حيث أنها تلاحظ بعينها البصيرة
ما يعجز الرجل المحدود الإدراك
(من وجهة نظرها) عن إدراكه بنفسه.
هاي اهواي صايره ههههههههههههههه وتدعو للضحك
اكيد لايوجد انسان يقدر ايغير شخص اخر بمجرد الضغط والكلام ويجد العديد من الناس الذين يتعلمون من اخطائهم ويحاولون ان يغيروا ما بانفسهم
والطبع يغلب التطبع
عاشت ايديك ضاع الوطن موضوع جميل
السلام عليكم...............
اي شخص سواء رجل او امرأة مايقدر يغير الشخص الاخر اكثر من 10 % .........اطباع الشخص سواء اطباع ايجابية او سلبية صعبة التغير ..........واذا شخص استطاع ان يغير الشخص الاخر فهو قمة في الذكاء والصبر ............
موضوع جميل ضيوعي تسلم ايدك
من وجهة نظري متستطيع المراه تغير الرجل بنسبه كبيره لكن مع مرور الايام تلقائيا راح يتطبعون واحد باطباع الاخر سواء السلبيه والايجابيه
شكرا اخويه ضاع الوطن موضوع مهم جدا ,اعتقد بالنسبةلمحاولات المراة بتغير الرجل باللاحاح تكون فاشلة مئة بالمئة ولكن بمرور الزمن اعتقد تتقارب الطباع وتصبح معقولة بالنسبة للطرفين
تحياتي
رفيقي شنو انت ترى راح تنحسد يمعود طكطك حرمل من العيون ;) ;) ;) ;) وتعرف ياعيون 8) 8) 8) 8)
والله اخوية اني اول شي اتفق لأول مرة ولأخر مرة مع ام فيري ;D ;D ;D ;D ;D لا المريه تكدر تغير الرجل ولا الرجل يكدر يغير المريه بس الزمن هو الي يغير الأثنين وتتكون اطباع مختلفة جديدة وطبعا حسب الحياة بين الأثنين وحسب العلاقة وحسب التضحيات يعني هوايه امور تتحكم بعملية تغير أطباع الرجل والمراة
وهذا رايي
مشكور اخوية عالموضوع
موضوع جميل ضيوعي عاشت ايدك عليه
طبعا كلنا نعلم دور الام في محاولة خلق وزرع كل الصفات الزينة في ابنها وتهيئته للقيام بدوره كرجل بالمستقبل واكيد هذا اكبر واثمن شي تقوم به المراة لتغيير الرجل بس للاسف بعد ميكبر الطفل وايصير رجل
البعض منهم ايكوم يحجي على المراة وميعطيها ابسط حقوقها وينسى او يتناسى ان للمراة دور كبير في تنشئته
فمن وجهة نظري نعم في حالات كثيرة تستطيع المراة ان تغير الرجل
وشي ثاني ضيوعي ترى المفروض اتكول هل يستطيع الرجل ان ايغير المراة فعلا....؟
ضيوع ذيل الجلب عمره مينعدل ;D ;D ;D ;D
هههههه بس من وجهة نظري انه اكو هواي حالات تكون بيهة المراة تكدر تغير بعض صفات الرجل وممكن يتغير لمدة معينة وبعدين يرجع لطبعه الاول لانه لاتنسى هذا طبع بالانسان ومن الصعب تغييره بس من ورة ملحتنا وذكائنا نكدر نغيركم ;;D;D
