ankawa
منتدى الهجرة واللجوء => الهجرة و واللاجئين => الموضوع حرر بواسطة: lost _55 في 12:39 02/08/2010
-
السلام عليكم شباب البارحة قابلت بعد انتضار دام 7 اشهر اتصلو وكالو الاحد عدكم مقابلة المهم وصلت رحت لليو ان قابلت واجتي محامي كالت اني المسولة على القضية مالتكم كالت انتي انقبلتو توطين مدري شنو البلد الثالث ومن هل الحجي طبعنا مفتهمت كولش اي عدنة القضية مرة الخ واسئلة واجوبة بعدين كالت راح تتحول القضية الي السفارات ونشوف من الدولة الي تقبل با القضية لان مكالت كتله هم راح نام 7 اشهر يالة كالت واقصى شي 3 اشهر اذا مخابرنة انته اتصل با الخط الساخن واخر شي انطتني ورقة وكالت وقع عليه هاي حتى نكدر نفتح القضية مالتكم لان ممنوع بدون موافقتكم شباب هسة شنو وضعي اني
-
لوست عيني انت بيا دوله مقدم فدوه غير تكلنه كول يا دوله واني اجاوبك ان شاءالله
يعني ما كالتلك يا دوله امريكا لو كندا لو شنو؟
بطبيعة الحال المحامي من ياقبل يعني اكو خربطه بالملف فالمحامي يعدل الخربطه الي صايره وصدك اقل من 3 شهور ويتصلون بيك وهاي اكيد ان شاءالله لان صار هيج ويايه اني بالاردن وفابلني بوكتها محامي بس ما اتذكر وقعت على شي فانت بيا دوله مقدم
اخوك
حمودي
الاردن_عمان
-
وضعكم ان تصبرون الثلاث اشهر والمفروض اموركم تعتبر ماشية اني اعتقد انه انتوا بالاردن لانه سبع اشهر يلة خابروكم تعتبر كلش سريعة وبس يو ان الاردن هيج سريع
-
شكرا اخوان اني با الاردن بس مكالت انتو يادولة ليهسة ولا سالتنه وين تريدون كالت راح اعرض القضية على سفارات مدري شلون وشوف يا سفارة راح تتهتم بقضيتكم يعني هسة ااني شنو تحولت iom
-
عيني همة ميكولون اي دولة لانه بعدهم ما محددين بس شوية ينرادلكم صبر واحتمال كبير تتحولون على الاي او ام لانه هسة اكثر شي امريكا دتاخذ ماكو تحويل لغير دول يعني المهم انتوا واصلين هسة خوش مرحلة والمراحل الجاية ان شاء الله احسن والله يفتحهة عليكم
-
اختي او اخي اظن والله اعلم حتتحولون لكندا لانو كالت سفارات او اذا عدكم اخ اب ام اخت درجة اولى في اوربا يحولون ملفهم لتلك مثلا اذا جان اخوج بالمانيا حيتحول الملف لسفارة المانيا وهكذا مااظن امريكا لانو لو امريكا جان كالت للاي او ام وتاخذ شهر من تاريخ تحويل الملف للاي او ام
-
يعني هسه انتو مسوين مقابلة مال توطين كلش زين مابقالكم شي بس يحددولكم الدولة واغلب شي راح تكون امريكا
-
اختي او اخي اظن والله اعلم حتتحولون لكندا لانو كالت سفارات او اذا عدكم اخ اب ام اخت درجة اولى في اوربا يحولون ملفهم لتلك مثلا اذا جان اخوج بالمانيا حيتحول الملف لسفارة المانيا وهكذا مااظن امريكا لانو لو امريكا جان كالت للاي او ام وتاخذ شهر من تاريخ تحويل الملف للاي او ام
عيني اخوية للتوضيح هاي الورقة لازم يوقعوهة الكل اللي متحولين توطين واني هم من وقعت الورقة بوقتهة قالت لي نشوفلكم سفارات تقبلكم وجاني تحويل للاي او ام فة همة ميكولون اي او ام يكولون سفارات وبس هذه تجرتبي الشخصية