-
مساءكم سعيد
شونكم.....؟؟؟
ان شاء الله الكل بخير
اليوم حبيت انزل موضوع
عن الـــ fb
ندخل بصلب الموضوع
ماهو الفيس بوكــ
ولماذا اشتهر هذه الشهرة بالفترة الاخيرة
لماذا صار اقبالــ العالم عليه كثيرا الكبير قبلــ الصغير
والان وبالوقت الحاضر
المعنده فيس بوك
صار كائن عجيب .....!!!!!
اني اريد اناقش معكم
3 نقط مهمه وهية ...؟؟
نبدي ويا اول وحده
1__ الاضافة المائلها داعي .....؟؟
يعني الرايح والجاي تتم اضافتو
والتعرف عليه ودق سوالف
ومرات هوايه ما يسولفون بس هاكذ ضايفه
علمود الناس تشوف عندلــ 400 صديق و خلص
شنو الفائده .....؟؟؟؟
2__ الادمان على الفيس بوك ....؟؟
اني استغرب من اشوف اشخاص
اربع وعشرين ساعه متواجدين
يريدون يشوفون شكو ماكو
ومنو بعثلهم ومعرف شنو ...؟
3__ الصـــــــور ......؟؟؟
يعني انت اتحط صورك وانت مطمن عليها
مو ممكن واحد يبوقها وينتحل شخصيتك
ويدخل جات او او او ..الخ
و يقول هاي صورتي .....؟؟؟
ترى احتمال وارد كلش
.....
اريد اعرف رايكم بالموضوع .....؟؟
و شنو رايكم بضاهرة الفيس بوك الطلعت
وانتشرت وصارت ادمان ....؟
الصور الي تتنزل للبنات و للشباب ...؟؟
و امكانيه سرقتها وتركيب صور عليها او
التنكر بشخصيه اخرى ....؟؟؟
اني موضوع طرحته للنقاش
عن الفيس بوك ...؟
و عن سلبياته .....
لان الفيس بوك اخر فتره
حسيت صار مضيعة وقت
او صاير كااخر موديلــ في عالم الانترنيت .....؟؟
انتظر رايكم ومشاركتكم بالموضوع
تحيتي للجميع
-
مرحبا عزيزتي نجمة البحر قبل فترة تزوجتاحدى قريباتنا سالت اخوها الموجود هنا وين صور اختك
فاجابني شوفيها على الفيس بوك ليش ماعدكي سالني والفضول طبعا جعلني ادخل المهم ياريتني
ما دخلت :o شفت بلاوي الدني بهذا المايتسمى بقيتو يمكن شهر ثم طلعتو منو والحمدلله بعد مادخل
اكثر من مئة فايروس وتعطل كومبيوتري طبعا ??? المهم طبعا خلال هذا الشهر فرحتو شوية لان شفتو
اكثر من صديقة من ايام الابتدائية واسترجعنا ذكرياتنا سوا ايام الجيرة والمدرسة :'( :'( بس بعدين بصراحة
انا مليت وصار عندي ادمان على الما يتسمى الفيس بوك وسالتو نفسي والتالي راح ابقى على هذا
الحال فانا ام ومسؤولة عن بيت واطفال وهذا هو فقط لمضيعة الوقت لا اكثر ومستحيل اكرر هاي التجربة
والصور اللي موجودة مقززة فعلا واكره ما اكره هذولة البنات اللي يصورون نفسهم وشفايفهم القذرة
ونظراتهم وحركاتهم السخيفة جدا :o >:( هنيال اهلهم بيهم ::) وووووووووووووووووووووووووووو الخ
اشكركي عزيزتي نجمة البحر على هذا الموضوع المثير للجدل فعلا محبتكي روتانا
-
شكرا روتانا على مروركي وردكي المميز وفعلا الفيس بوكــ هسة صاير اخر الصيحات في عالم الانترنيت
-
هاي لبي نجومة الصراحة موضوعج توب وعجبني كلش عالفيس بوك ..
وصح كلامج على كلشي الي كلتيه والصراحة اني ماعندي فيس بوك وشكد ما قنعوني ماسويت
واريد اكول انو الولد ينزلون صورهم عادي ميهمة الولد لانه شنو صار هو ولد
بس البنات متخاف على نفسها انو لي يركبون صورها ويا واحد لو اي شي يسوون .....
