ankawa
منتدى الهجرة واللجوء => الهجرة و واللاجئين => الموضوع حرر بواسطة: حمزاوي في 12:20 04/08/2010
-
السلام عليكم
شلونكم حبايبي ان شاء الله مرتاحين
عندي سوال صغير
وهو
اني دا اقدم من بغداد
وكلشي كامل الركمنديشنات ام الايميل والهوية وباقي السوالف مترجمة
بس شغله صغيره
هو لازم من اقدم اكللهم اجاني تهديد
يعني لازم اكون مهدد ياله اقدم
زين شلون اثبتلهم اني مهدد
-
اخي دزيتلك رساله عل خاص تحياتي
-
والله اخي ماجلان كلامك صحيح
منطقتي وما ادراك ما منطقتي
يعني لو يعرفون بيه مترجم يمكن ياكلوني حي
لو ينضفون بيه الشوارع وبعدين على العامود
اخوية يدكو شكرا على رسالتك
واني هم مفكر بهذا الشي ورح اسوي خلال يومين
-
السلام عليكم اخوان اني جديد وياكم واتشرف بمعرفتكم حبيت اعلق على سؤال الاخ الي يتعلق بالتهديد يعني اني خلصت مقابلتين بس كلتلهم انه ممتهدد مباشر بس خايف ومنهالحجي فاريد اخذ رايكم شتكولون يوافقون لو بس اللي متهدد او متضرر يوافقون عليه ارجو الرد من اصحاب الخبرة ولكم جزيل الشكر
-
يعني انت كلتلهم انه انت خايف من الوضع العام...!اذا هيج كلت الهم فاتصور انه سبب غير كافي لمنحك اللجوء.لان كل العراق خايف خوما يطلعون كل العراقيين...؟
-
السلام عليكم
بلكي من الاخوان يدكو ومجلان يفهمنونه شويه عن شغلت التهديد
حتى لو برساله ع الخاص
يعني نكتب فدشي وندزه او ناخذه ويانه لو شنو؟
لو بس حجي؟ اكلهم اجوني فرضا شخصين وكلولي باجر نصمطك صمط ومن هالحجي؟ ;D
-
حبيبي يسوري زين هو مو من ضمن البرنامج مال اللجوء انه الي اتعرض للتهديد او الخطوره او اللي حاس نفسه بخطر وخايف همين لو اني غلطان ارجو التوضيح
-
يمعود اخوان معقوله ...
الامم والمنظمات التي من شانها منح اللاجوء على اي اساس تنطي اللاجوء ؟؟؟؟
اكيد على انو الشخص المقدم يكون في تهديد على حياته او خطوره الموقف الي عايش فيه وعلى هذا الاساس يتم درس حالته وتقييم مدى توافق ملفه مع شروط الهجره الدوليه
يعني المختصر المفيد حتى لو تكون مشتغل ويا اوباما هههههههههه وقدمت وماعندك تهديد مايقبلوك
-
أخي تكدر تقول انه حسيت أكو جماعه كاعد تراقبني و بعدين طاردوني بالسيارة او طلقو عيارات نارية على البيت و بهذا راح يفهم المحلف انه انت مهدد بصور مباشرة
-
يمعود اخوان معقوله ...
