ankawa
منتدى الهجرة واللجوء => الهجرة و واللاجئين => الموضوع حرر بواسطة: ameer 55 في 08:31 28/07/2010
-
السلام عليكم شلونكم اعضاء المنتدى الاعزاء ان شاء الله ابخير ممكن تجاوبوني على سؤالي اني كملت جميع المقابلات والفحوصات الطبية واتصلوا بكفيلي طبعا اني من جماعة الي مقابلين المحلف بشهر الخامس ولحد الان ماكو شي اكو احد يعرف ليش وشكرا
-
عليكم السلام
اخي اكو اشي اسمه الموافقه الامنيه ( الكشره ) بس تطلع تفرج عليك وتسافر انشاء الله
تحياتي
-
السلام عليكم شلونكم اعضاء المنتدى الاعزاء ان شاء الله ابخير ممكن تجاوبوني على سؤالي اني كملت جميع المقابلات والفحوصات الطبية واتصلوا بكفيلي طبعا اني من جماعة الي مقابلين المحلف بشهر الخامس ولحد الان ماكو شي اكو احد يعرف ليش وشكرا
اخي ممكن تجاوب على سؤالي : من اتصلوا بكفيلك راح وقع الاوراق لو بس اتصال بدون توقيع الكفالة
لانه هما يتصلون مرتين المرة الاولى يتاكدون الكفيل موجودة بامريكا وبالولاية لو مسافر لغير دولة او عنده ظروف مايكدر يستقبل الاجئ : واذا تاكدوا من وجود الكفيل هو بامريكا وراها بشهر يرسلون فايل اللاجئ للمنظمة المسؤولة بولاية الكفيل وبعدها يتصلون بالكفيل لتوقيع الاوراق وبعد التوقيع ترسلون نسخة من الورقة توقيع الكفالة للمفوضية السامية لشؤون اللاجئيين وبعدها يتصلون بيكم لاستلام الفيزا وموعد السفر
-
السلام عليكم شكرا للرد اختي انجي المحترمة المنظمة الي بامريكا اتصلوا بكفيلي وسألوة يكدر يتكفلني بالسكن والمعيشة وهمة ينطوة راتب للكفيل كلهم لا ما اكدر بس اتكفلةاستقبلة بالمطار واعرفة بالولاية فقط وكلولة احنة راح انكعدة وية واحد يعني هالامنية ماتي طالعة واني سألت الكفيل ماتي كتلتة موقعت اوراق الكفالة كال بعد بس بالتلفون ماكو توقيع ارجو الجواب وشكرا جزيلا
-
اخي العزيز حسب مااعتقد من اتصلو بكفيلك لازم يروح للمنظمه ويوقع الاوراق بانه ماعندو مانع لاستقبالك حتى تكتمل ويدزوها شوف وين انت هسا وينطوك موعد سفر بعد فتره قليله اذا مخلص كلشي من الامنيات والى اخره
-
اخي العزيز اني راح احجيلك عن تجربتي بتوقيع كفالة اخي اخر واحد اتكفلته وخبره عن عدد مرات مو مرة وحدة
المهم اول مرة اتصلوا بيه من دائرة : الامكريشن سالوني انتي اخت فلان كتلهم نعم كالوا عندك استعداد باستقبالك فلان شخص كلت طبعا وكالوا اوكي بس ردنا نتاكدة انك موجودة بامريكا وبالولاية وبانك على استعداد لاستقبال اللاجئ
وسالتهم شوكت يجي اخويه كالت بعد ما ننطي جواب للمفوضية السامية لشؤون اللاجئيين في سوريا وبعدها يرسلون فايل اخوكي الى المنظمة بالولاية الي انتي بيها باعتبارك الكفيلة واخت الاجئ يعني صلت القرابة درجة اولى لانه بمشكن لازم تكون صلة القرابة من الدرجة الاولى يلى يخلوك تجي للولاية رغم هيجي يكولون بس مرات يجيبون لاجئيين حتى لو ماعدهم اقرباء بمشكن المهم بعد الاتصال من دائرة الامكريشن تقريبا وراها بشهر اتصلوا بيه المنظمة كالت فلان تاريخ تجين توقعين كفالة اخوج لانه فايله وصل للمنظمة رحت بالموعد الي ذكرته سالتني وين كاعده بشقة لو بيت كتلها بيت ملك كالت كم غرفة اكو بالبيت ذكرت العدد كالت اذا يجي اخوج يسكن يمكم الى ان تكمل اوراقة الرسمية
ويستأجر شقة كلت طبعا لعد وين يروح كالت ياكل ويشرب وياكم لو تريدين يدفع مصاريف الاكل ومصاريف هل كم يوم الي يبقى بيها عدكم كتلها لا اختي ياكل ويشرب وينام ببلاش هو اخويه شنو تريدين ناخذ فلوس منه كالت اعرف اختي بس اني داسال حسب ما مكتوب باوراق الكفالة وهذا شي روتيني نسأله لكل الي يتكفلون اشخاص وما عدها علاقة بالمساعدات ولا الولكم جك مجرد اسئلة وانطتني اوراق وقعت وانطت ورقة الي كالت انتي تتكفلين باستخراج الاوراق الرسمية لاخوج كتلها نعم كالت في حالة عندج اي ظرف طارئ اتصلي بينا احنا نساعدك وبعد توقيع الكفالة باسبوعين خابروني كالوا فلان تاريخ يوصل اللاجئ وفلان ساعة ورقم الرحلة واسم المطار - هذا الي صار واي استفسار اخر تريد تعرفه انشاءلله ما اقصر بالرد تحياتي