ankawa
منتدى الهجرة واللجوء => الهجرة و واللاجئين => الموضوع حرر بواسطة: ronaldo1981 في 20:51 27/07/2010
-
السلام عليكم
دورت بمنتدى الوظائف ملكيت اي شي (بالعراق عدا شغلة وحدة باربيل)
لانو اني اريد اقدم على iom او اي شي فلذلك لازم اكون مشتغل وية الحكومة الامريكية كمترجم او الخ
اتمنى انو تساعدوني حتى الكي شغلة ببغداد باي شركة تنطبق عليها المواصفات المطلوبة
اعرف انو الطلب صعب لكن اني يائس جدا وما عندي خيارات
شكرا وتحياتي
-
اخوية العزيز انت تعرف انه لازم تشتغل سنة كاملة ؟؟
يعني مو اي واحد اشتغل و يروح يقدم حسب ما اعرف
وانشاء الله اصحاب الخبرة يجاوبوك
-
اشكرك عالرد
اني مستعد اشتغل سنة او اكثر احسن ما اضيع الوقت وسنين عمري بهالبلد اللي فقدت الامل بيه
كافي مضيعة للوقت عالاقل اشتغل سنة او اكثر حتى تكون لي فرصة حقيقية افضل ما ابقى اتصفح واتمنى بدون فائدة
الكل متفقين انو الحياة بالعراق مؤسفة وبدون جدوى فلازم اتحرك باي طريقة ومستعد اشتغل باخطر الشغلات واني دا اكولها كدام الكل... live free or die
-
الرجاء من جميع الاخوة اما ابداء المساعدة او عدم المشاركة اصلا.
ارسل لي ايميلك لي على الخاص وان شاء الله سأقوم بأرسال لك اي وظيفة متاحة تعلن، ولكن مطلوب منك حينها اجتياز المقابلات.
وان شاء الله موفق، ولا تلتفت لاحد.
اخوك
كريستوفر العراقي
-
رونالدو حبي اذا تعرف تحجي و تقرا انكليزي قدم على ال جي ال اس و هو وضيفة كمترجم ...... و تكدر تقدم على شركة سنايبر هيل الامريكية لخدمات الانترنت للمواقع العسكرية الامريكية .
لورانس العرب ماكو واحد طلع من بطن امة يدري هو وين انولد و العراق لو ما الزبايل الي تحكما و رجعتة مية قرن جان مليون دولة تجي تتوسل بي بس شنكول هذا قدرنا و الله كريم
بالتوفيق رونالدو
-
تم حذف الرد مع اعتذاري للجميع
-
شكرا لجميع الاخوة على الردود
اني انكليزيتي زينة بس مو متقدمة لكن راح احاول
تقبلوا شكري
-
شكرا لجميع الاخوة على الردود
اني انكليزيتي زينة بس مو متقدمة لكن راح احاول
تقبلوا شكري
ههههههههههههه ليش هذولي ال99%من المترجمين اللي اشتغلوا ويه تايتان وجي ال اس متكلي منين الهم لغه غير كم كلمه تعلموهه من القواميس. (انته من تشوف مترجم بيده قاموس كول هذا ميفتهم)
عمي توكل بالله وروح قدم لتخاف.واعتقد اختبارهم درجة النجاح مالته 40% لو اقل هسه.
