ankawa
منتدى الهجرة واللجوء => الهجرة و واللاجئين => دردشة منتدى الهجرة واللاجئين => الموضوع حرر بواسطة: عمر بكر 1 في 09:37 07/08/2010
-
كثير من المواضيع التي تهم اللاجئ في قضية لجوئه او في حياته اليومية سواءا في الدول العربية او بعد انتقاله الى الدول الحاضنة للاجئين المعاد توطينهم
ونفاجئ من المشرف بنقل هذه المواضيع الى اقسام اخرى
علما بان الموضوع عندما ينقل الى قسم اخر فان الاستفادة منه تقل لان اغلب المتصفحين لا يرغبون بالتنقل بين اقسام الموقع وانما يفضلون البقاء في نفس القسم لغرض متابعة بقية المواضيع
والمشكلة هية ان بعض المواضيع تنقل وهي مفيدة جدا للاجئ مثل اللحم الحلال في امريكا وغيرها من المواضيع التي هية ليست للدردشة وانما للتنبيه على شيئ مهم ومفيد
في حين نرى مواضيع لا تستحق البقاء في القسم وتبقى مدة طويلة في الصفحة الاولى
هذا بالاضافة الى حذف المواضيع وايقاف مواضيع اخرى
هل هذه قلة خبرة من الاشراف ؟ ام فشل؟
ملاحظة مهمة جدا
اتوقع ان يحذف الموضوع قبل ان يتم قرائته من قبل الاعضاء
-
اخي عمر بكر
اتوقع انه هناك سياسة خاصة للمنتدى والاخوة المشرفين هم اعلم منا بها .. كلامك فيه نوع من الصحة لكن..... الا ترى معي ان تراكم وتكدس المواضيع بدون تصنيف يجعلنا في حيرة من امرنا يعني الذي يريد موضوع عن الحياة في امريكا وتشعباتها وتفاصيلها فهناك قسم خاص لهذا... يقى الامر مرهون بالاخوة الاداريين مشكورين
اخوك ابو سارة
-
اخي العزيز حذف المواضيع او نقلها او اقفالها لا يكون الا لسبب والسبب هو خروجها عن قوانين المنتدى وقسم الهجره بالذات والاداره متشدده جدا في الالتزام بقوانين القسم واذا يبقى كل موضوع على الصفحه الاولى كما تريد ان يكون فمعنى هذا ان المساحه لن تكفي لكثرة المواضيع التي تطرح في اليوم ... وللعلم هناك شيء اسمه ارشيف بامكانك الرجوع اليه للاستفاده من كثير من المواضيع والكل يعرفون بهذا وهناك ايضا قسم خاص اسمه قسم اهم المواضيع المثبته يتم فيه تثبيت اهم المواضيع وقسم اخر تم انشاءه لاحقا حسب طلبكم وفيه تطرح كل المواضيع التي تخص بعد اللجوء اي الوصول للولايات المتحدة واما قسم الهجرة وللجوء مخصص فقط لقضايا الهجره واللجوء وما يتعلق بها ولا يتعلق ب ( اللحوم ) وغيرها ومع ذلك تم التطرق لمثل هذه المواضيع ولكن في القسم المخصص لها في قسم مواضيع الحياة في امريكا ارجو ان يكون الرد واضح لك وبالمناسبه المشرفين لا يعملون بسياسه خاصه بهم وانما يعملون حسب توجيهات الاداره وقوانين القسم
-
