منتدى الهجرة واللجوء => الهجرة و واللاجئين => الموضوع حرر بواسطة: مضروب ليزر في 23:03 05/08/2010
العنوان: رسالة موعد مقابلة من NVC
أرسل بواسطة: مضروب ليزر في 23:03 05/08/2010
السلام عليكم و رحمة الله و بركاته على الاخوة و الاخوات في المنتدى
قبل قليل فتحت الايميل و لكيت الرسالة من الان في سي حول موعد المقابلة كالتالي :
Dear Sir/Madam:
The National Visa Center recently sent you a letter indicating that your case was scheduled for an interview appointment on September 1, 2010 at the U. S. Embassy in Baghdad, Iraq. That interview appointment has been rescheduled for September ..., 2010 at 8:00 A.M. Any further questions should be directed to the NVC at 603-334-0828 or NVCSIV@state.gov.
سؤالي هل اتصل بيهم و استفسر عن سبب تغيير موعد المقابلة او لا و هم اكو واحد صايرة عنده هيج حالة .
مشكورين مقدما لكل من يقرا الموضوع او من يرد عليه و ان شاء الله الكل تمشي قضيتهم و يسافرون و يستقرون.
اخوكم مضروب ليزر
العنوان: رد: رسالة موعد مقابلة من NVC
أرسل بواسطة: Leonidas of Love في 23:14 05/08/2010
مبروووووووك الف الف مبروك اخويه العزيز وانشالله يوم استلام الفيزا والسفر يارب.......... بس حبيت استفسر من حضرتك شوكت اجاك ايميل انه اوراقك كملت وباقي بس يحددولك مقابله؟؟ اقصد المده بين تحديد المقابله وبين ايميل اكتمال الاوراق واكونلك ممنون ومرة اخرى مبروك وتستاهل الف خير
العنوان: رد: رسالة موعد مقابلة من NVC
أرسل بواسطة: ســـرى في 23:15 05/08/2010
لا توهس اخوية المضروب ليزر ان شاء الله خير يجوز صار زخم او شي او لغوا المقابلات مال ذاك اليوم اصلا فحولوكم على غير ايام بس عود مو تكتب التاريخ ديروا بالكم على نفسكم من اللي يدخلون للمنتدى حشا الطيبين.موفق ان شاء الله.
العنوان: رد: رسالة موعد مقابلة من NVC
أرسل بواسطة: مضروب ليزر في 23:43 05/08/2010
اخي العزيز Leonidas of Love
راح اكتبلك الجدول الكامل للتواريخ مال المعاملة:
6 2009 ارسال الاوراق 9 2009 انتظار الكوم ابروفل 4 2010 بين المحروس الكوم 5 2010 وصلت لنبراسكا 6 2010 رسالة من الان في سي ان اوراقك under view 8 2010 رسالة تحديد موعد مقابلة التي امامك ملاحظة مهمة: لم تصلني رسالة انه اوراقي كاملة من الان في سي و لم ارسل لهم اي رسالة طيلة الشهرين تقريبا فالظاهر الجماعة كالوا هذا حباب ما دز رسالة النه خلي انمشي معاملته.
اختي سرى
الشكر الجزيل على مرورك و رعاك الله
العنوان: رد: رسالة موعد مقابلة من NVC
أرسل بواسطة: stunning في 23:59 05/08/2010
الف تريليون مبرووووووووووووووووووووووووووووووووووك ياربي السفر وراحة البال
العنوان: رد: رسالة موعد مقابلة من NVC
أرسل بواسطة: repentant في 08:10 06/08/2010
مبروك وعلى الخير والله يسهل امرك ان شاء الله اني هم هسة دزولي موعد مقابلة شهر التاسع 2010 بس ما اذكر التواريخ الي مقدم بيها بس الي اعرفة انه خابرتهم كالولي معاملتك اداريا كاملة يم الان في سي كاملة وبعدها 4 يوم دزولي مقابلة ونحتاج دعائكم
العنوان: رد: رسالة موعد مقابلة من NVC
أرسل بواسطة: ARMY STRONG في 10:17 06/08/2010
مبروك اخزيه مضبروب ليزر وانشاء الله يوم تستلم الفيزه و تفرجنا و ايضا استغل الفرصه و اهني اخونا repentant مبروووووك
العنوان: رد: رسالة موعد مقابلة من NVC
أرسل بواسطة: Greeso في 10:59 06/08/2010
الف مبروك اخوية مضروب ليزير
الله يسهل امرك و تسافر بلكي هناك ماكو ليزرية يضربون بالمكان يكلك هناك يتعاملون بالفوق البنفسجية ههههههههه
العنوان: رد: رسالة موعد مقابلة من NVC
أرسل بواسطة: Dr.Ameen في 11:08 06/08/2010
الف مبروك....اخي العزيز...اتمنى لك كل الموفقية والنجاح وربي يسهل عليك,بس ها يغريبة اول مرة اشوف موعد سفر بدون اشعار باكمال الاوراق,احتمال الموظف نسى يدز الايميل بس المهم النتيجة النهائية شنو شعورك وصارت الشغلة صدك؟هسة يرادلك تحضر للسفر وتشتري فد 100 قرص برامج كمبيوتر منا...وخلي الوالدة تسويلك فد عشرين كيلو كليجة للطريق الك وللمسافرين الوياك.