يسلمووووووو ع الموضوع ضيوع
تحياتي رولااااااااااااااااااا;
تحية طيبة
موضوعك كلش رائع وحبيت اشارك بيه برأي متواضع وأقدملكم شبابنا الحلوين نصيحة اتمنى تتقبلوها
ماكو شخصين بهذا الكون يجمعهم تطابق حتى بنسبة 10 بالمئة ،وكل محاولات التغيير سواء من الرجل أو من المرأة فهي فاشلة لان ببساطة تصرفاتنا نابعة من أساس ردود افعال تلقيناها من بيئتنا أو من أسرتنا الي كنا نعيش بظلها
المهم والاهم باختيار شريك الحياة تتم على أساس ثوابت وطبعا هذه الثوابت تختلف تدرجاتها من شخص لاخر
هي باختصار معادلة عقيمة منذ الازل وماكو أحد كدر يسجل انتصار بتغيير شريك الحياة ،،ومثل ماتفضلوا الغالبية أكو تطبع ينشأ مع الايام ويصير القبول واجب ،وبهالطريقة نتنازل عن شي اسمه المثالية بالصفات والمواصفات
شكراً لك ايها الرفيق القائد ضاع الوطن
تحياتي واحترامي
ام محمد
ضيوعي موضوع حلو وقد يحتاج الى صفحات طويلة لمناقشته
انا برأيي اول شي الاختيار الصحيح من قبل الطرفين وهنا راح يظهر موضوع ثانوي وهو الحظ في اختيار الشريك او الشريكة ومثل مايقول المثل الشعبي الزواج مثل البطيخة متعرف شنو بداخلها الابعد ماتدخل وتشوف قد تكون من الخارج لماعة ونظيفة لكن الداخل الله اليستر منه
الشغلة الثانية انه هل استطيع تغيير الطرف الثاني نعم تستطيع المرأة تغيير الرجل وبالعكس ايضا فلا يوجد انسان كامل ولايمكن ان تجد شخصا يتفهمك مئة بالمئة وهنا يظهر عامل ثاني هو عامل الحب والمودة فان كان الرجل يحب زوجته يفعل ماتحب لارضاءها ولتسير الحياة بينهما بدون مشاكل وخلافات وهذا ان كان انسانا متسامحا وودودا ويريد تنشئة ابنائه بدون عقد ومشاكل يعني باختصار فاهم الحياة صح ونادر انت تجد مثل هالاشخاص وهنا يظهر عامل امكانية تحمل الواحد للاخر من اجل تمشية الحياة وهنا سيظطر الطرفان الى تقبل بعضهما بغض النظر عن عيوب الاخر
وتظهر مسألة الثقافة والوازع الديني والاخلاقي والتربية الصحيحة بشكل اساسي في امكانية تقبل الاخر
ترة كافي هسة لو اريد اكتب اكتبلك صفحة كاملة المهم هذا رأيي باختصار فالمسألة معقدة وفيها تفاعلات ومعادلات معقدة جدا على بساطتها كما يتخييلها البعض الموضوع كومبلكس جدا :-X
تحياتي 8)
ضيوعي شنو دتريد تتزوج دتلم معلومات انت بس اشر عيني نجيبلك احلى عروس انشر الخبر لو لا انتظر ردك ;D :D ;D :D
موضوع جميل اخي وصديقي ضاع الوطن ..