اعتقد الاخ صفاء والاخت انجي فسرو لك كلشي وبدل ما الواحد يروح يدور على موضوع مثلاً الحياه في امريكا فراح اول مايفتح الصفحه يلكاه كدامه مايدوخ وصفحه الهجره واللاجئيين مخصصه لمواضيع اللاجئيين بالدرجه الاولى والاداره هيه الادرى بهاذا الشي ومقسميين الصفحه لتسهيل كل شيء على القاريء او الاعضاء الجدد وكما موضح ادناه
-
فعلا اخي العزيز كلام الاخوان يدكو و صفاء والاخت انجي بمكانه وصحيح والارشفة للمواضيع ونقلها كل حسب القسم التابع له ظاهرة جيدة جدا وتسهل على المتصفح ان يبحث عن اي موضوع بمكانه الصحيح والقسم التابع له وقسم الهجرة متخصص بمواضيع الهجرة واللجوء وعندما يطرح اي موضوع خارج هذا النطاق اعتيادي ينقل لمكانه الطبيعي
تقبل تحياتي
-
الى الاخ عمر :
ان مواضيع الهجرة واللجوء كثيرة ومتشعبة ويصعب في احيان كثيرة على الاعضاء الاطلاع عليها لهذا تسعى الادارة الى ايجاد الية تساعد الاعضاء في الوصول الى ظالتهم قدر الامكان لهذا تم استحداث عدة اقسام فرعية غايتها تسهيل الامر وليس التظليل او اضاعة الوقت ...لذا تنقل المواضيع الى المنتديات التي تختص بها لتسهيل الوصول اليها .. والغاية الاولى والاخيرة من هذا هي راحة الاعضاء
اما اذا وجد اي موضوع لا يتعلق باهداف المنتدى فيحذف وحتى دون الحاجة للتبليغ لان المنتدى واضح من عنوانه
اما عن قولك ( فشل الاداريين ) فيا اخي لو عدنا عشر ادارين فهم ما يلحكون على الكم الهائل من المواضيع والردود
فلهذا اتمنى من كل الاعضاء ان يكونون بمستوى انطباعنا عنهم والي نعتقد انه معظم اعضاء الهجرة هم ناس مثقفة وراقية بمعنى الكلمة فلو كل واحد فكر انه يعبر عن شخصه واخلاقه بكتاباته فاكيد ما راح نشوف غير مواضيع مفيدة وناس تدعي بالخير
صحيح تصير اخطاء من قبل الادارة او الاعضاء فسبحان من لا يخطا ... فاتمنى من ناس مثل حضراتكم وبطيبتكم يسمون فوق كل هذا ويسعون للصالح العام
واذا شفتوا اي تجاوز اتمنى لو تبلغونا قبل ما هذا يرد وذاك يرد وتشتعل حرب وناس تنجرح وناس تزعل .
مع التقدير
ادارة المنتدى
-
هذا احد الردود على موضوعي اجاني عالخاص من العضو القديم جدا جدا شمعة
اخي ..
ما جاوبتك على العام حتى لا تزعل بس تره انته بعدك جديد بالمنتدى يعني كولها ما صارلك 3اشهر ومشكلتكم ومصيبتكم الاعضاء الجدد اتريدون كلشي جاهز كدام عيونكم وما اتعبون نفسكم شويه .. روح للارشيف وشوف اشكد بيه مواضيع وروح لقسم اهم المواضيع وروح لقسم شؤؤن الحياة في امريكا وبعدين تعال احجي هالحجي ...
ولعلمك اخويه احنا القدامى نفسنا هم انراجع الارشيف وزبقية الاقسام دائما حتى انجدد معلوماتنا ... يعني تعب نفسك شويه بدل هالحجي الما يفيد ولا ينفع ..
اما الاشراف فالاداره تعرف المشرفين احسن منك ومني ومن كل الاعضاء والاخت المشرفه كانت عضوه معنا واسمها الدائم هو ( ملاك المنتدى ) لانها كفؤه جدا ..