الامم والمنظمات التي من شانها منح اللاجوء على اي اساس تنطي اللاجوء ؟؟؟؟
اكيد على انو الشخص المقدم يكون في تهديد على حياته او خطوره الموقف الي عايش فيه وعلى هذا الاساس يتم درس حالته وتقييم مدى توافق ملفه مع شروط الهجره الدوليه
يعني المختصر المفيد حتى لو تكون مشتغل ويا اوباما هههههههههه وقدمت وماعندك تهديد مايقبلوك
كلامة معقول جدا
وهذا الي جنت اريد اتاكد منه
يعني على شنو ينطوني لجوء بس لان اني مترجم
وشدعوه قابل قحط مترجمين ميشيلوهم ويحطوهم بامريكا
لازم متهددين
هسه اريد واحد يهددني بالجديد لان التهديد القديم صارلة 3 سنين
-
السلام عليكم
ياريت اللي عنده معلومه وممكن يفيدنه يكتب حتى لو على الخاص لان حالتي نفس الحاله ماعندي تهديد
والف شكر
-
اخوان شغله التهديد جدا مهمه ممكن نعتبرهه اساس الهجره او اللجوء نفس الشي
بالنسبه للمترجمين ..تكتب بالايميل اللي حتدزه اول ايميل تكتب بيه انوا حظرتك بحكم عملك كمترجم لاحظت انوا فيه جماعه مراقبيك ونت خايف لايكتشفون في يوم من الايام انوا انت كنت مترجم اظافه الى بعض الناس في منطقتك يلمحولك ا انوا انت متعاون ..هذا الشي اللي يخليك لازم تطلع من عراق عاجلا ام اجلا حيكتشفون بيك عميل وهذا بحد ذاته خطر على حياتك وحياه عائلتك وشكرا
-
والله اخوية ماجلان الجي ال اس رحتلهم كالولي يرادلك بعد فتره خدمة اربع اشهر ياله ننطيك خدمة سنة
زين اني شسوي اذا ماكو لكيشنات فمشيت على الاي او ام وانتضر لكيشن دا اكمل السنة
كلتلهم بأني حالياً غير مهدد تهديد فعلي لكني متأكد أنه حال خروج القوات الأمريكية من العراق أو تركي لعملي معهم فسأكون من الأوائل اللي يتم تصفيتهم من قبل (.......). لأن هذوله الـ (.......) يعرفوني و يعرفون كل أولياتي
وهنا طبعا هذا بيت القصيد
قبل شغلي كمترجم هواية اشتغل بشكل مباشر او غير مباشر ويه الامريكان وتهددت
بس غيرت منظقتي وبدل هواية امور بحياتي ومشت الوضعيه
بس المشكلة بعد الانسحاب هذولة الي همه (....) مدري شبيهم ويانه
وبالتوفيق للجميع
-
صباح الخير
تسلم لي اخويه ماجلان ع التوضيح
والله ياخويه اني لهسه مخربط بين IOM & SIV
الله كريم اخويه والله ينتقم من كل واحد خلانه بهيج موقف
ودمرنه ودمر بلدنا
-
اخي العزيز
من اهم شروط اللجوء انه يكون هناك تهديد على حياتك، اني افضل تسأل اصدقاءك الي طلعو قبلك شنو حجوا بموضوع التهديد، وهمة انطوا لجوء خاص للمشتغلين وية القوات الامريكية يعني عارفين اكو خطر على حياتكم.
اني ما أفضل الكذب على المحلفين، لان الكذب حبله قصير وراح ينكشف الهم بسرعة، راح يسألوك اسئلة مباغته واذا شوية وقفت يلة جاوبت، راح يعرفون انته كاعد تكذب عليهم لان انته ماعندك جواب ودتفكر بيه.
اتمنى اكون فدتك
اختك حبيبي بحار
-
اخي عزيز العراقي
الاي او ام
لجوء
اذا مقدم من خارج العراق فمو شرط تكون مشتغل ويه القوات الامريكية
واذا من داخل العراق فلازم تكون مشتغل وياهم
اكو ناس قدمو وهمه مشتغلين شهرين وهسه همه بامريكا
ولازم عندك كمنديشن
وتكون حياتك بخضر حته تمشي قضيتك
والتقديم من العراق عن طريق النت
الاس اي في
هجره او فيزا خاصة او شلون متريد تكولها كولها
شروطها لازم سنة خدمه وية الجيش الامريكي او شركة مقرها الرئيسي بالولايات المتحدة
وعندك ركمنديشن
والاس اي في احسن من الاي او ام لان شوية اسرع
والكرين كارت يطلعلك باول شهر
اختي العزيزة
اني هم ما افضل الكذب على المحلفين لان همه مدربين على كشف الكذب
بس اكو ناس جانت تحجي الصدك وتعرقلت قضيتهم
لان الجذب المصفط احسن من الحجي المخربط
فالواحد يحفظ قضيته زين ويصير خير
بالموفقية للجميع وان شاء الله تفرج عنكم
-
اخوية العزيز
اكو شغلتين كلش يركز عليها المحلفين، في حال بقاءك بالعراق شنو التهديد الي تواجهة، والشغلة الثانية التواريخ، لازم بكل المقابلات تكون التواريخ نفس الشي.