..اولا..يكول المثل الطبع بالبدن مايغيره بس الكفن ;D ;D ;D
..ثانيا..وابو طبع مايجوز من طبعه :D :D :D
ولكن من وجهة نظري تستطيع المرأه ان تغير الرجل والدليل ان هواااي نسوان غيرو الرياجيل حتى على اهلهم .. في حالة تمكنها من قلب الرجل ..لان الحب يصنع المعجزات كما يقولون
ولكن ليس في بداية الزواج تستطيع المرأه ان تغير الرجل ..يجب عليها ان تصبر سنوات ومع العشره الطويله ويكون بينهم حب وتآلف واحترام وموده ..وهنا المرأه تستغل الفرصه وتضل تزن وتزن وتزن الى ان يتغير الرجل من كثر الزنه والحنه ..لان كثر الدك على الحديد يفك اللحيم
وانا مع تغير الرجل بما هو صالح لحياتهم الزوجيه وضد الرجل التي تحاول المرأه ان تغيره على اهله يعني لازم يلطمها على حلكها حتى تبطل >:( >:(وماتجيب طاري اهله بعد
لان بصراحه المرأه اول شي تسعى له بعد الزواج هذا الشي
فأوصيكم يامعشر الرجال ان تنتبهو لهذه النقطه الخطيره
يعني من تجيب طاري امك جيب طاري امها ومن تجيب طاري اخوانك العن ابو اخوانها وهيه من كيفها راح تكف عنك
اوووويلي هسا حزب النساء راح يحقدون علي ويحاولون يغتالوني وانا بعز شبابي
تحيتي لك ولمواضيعك
هاي شنو هالرومانسية هاي ضيوعي معرفتك ههههههه
لا والله بس خوش سؤال
اني برأي الشخصي وعنننننن تجربة
الرجل وخاصة (العراقي) صعب التغيير بسسسسس اذا كانت المرأة تعرف شلون تسايسة وتاخذة حبة حبة وبالحب ممكن يتغير ويغير هواية من عاداتة او اطباعة الصعبة بس اهم شي يلكي الانسانة الي فعلا تقنعنة انو هي تستاهل التغيير من اجلها مو اني والله ماخذة الامور لعب ونسة وطربكة وتعال غير من نفسك اكيد مترهم بس اذا هي فعلا كانت جادة وياه ومحسستة بهالشي وتحاول شوية شوية تفهمة الاشياء الي هي زاعجتها بي سواء من تصرف او اطباع او عاداة وتفهمة انو الحياة حلوة وياه بس اذا زالت هاي المنغصات حتصير الحياة احلى واحلى وبالمقابل هي هم تكون عدها روح رياضية تتقبل اذا هو هم عندة بعض الملاحظات عنها انو تتغير من اجلة وسبب اي علاقة ناجحة انو الطرفين يوصلون لحل وسط يرضيهم ثنينهم وبالاول وبالاخير مامكو انسان كامل
تحياتي
شكرا ضيوعي على هذا الموضوع
والمفروض مناخذه بحساسيه لان التغيير مو دائما ايكون حاله سلبيه
ايجوز التغيير ايكون بصالح الاسره
وبفترة الخطوبه او التعارف الرجل عندما يجد اخطاء في شخصية خطيبته يفكر ان راح ايغيرها بعد الزواج
يعني هاي انعدلها منا وهاي انصلحها وانظبطها منا وكانما ديفصل نفنوف
وهيه اتفكر بنفس الطريقه على هسه وره الزواج راح يتغير
واذا تالي يكتشفون الاثنين انه محد راح ايغير الثاني الا بقدر الي هوه ايريد يغيره بنفسه
وتعتمد على قابلية كل شخص لتغيير نفسه نحو الاصلح
وهناك الناحيه الايجابيه بالتغيير
فقد تساعد المراءه الرجل في تحسين بعض صفاته ونقله الى مستوى ارقى واعلى وتقوده للنجاح
واحيانا الرجل اتكون مواصفاته العلميه والمهنيه والفكريه اعلى من المراءه وهيه عدها استعداد انه ترقى لمستوى تفكيره فتتاثر بي
وهذا التغيير الحميد
اما التغيير السلبي فمثل مذكر اخونا ابو خالد واني اوافقه بالري تماما هوه تغير الصفات الحميده بالرجل الى صفات مذمومه واتحاول تستخدم تاثيرها علي سواء بالعاطفه او بالتسلط لقطع روابطه الاسريه او ابعاده عن اصدقائه او تدفعه دائما للمشاحنات
وهاي الحاله الي تقوم المراءه بدور الشيطان
ولدكولون متكدر لا قادره وبجداره
واذا اخذنا الموضوع من ناحيه نسبيه
فقدرة المراءه على تغيير الرجل اله النسبه الاعلى ونلاحظ بعد الزواج لا اراديا يبدا الرجل بتغيير كثير من طباعه وعاداته بالاتجاهين قد تكون سلبيه او ايجابيه
اما تجنبا للمشاكل وكثرة الزن او تاثره عاطفيا او بسبب العشره ووجود الاطفال او رغبته هوه للتغيير
والنسبه الاوطا هي قلة تاثيرها
واعطي النسبه الاقل لتاثره المراءه بالرجل
حبيت شارك للمرة الثانية بالموضوع ﻻنه حقا موضوع جاد ويحتاج النقاش . للتخلص من بعض الصفات الغير حميدة التي غالبا ما تحاول المراه التشبث يها وهي محاولة قلع الجذور اﻻسرية والتي شبهتها اختي يارا باﻻعمال الشيطانية صحيح انها اعمال شيطانية وﻻ يجب ان يسمح بها الرجل وكما اشار اخي ابو خالد .