وفعلا صار موديل لانه ياهو تكوله يكولك عندي صور بالفيس بوك والي تكوله دزلي صورك يكولك ليش ماعندك فيس بوك شوفهم مناك هع
ووو شكرا
بااي
-
و الله الموضوع صدك يحتاج المناقشه لان فعلا شكد هذا الموقغ بي حسنات و بي سيأت و خصوصا شباب و بنات هلوكت صايرين حته اذا ينامون يكتبون على الفيس بوك مالتهم راح انام بس اذا واحد عايش بمكان ما عندا اصدقاء و اصدقائه كلهم بعيدين عنه ممكن ان يساعده على ان يخفف من الوحده الي هوه عايش بيها لمن يعرف اخبار اصدقائه و اقربائه و يكون على تواصل معاهم و مل الامور الي ذكرتيها صح بس صدكي كل انسان يعكس طبيعته و اخلاقه و تربيته من خلال هاي الصفحه الناس راح تتعرف على هوايه امور عنك حته لو كان تعليق صغير راح يبين اسلوبك و اخلاقك شتتوقعين من ولد خال صورته و هوه واكف يم سياره هيه اصلا مو مالته حته بفيك لو من بنيه لابسه مايو و خاله صورتها يشوفها الرايح و الجاي مع احترامي للزينين بس اني برائيي هذا الصفحه هيه بأعتبار هويه تعريفيه الك على الرغم معضم و اغلبيت الموجدين والي يشاركوك بيها هم بعرفك
-
موضوع رائع عزيزتي بس عندي تعليق صغير واحد اذا يريد ينزل صور يكدر يقفلها يعني محد يشوفها بس الفريند الي يمه او اكيد الاصدقاء الي بلفيس والكرايب عندك ثقه بيهم !!!!!!!!!!!!!
راح اثبت الموضوع لفتره عزيزتي نجومه لي ان موضوع يستاهل التثبيت
عاشت ايدج ت7ياتي
-
طبعا صارلي ساعه اكتب وعجبني الموضوع كلش وكبتلج رائي مثل الجريده ;D واخر شي جان وقتي بالمنتدى خلص وراح كل تعبي بوش بلاش :'( :'( صدك ضجت حيل بس يلا راح اكتبلج مختصر مفيد واطلع لان صرت اعصاب ;D
رائي الاعضاء كلهم حلو وواقعي بس اني اكثر من مرة صدف ويايه موقف خلاني اضوج من اقرب الناس ومن بينهم صديقاتي يعني كلما اسأل وحده شو صورج ماكو تجاوبني فوتي عالفيس بوك وشوفيها
واذا كلتلها ما عندي يبدون تحقيق ليش وشعجب وشلون تكضين وكتج والحلوة لو كلت مااحبه او ميعجبني يكولون معقده ومعايشة بالدنيا ومن هالحجي واني اشوف مابيها شي لو الواحد يحترم نفسه بين العالم وحتى لو خلاله صورة وحده مرتبه وحلوة تكفي مو الف صورة وبكل وحده حركة شكل على ها الستايل هيجي يتطلب
وانتي تعرفين الغيرة جتاله تخلق مشاكل يابو سوالف تعبانة
بس يلا بعد كلمن وبكيفه ومو يكولون ديمقراطية اني هم حرة اذا ميعجبني ;D
على كلن مشكورة حبي على الموضوع الحلوووو :-*
ومرسي للأعضاء على أرائهم الحلوة :D
أختكُم .. جواهر بغداد 8)
-
شكرا على ردودكم الحلوة وارايكم الجميلة
اكيد جوجو مبيها شي اذا ميعجبكي الفيس بوكــ لان اني هم ميعجبني lool
شكرا كلاريتا على التثبيت
تحيتي للجميع
-
مساء الخير على الجميع
موضوع حلو يا نجومة عاشت ايدج
بالفعل الفيس بوك كلش منتشر وبين مختلف الاعمار من الصغير للشايب
بيه حسنات هوايا للي يعرف شون يستخدمة
