ankawa
منتدى الهجرة واللجوء => الهجرة و واللاجئين => الموضوع حرر بواسطة: مشمشة في 08:45 04/08/2010
-
السلام عليكم
ارجوكم اتساعدوني شلون اسحب زوجي واني طالعلي موعد سفر قريب جاوبوني رجاءا
-
مرحبا
اذا تسافرين لامريكا....
اذا كان الزواج بعد صدور الموافقة للسفر فلازم تنتظرين سنة حتى تاخذين الكرين كار وتسحبيه
واذا الزواج قديم تكدرين او توصلين تسحبيه خلال شهرين تلاثة
تحياتي
-
اخي نبهان شون تسحبه بشهرين ثلاثه بالوايت كارت لو بشنو !
-
مرحبا انجي
اي ممكن تسحبة بفوورم I-730 هذا اذا كانت متزوجة سابقا منه يعني مو جديد فيحقلها تسحبه....بالوايت كارد وتطوول فد شهرين الى ثلاثة
-
اخواني القصة اني بغداد وعندي وطلعلي موعد سفر لامريكا لنورث كارولاينا واني مخطوبة صارلي 3 اشهر واريد اكطع مهر قبل ما اسافر وموعد السفر مالتي بعد سبوعين ناس دكلي روحي وكطعي مهر بالوكالة ولتكطعين مهر بغداد وناس دكول لا كطعي مهر بغداد وسافري وناس دكلي سوي وكالة لاحد بغداد هو يكطعلج مهر بعد متوصلين لامريكا كلمن يحجي شكل وهسة اخير شي كالولي خابري المنضمة وكليلهم القصة وشوفي شيجاوبوج واني اخاف اخابر ليعرقلون سفرتي اريد حل مدا اعرف شسوي رجاً ساعدوني مبقالي وكت وما اعرف شنو الطريقة الاحسن الي اكدر اطلع واسحبة بيه باسرع وقت ممكن
-
عزيزتي مشمشة
هاي شغلتي اني بامريكا هيجي سوالف وداخل بتفاصيلها يه دائرة الهجرة بعمق وراح اككولج حالتج بالضبط
الحل الاول يا اما تاجليين سفرج وتكطعين مهر وتقدمين من جديد انتي وياه وتبدين من البداية طبعا لانه صرتا غيير كيسس وهاي بيها مخاطر هوايه طبعا لانه القوانين ما تنضمن؟؟ او
تجيين لهنا او بهاي الحالة ما يحقلج تسحبيه الا وره ما يطلع كرين كارد وبشروط وهي
لازم تكون علاقتج بيه قديمة وتحتفظين بكل الرسائل والايميلات والمسجات وكل شيء يثبت انه تعرفيه من زمان
جاولي تكطعين مهر قبل ما تجييين لانه وراها لازم وره ما يطلعلج كرين كارد تسافرين وتكطعين مهر وتسوين حفلة وتصوريها وتقدميها ويه المعاملة حتى تقتنع دائرة الهجرة
وماكو غير هالحل...مع الاسف يعني براي ضحوا بسنه من اجل العمر كله احسن ما تضخيين وتبقين وتبدين كيييس من جديد...
واما اذا تريدين تتصلين بالمنظمة وتضييفييه وياج فهاي ما اعرف شنوو وضعها بالضبط انتي تصرفي بيها
وكلامي مستند على كلام دائرة الهجرة اللي بهذا الرابط
http://www.uscis.gov/USCIS/New%20Structure/3rd%20Level%20(Left%20Nav%20Children)/Resources-3rd%20level/How%20Do%20I%20Guides/D1en.pdf
اقريه زين وانتي راح تفتهمين السالفة
تحياتي
-
اخي نبهان
في حالة الزواج القديم هل تستطيع الزوجه سحب زوجها بعد وصولها مباشرة
وشلون الطريقه
اذا حضرتك عندك معلومات عن الموضوع الرجاء التوضيح
مع الشكر
-
السلام عليكم
شباب فد مداخله بسيطه بلازحمة ...
