ankawa

منتدى الهجرة واللجوء => الهجرة و واللاجئين => الموضوع حرر بواسطة: umany في 14:26 06/08/2010

العنوان: بالنسبة للخطوه الثالثه لموضوع الـ SIV
أرسل بواسطة: umany في 14:26 06/08/2010
خواتي واخوتي الرائعين بهالمنتدى اللي يخبل

عندي اسئله ...يمكن كلهه مطروحهه قبل من قبل الاعضاء ...لكن مع الاسف اني ماعندي نت جيد ووقت كافي حته ادور بهذا المنتدى الواسع...فارجو انو تستحملوني ولو حته بس تدلوني عله اجاباتي ...

 بالنسبه للخطوه الثالثه
- مسألة للفورم 230 الجزء الاول والثاني ,اكو هوايه حقول اتحير من ضمنهه (اسماء المدارس) مثل ماتعرفون بالعراق دائما تتغير (مثلاً على عهدي كانت اسمهه ابتدائية القائد الضروره وهسه اسمهه ابتدائية الزاهراء ) بهيجي حالة شأكتب يا اسم ...
- بالنسبه للوظيفه الحالية , اذا اني بطلت هسه وكاعده بالبيت شنو اكتب N/A
- بالنسبه لموضوع الخدمه العسكريه, زوجي خادم عسكريه وكملهه واخر شي قدم دفتر الخدمه وكل الاشياء العنده مال الخدمه علمود معاملة التسريح ووراهه بشهر صار السقوط .وهسه كلشي مايملك يدل على انو هوه خدم عسكريه. بهيجي حالة اشون .؟

هذا بما يخص الفورم 230
واعرف راح احتاجلكم بعد لباقي الفورمات ..لكن كلت وحده وره الخ

وسلامي وتحياتي
انتظر ردكم

اختكم اماني
العنوان: رد: بالنسبة للخطوه الثالثه لموضوع الـ SIV
أرسل بواسطة: ابو عبد الله التكساسي في 15:29 06/08/2010
- مسألة للفورم 230 الجزء الاول والثاني ,اكو هوايه حقول اتحير من ضمنهه (اسماء المدارس) مثل ماتعرفون بالعراق دائما تتغير (مثلاً على عهدي كانت اسمهه ابتدائية القائد الضروره وهسه اسمهه ابتدائية الزاهراء ) بهيجي حالة شأكتب يا اسم ...

تكتبين اسم المدرسه مثل ما نت تخرجتي منها

- بالنسبه للوظيفه الحالية , اذا اني بطلت هسه وكاعده بالبيت شنو اكتب N/A
 تكتبين Unemployed

- بالنسبه لموضوع الخدمه العسكريه, زوجي خادم عسكريه وكملهه واخر شي قدم دفتر الخدمه وكل الاشياء العنده مال الخدمه علمود معاملة التسريح ووراهه بشهر صار السقوط .وهسه كلشي مايملك يدل على انو هوه خدم عسكريه. بهيجي حالة اشون .؟

lالصراحه ما افتهمت هذا السؤال

ممكن توضحيلي اكثر ؟ شتريدين من العسكرؤيه مال زوجك
العنوان: رد: بالنسبة للخطوه الثالثه لموضوع الـ SIV
أرسل بواسطة: umany في 15:21 07/08/2010
اخويه ابو عبدالله التكساسي
اشكرك جدا لردك ..

بالنسبه لمسألة زوجي ...فهو خدم عسكريه يوم 1/10/2001 وكملهه يوم 1/3/2003 ,سلم دفتر الخدمه مالته واجه للبيت وسوو حفله وهلاهل ..وره 20 يوم صارت الحرب ...

هسه هوه كلشي ماعنده يثبت انو خدم عسكريه
هيجي حالة شنو يكتب ؟؟ خدم لو لا؟ اذا يكول اي فلازم يكون عنده شي يثبت , واذا كال لا ترهم؟
 

سؤال اخر, بالنسبه للتواقيع بكل فورم يعني كل شخص يملي يوقع باسمه ...زين الطفل اشون منو يوقعله واسم منو ينكتب؟

سؤال اخر , صورة القيد مال الولاده , المنو يوجه او يعنون؟ وهم لازم يصدق من الخارجيه؟
 
وبعد هوايه اسئله بس وحده وره الخ حته ماادوخ اكثر لان هسه راسي صاير طبل

واني اشكر كل من راح يفيدني بمعلوماته

مع الشكر
العنوان: رد: بالنسبة للخطوه الثالثه لموضوع الـ SIV
أرسل بواسطة: ابو عبد الله التكساسي في 17:05 07/08/2010
مقتبس من: umany في 15:21 07/08/2010
اخويه ابو عبدالله التكساسي
اشكرك جدا لردك ..

بالنسبه لمسألة زوجي ...فهو خدم عسكريه يوم 1/10/2001 وكملهه يوم 1/3/2003 ,سلم دفتر الخدمه مالته واجه للبيت وسوو حفله وهلاهل ..وره 20 يوم صارت الحرب ...

