ankawa
منتدى الهجرة واللجوء => الهجرة و واللاجئين => الموضوع حرر بواسطة: احمد صلاح الدين في 21:58 03/08/2010
-
السلام عليكم اخوان
يالنسبة لاستمارة I-360
دخلت عالرابط مال المنتدى بس الاخوان هم ما متفقين على كيفية مليء هذه الاستمارة
اذا امكن شخص طالع و هو موجود بامريكا و طالع على SIV يوضحلي شلون ملاها بوكتهه
لان الجزء الاول شو الي افتهمته انه اتركه و اعبر على الجزء الثاني لان اني مقدم وحدي يعني لا ززوجة و لا اطفال و اني دامليهه لنفسي
الجزء الثالث هم بي ADDRESS C/O و كل واحد يكول شكل مرة الك مرة للكفيل و لازم امريكي
اذا امكن شخص مكملهه كبل و طالع على اساسهه يعلمنه هو شلون ملاها بوكته حتى نمليهه على طريقته
و شكرا
و الله يوفق الجميع
-
up
-
عزيزي اقره هذا الرابط
http://www.ankawa.com/forum/index.php/topic,431646.0.html
الاعضاء اموضحين سؤالك ومجاوبين كلش بوضوح
-
للرفع وللاستفادة
-
اخوية هذا الرابط شو ما اشتغل عدي يكولي غير موجود بلكي تشوفلياه و مشكور
-
السلام عليكم
اخي شوف هذا الرابط بلكي يشتغل يمك
http://www.ankawa.com/forum/index.php/topic,425872.0.html
الاخوان ما قصروا نهائيا بالشرح ، بالنسبه الي ، على ما اذكر كتبت العنوان البريدي مال الشركه الي كنت اشتغل بيها ، و وره فتره يمكن شهرين اجه ولد ابن حلال ، كلي علي عدك رساله بمكتب البريد مال الشركه ، ورحت استلمتها ، لما قريتها شفت انو الجماعه (USCIS)كاتبين العنوان الي اني كتبته الهم ، وافتهمت منها انو هذا العنوان الي راح يرسلون بيه رساله بظرف تحمل رقم ال Receipt والي راح تلكاه بالزاويه العليا اليسرى من الرساله (Receipt Number) الي هو يكون LIN-XX-XXX-XXXXX والي راح تستخدمه علمود تدخل على هذا الموقع
https://egov.uscis.gov/cris/Dashboard/CaseStatus.do
والي راح يبين وين وصلت قضيتك.
ولهذا السبب الاخوان يكولون لازم تكتب عنوان ممكن ان يوصل له نظام البريد الامريكي من خلال خدمه ال USPS - United States Postal Service والي هيه خدمه بسنتات قليله لان اذا تكتب عنوان عادي بالعراق، فخدمه البريد الامريكي ما توصل لعناوين البيوت بالعراق ولايمكن استخدام عنوانك انته من خلال ال دي اج ال لانه الاخير مكلف وهمه كدائره حكوميه تستخدم الخدمه الحكوميه الي تكون ببلاش ، ولو اكو بعض الاراء اتكول اكتب عنوان ال DHL وتروح تستلمه من عدهم. هايه بعد ما اعرف بيها وما اكدر اكول اذا مضبوطه او لا ، لان ما مريت بيها .
جرب الرابط وانشالله توصل لنتيجه واذا ما وصلت لنتيجه مقنعه حاول ويا الاخوان القديمين بالمنتدى لان خبرتهم اقوى ومعلوماتهم اكثر .
