ankawa
منتدى الهجرة واللجوء => الهجرة و واللاجئين => الموضوع حرر بواسطة: kunda في 13:00 16/08/2010
-
السلام عليكم شلع ... بداية احب اوجه الشكر الجزيل لهذا المنتدى الرائع واللي صار صاحب فضل علينا كلنا هذا المنتدى اللي خلاني اتعرف بصديق عزيز جدا هو الاخ (فنجنزو)اقدملة تحية كبيرة لانه ساعدني على التعرف على مكان المقابلة .
حسب ماتعرفون اخوان انه اكو ارشادات يدزوها مع الايميل لكن كلشي ما تفهم ..(نصيحة اولى )اخذوا وياكم ماء بارد لانه المي اللي هناك ماينجرع ابد لانه مال بوري بس يحطولة كميةكبيرة من المعقمات.
اخواني بعد تجاوز كذا حاجز للتفتيش بضمنها (كلاب بوليسية)وصلنا اخيرا لمنطقة الانتظار (نصيحة ثانية )حاولوا ان توقتوا حضوركم بحسب الموعد الكتوب بالايميل مو اكثر بهوايا لانه تنسمطووووون من الحر بعدين اجت الموظفة مال اي او ام واخذتنا مشي للمقر واللي هو قريب نوعا ما ويااخواني بحسب الاحصائية اللي سويتها بدماغي عن عدد الناس اللي تقابل في اليوم الواحد صدقوني من 250 الى 300 شخص (نصيحة ثالثة)اذا حسيتم بالضوجة لاتفترون بعيد عن الموقع لان تعرضون نفسكم لمشاكل جبيرة مثل ماصار ويا اثنين تعبانين ههههه(نصيحة رابعة)شلون ماجان الشخص اليقابلك حافظ على هدوء اعصابك ورباطة جأشك وتذكر انه (لو كان لديك عند النذل حاجة قل له ياسيدي) لان اني الشخص القابلني واحد فلسطيني نذل وحقير وسخيف وسفيه وماعندة كل ثقافة ويستهزيء بالناس وكلب ابن 16 كلب واسلوبة مال ولد الشارع (الزعران)مال الاردن وفلسطين واني مستغرب ياربي شلون مشغلين هيجي واحد بهيجي مكان وكذا مرة زوجتي كالتلي نكوللهم ان يغيرولنا اياه بس اني و(بمعجزة)حافظت على هدوءي ولزمت نفسي واستمريت وياه..
ملاحظة :شوفوا الشي العجيب ماشالله كل هالمشتركين بموقع عنكاوا للهجرة وبيوم المقابلة الناس افواجا افواجا كاعدين وكمت اني بنصهم وخطبت بعلو صوتي ((اخوااان اكو احد بيكم مشترك بموقع عنكاوا للهجرة))؟! وخيم صمت مطبق على الحضور ونظروا الي باستغراب ولسان حالهم يقول ((اشبيه هذا مخبل؟؟))ولا واحد من موقع عنكاوا ولالالالاواحد تصوروا اشكد ناس دتهج من هالعراق وماندري احنا بيهم
تحياتي كوندا العنكاوي
-
الف مبروك اخوية العزيز اتمامك للمقابلة الاولى --- وبداية المشوار الى امريكا يبدا بالمقابلة الاولى
ههههههههههههههههههه ضحكتني والله من كلت منو مشترك ب عنكاوا ---- طبعا هي بالفعل اكو كومة اصدقاء الي ومقدمين عالبرنامج وسافروا ودينتظرون مثلنة بس ولا واحد يعرف بالمنتدى يعني هذا دليل اكو ناس هواية دتسافر مثل ماتفضلت واحنا مندري باعدادهم --- اذن منقيس بس علينة --- التفاتة حلوة منك
تحياتي ومبروك مرة اخرى
-
اهلا اخوية العزيز كوندا
الف الف الف مبروك اجتازيت المقابلة الاولى والحمد لله انها عدت على خير ان شاء الله