هسه هوه كلشي ماعنده يثبت انو خدم عسكريه
هيجي حالة شنو يكتب ؟؟ خدم لو لا؟ اذا يكول اي فلازم يكون عنده شي يثبت , واذا كال لا ترهم؟
سؤال اخر, بالنسبه للتواقيع بكل فورم يعني كل شخص يملي يوقع باسمه ...زين الطفل اشون منو يوقعله واسم منو ينكتب؟
سؤال اخر , صورة القيد مال الولاده , المنو يوجه او يعنون؟ وهم لازم يصدق من الخارجيه؟
 
وبعد هوايه اسئله بس وحده وره الخ حته ماادوخ اكثر لان هسه راسي صاير طبل

واني اشكر كل من راح يفيدني بمعلوماته

مع الشكر

يكتب خادم عسكريه و يكتب بالفورمات كل الوحدات الي داوم بيهه وبعدين ويا الابلكيشن الاصلي
يفتحله فد وورد دكمنت ويشرح بيهه قضيه الدفتر وكان الله يحب المحسنين لان انتوا مو اول ناس صار عدهم هايه الحاله

الطفل يوقع مكانه الاب ويكتب يم اسمه Custodian وبعدين الاسم

 توجه لغرض الترجمه وهم الدائره مال النفوس تعرف اشتكتب بيهه  واحسن  تتصدق من الخارجيه وهايه اسهل مرحله بيهه

العنوان: رد: بالنسبة للخطوه الثالثه لموضوع الـ SIV
أرسل بواسطة: umany في 00:19 08/08/2010
اشكرك ورحم الله والديك اخويه ابو عبد الله

زين بالنسبه لموضوع قيد 57 :
هل يوجه الى جهه معينه ؟
هل يحتاجون صور؟
هل يجب انو تروح العائله كلهه؟
هل يكفي انو بس اترجمه لو لازم يصدق مدري منين؟

زين وموضوع عدم المحكوميه ..اني هم لازم اسوي واحد لو بس زوجي ؟
هل هوه ضروري لو اسوي تعهد خطي ويمشي الحال؟

واشكرك مرة لخ
العنوان: رد: بالنسبة للخطوه الثالثه لموضوع الـ SIV
أرسل بواسطة: echo 9 في 01:07 09/08/2010
السلام عليكم اختي العزيزة
هذا موضوع الاخ فالكون بلكي يفيدكم
وبيه طريقة استخراج الوثائق المطلوبة
بالنسبة للعدم محكومية نعم انتي وزوجك وبالنسبة لي حتى العمره 12 سنة من اولادي همين سويت له عدم محكومية
وشوفي هسه موضوع فالكون وايضا اكو موضوع هسه بالصفحة الاولى للاخ لا اسم على الفورمات 230 و234 كلش مهم
وهذا موضوع فالكون :

اخوتي الاعزاء في هذا الموضوع الكثير من الاسئله والاجابات التي تخص المرحله الثاله بعد استلام الملف من قبل USCIS  والتصديق عليها وتوجد فيها طريقه ملئ كل الاستمارات منقوله من موضوع اخونا العزيز سبع صنايع مع بعض التصحيح.


متى يكون الملف جاهزا لعمل الإجراءات اللازمة بشأنه؟
ما هي المستندات التي يجب أن أرسلها إلى مركز التأشيرات القومي؟
هل يحق لي الحصول على مزايا إعادة التوطين؟
عندما أسلم عريضة لتأشيرة الهجرة الخاصة، كيف لي أن أعرف شيئا عن وضع الطلب؟
لم أحصل على إجابة على سؤالي هنا، أين يمكنني الحصول على مزيد من المعلومات حول عريضتي التي تمت الموافقة عليها؟

متى يكون الملف جاهزا لعمل الإجراءات اللازمة بشأنه؟
 
يتم العمل في إجراءات ملفات تأشيرات الهجرة الخاصة حسب ترتيب إستيفاء المستندات اللازمة. 
يتسلم مركز التأشيرات القومي الإلتماس الذي تمت الموافقة عليه من مكتب الجنسية والهجرة ويتصل بمقدمي الطلب لإخطارهم بالبدء في جمع المستندات واستصدار جواز سفر. (لا يصلح إلا الجواز العراقي من فئة G للسفر إلى الولايات المتحدة). ويعكف مركز التأشيرات القومي حاليا على العمل مع مقدمي الطلبات بواسطة البريد الإليكتروني لجمع استمارات طلبات التأشيرة الصحيحة ونسخ من المستندات المدنية. كما يستكمل مركز التأشيرة القومي إجراءات إدارية إضافية للبعثات الدبلوماسية. وحالما تنتهي هذه المرحلة يحدد مركز التأشيرات القومي موعدا لمقابلة تأشيرة الهجرة الخاصة في بعثة دبلوماسية خارجية، ويحيل الملف إلى تلك البعثة. ويجب أن يكون لدى مقدم الطلب عنوان بريد إلكتروني أو يحصل عليه ويقدمه لتسهيل الاتصالات مع مركز التأشيرات القومي، حيث ثبت أنها الوسيلة الوحيدة التي يمكن الاعتماد عليها للاتصال بالمستفيدين من الموافقة لتوضيح الإرشادات. وبإمكان مقدمي الطلبات الذين تمت الموافقة على إلتماساتهم في مركز التأشيرات القومي الاتصال بالمركز بواسطة البريد الإلكتروني على العنوان
NVCSIV@state.gov

ما هي المستندات التي يجب أن أرسلها إلى مركز التأشيرة القومي؟

• نسخة من صفحة البيانات الشخصية في جواز السفر لكل مقدم طلب. ولا بد من تذكير مقدمي الطلبات العراقيين بضرورة استصدار جواز سفر عراقي من فئة Gإتبع هذا الرابط للحصول على المزيد من المعلومات.