ومن تجاوب المحلف باوع على عينة هذا مهم يسموه EYE CONTACT
واني اكول ادخل على موضوع مقابلات الاي او ام من الالف الي الياء راح يفيدك كلش مثلما فادني .
الله يوفقك ويحميك
اختك حبيبي بخار
-
اخويه حمزاوي
تسلم لي حبي ع التوضيح اني اعرف بهايه السالفه بس اكو سوالف قبل كم يوم يلع عرفتها
مثل انوالي مقدم SIV يقابل مقابله وحده مو مقابلتين مثل ابو IOM
يعني من هيج امور جانت خافيه عني
اخويه حبيبي بحار
اعتقد انو المترجم الي صارله فتره طويله بالشغل
راح تكون تجربته ويه المحلف زلاطه. ليش؟
لان شبعنه من وره هيج تحقيقات بايام السكريننك
يعني اخر سكريننك اليه سالني الامريكي مسافر لدول؟
كتله مسافر لايران :o الــــــــــــــــــزكه .هنا كعدلي ركبه ونص وصاح جيبولي قوري جاي ههههههه
يريد يمخمخ وياي العزيز ;D
ماطول عليكم السالفه حجيتله شويه جان يكول
انته اصلا مرفوض لانك سافرت لايران
بس لانك صريح جدا راح نقبل بيك ترجع لشغلك
ومثل ما كال اخويه حمزاوي جذب مصفط احسن من صدك مخربط
والله كريم
-
اخواني الاعزاء ---
اسف انه اكول كل ماتم ذكره هو غير منطقي وغير صحيح --- اللي مقدمين مباشر عالاي او ام واللي همة نفسهم اللي مشتغلين وية القوات الامريكية حصرا --- يكفي شعورهم بالخطر والتهديد في كل لحظة ان يكون سبب قوي للجوء --- لاحظوا اكدت على كلمة (الشعور بالخطر) وليس شرط ان تكون مهدد بالفعل --- واليكم الدليل من موقع السفارة الامريكية اللي ذكرون بيها شروط التقديم للبرنامج واللي فقرة منة تنص عالتالي:
Individuals, including employees of international organizations, who believe they have been persecuted or have a well-founded fear of persecution
والترجمة تكول
الافراد ومن ضمنهم موظفي المنظمات الدولية --- الذين (يعتقدون) بانهم اضطهدوا او وجود (خوف) حقيقي من الاضطهاد
اذن يااحبائي --- اللي مهدد بالفعل شغلتة اوكي --- واللي مامهدد بس يشعر دائما بقلق وخوف نتيجة عملة هم شغلتة اوكي --- واحنا هنا كلنا من الصوبين اكيد يعني بينا اللي بالفعل مهدد وبينا الغير مهدد بس يشعر بالخوف
وهذا كلشي كافي ان يكون سبب رئيسي للجوء
تحياتي وتقبلوا مروري
-
كلامك صحيح اخويه سيوفي
وماعتقد انو اكو شخص اشتغل ويه الاميركان وما "يحس انه مهدد بخطر"
والله اليستر من ينسحبون ويستلموها " الجماعه الي نعرفهم"
وداعتك روسنه تصير طوبه يلعبون بيها جهالهم
والله كريم ويرحمنا برحمته
-
السلام عليكم اخوان ردت اعلق على الموضوع من جديد واضم صوتي ويه صوت الاخ المهندس سيوفي لان من شروط اللجوء الناس اللي يشعرون بالخوف ايضا مو بس اللي اضطهدوا وتهددوا واني بالمقابلتين مكلتهلهم انه تهددت مباشر وجنت كلش صادق وياهم واجويتي سريعة حتى مطولت مقابلة المحلف اكثر من عشرين دقيقة وبعد ماادري كلشي اللي الله كاتبه يصير والله كريم وتحياتي لكل الاخوان والاخوات المشاركين
-
طيب اخوان ولي مبطل شغل صارله شكم سنه ميسالو هسه يله تذكرت خصوصا اذا مكان طالع خارج العراق او مغير مكان سكنه
شنو وجهه نظركم يكون جوابه؟؟
-