كوندا ;D هاي مقابلة لو انتقام أمبينة الشغلة انتظااار طويل وتكول حارة يعني اكو قاعة مال انتظار بيها تكييف ام لا؟
حبيت اسالك اخوية كوندا من وصل وقت مقابلتك شلون دخلوكم سرة لو عندهم نظام ماشين عليه باختيار الشخص الي يردون يقابلوه ؟
الله يساعدك على الشخص الي قابلكم بس زين سويت احسنت من لزمت اعصابك لانه هي مجرد وقت ويخلص الواحد يكضيه شلون ما كان
كم استغرقت المقابلة مالتكم اخوية من البداية لحد مطلعتوا ؟
ان شاء الله يرزقنا رب العالمين بمقابلة ويرزق الجميع آمين يارب العالمين
أختك أمنية
-
Thanks for the info Kunda, and good luck
Nadia
-
مرحبا للجميع
الاخت ساندرا او امنية ممكن اجاوب من بعد اذن اخونه كوندا
اني قابلت الاولى يوم 26/5/2010 اعرف الاشياء الي صادفتني بذاك الوكت يجوز هسى اتغيرت الله اعلم
جواب سؤالج الاول هو = موجودة غرفة حوالي 4*5 مكيفة تستوعب حوالي 25 نفر والمزعج بالامر اذا كانو اطفال متواجدين ووياها انتظار راح الواحد ينزعج كلش..
تنويه: هاي الغرفة مجهزة للاطفال بشكل خاص وللكبار بشكل عام
والموضوع مو شغلة سرة انما على رقم القضية وشكد الواحد كدامة ناس كاعدة اتقابل
ووقت المقابلة تعتمد من شخص الى شخص.. اني موعدي كان 11 الصبح وقابلت 4 العصر تخيلي شكد انتظرت يعني باكيت جكاير مخلص هههههههههه
ارجو ان نقلت الصورة واضحة ليستفاد منها الجميع
تحياتي وتمنياتي للكل بالموفقية وشكو واحد عراقي طيب ان شاء الله يطلع ويخلص اميييين
16/8/2010
-
أخوية الورد core2012
ومن رخصة اخونة كوندا اود ان اشكرك على مساعدتك لي ولكل الاخوة المنتظرين مقابلة اولى ويارب يفرجها عليك وعلينا وعلى اخونة كوندا وعلى الكل بحق هذا الشهر الفضيل
بس حبيت أسألك واسال الاخ كوندا ومثل ما قال اخوية كوندا ان وقت الوصول للمكان يحدد بالايميل قبل هذا الوقت بكم تقريبا لازم يكون الشخص متواجد هناك ؟
والله يســـــــــــــــهل للجميع
-
اخويا العزيز kunda
شكرا لملاحظاتك
اني اللي قابلتنا بنت كلش حبابة يعني وردة واعتقد هي مصرية . كثير اقدرها لشجاعتها واصرارها على المساعدة
تحياتي ودعائي لها ولك وللجميع
-
مبروك اخوية كوندا على المقابلة و ان شاء الله يوم السفر حبيبي كوندا تعال تعال اشرحلنا احجيلنا شو جانت طبيعة الاسئلة , شكد طولت بالمقابلة .... يالة ننتظرك
-
الف شكر لكل الاخوة والاخوات اللي شاركوا بالردود وراح احاول اجاوب الاخت ساندرا ولو اكو جماعة جاوبوا همينة ماقصروا