• الجزء 1 والجزء 2 من الاستمارة DS-230
• نسخ مصورة بواسطة جهاز "سكانر" في جهاز الكمبيوتر لشهادة ميلاد كل مقدم طلب وأي مستندات مدنية أخرى تظهر العلاقة بين مقدم الطلب الأساسي والزوج أو الزوجة والأبناء القصر (مثل قسيمة الزواج أو الطلاق وأحكام التبني وما إلى ذلك). وفي حالة عدم وجود شهادة ميلاد يمكن استخدام البطاقة الشخصية العراقية عوضا عنها؛ 
• أي مستند يكون دليلا على العمل لصالح الحكومة الأميركية أو بالإنابة عنها، بما في ذلك تاريخ الخدمة ونوع العمل والرتبة وموقع الوظيفة ونسخ من بطاقات العمل (باجات).
• إذا أقام مقدم الطلب في دولة مختلفة عن موطنه الأصلي لأكثر من ستة أشهر وكان قد بلغ السادسة عشرة من العمر آنذاك فيستوجب عليه في هذه الحالة الحصول على شهادة حسن سير وسلوك من الشرطة في تلك المنطقة.
• إستمارة Resettlement Benefits Election Form بعد ملئها بالكامل.
• إستمارة Special Immigrant Visa Biodata Formإذا اخترت أن تحصل على مزايا إعادة التوطين)

يجب أن تكون كل المستندات مصحوبة بترجمة موثقّة إلى اللغة الإنجليزية. ويجب أن تشمل الترجمة إقراراا يوقع عليه المترجم، يقر فيه بأن الترجمة صحيحة وأن المترجم مؤهل لهذا الغرض.

ملحوظة: الرجاء تصوير كل المستندات بجهاز "إسكانر" على الكمبيوتر وإرسالها إلى مركز التأشيرات القومي بواسطة البريد الإلكتروني. لا ترسل أي مستندات أصلية أو صور فوتوغرافية إلى مركز التأشيرات القومي. إذ ينبغي أن يحمل مقدم الطلب المستندات الأصلية والصور الفوتوغرافية معه إلى مقابلة تأشيرة الهجرة.
إضافة إلى ذلك، ينبغي أن يسلم كل مقدم طلب صورتين فوتوغرافيتين تم التقاطهما حديثا تنطبق مع شروط صور جوازات السفر الموضحة على الموقع http://travel.state.gov/visa/immigrants/info/info 3740.html
 
 
هل أنا مؤهل للحصول على مزايا إعادة التوطين؟

المهاجرون العراقيون الذين يتمتعون بهذا الوضع الخاص مؤهلون، ولمدة ثمانية أشهر، للحصول على مساعدة إعادة التوطين، وبرامج الإستحقاق، ومزايا أخرى كثيرة كمهاجرين دخلوا بمقتضى برنامج قبول اللاجئين. وتقدم وزارة الخارجية مساعدة إعادة التوطين بمقتضى قسم 1244(g) من قانون مخصصات الدفاع الوطنية لعام 2008، والقانون العام رقم 110-181، للعراقيين الذين تم إدخالهم إلى الولايات المتحدة بتأشيرات هجرة خاصة بتاريخ 26 كانون الأول/ديسمبر 2007 أو بعده، ولفترة لا تتجاوز ثمانية أشهر.
إذا كنت عراقيا وتقدمت بطلب للحصول على تأشيرة هجرة خاصة سوف تحصل على إستمارة إختيار مزايا إعادة التوطين في ملف الأوراق الذي يحتوي على التعليمات من مركز التأشيرة القومي، والذي يشرح إختيارات المزايا المتاحة لك.  ملحوظة: لابد أن تملأ هذه الإستمارة، وهى إستمارة إختيار مزايا إعادة التوطينResettlement Benefits Election Form ، وإعادة نسخة منها إلى مركز التأشيرة القومي مع الوثائق المطلوبة الأخرى حسب التعليمات الموجودة في إستمارة إختيار مزايا إعادة التوطين.  وللحصول على المزيد من المعلومات عن مزايا إعادة التوطين نرجو أيضا الإطلاع على القسم التالي بعنوان "الوصول إلى الولايات المتحدة".

تقدمت بإلتماس للحصول على تأشيرة خاصة للهجرة.  كيف أعرف وضع طلبي؟
 
عندما يصل طلب موافق عليه إلى مركز التأشيرة القومي سوف يبلّغ صاحب الطلب بالبريد الإليكتروني ويزوّد بالتعليمات.  إذا كنت تعتقد أن لديك إلتماس موافق عليه، ولكن لم يتصل مركز التأشيرة القومي بك، نرجو أن تبعث برسالة بالبريد الإليكتروني إلى مركز التأشيرة القومي على عنوان البريد الإليكتروني:NVCSIV@state.gov ، أو الإتصال بهاتف رقم:         1-603-334-0828               والموظفون في خدمة العملاء في مركز التأشيرة القومي يعملون من الساعة السابعة والنصف صباحا حتى منتصف الليل بتوقيت شرق الولايات المتحدة.

سؤالي لم أجد له إجابة هنا.  فأين يمكني الحصول على المزيد من المعلومات عن إلتماسي الموافق عليه؟

يمكنك الإتصال بمركز التأشيرة القومي عن طريق البريد الإليكتروني:NVCSIV@state.gov

الان نصائح الاخ سبع صنايع عن المستمسكات المطلوبه وكيفيت ملئ الفورمات المطلوبه.

