,
IOM Info Center
زين اخوان انا كان معاي على ال IOM بنتي وزوجها واخواني وزوجاتهم يعني 3 عوائل منفصلين وكل عائلة عدهم رقم كيس يختلف عن رقم الكيس مالتي
سؤالي هاي الناس اللي معاي على ال IOM شنو مصيرهم هسه يعني مازالوا مستمرين على ال IOM او خلاص تكنسلوا ؟؟؟؟
افيدوني افادكم الله لان بصراحة جاي الوم بروحي اشلون صدكتهم وبلغت ال IOM
رحمات على والديكم افيدوني وتقبلوا تحياتي
Echo 9
-
عمنا ايكو انت من راسلتهم كتلهم يغلقون الكيس؟ لانه هم كاتبين عبارة ((بناء على طلبك)) هاي شغلة والشغلة الثانية بكل الاحوال انت حتى لو تنقبل عالاس اي في اللي وياك عالاي او ام يبقون ماشية معاملاتهم بس كوللي انت من راسلتهم شكتبتلهم؟
-
هلا والله عمي سرى
والله بنيتي كتبت الهم الملاحظة مال ال siv يعني كلشي ماضفت
والعبارة تكول ايقاف العمل بالكيس مالتي المرقمة xxxxxxxxxx وبس وضفت عليها من يمي اللي ارجوه منكم يا ال iom انه يبقى العمل شغال بالكيسات الخرى اللي معاي وهي بالارقام xxxxxx و xxxxxx و xxxxxxx وتقبلوا حبي واحترامي وتحياتي يا اخواني ال iom لان كانوا من يرسلون لي رسالة ال iom كان الموضوع مالتها دائما رقم الكيس مالتي وارقام الكيسات الثلاة الاخرى اللي وياي
بس من ردهم كلشي ما افتهمت هو اللي انسد الكيس مالتي وبس لو البقية ايضا
هذا الحصل بالضبط
تقبلي تحياتي بنيتي سرى
-
عمي ايكو سلام عليكم انت تكول كل عائله بكيس فما اعتقد انت راح تأثر عليهم باغلاق قضيتك وبالتوفيق انشالله
-
اوكي حتى تقطع الشك باليقين دزلهم ايميل اخر وأكد عليهم انه انت تريد فقط الكيس مالتك المرقمة (xxxx) تغلق وترجو منهم الاستمرار بالعمل بالكيسات المرقمة xxxxx1 وxxxx2 اوكي؟ بس حتى لاتبقى قلق من الموضوع وموفقين ان شاء الله.
-
- والله خوش فكرة سرى بارك الله بيج انا الحقيقة دخت بردهم فما عرفت شنو اسوي على العموم هسه ادز لهم رسالة واشوف شنو ردهم
بارك الله بيج سرى
- شكرا جزيلا اخوي الغالي علااقي هواي يا ريت ال iom يكون هذا قصدهم ويظلون مستمرين بالكيسات الخرى يسمع منك الله .تقبل تحياتي يا طيب
-
شي ثاني احب اضيفى على نصيحة الاخت سرى , خلي كل كيس باميل مختلف لان الظاهر انتة مقدملهم كلهم على الايميل مالتك حتى من ادز او همة يدزولك اي ميل ما تشبج عليهم و عليك وراسلهم و كلهم انو فلان كيس هذا الايميل مالتة و الاخر هذا الايميل مالتا و هكذا
بالموفقية
-
بالبداية الف مبرووووك حصولك الكوم ابروفال
وثاني شي --- يعني مع احترامي لراي الاخوة بس اني مااوافقهم بالراي تماما --- عموما انت سويت اللي سويتة والفاس وكع بالراس --- يعني مااعرف شنو الضير اذا بقيت مستمر على الاثنين وماشية شغلتك يعني قابل راح ياكلوك اذا عرفوا ؟؟ ثاني شي اني بوكتها من قبل سنة ونص اجاني الكوم وهم نفس هاي الكليشة وجنت بعدني كلشي ممسوي عالاي او ام --- وبعدين قابلت كل المقابلات وية الاي او ام وسويت الفحص الطبي ومشيت شغلتي عالاثنين--- اني هم اهلي وياية عالاي او ام بس مردت ادزلهم بذاك الوقت من اخذت الكوم علمود لالاتخربط شغلة اهلي
عموما هو ماكو شي ان شاء الله وجدا عادي --- اني لو كنت وحدي مادير بال واسوي نفس السويتة بس ماطول عائلتي وياية ومترهم الا وية الاي او ام احاول امشيهم لاخر لحظة وية الاي او ام وبعدين ممكن افكر اتركها لان ضمنت كملوا كلشي
عالعموم دزلهم ايميل واكد موضوع العائلة وان شاء الله خير
تحياتي وتقبل مروري
-
ربنا يسر ولاتعسر
-
شكو كلتلهم يمعود؟؟
اني استلمت الفيزا وما كلتلهم
مع انه بمقابلتهم كالتلي الموضفة انجي المصرية القابلتني انه لازم تدزلنه الفيزا
-
اتمنالك التوفيق
-
السلام عليكم
والله يا اخوان مثل ماكلت الكم بالبداية بصراحة استعجلت بابلاغ الاي او ام وهاي العجلة عندي من زمان طبيعة مو زينة بس شاسوي ابو طبع ما يخللي طبعه والا سرى و كثير من الاخوان نصحوني بوقتها ان ما ابلغ الاي او ام وامشي بالمعاملتين.
المهم هسه الفاس وكعت بالراس على كولت اخوي المهندس سيوفي وربك اليستر من تاليها
امس ارسلت رسالة لل اي او ام اوضح لهم طلبي بناءا على رسالة الاس اي في بغلق الكيس مالتي فقط والابقاء على الكيسات الاخرى الكانت معاي وهسه انتظر ردهم شيكولون ولهاي اللحظة كلشي ماكو منهم بطرك الاوتو ريبلي .
الله كريم والرايده الله يصير
شكرا لردودكم والله يبارك بالجميع
اخوكم
Echo 9
-
عمنا ايكو ان شاء الله خير حبيت ابشرك برجعة اختنا ريومة عود تعال يمنا شوية بالدردشة وباركلها نزلنا موضوع نستقبل بيه التهاني.
-
عمي ايكوووووو
الف مبروووووك على الكوم ابروفل وان شاء الله ياربي يوم الي تاخذ الفيزا
عمي احب اطمنك انه لتضوج لان الكيس الي انغلق بس الكيس مالتك ويه زوجتك واطفالك دون ال 21
اما الكيسات الباقيه فهي ماشيه عادي
والمفروض اي عائله اتحصل موافقه على ال اس اي في تكدر ترفق الي ممشمولين بكيس منفصل على ال اي او ام
وانت مجان محتاج ادكلهم بس من تجيك الفيزا وتتاكد من سفرك يله تلغي الكيس الثاني
ومع ذلك هسه مصار شي قضيتك تستمر على الاس اي في
وباقي العوائل على ال اي او ام
وياربي شايف كل الخير