نصيحه اخي فكر جيدا فيما تريد ان تقوله قبل كتابته لان الكتابه مسؤؤلية واما ان تكون على قدؤر المسؤؤلية واما لا تكون .. تحياتي
اخوكم شمعة
اني اسال العضو شمعة وبحكم خبرتك القديمة جدا جدا انت مقتنع بالي ديبقى عالصفحة الاولى لمدة ايام واسابيع وخصوصا التهاني والتبريكات للاعضاء اللي حصلو على سفر مثلا هاي مو تروح للدردشة افضل وشنو فائدتها الى اللاجئين اللي ينتظرون السفر
الجمعيات التي اصبحت مملة لدرجة ان اللاجئ بطل يقراها يعني الواحد اليوم قابل الوفد الامريكي سوالة جمعية سماها جمعية المقابلين اليوم هاي هم تعجبك وتناسب الصفحة الاولى يا خبير ويا قديم ويا شمعة
علما بان هاي الجمعيات تدار فقط من قبل مؤسيسيها يعني تفتح الجمعية حتى تشوف اخر خبر بيها تلكي عبارة يالله
او عبارة الله كريم او عبارة شكو ماكو هاي زينة وما عندك نقد عليها يا سيد شمعة
علما بان الغرض من هاي العبارات هو ابقاء الموضوع في الصفحة الاولى
هذا بالاضافة الى ان المواضيع التي نقلت اليوم كان جزء منها جدير بان يبقى في نفس الصفحة ولكن تفاجئنا بنقل المواضيع بالجملة
الى العضو شمعة حبذا في المرة القادمة ان لا تكتب على الخاص لان ماكو شي يستحق ان ترسلة على الخاص
ولكن حضرتك حبيت تفيك عالجدد وتسوي نفسك خبير علما بان اللي ديصير بالمنتدى ومثل مكال الاداري الذهبي يحتاج الى مشرفين كثيرين ومتخصصين بالمجال
-
اولا مرحبا بيك اخوية
ثاني شي الاخوة الاداريين ممقصريين بالقسم ديسون الي عليهم
اما شغلة نقل المواضيع فاكو اعضاء ينزلون مواضيع مثل واحد يسئل بيش سعر البيت بامريكا وبيش السيارة ... الخ
فهذا منو الي يجاوبة غير الناس الي واصليين لمريكا والي عدهم قسم خاص وهو الحياة العامة بامريكا
قسم الدردشة لمن الواحد ينزل تبريكات وتهاني ... الخ
اما الجمعيات فهذه لازم تبقة بالصفحة الاولى لانه ادخل للجمعية وشوف عدد الاعضاء الموجوديين والي ينتظرون الاخبار
فانت يعني تريد تشيل الجمعية من الصفحة الاولى وتحط موضوع بيش الكيلو اللحم !!!!
قسم الهجرة مختص بمواضيع تحديد المواعيد والمقابلات الى ان يوصل لموعد السفر
بقية الاقسام واضحة كلش
اما عن الاعضاء الي يريدون يبقون بقسم واحد ويلكون كل شي موجود فميصير بالعكس تقسيم المواضيع يكون اريح
للاعضاء
مع احترامي وتقدير
yasir - cairo
-
اخي الكريم عمر انت لو كنت منزل موضوع قبل ما ينفتح القسم الجديد واللي نشكر الادارة اكيد على استجابتها لطلبنا بفتحه؟؟ احنا كانت عدنا مواضيع تخص الحياة بامريكا وكانت تنقل وحسب تعليمات الادارة الى اقسام اخرى ولذلك بوقتها طرحنا اني والاخ غسان الاشقر افتتاح القسم الجديد وبتعاون من الاخت العزيزة انجي والحمد لله تم المراد وصار همين تابع للهجرة واللجوء يعني بعد احسن كلما تحتاج سؤال عن امريكا تدور فقط في القسم الخاص بيه.بس اني اتفق معك بأنه اكو مواضيع ياحبذا الاعضاء يكونون موضوعيين بطرحها يعني بصراحة مواضيع مال دردشة مو مال هجرة ولجوء ونتمنى منهم بالمستقبل انه تكون بيها عمق اكثر لمن تنطرح.تقبل تحياتي واتمنى ما اكون اطلت عليك او على الاخوة بالكلام.
ملاحظة : اتمنى من اختنا الكريمة انجي انه ترجع مواضيعنا الخاصة بالسيارات مثلا او الستلايت واللي صارت في اقسام اخرى وراسلنا المشرفين التابعة الهم هاي الاقسام وما شفنا اي استجابة.
-
يا اخوان ماكو داعي لحزازيات العضو الجديد والقديم لان مو ذنب العضو انو هو جديد او قديم واتمنى تكون المقارنة على اساس حجم خدمة العضو لباقي الاعضاء ومساعدتهم لان اعتقد هذا الشي اللي يستحق فعلا كل تقدير واحترام
مع تقديري لكل الاعضاء القدامى والجدد
-
يلة يلة ما صار شي اعصابكم شوية
يلة هاكم شربوا مي بارد لان الدنيا حارة
ترة الدنية متسوى
طفروا طفروا جوي الشرطة