ﻻنها تغضب الله عز وجل
التقدير مني لكل اﻻراء
يمكن قصة الحب الي عشتها تختلف شوية
البنت الي حبيتها لحد الآن مطلبت مني اغير شي بيا
وكنت اسألها إذا اكو شي بيا معاجبها وتريد اغيره
وكانت تجاوبني بالنفي ... كل شي عاجبني بيك ... وهذا مو يعني اني انسان كامل وما عندي سلبيات
بس الحب اعمى
بس اني ذابحها ذبح خطية
من اول يوم لحد الآن كاعد اغير بيها وغيري فلان شي وسوي فلان شي وووووووه
الله يساعد قلبها عليا ... شلون متحملتني ما ادري
بس بصراحة من يوم الحبيتها لحد هذا اليوم وجهة خير عليا وتغيرت هواي اشياء بيا
اخوكم : عاشق شروكية
الرفيق والاب القائد ضاع الوطن
موضوع يستحق الاهتمام تستحق الشكر على هذا الموضوع
يبقى السؤال قائما هل فعلا هناك شعور داخلي عند الرجل بقبول التغيير الذي تحاوله المرأة بشكل غير مباشر؟
الإجابة هنا واضحة الرجال لا يحبون أن تقوم المرأة بتغييرهم وما يغير تصرفات الرجال حقيقة هو العلاقة الزوجية حيث أن الزمن هو المغير الأساسي للتصرفات..
للتأكد من ذلك انظر إلى الأزواج في سن الأربعين وقارن تصرفاتهم عندما كانوا في سن العشرين، حتما ستجد خلافا واضحا وتغييرا جذريا إذ يغدو الرجل بعد تلك الفترة الطويلة من العلاقة أكثر استقرارا وثقة بالنفس ويتمتع بصبر وحكمة أكثر.
تحياتي
الانسان يغير نفسه بنفسه
مشكوووووووووووووووووووووور عيني ضيوعي على هذا الموضوع الحلوووووووووووووووووو
برأيي تكدر المرأة تغير الرجل بس مو كل الاطباع لئن كل انسان الة طبع ومتعود علية
فمو بكل سهولة تكدر المرأة تغير كل اطباع الرجل
بس بالاخر اذا عاشوا مع بعض لفترة طويلة راح واحد يطبع باطباع الاخر اتصير عليهم
اطباع عادية ومتعودين عليهه
يسلمووووووووووووووووووا
موضوع جميل ايها القائد ضيوعى ;D
بصراحه الرجل اذا احب ومن كل قلبه ممكن ان تغيره المراءه وجذريا وبكل سهوله لكن تحتاج الى وقت لذلك .. فالرجل كالطفل الصغير تستطيع المراءه ان ترعاه وتشكله كيف ما تشاء ;)
اعطيك مثالا لذلك .. فمثلا هناك شاب كان دوما فيه عاده سيئه الاوهى الكذب عندما تزوج قطعت عهدا على نفسها زوجته بان تغيره فى نفسه هذه العاده وبالفعل استاطاعت ان تغيره من الكذب الى ان اصبح لايستطيع الا ان يقول كل ما هو صادق
وهذا تغير كبير فى شخصية الرجل وبذلك المراءه تستطيع ان تغير من طباع الرجل ان كان متساهلا معها
تحياتى
وخاصة هاي مال تجنبا للمشاكل وكثرة الزن