وبيه سيئات للي ميعرف شون يستخدمة
الحسنات برايي هي ان تلتقي باصدقاء صارلك سنين مشايفهم ومن مختلف انحاء العالم
مساوئها طبعا هو انتحال الشخصية وسرقة الصور من ناس مريضى نفسيا
ولكن ممكن ان تتفادى الوقوع بالخطا باستتخدام خاصية الامنية بالفيس بوك بان تكون المعلومات والصور مخفية عن الغرباء ومتاحة للاصدقاء الي تضيفهم بحذر وثقة فقط
تحياتي
اختكم نوهرا
-
موضوع كلش حلو
الفيس بوك طبعا بي شغلات حلوة وبي شغلات مو حلوة
يعني هو مخصص للتعارف وتكوين صداقات جديدة ممكن واحد يشوف صديقة مشايفة من سنين على الفيس بوك
لكن لو نباوع انه محد يتعرف على الثاني ولا حتى اكو سوالف
الولد يضيفون بنات والبنات يقبلون الاضافة وميحجون ويه الولد بس الغرض انه تكول مثل اني اكو هلكد معجبيين بيه
والولد وين ماكو واحد جاي شافله ابنية ضافها ركض عباله راح تستقبلة وتحجي ويا
والمنتشرة هسه هي الجروبات السخيفة وخاصة العراقية الي تحمل الطائفية بين ابناء العراق
وشكرا جزيلا
-
شكرا لمشاركتكم العطرة
-
هاي شباب وصبايا شلونكم يا حلوين
هسة نجومة تكول اجا ابو الفيس بوووك ههههه
طبعا اني مطالع على نجمة بشغلة الفيس بوك لان هي ما تحبة واني اب ;D
وراح اعلق على كل شي كاتبتة وانطيج رأي بالموضوع
1__ الاضافة المائلها داعي .....؟؟
يعني الرايح والجاي تتم اضافتو
والتعرف عليه ودق سوالف
ومرات هوايه ما يسولفون بس هاكذ ضايفه
علمود الناس تشوف عندلــ 400 صديق و خلص
شنو الفائده .....؟؟؟؟
اممم اني من رأي ان الي يضيف عشوائيا هذا بس داخل للتسلية
بس هذا ما يمنع انه الي عندة 400 او 500 صديق هذولي كلهم كرايبة ومعارف وهذا شي شائع...
واني ضد الاضافة العشوائية بالفيس
2__ الادمان على الفيس بوك ....؟؟
اني استغرب من اشوف اشخاص
اربع وعشرين ساعه متواجدين
يريدون يشوفون شكو ماكو
ومنو بعثلهم ومعرف شنو ...؟
اي صح الفيس بوك يسوي ادمان يعني اني عندي عالموبايل هم افتح ;D
بس هم يعني تجي فترات اني اكعد بيها عالمنتدى من 5 الى 10 ساعات باليوم هذا هم ادمان لو شنو رائيكم شباب؟؟
3__ الصـــــــور ......؟؟؟
يعني انت اتحط صورك وانت مطمن عليها
مو ممكن واحد يبوقها وينتحل شخصيتك
ويدخل جات او او او ..الخ
و يقول هاي صورتي .....؟؟؟
هاي مثل ما كالت كلارا ونهرا اكو خيارات امان نكدر من عدها نغلق مو بس الصور حتى الفريند والحائط وكلشي يك بالفيس يصير مغلق ولاشخاص انت تحددهم ..
واكو شغلة ثانية تكدر تفصل الفريند مالتك الى مجموعات شلون بالياهو كروبات .. وكل كروب تكدر تغلق عنة اي شي تريدة مثل الصور ا
وتكدر تخلي كل كروب يطلع على قسم بالفيس مالتك وتغلق عنة قسم ثاني حسب انت ما تريد
ونقطة اخيرة مو تخلف او تعقيد اذا الواحد ما عندة فيس بوك يعني الفيس بوك مثلة مثل غيرة من مواقع النت مو شي مهم جدا...