ومادام عندك هدف راح تسهل كل الامور
-
اخوية العزيز انت هدفك من الشغل وية الامريكان ليش؟؟؟
حتى تكدر تسافر امريكا ؟؟؟؟؟؟؟
اني بنظري لو تحاول تجي للاردن و تقدم لليو ان و تتوكل على الله ثق ترة من الله التوفيق
واحتمال تشتغل وية الامريكان و تتعرض للخطر و بعدين ورة السنة تقدم و الف سالفة تطلعلك
و مسؤولك ما ينطي اميله و لو ما يجاوبهم لو تتعذب وسووووالف هواية اهل الخبرة لو ينطوك لمحى
عن القتال الي قاتلوه و لا زالوووووو يقاتلون اسأل اخونا صفاء الكرخي لو فنزنجوو و شوف شنو السالفة
يعني مو تشتغل سنة و خلص يكولولك روح لامريكا
اني مدا احاول انتقص من فكرتك او الطريقة الي تريد ترسم بيها مستقبلك لا بالعكس اني اشجعك
و صحيح اني صارلي 20 يوم بامريكا و بعد ما فاهم كلشي بس مهما كان احسن من العراق
بس اني انصح بالسفر للاردن و حتى لو تتعذب اتحمل و حاول تكمش اي شغلة اني عني من يوم
التقديم لحد يوم السفر سنة بالضبط اني ما ادري هي هم حظ و التوفيق من رب العالمين
بس اكو اسمه الارادة و الاصرار ما بعد ارادة الله
و الحمد لله على كل شي
القرار بيدك
وانت الي تتخذ القرار الصحيح
بس خلي ابالك
____________________
فاز باللذات من كان جسورا
____________________
احسبها زين
-
بس حبيت اوضح شغلة مهمة اذا الاخ ما ناوي على هجرة خاصة يكدر يشتغل كم شهر و ياخذ التوصيات والايميلات منهم ويقدم على الIOM بس اذا ناوي يقدم عالهجرة الخاصة SIV ذاك الوقت مطلوب منه سنة.تحياتي للجميع
-
اكو موضوع نزل قبل فترة مال ولد يشتغل ركروتر بال gls شوفه بالصفحة الاولى بلكي يفيدك ...
تقبل تحياتي واتمنى لك التوفيق اخي العزيز
اخ غسان شمدريك يجوز المترجم ابو القاموس بعدله 5 صفحات ويحفظه لذلك مخليه بيده!! شتكول؟؟
-
اشكركم جميعا مرة ثانية عالردود الجميلة والمشجعة
اخواني مثل متفضلتو مشكورين انو اكو خيارين لو ابقى هنا واشتغل وية الامريكان كم شهر واقدم على IOM او سنة واقدم هجرة عن طريق SIV او اطلع لعمان واقدم عن طريق ال UN
هنا المعضلة انو اني متزوج وعندي طفل لذلك طلعة عمان صعبة علية خصوصا اني عندي شغل هنا ببغداد وما اكدر اعوفة بسهولة لهذا اذا لكيت شغل وية الامريكان داخل العراق يكون احسن حل واني ما عندي مبلغ قوي اكدر اعتمد عليه هناك خصوصا يمكن تطول المعاملة .
ولو يكولون هالايام الشغل وية الامريكان كلش صعب تلكاه هالايام بس لازم احاول اسوي شي لازم لازم لانو تعبت كافي ما اتحمل بعد لازم اسوي حل جارة طريقة عالاقل اريد اضمن لابني اللي ديكبر حياة اعتيادية.
تحياتي لجميع الاخوة والاخوات
-
ونصيحي الك انه تقدم عالمعاملة وانت بعدك بالشغل يعني قبل ما تترك العمل وياهم حتى تضبط امورك زين وما تظل محتاج اي ايميل او شي وما تكدر توصللهم.موفق ان شاء الله.
-
ملاحظة ممتازة والله فكرة رهيبة
بس خلي الكى الشغل اول واهم شي
شكرا جزيلا اخت سرى
-
اخوية قدم جي ال اس ولا تعب نفسك ..نصيحة مني الك قبل فوات الاوان
-
اذا اكو احد يشتغل بيها ويكدر يساعدني الرجاء مراسلتي على الخاص وله الاجر والثواب مشكورين جميعا
-
السلام عليكم
انشاء الله تحقق ماتصبو اليه
-
رحم الله والديك اخ جامبو
-
تذكرت انو اني مقدم على gls قبل شهر عن طريق النت (موقعهم الرسمي) وما اجاني جواب
هم عادة يتاخرون؟
زين شنو رايكم تنصحوني اروحلهم واخذ مستمسكاتي و السي في واتوكل على الله؟
تحياتي