عيني الافضل الوصول قبل الموعد المكتوب بالايميل بفد نص ساعة مو اكثر لان خلي ننطي ربع ساعة تفتيش . الموظف راح يجي وبأيده قوائم راح يفرز الناس منو مقابلة اولى ومنو ثانية ويطلع القوائم العنده ويسأل شنو اسمك ويشوف اذا موجود راح يفوتك وياه اول شي ياخذلكم صور ويكوللكم انتظروا في قاعة الانتظار واللي هي تقريبا 5في 4 متر اذا مو اقل وبيها سبالت اثنين وكراسي بالثلاثين كرسي بس راح تتفاجئون انه الناس الكاعد برة بالشمس اكبر من هالعدد بهواااااية .بالنسبة للمقابلة حسب ماافتهمت هي تنقسم الى قسمين وبيناتهم استراحة القسم الاول هو معلومات عامة عن الشخص والقسم الثاني عن اسباب طلبه الهجرة(يعني القصة)بصراحة اللي لاحظتة انه كل الموظفين ناس طيبين والابتسامة على وجههم وفرحانين بشغلهم اللي يخدم الانسانية ومتساهلين الى ابعد الحدود فيما عدا هذا الشخص اللي قابلني واثناء الاستراحة بين القسم الاول والثاني من المقابلة جان اكو كم واحد من الديسوون مقابلة ثانية كالولي الله يساعدك اذا هذا (الحقير)الفلسطيني ديقابلك بس مشكوريين نصحوني ان ابقى متماسك وما افقد اعصابي وياه لانه وحسب ماكالو(وهذا مما خلاني شوية ريلاكس)انه قرار القبول مو يمه ومااعرف هو هذا ليش حاقد على العراقيين لاعاجبة المسيحي ولا الشيعي ويستهزيء بالكردي ويكعد يخيط ويخربط وهو عود ديقابلني وطبعا ثقافتة على كده حييييل (متواضعة) اني اكرر طلبي من الناس اللي احتمال يقابلون هذا الشخص هو شوية ((سمين وبذيء جدا وميزين لحيتة وشواربة وعيونة خضر)) اطلب منكم مثل ماطلبوا مني القبلي لاتهتمون بيه وخلي يخربط بكيفة كملوا مقابلتكم بخير وسلامة
فيما عدا ذلك الوضعية كانت جيدة والحمدلله
-
هههههههههههه والله ضحكتني وبجيتني بنفس الوقت المهم شد حيلك والله يعينك ومابقة شي يلا حبيبي هانت والله يسهلها عليكم
-
اخوية Kunda
لاتكولي هذا الابيض السمين الكصير اللي يلبس قميص احمر سادة ويدخن جكاير كل شوية --- اذا هذا فاحب اكولك هو نفس الشخص اللي قابلني بالاولى بس للامانة جان كلش حباب ومؤدب --- يجوز اكو غير واحد عدا هذا بنفس المواصفات بعد مااعرف !!!! والغرفة مالتة تصير ثاني وحدة عالجهة اليسرة !!!
-
السلام عليكم اخ كوندا
الحمد لله تمت المقابلة الاولى على خير ولو بيهة بعض الازعاجات بس ميخالف انت عقلك كبير وتصرفت التصرف اللائق بشخص مثقف جاي لاجل مهمة يخلصهة ويطلع والله يجازيه لهذا الموظف الحاقد
يلة عزيزي ابدي تهيأ للمقابلة مع المحلفين لان المقابلة الاولى تهون عن المحلفين لان هية المصيرية وبعدها كلشي يتحدد
ان شاء الله تقابل باسرع وقت وتمشي قضيتك بمسارها الصحيح وبدووووووون تاخير يارب
واهم شي ان تدون كل ماكلتة بالمقابلة الاولى حتى لتنسة وان شاء الله ربي يسهل امرك وامر كل العرا قيين الصابرين المظلومين وربي عالحاقد والظالم بالمرصاد
-
والله اني الي قابلني احد اسمه تيمور فلسطيني مدري اردني هم ابيض وشوية سمين بس وردة مال الله يعني تحطة على الجرح يطيب
-
يلة عزيزي ابدي تهيأ للمقابلة مع المحلفين لان المقابلة الاولى تهون عن المحلفين لان هية المصيرية وبعدها كلشي يتحدد