الاخوة الاعزاء..........


كثرت الأستفسارات في الأونة الأخيرة عن برنامج SIV ورأيت ان معظم الأعضاء لا يملكون المعلومات الكافية او يسيرون بأتجاه خاطئ.

بالبداية البرنامج كان محصور بالمترجمين (الطاكين) الذين يمتلكون التوقيع سئ الصيت (توقيع الجنرال) بدأ البرنامج ب50 مترجم عام 2006 ثم توسع الى500 عامي 2007 و2008 وانتهى الى 50 في العام القادم
وبتأريخ 11 اكتوبر انتهى العمل ببرنامج الجنرال (يعني بعد لحد يركض ورة توقيع الجنرال)
بـتأريخ 1 اكتوبر تم العمل بتزكية السفير التي تسمح ل5000 مترجم عدا عوائلهم بالهجرة الى امريكا سنويا الى عام 2013 (يعني العوائل هم يروحون بس لايحسبون ضمن ال5000 مقعد السنوي)

طبعا انا سوف اشرح المستمسكات المطلوبة منك بالتفصيل من لحظة وصول الايميل من NVC ....

المستمسكات المطلوبة:

1-صورة قيد مترجمة
2-صورة قيد ولادة مترجمة والغير مترجمة
3-عقد زواج مترجم والغير مترجم
4-نسخة من DS-230
5-نسخة من DS-234
6-BIOGRAPHICAL
7-نسخة من Refugee benefits
8-صورتين لكل شخص للفيزا بحجم 5*5 سم
9-تعهد خطي ان لا يوجد بالعراق تقرير شرطة
10-نسخ من أي باجات امريكية


اولا:صورة قيد مترجمة(ايضا تسمى 57  او   Family book )

1-   الذهاب الى دائرة جنسيتك وتطلب صورة قيد لغرض التصديق والترجمة و(شكلهه مستطيل مخطط خطوط حمر او زرق).
ملاحظة مهمة (يجب ان تؤكد على موظفة الجنسية ان تكتب لك رقم اخر بطاقة جنسية قبل جنسيتك الحالية يعني انت اذا جنسيتك الحالية رقمهه 50000 وقبل الزواج او الضايعة كان رقمهه 10000 فيجب كتابة الحالية بالوجه والقديمة بالخلف طبعا هذا يشمل جميع افراد العائلة.

2-الخطوة الثانية هي الذهاب الى دائرة جنسية السنك الواقعة في شارع الرشيد بين شارع الخيام وجسر السنك على الشط

ملاحظة مهمة: يجب احضار العائلة بالكامل لغرض البصم وتستطيع بعد ذلك ان ترجعهم بعد ان يراهم الضابط ويجب جلب المستمسكات الاصلية (سكن تموينية هوية احوال شهادة جنسية وجواز السفر لكل افراد العائلة وستة صور ملونة ويفضل بخلفية بيضاء واخذوا فلوس وياكم)


بعد اصعد وانزل واكثر من ضابط يدقق يدزوكم للترجمة الموجودة في نفس البناية الطابق الارضي
سوف يدقق الشخص معك ويطبع الكتاب وانتبهوا  مطابقة الاسماء وحسب جواز الجي.

3-الخطوة الثالثة هي الذهاب الى دائرة تصديقات الداخلية الواقعة في ملجأ في زيونة  شارع الربيعي قرب جامع اليقين ومن الافضل ان تروحون من وكت وتاخذون الجوازات والجناسي وبعد شتلة ساعتين ينطوكم الكتاب اللي يكون نسختين لكل شخص.

4- الخطوة الاخيرة هي الذهاب الى تصديقات الخارجية في العلاوي تاخذلهه فد 3 ساعات

هنا احنة كملنة صورة القيد وتكون نسختين لكل شخص

الوقت التقديري (4-5) ايام



ثانيا: صورة قيد الولادة

1-تذهب الى المستشفى التي ولدت فيها اوالى مركز الزوية في الكرادة قبل جامعة بغداد بالنسبة للرصافة ومركز الكرخ لتسجيل الولادات قرب مستشفى الكسور في العطيفية او اذا ولدت من قبل قابلة تذهب الى القابلة وتسألهه في أي مركز صحي تسجل الولادات واذا القابلة ميتة تروح لأقرب مركز صحي على بيتهه
طبعا اسهل شي للي يعرف بيا مستشفى انولد ويزودوا بصورة قيد ولادة للترجمة والتصديق  شكله يكون شوية اكبر من كف اليد

2-الذهاب الى دائرة صحة بغداد في ساحة عدن حصرا وتستنسخ الكتاب قبل متطب وراح اتقفص عليك ام الاستعلامات وتبيعلك طوابع المهم شغلتكم بين الطابق الرابع والخامس طبعا كل شخص بالعائلة اله صورة قيد منفصلة يعني اذا زوجتك ولادتهه بصرة او سليمانية لازم تروح وتجيب صورة قيد ولادة قبل متروح لصحة بغداد هااااي شلون شغلة تعبانة.