اني دالاحظ شباب وبنات ((بغداد)) دائما ديكتبون هيج مواضيع زين فد كم سؤال ؟؟؟((واحنه برسم خدمتهم اكيد))
شنو سبب كل هل التئخير بعدم الزواج ؟؟
ليش ما قبل التقديم كان ازوجتو وقدمتو سوه؟؟
وليش داتعقدون الامور على نفسكم ؟؟
يعني مثلا لو مطالع السفر ((للشاب او للشابه)) شنو راح يكون الموقف زواج او عدم زواج؟؟؟
وتقبلة مروري...وصراحتي ...
اني من وجه نظري اكطعي مهر بالعراق وبعد كم شهر او بعد سنه تكدرين اسحبيه بالكرين كارت من اتحصليها
ان مع العسر يسرا
robin - cairo
-
الاخت مشمشة - اذا كان لك راتب من جهة امريكية ، سواء كانت معاملتج هجرة (SIV) او لجوء (IOM) ، فيحق للمتعلقين من الدرجة الاولى التقديم على نفس الرقم.
للتوضيح اكثر ، انا مقدم على الـ IOM عمان يعني لجوء ، وكنت اعمل مع مؤسسة مجتمع مدني تحصل على دعم امريكي.
سالت الهجرة ، بما اني تاخرت كثيرا ولحد الان لم اكمل الموافقة الامنية ، فهل يحق لاختي وعائلتها التقديم؟
جوابهم ، بما ان مرتبي كان من جهة امريكية (كما هو واضح في الملف) فيحق للمتعلقين من الدرجة الاولى التقديم من الآن.
خلاصة يعني اعتقد اذا تعقدون ، ويقدم على نفس رقم الملف ، وانت تسافرين وتنتظرين ، وعادتا مثل هذه الحالات تطول ست اشهر ، وانشالله مبروك
اما في الحالات العادية ، فلا يحق لك سحب الزوج الا بعد الحصول على الكرين كارد.
والافضل ارسال ايميل الى الهجرة بانك ستتزوجين خلال ايام الخ: ic@iom.int وتكتبين رقم التلفون وانشالله يصلك جوابهم بعد اربع ايام اما ايميل او تلفونيا
-
اخوان ارجو الجواب على استفساري ولكم الشكر مقدما
اخي الان في مرحلة التجيك الامني بعد مقابلة المحلفين وهو قد تم اكمال عقد الزواج بعد المقابلة بشهر ولكن لحد الان لم يبلغ المنظمة انه قد تزوج ماذا سيحصل له اذا سافر ولم يبلغ المنظمة هل يستطيع سحب زوجته بعد الوصول او يبلغهم قبل السفر ولا يؤثر على سير المعاملة يعني يسافر هو الاول وبعدين زوجتة
هو يخاف يبلغ المنظمة وياخرون معاملة السفر هو مقدم من بغداد شنو نصيحتكم اخوان
-
اخوية خلي يتأخر شوية وياخذها وياه لانه بعدين حتى لو سحبها ترة مو شغلة سريعة خلي يتوكل على الله وينتظرها ويسافرون.
-
السلام عليكم
اني اولا احب اشكر كل الاشخاص الي ديقدمولي معلومات او نصيحة اني هسة وصلت لامريكا صارلي شهرين تقريبا وقبل كم يوم رحت سويت وكالة من السفارة علمود عقد القران وحسب مفتهمت هنا انو اني ما اكدر اسحبة اله احصل الكرين كارت بس لكيت فرم اسمه i-730حسب مفتهمت منه اني اكدر اسحب رجلي خلاله بس خلال فترة سنتين هي فترة كلش طويلة بس احسن ما نتظرالكرين كارت يالة اقدملة اوراقة والله يعلم هم شكد طول ورة السنة .
-
حبي فترة السنتين هي مو فترة استغراق المعاملة وانما فترة السنتين هي المدة الممنوحة للاجئ من تاريخ دخوله لامريكا والى ان يمل سنتين لازم خلال هاي السنتين يقدم الشخصمعاملة لم الشمل للاجئين بالفورم المذكور.ارجو انه تكون الصورة واضحة عزيزتي.