عطر المسك
اني مثلك اخويه
صار سنتين من بطلت شغل وياهم لان طلع تعييني مدرس
وعادي تكدر تكول لان قبل فتره اجاني خطاب تهديد
يعني حرك نفسك
خبطة سكينه لطشة مطوه ههههههههههه "شاهد مشمفش حاجه"
تحياتي
-
احنه اذا نحجي الواقع كول الي اشتغلو ويه الامريكان مهددين بالعراق ويكونون تحت رحمة الهمج والقتله صح لو لا ؟؟؟
يعني اذا مجموعه ارهابية سمعت بيك مشتغل شتسوي بيك يمكن؟ تقسمك قسمين لا سامح الله قابل انت تضل طول عمرك محد ميدري بيك ؟؟؟ هذا الشي مستحيل بس همه جائز متكدر توصلهم هلكلام بحيث يستوعبو اخي العزيز انت مدام مقدم على هذا البرنامج فمن حقك لان اول شرط بي بانو مشتغل وياهم ... وشغلة التهديد انت رتبهه ما معقوله صارلك سنين تشتغل وياهم وما مريت بموقف ..... واحب اكولك شي الي اشتغل ويه الامريكان ما اله مكان بعد بالعراق وما اله لا حاضر ولا مستقبل.... يطلع هواي احسن اله
تحيات اختك ام مهند
-
طبعا اني ممتهدده ;D بس كتلهم اني تهددت بل المنطقه ;)واكو ولد اعرف كلي اني ما متهدد فكتله نصيحه مني كول انو انت تهددت طبعا هو مدز اي شي بخصصوص التهديد وسالوا متههدد لو واذا متهدد دزنه استيتمنت مال تهديد وطبها هو خاف وذزلهم وكللهم اني ما متهدد وره 3 اشهر دزوله اميل رفض :o :o :o :o والسبب كان انو غيرك متهدد وانت مو متهدد >:( >:( >:( >:( >:(وهس هو يدك عله راسه
-
اخوية العزيز المفيد من الكلام همه ومزاجيته المحلف هذا اليوم اذا مزاجه زين امورك عدلة واذا لا حتى لو متصوب وبالمستشفى لا سامح الله ميقبلوك وهذا ما صار وياية
-
زين اني انتهى عملي مع الامريكان قبل اقل السنة بس اني شكو بية بالمنطقة اني اشتغل وية الامريكان واني هم جانوا يوكفولنة الارهابية باب الشركة ويلحكونة ونوبة كتلوا من عدنة كيتين اسيا بس واحد عاش من عدهم هذا الحجي هم ايفيد اذكرة بالمقابلة واللة كريم اسف علة الاطالة
-
اخت ايمي الاستيتمانت مو ضروري المشكله هو غيّر رأية وهو هذا سبب الرفض شلون يعني احنه ما احتفظنه بورقة التهديد والشرطة ما بلغناهم لان نصهم مليشيات وماكو ثقة وخابرونه على التلفون هم هددونه يعني كولهه دلائل بس دليل واحد متوثق ممكن نقدمة للمحلف ماكو.... الشي الوحيد هو من نقسم نحجي الحقيقة
-
هو مغير رايه هو اصلا كال الحيقيقه وكال اني مو متهدد والسفاره رفضته وكالت انو اكو هوايه متهددين احق منك
-
نعم نعم واضح هي هسه نصهه مكذبه قابل بقت عليه والله خطية والله يساعدة
تحياتي الج
-
اي والله حبي ام مهند اني كلش انقهرت عليه
-
عيني كتربلر
احنه كنه ساكنين ويه اهل ابو مهند ساعة التهديد
من تهددنه اني رحت الاهلي وابو مهند هج الغير محافظة وضل يتنقل من محافظة الى محافظة واهل ابو مهند الي كانو ساكنين وياه ساعة التهديد امه وابوه واخوانه اثنين واخته باعو بيتهم واشترو بيت بغير منطقة يعني الخلاصة الكل تبهذلت وانت تعرف من شخص ابيت يتهدد فبالتالي كولهه تتهدد خطيه كولهم تبهذلو واخوانه اشهر ميطلعون من البيت الا بالليل ويحاولون ميراوون وجهم وانت قدّر
اختك ام مهند
-
شكرا ام مهند والله يساعدكم