وموضوع حلو نجومة ومميز
دايما انتي صحبة الاختيار الجميل بطرح المواضيع
اخوج
الي هو اني ;D
شــاروكين
-
هااي شارو همزين شفناكــ بالمنتدى ;D شون عفت الفيس لووولــ
شكرا على مشاركتك،، الحلوة
-
موضوع جدا جميل ومميز وافكارج ومواضيعج دائما حلوة
بالنسبة للفيس بوك بصراحة اني مو من مشجعيه مع اني مشتركة بيه يعني مااشوف بيه اي فائدة او نقاشات او مواضيع حلوة ممكن نستفاد منها مثل موقعنا عينكاوا والمواقع المشابه اله الي تحمل مواضيع جميلة مسلية وثقافية ومفيدة ونستفيد منها
وشغلة الصور فعلا خطيرة يعني اني اول منزلت صورتي اجتلي عدة رسائل من ناس اغراب فراسا رجعت وحذفت صورتي وماكنت اعرف اكو حجب عن الناس الي مااعرفهم مثل ماذكر صديقي العزيز شاروو
ويعني اشوف البنات هواية تنزل صور والشباب همين اتصور صورة وحدة كافية واذا بلاها يكون احسن
تحياتي
-
عزيزتي يسلمووووووا ع موضوعكي الحلو طبعا جذبني لان هسه اني دا اسوي تقرير عن الفيس بوك بشكل عام وارائكم كلها حلوه عجبتني وراح اضيفا ع التقرير
عزيزتي اني مع الجماعه الفيس بي مساوئ وبي حسنات
انتي تكدرين تتحكمين بالبروفايل مالتكي والاضافه انتي تتحكمين منو الي تريدين تضيفين و الصور حسب انتي ماتحبين محد مايجربكي ع اي شي
والادمان عليه يجي من الفراغ اذا الانسان عنده مشاغل ميكدر يدمن ع شي
هسه اني عندي فيس بس مني مدمنه عليه مجرد اشوف اخبار اصدقاءي واقربائي لااكثر
ومشكوره ع الموضوع الحلو مثلك
[/size][/color]
-
شكرا زهرتنا على مروركي الطيب والمشاركة الحلوة
(http://www.lakii.com/vb/smile/9_9.gif)
-
شكـــرا القوشية على المداخلة الحلوة
(http://www.lakii.com/vb/smile/9-13.gif)
-
شكرا على موضوعج اعتبر الفيس بوك مضيعه وقت ومابيه اي فائده وهذا رأي ...مع احترامي لكل الاراء تقبلي مروري
-
مرحبه موضوع الفيس بوك طويل وماينتهي
-
شكرالمشاركتكم العطرة
-
هاي نجمة موضوع حلو وعصري ;D
بالنسبة للنقطة الاولى والله اني ماضيف بس الي اعرفه
وهسه يمكن اكثر من اربعين واحد يمي مشتولين يريدون يضيفوني وعايفهم ;)
بالنسبة للنقطة الثانية اني بالنسبة الي ما افوت عالfb لو مرة لو مرتين باليوم وكل مرة اطول اكثر شي ساعة
بالنسبة للنقطة الثالثة اني اذا احط صور اخصصها لاشخاص معينين يعني اكدر بس شخص واحد يشوفها
بس هالايام اكو شي اسمه (هكر ) يكدر يخترق الاشتراك مالك :o :o
-
مرحبا يا حلوين شلونكم
اليوم حبيت اشترك بهالموضوع الحلو
يعني ما اعرف ليش ماخذين هالنظرة المو زينة عالفيس بوك ... انتو كلتو بس حسنات و بي سيئات
زين ليش ما ناخذ الحسنات و نعوف السيئات ؟؟
ليش دائما نكول الخلل بكل شي بس ماكو خلل بينا
زين شنو الفرق من انه يكون عندك فيس بوك او انه تدخل للجاتات و بعدين من ورا الجات تضيف ناس يمك بالياهو و الهوتميل ؟؟
اعتقد ماكو فرق
اصلا اني بالعكس اشوف الفيس بوك كلش حلو
و الحلو اللي بيه العابه المتنوعة اللي تخليك تنافس اصدقائك
وبي شي ثاني حلو انه من خلاله راح تشوف ناس صار الك سنوات طويلة مشايفهم
اذا كانو كرايب او اصدقاء او جيران قدامى
من خلاله شفت جيراني اللي صارلي 10 سنوات مشايفتهم
اني بالنسبة الي احب الفيس بوك هواية و اكظي هواية وقت بي
(( الصراحة حلوة ))
وشكرا عالموضوع
-
شكــــرا داني على مشاركتكـــ الحلوة
(http://www.alamuae.com/gallery/data/media/32/1655016-f0d546539c07fdaa.jpg)
-
شكــــرا لولي على مشاركتكي وصراحتكي الرايعة
وطبعا لكلــ شي حسناتــ وسياءاتـــ
تحيتي
(http://www.alamuae.com/gallery/data/media/32/00000052.JPG)
-
موضع لا يهميمي
-
نشكر مروركــ
-
هلو اتمنى ان تقبلو مشاركتي و رائي الخاص طبعا اني مدمن فيس بوك على كولتكم بس انتو شايفينا من منظور صغير طبعا اني اتعرفت على اهواي اشخاص على الفيس بوك و واحد من هل اشخاص اجئ اهنا للعراق بس على مود اشوفني و اتشاوفنا و صرنا اصدقاء بكل معنا الكلمة مو بس على الجات هاي وحدة و طبعا عندا هم شغلات حلوة و اذا اي شخص اخاف على صورة او اي شي لا يظيف اي شخص غريبو ما يعرفة و عاد كل واحد و وجهة نظرة
-
شكرا للمشاركة الرائعة
-
موضوع جميل وبصراحة الفيس بوك صاير مرض
-
شكرا جوليان لمشاركتكي الحلوة
-
موضوع رائع بس عندي تعليق صغير واحد
اذا يريد ينزل صور يكدر يقفلها يعني محد يشوفها بس الفريند الي يمه او اكيد الاصدقاء الي بلفيس والكرايب عندك ثقه بيهم !!!!!!!!!!!!!