طبعا بالنسبه لنقطه انو لازم العنوان والاسم مال شخص امريكي، فهذا جوابها لان حسب ما اذكر اجه مثل تعميم لكل الاقسام الي عدنا بالشركه واظن هذا شمل الكثير من الشركات بصوره عامه ، انو ما يسمحون للاسماء العربيه (يقصدون للعراقين طبعا) انو يستخدمون خدمه البريد الامريكيه ، لان حسب نظرتهم للامور ان الموظفين والاشخاص العراقين بدوا يستخدمون هذي الخدمه لارسال واستلام الاشياء الي تجيهم من امريكا سواء كانت من اصدقاء او من خلال الشراء online من الانترنت ، وهذي الخدمه البريديه تكون رخيصه كلش وشبه البلاش لانها مدعومه من الحكومه الامريكيه، وعليه لابد ان الي يستخدمها يكون موظف امريكي او شخص امريكي ، وبالنسبه للعراقين كلهم كانوا بعقود وليسوا موظفين الا في بعض الشركات القليله ، هذا الي انشرح بوقتها ، واتصور هو هذا سبب ذكر بعض الاشخاص انو لازم يكون المستلم امريكي.
حاول ان تشوف المواضيع الموجوده بهذا الرابط لان كلها مواضيع مثبته ومفيده جدا
http://www.ankawa.com/forum/index.php/board,207.0.html
بالتوفيق انشالله الك وللجميع
علي SIV مرحله بحر الظلمات
-
كلام اخوية علي مضبوط وامشي عالرابط اللي خلالكياه.
-
والله يا اخوان اني شاكركم جدا بس اكو شغلة حيرتني انه الرابط اني عندي من الاول و ادري بي بس لو تشوفو تلكون كل واحد من الشباب كاتب شكل واحد يكول عنوان الشركة واحد يكول عنوان البريد السريع وواحد يكول عنوان شخص بامريكا وواحد يكول عنوانك فحيرة و الله لا يحير عبده و لهذا اني ردت شخص رايح و اكيد محتفظ بنسخة من اوراقه حتى نقطع الشك و اسأل مجرب ولا .............
فهمتوني اخوان مع احترامي للكل دون استثناء
و الف شكر
-
Bro,
Check this out, and follow the link.
صديقي فنجوز...
اني حبيت اشارك وادلو بدلوي، بس بالبداية حبيت بس انوه على انه الردود اللي ذكروهه الاخوان بخصوص الفورم I-360 بصراحة اول مرة اسمع بيهه مع كل احترامي لردودهم، وادري كل واحد بيهم هسه كاعد بامريكا وعنده اصدقاء نفس الطريقة مالينهه وواصلين، بس اني بصراحة مو نفس ما همه ذاكرين مسوي وهسه راح ابينلك رأيي بالموضوع.
اول 3 اسئلة اني ويه رأي الاخوان. اما السؤال الرابع فجوابي:
القسم الاول من الاستمارة اكو عبارة تكول (Information about person or organization filing this petition) وماكو داعي نترجم لانه مفهومه، يعني المعلومات المطلوبة منك بهذا القسم تخصك انت.
الـ C/O معناها (Care of) اي "بعناية" او "بواسطة" وبهذا الحقل تذكر اسم وعنوان الشخص اللي تريده يستلم الرسائل من الـ USCIS واعيد "اسم وعنوان كامل" في هذا الحقل فقط. وباقي الحقول تنزل عنوانك.
بما انه انت ما عندك U.S. Social Security# ولا عندك A# ولا IRS Tax# فكلهن تسطرهن N/A.
هسه نجي على فقرة الـ Organization
اذا تقرة بمقدمة القسم الاول ورة العبارة اللي ذكرتهه ليفوك راح تلكه هذه (Individuals should use the top name line; organization should use the second line.) وهمين حاطيهه بين قوسين، يعني الحجي شنو؟ انت اكيد Individual فلذلك راح تستخدم السطر الاول وتكتب الاسم الثلاثي لحضرتك وتسطر N/A بقسم الـOrganization. يعني مالهه علاقة بالشركة اللي تشتغل بيهه او اخر وحدة اشتغلت بيهه.
هسه نجي على القسم الثالث من الاستمارة.
بداية القسم كاتبين (Information about the person this petition is for) ومعناها واضح، فاكيد انت مراح تملي الابليكيشين لابن الجيران، راح تمليهه الك فلذلك كل المعلومات اللي بهذا القسم راح تكون كوبي وبيست من القسم الاول.