2-   الذهاب الى مكتب نادر للترجمة قبل المسرح الوطني واخذوا فلوس وياكم
3-   ثاني يوم تأخذ صورة القيد المترجمة والاصلية الى تصديقات الخارجية واخذوا فلوس وياكم

وهنا نكون خلصنة صورة قيد الولادة الوقت التقديري(4-6) ايام


ثالثا: عقد الزواج

1-   تاخذ نسخة من عقد الزواج وتذهب الى المحكمة التي عقدت فيها وتطلب اربع نسخ للترجمة والتصديق الارشيف راح يدزوك الى عرضحالجي في الباب وسوف يطبعلك اربع نسخ على جهتي الورقة
        تنطي 5 الاف وتدخل للمحكمة وهنا يجب التأكيد ان يتم الختم على جهتي الاوراق يعني وجه وكفة وهذا الشي جدا مهم طبعا اول شي القاضي يوقع على جميع الصفحات وبعدين المحقق القضائي يختم على جميع الاوراق لذا يرجى الانتباه.

2-تأخذ جميع الاوراق وتروح الى محكمة استئناف الرصافة في عمارة شذى في الوزيرية اذا كنت عاقد بمحكمة بالرصافة  او الذهاب الى محكمة استئناف الكرخ في حي العدل اذا كنت عاقد بالكرخ واذا بالمحافظات فكل شخص حسب محافظته.رح يشتلوكم 5 الى7 ايام

3-تاخذ الاوراق الى مكتب نادر للترجمة لغرض الترجمة
 
4-من تستلم النسخ الاربعة تعمل نسختين ملونة وتاخذ الاوراق كلهن الى كاتب عدل الصالحية في شارع حيفا ضمن بناية وزارة العدل وراح يملوهن اختام وتواقيع وراح يحتفظون بالنسختين المستنسخة.

5-في اليوم التالي الذهاب الى تصديقات الخارجية في العلاوي

الوقت التقديري (7-10) ايام

رابعا:
 DS-230

طبعا تتكون من 35 فقرة واربع صفحات رح اشرحهن وحدة وحدة
اولا يجب ان تحول البي دي اف الى وورد ثم  تطبع وتوقع  وتسوي سكنر وترجعة بي دي اف

1- الفقرة الاولى هية الاسم الكامل وحسب ما مكتوب بالجواز الجي وبدون غلط رجاء
2-الاسماء الاخرى تطبع           
N/A

3-الاسم حسب مامكتوب بالجواز ولكن بالعربي

4-تأريخ الولادة

  5- العمر
6- مكان الولادة (المدينة,المحافظة والبلد)

7-الجنسية طبعا عراقي

8-الجنس

9-الحالة الزوجية

10-اسم وعنوان وهاتف الصديق او القريب في امريكا واذا لايوجد تكتب
N/A
( أخوتي الاعزاء في هذه الخطوه لا تكتبون اي شئ او اكتب الولايه الي تريد ان تعيش فيها والمدينه وتحتها اكتب لا ان ناون )

11-هنا يترك فارغ يكلك اذا تريد الكرين كارد يوصلك الى مكان يختلف عن العنوان اللي انطيتة في الحقل العاشر يعني عوفوه فارغ.

(أخوتي الاعزاء في هذا المربع لا تتركه فارغا اكتب عنوان الصديق او القريب الذي تريده ان يستلم الكرين كارد عند صدوره ولا تتركوها فارغه لان بالمقابله راح يطلبون منك تحددلهم عنوان)

12-شنو شغلك يعني اذا مترجم تكتب
   ثم رقم تليفونك.Linguist

13-عنوانك الكامل محلة وزقاق ودار ومحافظة والبلد

14-اسم الزوجة وحسب ما مكتوب بالجواز ثم الحقل الذي يليه تاريخ ومكان الولادة والحقل الذي يليه عمل الزوجة واخيرا تاريخ الزواج يعني مو الحفلة عقد المحكمة.

15-اسم الاب الكامل

16-تاريخ ومكان ولادة الوالد وعنوانه الحالي واذا متوفي تكتب
في حقل العنوانDeceased
والحقل الاخير سنة وفاة الوالد اذا متوفي.واذا غير متوفي تكتب
N/A

17-اسم الام الكامل

18-تاريخ ولادة الام ومكان الولادة والعنوان الحالي ومتوفية لو لا يعني نفس شرح الفقرة 16

19-تكتب اسماء الابناء وتاريخ الولادة ومكان الولادة

20-تكتب جميع العناوين والاوقات  التي سكنتها لمدة ستة اشهر واكثر منذ ان اصبح عمرك 16 سنة

21- القسم الاول هنا تكتب الاسماء التي كتبتها بالفقرة 14 و19 يعني الزوجة والابناء
 والقسم الثاني
-هنا محد رح يلحكك لامريكا يعني تكتب
N/A

22-عملك في العشر سنوات الاخيرة الشركة,الموقع,عملك يعني طالب او مترجم او معلم وهكذا,اوقات العمل من والى.

23-المعاهد والكليات التي دخلتها مع الاوقات ثم اللغات التي تتحدثها ثم لاي نقابة انت تابع يعني المهندسين المحامين الاطباء واذا متابع لاي نقابة بس اكتب
N/A


24-الخدمة العسكرية اذا خادم تكتب الفرع يعني جيش نظامي حرس جمهوري حرس خاص والرتبة وتواريخ الخدمة واخيرا صنفك يعني مشاة مدفعية وهكذا واذا مخادم بعد احسن خلي اكس بمربع النو

25-هنا تطبع كلمة
Never
يعني انت بحياتك مرايح لامريكا على فرض انه كلكم مشايفين امريكا
ثم توقع وتكتب تاريخ تنظيم الاستمارة.