مرحبا اختي العزيزة داليا ترة خوفتيني من هسه :o :o >:( شلون بيا ؟! يعني شلون راح تكون المقابلة الثانية وشنو طبيعة الاسئلة وهل راح يكون الشخص القابلني موجود بيها ؟؟زين اني شنو احفظ هو اصلا ماكان مهتم باجاباتي بس لازم الموبايل ويحجي ويا صاحبتة ويتمضحك يعني من المستحيل ان يقدر يركز ويايا ويسجل جوابي !!!!فشلون ؟؟؟ممكن شوية توضيح اللي يعرف شي عن مقابلة المحلفين وعلاقتها بالمقابلة الاولى؟خاصة اذا المقابلة الاولى كانت تعبانة حيل؟
-
عزيزي كوندا السلام عليكم
اخي لشيل هم تره المقابله الثانيه اسهل من الاولى بس ركز على اسئلة المحلف وللي يريده منك لا تزيد ولا تنقص
واسئلة المحلف من ضمن اسئلة المقابله الاولى وليس من الضرورى ان يسالك كل ما جاوبت عليه في المقابله الاولى
بالاضافه يستخرج اساءله من اجوبتك فلا ترتبك وتخاف وتوكل على الله لان المحلف جاي اريد يساعدك وكل المحلفين طيبين وحبابين
نساء ورجال اعتقد وصلت الفكره
بالتوفيق
-
اخوية العزيز مبروك وانشاء الله يوم التصعد بالطيارة وكبل لامريكا
اما بشان الي قابلك....................................... اللهم اني صائم
اما بالنسبة للعراقي اليريد يفرح بشي فلازم تطلعلة عرويجة عادي ولا تهتم
ومبروك مرة ثانية
-
مبروك اخي كوندا المهم خلصت من اول مقابله وان شاء الله يجيك الفحص الطبي عن قريب
وراها مقابلة المحلفين وتخلص ان شاء الله
المقابله الثانيه هي الاهم لكن مو اصعب بالعكس هسه اتشوفها هوايه اسهل مجدر تجييك على اقوالك
وياربي يفضها ان شاء الله على خير
-
الف مبروك اخوية العزيزعلى المقابلة الاولى وان شاء الله عن قريب تقابل المحلفين ولا تخاف صاحبك الي قابلك مقابلة اولى مراح يكون موجود فقط المحلف او المحلفة والمترجم وبالنسبة للاسئلة مع المحلف اسئلة روتينية والاجابة عن اغلبها بنعم او لا اهم شي مثل ما كالتلك الاخت داليا تتدون الي كلته اليوم وتراجعه قبل المقابلة الثانية تحياتي الك اخوية واي استفسار اخر اني حاضرة
-
مبروك اخي كوندا انشاءلله ربي يسهل امورك ويوم تبشرنا بموعد سفرك
وانشاءلله لجميع الاخوة والاخوات المنتظرين التوفيق والسفر القريب
-
اخ كندة الله يساعدك وتهانينا طبعا
اني قابلت قبلك بشهرين
بس ترة اللي اعرفة انه شادي (الفلسطيني)خوش وليد
tommy
-
congratulation
-
الف مبروك اخي كوندا واتمنالك الموفقيه وان شاء الله السفر القريب بس الزم اعصابك بالمقابله الجايه خاف يجيك واحد سعودي لو كويتي هههه دمت بخير فائق التحيات
-
كوندا الوردة.
اليوم طلعت بشغله داخل عين كاوه شفت واحد جماعته جانو ديحجون وياه بصوت نوع ما عالي ديكولوله ها شلون جانت المقابله يمته رجعت من بغداد ..كلت ابالي بس لا هو هذا اخويه كوندا هههههههههههههههههههه. من وصلت قريب منه كلت (كوندا) بصوت ناصي بس مندار عليه كلت لا مو هو ههههههههههههههههههه .حبي ان شاء الله اتم على خير و سلامه كل مقابلاتك.