العنوان يريدون عنوانك انت ومو عنوان الـC/O.
الـ C/O نفس ما ذكرته بالبارت الاول تعيده هنا همين فقط. الباقي تنزل عنوانك انت. هاي اهم فقرات القسم الثالث.
هسه القسم الرابع
طبعا السفارة والبلد هاي واضحة بس الوراهه يكولون: (If you gave a U.S. address in Part 3, print the person’s foreign address below… etc) وهاي همين ما ينرادله دوخه، اذا ذاكر بالقسم الثالث عنوان بامريكا فاذكرلنه عنوان الشخص ببلده الاصلي. زين احنه اتفقنه انه بالبارت الثالث هو عنوانك بالعراق، يعني بهالحاله الـ N/A راح تزهو بهالحقلين، مو؟ لو انت شتكول!
والمربعات الوراهه كلهه NO. ويخلص القسم الرابع.
القسم التاسع بس تكتب الـ N/A بالجزء A والباقيي عوفه فارغ.
اما سالفة الشقة فهاي بالقسم الاخير، تكتب اسم واحد من عدنه اللي ردو بموضوعك هذا وتدزلهم الابلكيشن علمود يوقعوهه لانه احنه اللي ملينالكياها. ;D
تحياتي وردة
http://www.ankawa.com/forum/index.php/topic,389950.0.html
-
السلام عليكم
اذا بعدك ب حيره و ما وصلت لنتيجه او محد من الاخوان الي انجزوا ال I360 مؤخرا جاوب عليك ، ممكن ان تاخذ احد هذي الحلول
اما ان تكتب عنوان الشركه الي انته بيها ، اذا انت ما زلت تشتغل بشركه و الها APO area of post office يعني ممكن يوصللها البريد، و واثق انو احد الموجودين وياك ممكن يروح لمكتب البريد ويجيبلك الرساله.
الحل الثاني انو تشوف انته بيا ولايه ناوي اتروح يعني الكفيل مالتك وين وتكتب عنوانه وتنتظر لما هو يستلم الرساله مال الجواب من ال USCIS انو يسويها سكنر يدزها الك او هو يرسلها الك بعدين بال DHL او ال FedEx او يبقى محتفظ بيها الى ان انته توصل بالسلامه لهناك.
الحل الاخير انو مثل ما كلت انو تنتظر احد مؤخرا انجز معاملته وتتاكد منه
بالتوفيق انشالله الك وللجميع
علي SIV مرحله بحر الظلمات
-
والله صدق شغلة ال360 عويصة
-
اخي العزيز الc/oهو بس شخص بامريكا يستلملك البريد من الuscis.
-
السلام عليكم اخوان شلون الصحة ان شاء الله مرتاحين
طبعا اني كلش اشكركم على اهتمامكم
الاروراق مليتهه على النحو التالي و دزيته بالدي اج ال
القسم الاول من الاستمارة تركته اي عفته فارغ
و بالقسم الثالث كتبت عنوان الدي اج ال لان من رحت هناك كتلهه للموظفة اني اريد احط عنوانكم كالت ايي عادي هم يردزن برساله النه و احنه انخابرك و تجي تستلمهه و هذا الي صار و كالتلي تر اني بالالف معمله اس اي في مسوية و مكمله فلت تشيل هم لان كتلهه رقم صندوق احطة بالاستمارة حتى يدزو عليه كالت ميحتاج لان احنة بريد سريع و ماكو صناديق همة بس تكتب عنوانه و تجي الرساله عليه فاني هم مكذبت خبر و انطتهيا
اما بالنسبة للجزء الاول فتركته لان هو كاتب ليفوك ملاحظة و اعرف ولد قبل فترة طلعوا مجانوا كاتبين شي بي لان الماعنده كفيل عادي يعني مو مشكلة و الله كريم
و شكرا