26-ترجع تكتب اسمك مثل الجواز

27-تكتب
N/A

28-اسمك الكامل بالعربي

29-اسمك وعنوانك ورقم تليفونك بالانكليزي

30- مربعات تزركهن كلهن
NO
يعني انت مو حشاش ولا مخبل ولا مجرم وهكذا

31-
NO

32-
NO

33-طبعا انت ما عندك سوشيال سيكيورتي فتخلي اكس بمربع الاول
تريد واحد طبعا تخلي اكس بمربع الاول يعني يس
الحقل الذي يليه نضع اكس في حقل الاول يعني انت توكل المنظمة باصدار سوشيال سيكيورتي

34-هل ساعدك احد بكتابة الفورمة تكتب لا لان اذا كتبت أي يعني تكتب اسمة وعنوانة ولغوة لذلك اكتب لا واخلص

35-لتلعب لان هذا الحقل مو الك
ملاحظة: يجب ملئ هذة الفورمة لكل شخص يعني للزوجة والاطفال يعني كل نفر فورمة وفي حالة ان لايوجد جواب مثل طفل عمرة سنتين ماهو عمله او اسم الزوجة وهكذا فقط تكتب
N/A





خامسا:
DS-234

تتكون من صفحتين و29 فقرة وايضا تكتب حسب عدد افراد العائلة

1-عدد الافراد في القضية يعني اذا 2 تكتب 2 واذا اربعة تكتب 4

2-اذا انت مفدم الطلب الرئيسي تكتب نعم والزوجة والاطفال تختار كلا

3-
N/A

4-الاسم الكامل وحسب الجواز وبالانكليزي

5-الجنس

6-الحالة الزوجية

7-تاريخ الولادة

8-مكان الولادة محافظة وبلد

9- الجنسية

10-القومية

11-الديانة

12-العنوان الكامل

13-رقم الهاتف

14-العنوان البريدي

15-اخر عمل

16- اعلى مستوى دراسي يعني بكلوريوس دبلوم ماجستير وهكذا

17-اللغة الام

18-اللغات الاخرى

19-درجة اتقان اللغة

20-مشاكل صحية تكتب
None

21-عندك احد من كرايبك مقدم على نفس البرنامج

22-اذا عندك كرايب مقدم وتريد تروح وياة بنفس الولاية اكتب اسم الولاية ورقم الكيس مال كرايبك

23-عندك كرايب بامريكا

24-اسم كرايبك

25-تاريخ ميلاد كرايبك

26-عنوان كرايبك بامريكا

27-رقم تليفون كرايبك بامريكا

28- صلة القرابة يعني عمك خالك

29-عنوانه البريدي


 ملاحظه مهمه :  أذا كان عندك صديق في الولايات المتحده وتريد تسكن بنفس مدينته أكتب الهم بالكومنت انا عندي صديق واحب اسكن بنفس مدينته وانطيهم عنوان صديقك مفصل كما في الخطوات ( 24و26و27و28و29)



  سادسا:
Biographical

لحد يدوخ ترة جدا سهلة تسوي سكنر للجوازات وتحت كل جواز تكتب
1-رقم الكيس
2-العمل الحالي
3-الشهادة الدراسية

سابعا:
Refugee benefits

بيهه مربعين تخلي اكس على الاول يعني انتة تريد فوائد والثاني متريد
تكتب رقم الكيس والاسم وتاريخ الولادة توقع وتاريخ التوقيع والاميل

ثامنا:

صورتين لكل شخص للفيزا بقياس 5*5 سم  وماكو داعي تخافون المصور بس كلله صور للفيزا وهو يعرف.

تاسعا:

هنا شوية انتبهوا مطلوب تقرير من الشرطة يؤيد انك ماعندك جرائم وبالعراق ماكو هيجي شي لذلك تكتب تعهد بالانكليزي وتوقع وصارت ويايه وقبلو بي ومشة.

أخوتي العراق ما مطلوب منه اي تقرير من الشرطه بس اذا انت سافرت الى اي بلد لمده اكثر من 6 اشهر بقيت هناك لازم تجيب الهم تقرير من الشرطه او كما معروف عدم محكوميه .

عاشرا:

سوي سكنر لاي باج امريكي عندك مثل باج تايتن او جي ال اس او أي زي باج وطبعا لتنسون الباج وجه وكفة


الان ماذا ترسل؟

1-ببداية الايميل تنسخ اسمك ورقم الكيس نمبر كما موجود في الايميل المرسل من قبلهم وعنوان الموضوع هو رقم الكيس نمبر
2-تقسم البي دي اف الى ايميلين لان الحجم كبير
3-تعمل اتاجمينت للملفات وترسل التالي:

1-عقد الزواج العربي والمترجم طبعا المصدق
2-صورة قيد الولادة العربي والمترجم لجميع الافراد
3-صورة قيد 57 لجميع الافراد
4-صورتين خلفية بيضاء والنظر مباشر على الكاميرا قياس 5*5 سم للفيزا
5-الباجات
6-
Biographic
7-التعهد الخطي حول تقرير الشرطة
8-
 DS-230

9-
DS-234

10-
Refugee benefits


ويجب ان لا تنسون تقسيم الملفات الى قسمين لان ايميل واحد ميوصل

ارجو ان الشرح وافي  ويجيب جميع الاستفسارات ولا تنسون ان  الكلام اعلاه مجرب وناجح بشكل كامل.


