ankawa
منتدى الهجرة واللجوء => الهجرة و واللاجئين => الموضوع حرر بواسطة: waiting_for في 13:38 07/08/2010
-
الى جميع الاخوة في المنتدى تحية طيبة عندي سؤال مهم واتمنى احد يجاوبني عليه .. زوجتي حاليا حامل ومابقى شي يجي البيبي بس المشكلة شنو المعاملة مالجنسية والجواز مالطفل صايرة تاخذ اشهر يعني يجوز ما الحك على موعد السفر بهالطريقة واريد اعرف بيان الولادة يكفي بحالة الاي او ام لو الا جواز ؟؟
-
لا اخي الطفل يحتاج جواز حتى لو عمرهة يوم واحد ولاتستطيع السفر به بدون جواز سفر الافضل انه تستعجل بشغلة استخراج الجنسية لانها تحتاجها لاستخراج الجواز اما شهادة الجنسية فيتم اعتماد شهادة جنسية الوالد ...
تحياتي ابو سارة
باب الشرجي بغداد العراق
-
اخي العزيز صارت حاله هنا بلبنان مطابقه لموضوعك وهو صديقي مرته ولدت وراح على الامم وبلغهم وسوا اضافه وخلص كلشي كال للموظف المسؤول شاسوي بعد اسويله جواز او اروح لسفاره العراقيه شيحتاج بعد كال كلشي مايحتاج فقط ورقه بيان الولاده وورقه المختار وبس اما بغير دوله او بالعراق فما اعرف شون هي التفاصيل هناك تحياتي
-
اني هم من اجه اخويه من سوريا ابنه عمره خمس سنوات كان ضايفية بجواز سفر امه يعني بس صورة الطفل بجواز الام
وهما كانوا بسوريا وطبعا الطفل ولد بسوريا وبقى بلا جواز بس خلوا صورته مع جواز الام
-
اخي اذا انته مقدم من بغداد فلازم لازم لازم جواز
لان اني صارت عندي نفس الحالة واجلو شغلتي لحين اطلع جواز للطفل
اما اذا مو في بغداد فما اعرف شنو الظروف للطفل الجديد
-
اخي العزيز صاحب الموضوع
ممكن توضح قصدك شنو ما الحك على موعد السفر؟؟؟؟ يعني حددولك مو عد سفر ورة الولادة ؟؟؟؟لو اجلو موعد سفرك؟؟؟؟؟
ارجو الايضاح ترة اخوك نفس السالفة ودايخ........ياريت فد مختصر على قضيتك وشلون صار تسلسل الاحداث
شكرا
-
اخراج جواز السفر س بساعتين ، تحتاج بيان ولادة الطفل وجنسية وشهادة الجنسية للام والاب
-
اخي اذا محدديلك موعد سفر والطفل انولد قبل السفر
مليون بالمية راح يتاجل السفر لان لازمتضيف الطفل وتسويله مقابلة وفحص
ممكن توضح اكثر ؟ وانت من اي دولة مقدم ؟
تحياتي
ابو حاتم
منين يطلع بساعتين قصدك بالعراق لو برا ؟
-
أخويه طلعلة جنسية وجواز وبفلوس طلع الجنسية لأن هيه العقبة الاكبر وأذا أنته نفوسك بالكرخ لو بالمنصور دزلي على الخاص لأن آني أعرف واحد يسويهه بفلوس وبمبلغ معقول هاي أذا أنته بالعراق طبعاً.
أخوك صقر الجزيرة.
-
اخي العزيز
ولادة طفل جديد مو بس تحتاج جواز جديد وانما لازم ينفتحله ملف خاص مال اضافة طفل
وهذه يتطلب مقابلة محلفين
وهاي بعد ان اتضيف اسمه وبيان الولاده او الجنسيه للمعامله
والطفل اذا عمره يوم واحد لازم يطلع بجواز سفر
وهل اتحددلك موعد سفر؟؟؟؟
لان ممعقوله ايحددون موعد سفر لام حامل بعد الشهر السابع
فاكيد انت عندك اجراءات طويله وحصبه وجدري يله اتحصل موعد سفر
فلتخاف عندك وقت هوايه وراح اتلحك انطلع كل المستمسكات
وان شاء الله ايباركلكم بالطفا ويجعله من اولاد اسلامه
-
كلام الاخت ريم عبد هو الصحيح
وان شاء الله يجي رزقة وياه
جوني جاك
-
اخي العزيز ...
ما تحتاج اي شي غير شهادة الميلاد العراقية الصادرة من السفارة و اتقدمها للمنظمة و اتقابل محلفين لاضافة الطفل و اجراء الفحص الطبي و السفر ان شاء الله يكون عن طريق اصدار وثيقة سفر صادرة من الصليب الاحمر و هي المنظمة تتكفل بهذا الشي.
تحياتي
اخوك خالد القيسي
-
آني نفس شغلتك أهنا بعمان .. بس اتطول الشغلة لازم أتضيفه باليو-أن اول مرة وحاول تلكه واسطة للجنسية لأن هي الي تأخر تخريج الجواز .. آني قابلت محلفين قبل اسبوع وسألتهم عن الجواز وكلولي لازم تطلع للطفل جواز جديد ..!
-
اخوية اذا انتة ببغداد واللي خلقك واللي جمعنة بغير ميعاد هنا مايخلوك ربعنة تدخل باب المطار اذا ماعند ابنك جواز سفر بي وهاي بقت بكيفك
ابو سارة
-
اني ابني عمره 3 اشهر سويتلا جواز والمحلف شاف الجواز وتاكد منه بلمقابله
علما اني مقدمه من بغداد