-
الزواج بعد التقديم وبدون علم المحلف يعرض الكيس الى الرفض ولكن اذا تم الزواج بعد اجراء المقابلات
الاوليه التي تسبق المحلف او بعده يعرض صاحب الملف على اعاده التقديم من جديد (مع الزوج) واذا
تبين بعد سفر صاحب الكيس بانه تزوج خلال تلك الفتره بدون علم مسبق قد يعرض صاحب الكيس على
سحب لجوءه او رفض معامله لم شمل الزوج وهذا حسب تعليمات مكتب الهجره
ويمكن التقديم على معامله لم الشمل للزوج بعد الحصول على الكرين كارد وتاخذ العمليه وقت طويل
ملاحظه : لم شمل الزوج او الزوجه او الاطفال اقل من 21 سنه للاجئين يمكن التقديم على معامله لم
الشمل لهم حال وصولهم الولايات المتحده وبدون الحصول على الكرين كارد(المقصودين هنا المتزوجين سابقا)
وتاخذ المعامله 6 اشهر تقريبا زائدا مده الموافقه الامنيه
تحياتي
-
اخوية عكعك شو ضلمتهه علينة هسة اخوية شيسوي هو تزوج ورا ما قابل المحلف بس لحد الان هو ما مبلغهم بس هو بنفس الوقت ميريد يتاخر اكثر شلون شيسوي
-
السلام عليكم انا زوجتي ستسافر الى امريكا وهي اخبرتهم انها متزوجة ومعها اطفالي الاثنين ونحن متزوجون منذ 16 عام وجميع الاوراق التي تثبت ذالك في الملف واخبرت المحلف ايضا بذالك وقالت له انها تريد زوجها وقال لها المحلف عندما تصلين الى امريكا تعملين له معاملة لم الشمل فهل تستغرق وقت طويل ايضا علما ان زوجتي من (IOM) وانا في احدى الدول الاوربية فارجو المساعدة لانه موعد سفرها قريب جدا ولكم مني كل الاحترام.
-
up
-
السلام عليكم
اني باقيلي اقل من شهر واكدر اقدم على الكرين كارت ممكن اعرف شنو الاجرات الي اكدر اسويه حتى اسحب زوجي ورة ماحصل الكرين كارت اني سمعت اكو فورم اسحبة ب 450 دولار اترسة وادزهة لدائرة الهجرة
طبعا اني مقدمتله على الفورم i_730 لان هواية ناس منصحتني بيه كالو متفيد لان هم الي عدهم جنسية ميحصلون السحب بسهولة عاد الي عدهم وايت كارت فهسة بلكت تفرج على الكرين كارت بس اذا اكو واحد مقدم لزوجتة لو يعرف شون ابلش بالمعامله
واتمنه مساعدتكم لان ماريد اخطو خطوة اتندم عليه
وشكرا
-
up والله زين اخت مشمشه متابعه مووضوعج والحمد لله على سلامتك في ارض الاحلام وان شالله راح الاخوة يجاوبونج
-
السلام عليكم
اني باقيلي اقل من شهر واكدر اقدم على الكرين كارت ممكن اعرف شنو الاجرات الي اكدر اسويه حتى اسحب زوجي ورة ماحصل الكرين كارت اني سمعت اكو فورم اسحبة ب 450 دولار اترسة وادزهة لدائرة الهجرة
طبعا اني مقدمتله على الفورم i_730 لان هواية ناس منصحتني بيه كالو متفيد لان هم الي عدهم جنسية ميحصلون السحب بسهولة عاد الي عدهم وايت كارت فهسة بلكت تفرج على الكرين كارت بس اذا اكو واحد مقدم لزوجتة لو يعرف شون ابلش بالمعامله
واتمنه مساعدتكم لان ماريد اخطو خطوة اتندم عليه
وشكرا
اختي مشمشة ما تكوليلي منو كلج هذا الكلام
عمري هواية عدنا قدموا عالفورم 730 وانتي بكل الاحوال الافضل تبقين عال730 وقدمي ينرادلج كومة يالله يطلع الكرين كارد حبيبتي تلحكون ماخذين موافقة عالفورم 730
حبي قدمي عال730 وفضيها بعد كومة للكرين كارد
-
السلام عليكم