أخوكم فالكون1982

العنوان: رد: بالنسبة للخطوه الثالثه لموضوع الـ SIV
أرسل بواسطة: ابو عبد الله التكساسي في 04:54 09/08/2010
مقتبس من: umany في 00:19 08/08/2010
اشكرك ورحم الله والديك اخويه ابو عبد الله

زين بالنسبه لموضوع قيد 57 :
هل يوجه الى جهه معينه ؟ مو شرط بس انتي الافضل تخليهم يعنونوه للترجمه بشارع الرشيد ومناك نقيب عمار هو يتكفل بالباقي
هل يحتاجون صور؟ قيد الترجمه يحتاج صور نعم
هل يجب انو تروح العائله كلهه؟ كلمن عنده جنسيه لازم تطلعوله قيد حتى الاطفال
هل يكفي انو بس اترجمه لو لازم يصدق مدري منين؟ مثل ما كتلج مساله التصديق من وزاره الخارجيه زايد خير حتى تكون الوثيقه كامله

زين وموضوع عدم المحكوميه ..اني هم لازم اسوي واحد لو بس زوجي ؟
هل هوه ضروري لو اسوي تعهد خطي ويمشي الحال؟ لا يابه لا
لازم تسوين واحد ويتصدق من الداخليه يم حديقه بيت طبره بالملجا يم المحاربين القدامى  وبعدين تتصدق من الخارجيه واي واحد فوك ال 18 يسوي وحده

واشكرك مرة لخ ؟  ليش هذا الشكر
بخدمتج وتدللين
العنوان: رد: بالنسبة للخطوه الثالثه لموضوع الـ SIV
أرسل بواسطة: umany في 00:55 13/08/2010
الاخ ابو عبد الله والاخ ايكو .. مشكوريد علرد

انشالله رمضان كريم عليكم يارب
العنوان: رد: بالنسبة للخطوه الثالثه لموضوع الـ SIV
أرسل بواسطة: umany في 16:28 15/08/2010
مرحبا اخوان

بالنسبة للمدارس اكو حقل يكول cours of study و Degree or Diploma
زين يهيجي حاله شاكتب بالنسبه للدراسه الاعداديه ؟ المتوسطه ؟ الابتدائيه ؟؟
يعني اشون املي الحقول؟ لو اتركه فارغه ؟؟ لو اكتب N/A

سؤال اخر ..
ابني عمره 6 شهور ..شنو اكتبله اللغه الام  ;D هل اكتب N/A

ارجوكم الاجابه باسرع وقت يا اهل الخبره

تحياتي اختكم اماني
العنوان: رد: بالنسبة للخطوه الثالثه لموضوع الـ SIV
أرسل بواسطة: Ali from baghdad في 16:48 15/08/2010
السلام عليكم

بالنسبه للدراسه الاعداديه ح تكون الشهاده High School Certificate / المعاهد ح تكون Diploma / الكليات Bachelor Degree

بالنسبه لل Course of Study ولو ما دا اذكر وين بالضبط موجوده ، بس اذا بخصوص الثانويه فهي ح تكون Basic Science لان احنا هايه دراستنا بالنسبه للثانويات : علوم اساسيه او أوليه

بالنسبه للغه الطفل فهي اللغه الام Mother Language or Native Language والي اكيد ح تكون عربيه

اتمنى ان يكون جوابي صحيح ويا ريت لو احد من الاخوان المخضرمين ياكد على الاجابه

نتمنالك التوفيق الك و للجميع

علي SIV مرحله بحر الظلمات
العنوان: رد: بالنسبة للخطوه الثالثه لموضوع الـ SIV
أرسل بواسطة: umany في 17:41 15/08/2010
الاخ علي من بغداد مشكور لاجابتك

واتمنى من الاخوان يعلقون وبتفاصيل اكثر

مثلا هذا الجدول اللي موجود بالاستمارة ..الحقول اللي عليهه استفهام شنو نكتب بيهه ؟؟؟

School and Location,       From/To (mm/yyyy),     Course of Study,      Degree or Diploma,
collage of Science              09-2002 06-2006       mathematician               BSc
baghdad Secondary Sch.     09-1999 06-2002        what?                        What? 
Baghdad Median School       09-1996 06-1999        What?                        What?
Baghdad Primary School       09-1990 06-1996       What?                        What?   
وطبعا اذا اكو خطأ بشئ فياريت تفيدوني ( مثلا الاعداديه هاي سكول لو سكوندري سكول ؟؟؟

مع الشكر مقدما
منتظره جوابكم فدوه ولو انتو ماتقصرون



العنوان: رد: بالنسبة للخطوه الثالثه لموضوع الـ SIV
أرسل بواسطة: Ali from baghdad في 18:22 15/08/2010
السلام عليكم

الجواب الي اني استخدمته وانقبل وما بيه اي اشكال
 
School and Location                From/To (mm/yyyy)    Course of Study   Degree or Diploma,
collage of Science – Baghdad-Iraq      09-2002 06-2006      mathematic   Bachelor Degree
Baghdad Secondary Sch.- Baghdad-Iraq   09-1999 06-2002       Basic Science    High school Certificate
Baghdad Median School Baghdad-Iraq    09-1996 06-1999      Basic Science    Secondary Sch.Certificate
Baghdad Primary School- Baghdad-Iraq    09-1990 06-1996      Basic Science    Elementary School Certificate


وانشالله بالتوفيق

علي SIV مرحله بحر الظلمات
العنوان: رد: بالنسبة للخطوه الثالثه لموضوع الـ SIV
أرسل بواسطة: Linda1 في 18:40 15/08/2010
 تحيه مسائيه لكل الاعضاء,

 جوابا على سؤال الاخت UMANY بالنسبه للابتدائيه (Primary school)
 والمتوسطة (secondary school)
 ,والاعداديه  ,والثانويه (high school)

 وبالنسبه للحقل مال (Course of Study) تكتبين (General)لان انتي تدرسين مواد مختلفه بالابتدائيه
 والثانويه..والاختيار الاخير تكتبين (Degree) هاي بالنسبه للمدارس اما الكليه تكتبين الشهادة الي عندج
 يعني  دبلوم او بكالوريوس او ماجستير...وهاي الطريقه الي مليت بيها الاستمارة الي ولصد يقتي وكانت صح.

