ankawa
منتدى الهجرة واللجوء => الهجرة و واللاجئين => الموضوع حرر بواسطة: azizaliraqi في 23:54 02/08/2010
-
السلام عليكم
شباب اني سمعت خبر بس ما اكدر اثبت انو صحيح
بس اليوم سمعت
انو اكو جماعه مقدمين ع iom
وختارين ولاية بامريكا
ومنتظرين الفيزا
بس ال iom خيروهم اذا يروحون الى استراليا او انكلترا
وعلى اساس اكو مترجم هوه وعائلته طلعو من الناصريه وهسه بلندن
اني لحد هسه ماعندي اثبات على هذا الحجي
بس سؤالي لجماعة ال iom هل تم تقديم دول اخرى بدل امريكا اثناء تقديم المعاملات؟؟؟؟؟؟؟؟؟
واعيد واكرر ماعندي اي اثبات على هذا الحجي
لان هذا سمعته من مترجم لهسه يشتغل ويريد يقدم على استراليا
تحياتي
-
اخي عزيز اكو ناس وقعوهم على ورقة تكول انه هم مو مشكلة يوطنوهم على امريكا او غيرها والافضل انه الواحد يوقع حتى يثبت انه يريد يطلع من العراق ومومشكلة على اي دولة.هاي مسألة ، نجي عالمترجم اللي طلع من الناصرية شوكت هذا الكلام؟يعني بيا سنة؟ احنا نعرف اكو مترجمين طلعوا لبريطانيا من طلعوا اغلب القوات البريطانية بوقتها بس ما سمعنا وراها انه احد طلع لهناك.
-
اخيتي سرى
الي سمعته ان المترجم طلع بشهر الخامس يعني قبل 3 شهور تقريبا
واني سالت اكثر من مره بالمنتدى يصير هيج يكلولي البرنامج بس لامريكا
ع العموم شيجيب الصبح واروح استفسر لان اغلب الولد المترجمين اعرفهم
ويارب يطلع الخبر صحيح
بس لحد هسه الخبر غير مؤكد
والله يشلع قلب ابو المنظومه لان شلع قلبي
بالكوه اتصفح المنتدى
هسه اريد اجاوب ماكو بالشافعاات يله فتح
-
ماكو هيجي حجي يعني شون نموت من التفكير على مانسافر ياعيوني من قابلونا كالو تم قبول طلبكم كلاجئين في الولايات المتحده يعني وين اكو اكثر من هل اثبات ??? ??? ??? ??? ??? ??? ??? ???
على حجيكم حتى لمن نوصل لباب الطيارة نخاف لتكون مو رايحه لامريكا للصومال هههههههههههه
-
MMS
يمعودين اني كلت ماعندي لحد هسه واكرر لحد هسه ماعندي اثبات
الي نقل لخبر اخوي وهوه يشتغل بالقاعده همين احنه عائلة عملاء ;D
ولحد هسه الخبر مو اكيد يمعودين
بس اريد اعرف احد من ال iom كللولهم تقبلون تروحون لغير بلد لو لا؟
ولاتحاكموني اوكي؟
-
يعني كل الاخوان الي موجودين وقدمو ع ال iom
مسالوهم تحبون تروحون لدوله غير امريكا؟؟
شكرا ???
-
IOM هي منظمة للسفر الى امريكا فقط ، ولكن من يتم رفضه او هو يرفض الذهاب الى امريكا ، ترجع اوراقه الى UN وعادتا المفوضية تنظر بامر هذه الحالات بشكل اسرع لاعادة توطينهم الى بلدان اخرى
هذا ما اسمعه في عدة حالات حصلت امامي
-
تسلم اخويه ابو حاتم
يعني جوابك وجواب الاخت سرى اجوبه مقنعه
تسلمون حبايب
-
خي صاحب الموظوع
اولا بنسبة للى متحول ملفة من un فما اعتقد
ليش لان الملف يتحول الى قسم التوطين ومن ثم الى لجنة
الدولة التي ستوافق علية وثم يتحول الى iom
يعني موافقة مسبقة من الدولة 0
بس اذا مقدم مباشر فهاذا ممكن
واما بان iom خاصة بامريكا فلا اظن
اخواني هذة منظمة دولية غير حكومية
تقوم باجرائات السفر الى ا ى دولة 0 يعني اذا جانت خاصة باميركا
وقفلت التوطين اميركا لبلدها ستقفل iom اخواني هذة المنظمة لديها فروع بجميع
انحا ء العالم ونحن من جنة انراجع المنظمةكانوا يعطون خط رحلة الى كندا واستراليا
تقبلوا مروري اخوكم قيد الدراسة الى الابد
تقبلو مروري
اخوكم قيد الدراسة الى الابد
-
اخوان اني هم اعرف واحد اخو بامريكا وقدم علة اساس اخوة وهذة الشخص معرفة ردت اكتب الخبر بس بطلت انتة الحمدلله كتبتة واني حأكدة هذا الولد اخو طالع على برنامج الس في وصارلة سنة وهسة اخو قدم علة البرنامج فاثناء المقابلة كلولة تريد امريكا لو استراليالو انكلترا كال اريد انكلترا ووقع عالاوراق وسووة فحص طبي وهسة بانتظار الفيزة كلام من ولد اعرفة ثقةة وحتة هوة جان متفاجيء
-
تره الحجي ابيناتنه استراليا والمملكة المتحده احسن من امريكا بناحية اللجوء
فياريت لو اقدم ويكلولي يلا اشطح لاستراليا
وبالموفقية للجميع
-
اخي قيد الراسه
تسلم اخويه ع الشرح والتوضيح
اخويه aa12_zz5
ماعرف ليش انته بوكتها ما كتبت الخبر!!!