تحياتي.
ارمنيان
-
مشكوريين على الردود شباب اخوية تومي والله مااعرف شنو اسمة هذا الفلسطيني جماعة كالو تيمور وانت تكول شادي وجماعة على الخاص كالو اسمه عمار فمدااعرف منو هو بالضبط بس اتذكر شكلة (شوية مليان وابيضاني وعيونة خضر او زرق المهم ملونة ::) وتارك لحية وشوارب بدون زيان لفترة طويلة وكضاها جكاير وموبايل هاي مواصفاتة بس اسمه مااعرفة)
أخوية وصديقي ارمينيان.
..لامو اني جنت اكيد بس انت عندك رقمي ليش ماخابرتني احسن للتأكد؟! ;) وصدقني الناس اللي شفتهم قابلوا ويايا يقدر عددهم بال250 شخص او اكثر بس ملاحظة مهمه وهي انه بس اثنين جانوا مقابلة اولى فقط هذا يدل على انه ديمشون الملفات القديمة حتى يخلصون منها يالله يبلشون بالجديدة وبما انه هذا العدد الجبير ديقابل يومية فمعناها اكيد اكو من جميع محافظات العراق ناس اتقابل وبالتوفيق للجميع
-
اخي العزيز كوندا اني موقصدي اخوفك حشاك
اني بس ردت انبهك ان تحتفظ ببعض التفاصيل الصغيرة لقضيتك كالتواريخ وبعض المعلومات المهمة اللي اكيد راح يركز عليهة المحلف وترا المحلف مثلة مثلك هم انسان واني اختك تعاملت وية المحلفة اللي قابلتني بكل برود اعصاب بس كنت مركزة على تفاصيل بالفعل هي سالتني عليهة هذا بس اللي حبيت انبهك عليه لان اقل شي هسة يجيك موعد المقابلة الثانية فد شهرين بعد وتكون ناسي بعض الاشياء فالاحسن دونهة شخسران انتة متكلي
تحياتي الك ومبروك اجتياز الحاجز الاول للهجرة واللجوء وان شاء الله تكمل طريقك الى بلد الاحلام باقرب وقت وتبشرنة
-
شكرا للجميع
وممنون منج اخت داليا على التوضيح
-
[الف مبروك اخونا كوندا وان شاء بالموفقية ويوم اللي تبشرنا على موعد السفر
واتمنى من الله ان يسهل لكافة الاخوة في المنتدى
-
الف مبروك اخويه Kunda اتمنالك الموفقية ...
بس ملاحظة صغيرة تفيدك بمقابلتك مال المحلفين وهي حاول انه تكتب الحجي الي كلته بالمقابله الاولى
والاسئله الي سألوها الك وانت شجاوبتهم حتى لو تفاصيل صغيرة لان هذا الشي جدا مهم بمقابلتك الثانيه
لان راح يطابقون الكلام الي كلته بالمقابله الاولى ويه الكلام الي راح تكوله بمقابلتك الثانيه والمصداقيه بالكلام
جدا مهمة الهم لاتخاذ القرار بقضينك..ولتقلق مقابلة المحلفين بسيطة وسهلة جدا ..وبالتوفيق انشاء الله...
تحياتي
Linda
-
الف مبروك اخ وكوندا على المقابله الاولى بالموفقيه اخويه ويارب يوم السفر باسرع وقت الله ايسهل امرك وعاشت ايديك على تجاوز الشخص الي ذكرته بالموفقيه
-
شكرا اخونا العزيز على التفاصيل والنصائح والله يكون بالعون عن السفر الى بغداد والرجعة يعني انشاالله ميضيع تعبك قادر ياكريم
-
مشكورييييييين يا طيبين