اني هسة كملت سنه وشهر بامريكا ومعامله الكرين كارت ليهسة ممقدمته ممن وره غباء موظفه هنا علمود استلم ظرف الفحوصات سوتليا فلم هندي وتاليته طلعت الشغلة مو يمه وطلعت كلشي متفتهم وغبائه اخرني شهر المهم الحمد الله استلمت الظرف وكملت ترس استمالة الكرين كارت بس عندي شغلة خايفة ومترددة منه خاف لتسويلي تاخير بالستلام الكرين كارت وهي انو طالبين اذكر انو اني متزوجة لو عازبة والي يعرف قصتي اني ورة مدخلت امريكا كطعت مهر بالوكاله خاف اكتب عازبة تتخربط غله سحبه زوجي وخاف اكتب متزوجة يروحون يسولي مشكله بالكرين كارت والله ما اعرف شسوي انصحوني وطبعا اني مخليت محامي اخوية ترسلي الاستمارة بس واكفة على هاي الشغلة واذا اريد اسال محامي شغله طول لان مينطيني موعد بسرعة حتى اشوفة واشرح الموضوع واني مستعجلة ما اكدر بعد ااخر الشغلة اكثر منهيج لان ضاع عليه شهر
-
السلام عليكم
اني هسة كملت سنه وشهر بامريكا ومعامله الكرين كارت ليهسة ممقدمته ممن وره غباء موظفه هنا علمود استلم ظرف الفحوصات سوتليا فلم هندي وتاليته طلعت الشغلة مو يمه وطلعت كلشي متفتهم وغبائه اخرني شهر المهم الحمد الله استلمت الظرف وكملت ترس استمالة الكرين كارت بس عندي شغلة خايفة ومترددة منه خاف لتسويلي تاخير بالستلام الكرين كارت وهي انو طالبين اذكر انو اني متزوجة لو عازبة والي يعرف قصتي اني ورة مدخلت امريكا كطعت مهر بالوكاله خاف اكتب عازبة تتخربط غله سحبه زوجي وخاف اكتب متزوجة يروحون يسولي مشكله بالكرين كارت والله ما اعرف شسوي انصحوني وطبعا اني مخليت محامي اخوية ترسلي الاستمارة بس واكفة على هاي الشغلة واذا اريد اسال محامي شغله طول لان مينطيني موعد بسرعة حتى اشوفة واشرح الموضوع واني مستعجلة ما اكدر بعد ااخر الشغلة اكثر منهيج لان ضاع عليه شهر
حبي انتو اذا زواجكم صار ورة دخولج لامريكا تنسين شغلة الi-730
هسه تملين الاستمارة وتكتبين متزوجة علمودمن تستلمين الكرين كارد تسوين لم شمل لزوجك
-
شكرا جزيلا على ردج والله اني هم هيج سويت كتبت متزوجة وكملت ترس الاستمارة بس ما ادري يريدون ادز ويه الاوراق نسخة من عقد الزواج علمود الكرين كارت لو ميحتاج
ولو داتعبكم ويايا باسئلتي بس والله هنا غلطة الشاطر بالف واني ما اريد اسوي شي بعدين اتندم عليه وبنفس الوكت ماريد اضيع وقت لان اريد استلم الكرين كارت واقدم معامله لزوجي بس هم ما اعرف شسم الاستمارة الي اقدمله بيه على الكرين كارت
-
شكرا جزيلا على ردج والله اني هم هيج سويت كتبت متزوجة وكملت ترس الاستمارة بس ما ادري يريدون ادز ويه الاوراق نسخة من عقد الزواج علمود الكرين كارت لو ميحتاج
ولو داتعبكم ويايا باسئلتي بس والله هنا غلطة الشاطر بالف واني ما اريد اسوي شي بعدين اتندم عليه وبنفس الوكت ماريد اضيع وقت لان اريد استلم الكرين كارت واقدم معامله لزوجي بس هم ما اعرف شسم الاستمارة الي اقدمله بيه على الكرين كارت
حبي انتي اول مرة تقدمين معاملتج ولمن تحصلين عالكرين كارد عود تسويله لم شمل ما يصير من هسه تقدميله عالكرين كارد
-
مشمشة اسمعي كلامي امريكا افضل من الزواج الزواج
يا تي كل ساعة ولكن امريكا تدق الباب مرة واحدة بالحياة لا تضيعي هذه الفرصة الذهبية وبعدين تندبي حظك طول حياتك