ياريت كل الي عنده خبر منا منا يحجيه مابيها شي
وخصوصا انته دتكول الولد عرف يعني واثق من كلامك
اخويه حمزاوي كلامك صحيح 100% بس مو كل الدول الاوربيه زينه
الدول التوب للاجئيين من ناحية خدمات وامتيازات
1-المملكه المتحده
2-كندا
3-امريكا
4-نيوزلاندا
5-استراليا
طبعا هذا الحجي حسب ما يحجولي كرايبي لانهم مطشرين بكل الدول ;D
ونرجع لموضوعنه وجبت الخبر الكيد
الولد جان مقدم على IOM وانرفض من قبل امريكا ماعرف ليش مع انو كان مترجم
وكللوله تريد استراليا او انكلترا
والرجال اختار انكلترا
وابوكم الله يرحمه
وماعرف ليش لحد هسه ولا واحد من جماعة IOM دخل وجاوب اذا الجماعه خيروه بين امريكا او غير دوله
بس الاخت سرى الله يحفظها كالت
"اخي عزيز اكو ناس وقعوهم على ورقة تكول انه هم مو مشكلة يوطنوهم على امريكا او غيرها والافضل انه الواحد يوقع حتى يثبت انه يريد يطلع من العراق ومومشكلة على اي دولة"
مع انو سرى طلعت ع ال siv
تحياتي للكل
وعمي تره احنه منحسد ولا اي شي بس جاوبو مابيها شي
يابيض ياسود ;D
-
IOM هي منظمة للسفر الى امريكا فقط ، ولكن من يتم رفضه او هو يرفض الذهاب الى امريكا ، ترجع اوراقه الى UN وعادتا المفوضية تنظر بامر هذه الحالات بشكل اسرع لاعادة توطينهم الى بلدان اخرى
هذا ما اسمعه في عدة حالات حصلت امامي
اخي الاي او ام منظمة دولية وليست للتسفير الى امريكا فقط كم تقول لكنها مدعومة من قبل الحكومة الامريكية
-
شلونكم اخواني
على الرغم من اني اتصفح الموقع من الموبايل وصعوبة الكتابه الا اني دخلت لأضيف معلومة بخصوص هذا الموضوع..
انا قابلت محلف مع زوجتي 2010/7/19 وقبل ان نبدء بالكلام مع المحلف سألنة المحلف في حال عدم قبولكم في امريكا هل ترغبون ان نحول قضيتكم لبلد اخر..... وقال هذا شيئ اختياري واذا وافقتم ام لم توافقو فلا يؤثر هذا الشيئ على قضيتكم. فقلنا اوكي موافقين وبعدها قال وقعو على هذه الورقة ووقعنة وبعدها بدء بأجراء المقابلة معنا بشكل طبيعي....
اني بأعتقادي وهذا رأيي الخاص انه يريدون يعرفون هل فعلآ احنة نريد نهاجر بسبب خوف او تهديد لو نريد نطلع فقط لأمريكا.
اذا كنا نريد نطلع فقط لأمريكا فراح يحسبونا اننا نريد نطلع على المزاج وماعدنة تهديد بينما اذا وفقنة على ان تحول قضيتنة لبلد اخر في حال عدم توفر امريكا فراح يحسبون اننا فعلآ نريد المغادرة بأي طريقة بسبب تهديد او خوف.
ملاحظة // المحلف ماعيين النة دولة معينة فقط قال هل ترغبون ان نحول قضيتكم لبلد اخر في حال عدم الموافقة على امريكة فقط هذي العباري...
اتمنى ان اكون افدتكم.
تحياتي للجميع
أخوكم
ساحر بغداد
-
اخويه kunda تسلم حبيب ع التوضيح لان اكو جماعه بالمنتدى كلولي الاي او ام بس لامريكا وخااااااااصة بامريكا
واني ما جادلته بصراحه لاسباب خاصه...
اخويه ساحر بغداد
الف رحمه على اهلك على هيج جواب
الرجال الي حجيت عنه من انرفض من امريكا الجماعه كلوله تريد انكلترا لو استراليا؟
وهذا الحجي من اخوه نصا
تحياتي
-
UP
-
طبعا اني ما دري هسه يلا طبيت للموضوع
احنه وقعونه على هيج ورقه في حاله رفضت الولايات المتحده توطينكم انحولكم على غير دول والمترجم كال من الافضل توقيعها
ووقعناها
جورجيا
-
اخوية عزيز شغلة الsiv تختلف لانه انت ما مخير بالدولة لان هو الsiv بيه كرين كارد لامريكا فشلون تطلع لغير دولة؟اضافة الى انه لو اكو بيه غير دولة ما كان صارت المقابلات فقط في السفارة الامريكية مو صحيح؟كان المفروض يخيروك على اي سفارة تريد
بالنسبة للiom فقط كان اكو تخيير بالموضوع.وتقبلوا تحياتي