اشكرك اخت الكريمة على الموصوع الهام
-
شكرا عمر على المداخلة الحلوة
-
شكرا على الموضوع او خلينا نقول كابووووس الانترنت (facebook) الصراحة تعتبر مشاركة فريدة من نوعها .
ونتطلع للاحدث منك دائما
-
شكــــرا كنك على المشاركة الرايعة
-
العفو .... ما سويت حاجة هذا واجبي نحوك
-
شكرا على المشاركة الرايعة
-
هاي اي صحيح كلامج صحيح انا بلنسبة الي ماعندي فيس بوك اشكد كلولي سوي بي ماقتنعت بلفكرة الفيس بوك للي بس يعرف يستخدما اذا وبشغلة الصور ايضا صحيحة يا بنات يمعودين وين عقلكم فكرو وبعدين نزلو صوركم الي راح يشوفها الي يسوى والي مايسوى واللة الفيس بوك صاير مودة موووووووووووووو ؟؟
ميرسي عل موضوع نجومة بدعتي
-
الشكر لمشاركتكي الحلوةولرائكي الجميلــ
تحيتي
-
موضوع يستحق المناقشة
تعليقي عليه هو بين قوسين (سلاح ذو حدين ) مثل ما يجوب بنا هذا العالم الكبير الصغير عبر الانترنت والاجهزة الالكترونية ومثل ما هو موجود كبحث في كوكل عن كلمة او تبحث عن فيديو في ال youtube هكذا ايضا هناك اناس كان لك معهم ذكرى جميلة والذي اغترب عن اهله واحبائه واصدقائه يمكنك التواصل معهم بكل سهولة عن طريق صفحة الفيس بوك الجميلة وكذلك في الفيس بوك يوجد الزين والشين يعني هناك صفحات تعليمية وثقافية واجتماعية وهناك ماهو مدمر لعقل الانسان من وسائل التخريب المعروفة لدى الكل ... واخيرا قد يكون هذا الفيس بوك جميلا جدا اذا استخدم كما هو موجود على الارض في ايامنا هذه في انقلاب الحكومات وتغيير الانظمة الحاكمة .... من يدري قد تصلنا رياح التغيير !!! .... لكم مني الف تحية وسلام
-
شكـــــرا ليون لمداخلتكــ الرائعة ولرائك
تحيتي لكــ
-
بصراحة بيه مساوئ وبيه محاسن
وتعدمت علئ الشخص الذي يستخدمه
تحياتي للجميع
-
هو موقع تعارف بي الزين وبي الموزين الي موجودين بكل مكان بالنت وخارج النت
الي يريد يستخدمه صح راح اجي لاهم نقطة الكل علقو عليها الي هي الصور
اريد واحد بس وخصوصا من البنات يكدر يكولي الي يريد يخبث لو يسوي مشاكل البنية راح تعصة عليه يجيب صورتها؟
ياعيني هسة خلي تمشي بنية بالشارع لو تكعد مكان ميكدر واحد ياخذلها صورة؟
ترة سالفة الصور صارت قديمة والي يريد يسوي شي لاحد ياخذ صورته لو وين مجان
يعني الي يخلي صورته بالياهو عادي بس بالفيس لا عيب
ليش مو الياهو هم بي بحث وابسط شي مواقع كشف الانفزبل تكشف الناس وصورها
لا والحلو هلمرة الواحد بعد ميكدر يخلي ثقة بكرايبة واصدقائه
يعني الي يكول هم عندك ثقة بالكرايب بلا زحمة يعني انتي او انت مماخذ صورة وية كرايبك قبل؟ لو وية اصدقائك؟
-
موضوع رائع بس عندي تعليق صغير واحد
اذا يريد احد ينزل صور يكدر يقفلها يعني محد يشوفها بس الفريند الي يمه او اكيد الاصدقاء الي بلفيس والكرايب عندك ثقه بيهم
تحياتي / اختكم مناهل
-
شكرا على مشاركتكم الرائعة