تحياتي
Linda
العنوان: رد: بالنسبة للخطوه الثالثه لموضوع الـ SIV
أرسل بواسطة: umany في 19:08 15/08/2010
الاخ علي والاخت لندا , شكراً جزيلاً لمعلوماتكم
ويارب التوفيق للجميع

مع تحياتي اختكم اماني
العنوان: رد: بالنسبة للخطوه الثالثه لموضوع الـ SIV
أرسل بواسطة: NAZZI في 17:24 22/08/2010
مرحبا اخواني الاعزاء
اول مرة اشوف هيجي موقع حلو وومتاز ومحترم بنفس الوقت.
أحببت ان أسئل حضراتكم انه بالخطوة الثالثة وخاصة في مرحلة تصديق عقد الزواج وصورة قيد الودلادة.
الي صار وياية انه المترجم مكتب هاي الجمل الي طالبها بالموقع انه لازم المترجم يكتب عبارة النه الترجمة صحيحه والخ.
هل هذا الشي يأثر علماُ انه اني ترجمتها بكلية اللغات حسب طلب المحكمة بالنسبة لعقد الزواج لان كالوا لازم هناك.
 والسؤال الثاني هو اني عشت بلبنان  فوك ال 6 اشهر واخذت منهم ورقة مال عدم محكومية. بس تاريخها 2008
اذا ترجمتها وقدمتها هل هذا الشي يكفي ؟؟ لو لا اسوي وحدة جديدة 2010 ؟؟ علما انه اني غادرت لينان بداية 2008؟

أرجو مساعدتكم على هذا الموضوع وأشكرم مقدما
العنوان: رد: بالنسبة للخطوه الثالثه لموضوع الـ SIV
أرسل بواسطة: Linda1 في 17:41 22/08/2010
 اخي Nazzi,

 بالنسبه للترجمه يجب ان تكون ترجمه معترف بيها, يعني مو بس مجرد شخص يترجمها وخلاص...
 وبالنسبه لعدم المحكوميه بما انه انت مغادر لبنان بعد 2008 يعني حصلت على عدم المحكوميه
 من البلد الي جنت بيه اكثر من 6 اشهر وبعدها غادرت البلد اتصور ميحتاجون منك عدم محكوميه
 جديدة بس الافضل انه تتأكد منهم ....دزلهم ايميل واشرحلهم قضيتك وشوف شيردون عليك...

 تحياتي
 Linda
العنوان: رد: بالنسبة للخطوه الثالثه لموضوع الـ SIV
أرسل بواسطة: NAZZI في 17:43 23/08/2010
الأخت لندا
في البداية احب ان اشكر لك اهتمامك بموضوعي والاجابه عليه بصورة سريعه.
فيما بخص موضوع الترجمه الذي استفسرت بخصوصه لم اجد الاجابة الواضحه من حضرتكم لان لمن نوهت انه الترجمه تمت ب بكلية اللغات بما معنى انها جهه حكوميه وتم تصديقها بوزارة الخارجيه وكل شي حسب الاصول ما عدا انه اننا لا نستطيع ان نفرض عليهم زيادة جمل او عبارات خاصه لان همه مو فليكسبل مثل المترجم الاهلي.
فأعيد سؤالي ببساطه انه هل هذه الترجمه ستوثر على موقفي او احتمال يطلبون مني اعادة ترجمه من جديد اذا ممكتوب او اذا مذكر بيها المترجم انه العبارات اعلاه صحيحه ودقيقه من قبلنا والخ.
اذا اكو احد صايرة وياه هاي الحالة وعبروها ومعلقوا عليها ارجو التاكيد واشكركم جميعا .

شكرا مرة ثانيه اخت لندا على وقتك
العنوان: رد: بالنسبة للخطوه الثالثه لموضوع الـ SIV
أرسل بواسطة: Linda1 في 17:56 23/08/2010
  الاخ NAZZI,

 بالنسبه للترجمه الي سويتها اني لاوراقي وقبلوها سابقا جانت بم مكتب اهلي  وترجمته
 معترف بيها دوليا ومكتوب بالاوراق انه ترجمه رسميه ومصدقه بعد ما اعرف يجوز باقي الاخوان
 يكدرون يساعدوك اكثر من خلال تجربتهم ..او تكدر ادزلهم الاوراق واذا ما اقتنعوا بالترجمه
 راح يطلبون منك تعيد ترجمتها ...بالتوفيق انشاء الله.

 تحياتي
 Linda
العنوان: رد: بالنسبة للخطوه الثالثه لموضوع الـ SIV
أرسل بواسطة: NAZZI في 18:27 23/08/2010
الاخت لندا المحترمة,

اشكر لك استجابتك السريعة.

اتمنالك التوفيق بعونه تعالى