العنوان: رد: رسالة موعد مقابلة من NVC
أرسل بواسطة: Leonidas of Love في 13:22 06/08/2010
مشكوووور اخويه العزيز مضروب ليزر على تعاونك وبالموفقيه ويارب تستلم فيزا وتسافر بأسرع وقت والف الف مبروك للاخ repentant على استلام موعد مقابله ويارب استلام الفيزا والسفر بأسرع وقت وبالموفقيه للجميع
العنوان: رد: رسالة موعد مقابلة من NVC
أرسل بواسطة: مضروب ليزر في 13:41 06/08/2010
stunning
شكرا اخي العزيز و يوم السفلر باسرع وقت ان شاء الله.
repentant
الف الف مبروك همزين اشتغلوا بالمعاملات النايمة و شكرا على المرور.
ARMY STRONG
شكرا اخوية و ان شاء الله تفرحنا باستلامك الكوم ابروفال اللي سوى عقدة لجماعة الاس اي في.
Greeso
حضر روحك خوية ان شاء الله هالايام يخابروك الاي او ام على موعد السفر و اني اشتري الطفاية مال الحريق هههه مشكور حبيبي.
Dr.Ameen
الف شكر و تقدير دكتور و يوم الالك وتفرحنا ولا تخاف على الكليجة اوزع للطيارة كلها بس خلي اطفر مو كتلنا الحر.
العنوان: رد: رسالة موعد مقابلة من NVC
أرسل بواسطة: ابو عبد الله التكساسي في 14:01 06/08/2010
يعني الولد ساللكم سؤال معقوله محد يعرف ينطيه جواب مباشر ؟؟؟؟؟؟؟؟؟
حبييب لا تسالهم عن السبب ولكن راسلهم سوي كنفرميشن للموعد الجديد و كلهم لازم تاكدولياه باتاجمنت لتر
تحياتي
العنوان: رد: رسالة موعد مقابلة من NVC
أرسل بواسطة: مضروب ليزر في 14:07 06/08/2010
اخي العزيز ابو عبد الله
شكرا الك على المرور وهسة اجتني رسالة التاكيد على الموعد الجديد باتاجمنت لتر الحمد لله .
العنوان: رد: رسالة موعد مقابلة من NVC
أرسل بواسطة: ابو عبد الله التكساسي في 14:15 06/08/2010
الحمد لله رب العالمين
العنوان: رد: رسالة موعد مقابلة من NVC
أرسل بواسطة: GoldenEgle في 15:35 06/08/2010
اخوي مضروب ليزر
الف مبروك .... وان شاء الله تكون معنا في الركب ... ولادير بال عادي بالنسبة لاعادة او تغيير موعد المقابلة بس رغم ذلك ارسل الهم ايميل لغرض التاكد من تغيير الموعد كي لايكون الامر حدث سهوا .
مبروك مرة ثانية تحياتي النسر الذهبي
العنوان: رد: رسالة موعد مقابلة من NVC
أرسل بواسطة: مضروب ليزر في 16:45 06/08/2010
اخي العزيز GoldenEgle
شكرا جزيلا يا طيب و ان شاء الله القافلة تكمل المسير رغم الصعاب و الحمد لله دزولي تاكيد موعد المقابلة باتاجمنت لتر.
العنوان: رد: رسالة موعد مقابلة من NVC
أرسل بواسطة: repentant في 19:51 06/08/2010
thanks a lot for every one
العنوان: رد: رسالة موعد مقابلة من NVC
أرسل بواسطة: مالايكي في 19:55 06/08/2010
العنوان: رد: رسالة موعد مقابلة من NVC
أرسل بواسطة: anasbarcelona في 20:06 06/08/2010
مبروك اخي الكريم وان شاء الله تحصل الفيزا بأسرع وقت
العنوان: رد: رسالة موعد مقابلة من NVC
أرسل بواسطة: repentant في 20:37 06/08/2010
شباب هاي مو خوش شغلة هسة دزونا تعليمات الفحص الطبي اشو بي ملف يحتوي على المعلومات المطلوبة ومن ضمنها اشو رايدين بيان الولادة وبوليس سيرتفكيت واني اصلا خاطبت جماعة الان في سي كالو هاي ما مطلوبة هسة شسوي اني اذا طلبوها مني بالمقابلة مال الاس اي في لان اني بوقتها كلت الهم انه بوليس سيرتفكيت ما مطلبو من العراقيون حسب التعليمات الي موجودة بموقع السفارة اما بالنسبة لبيان الولادة اخبرتهم انه الجنسية وشهادة الجنسية وصورة القيد اذا موجودة بعد ما يحتاج بيان الولادة كالو اوكي ما تحتاج زين هسة اشلون دزولي الملف بس هاي المعلومات المطلوبة اتمنى اسال الاخوان الي قابلوا وما رايدين منهم هاي الشغلة هم طلبوا منهم هاي بالمقابلة بالسفارة اذا جماعة الان في سي ما طلبوها وخصوصا الاخ فنجنزو من قابل ما اعرف اصور ما طلبوها منه واتمنى التوضيح من الاخوان الي مرو بهاي التجربه وهسة قريت الملف الي بي موعد المقابلة والملفات المطلبوة مني بالمقابلة وشوفو هاي بالانكليزي اشكاتبيلي وترجمه الحرف مقابل كل استمارة BIRTH CERTIFICATE S SI FAMILY BOOK S IRAQ POLICE CERTIFICATE X
X = The required document is unobtainable for this country per the Foreign Affairs Manual. S = Scanned document received. The original document must be presented at the time of the interview. زين شنو يقصد بالبريث سيرتفكيت الي هو بيان الولادة اني ما اسلمه الهم وشوف معنى الحرف اس ايكول مستلميه هل يقصد بس الجنسية وشهادة الجنسية العراقية الي هي تغني عن بيان الولادة لان بالاستمارات لمطلوبة ما ذاكرين جيب جنسية وشهادة جنسية لاحظ البوليس سيرتفكيت بي حرف اس والي معنى انه ما مطلوب زين هسة بقت معضلة بيان الولادة اني شسوي بالله اخاطب جماعة الان في سي افهمهم لو اشلون انتظر رد الاخوان
العنوان: رد: رسالة موعد مقابلة من NVC
أرسل بواسطة: مضروب ليزر في 22:42 06/08/2010
رامي البابلي
anasbarcelona
شكرا جزيلا و الله يوفقكم ربي
اخي repentant
اليوم العصر وصلتني نفس الرسالة على الفحص و التعليمات و شنو لازم اجيب , اني بالنسبة اليه راح اخذ شهادة الجنسية و ترجمتها على اعتبار انو هي بيان الولادة و اعتقد ان جماعة السفارة مساهلين هالايام بهذا الخصوص و الله يسوي بيه الخير.
العنوان: رد: رسالة موعد مقابلة من NVC
أرسل بواسطة: Dr.Ameen في 23:48 06/08/2010
الاخ repentant اعتقد ان البيرث سيرتفكيت تمثل شهادة الجنسية اني دزيتهة ومشت يعني ما اجة رد منهم بالرفض جرب وشوف
العنوان: رد: رسالة موعد مقابلة من NVC
أرسل بواسطة: echo 9 في 02:02 07/08/2010
الف مبروك اخ مضروب ليزر وان شاء الله بعد ماكو ليزرات وربي يسهل امرك
العنوان: رد: رسالة موعد مقابلة من NVC
أرسل بواسطة: مضروب ليزر في 04:00 07/08/2010
مشكور اخي العزيز ايكو و للجميع ان شاء.
العنوان: رد: رسالة موعد مقابلة من NVC
أرسل بواسطة: لا اسم في 10:21 07/08/2010
مبروك و ان شاء الله بالتوفيق و سرعة السفر
العنوان: رد: رسالة موعد مقابلة من NVC
أرسل بواسطة: مضروب ليزر في 13:19 07/08/2010