منتدى الهجرة واللجوء => الهجرة و واللاجئين => الموضوع حرر بواسطة: zeeta في 19:49 17/08/2010
العنوان: رحبا اني بعمان وانهبت من كل شي ساعدوني ودلوني رجاء
أرسل بواسطة: zeeta في 19:49 17/08/2010
السلام عليكم اخواني اني بعمان وراح اتخبل من المصرف والاقامة والتقديم ومدارس الاولاد الحكومية الله يخليكم ساعدوني الرجاء دلوني على اولا افضل مكان اجر بي ورخيص وبي كل الخدمات اللي تساعدني بدون تكسي ونهب الفلوس وثانيا المدارس الحكومية شوكت تبدي واحسنها باي منطقة وتكون قريبة من مكان الايجار اللي راح تساعدوني بايجاده لان اني هسه كاعد بيت اخويه موقتا رجاء ساعدوني عمان حيل غالية ومداكدر اتدبرها وصارلي اقل من اسبوع ؟؟؟؟؟؟؟؟؟؟؟؟؟؟ :'( :'( :'( :'( :'( :'( واني هسه من مقهى نت داكتب وانتظر فد يومين اشوف مساعتكم الي وشكرا والله يوفقكم ويوفق الجميع والله يساعدكم على هاي العيشة اللي تخبل الواحد
العنوان: رد: رحبا اني بعمان وانهبت من كل شي ساعدوني ودلوني رجاء
أرسل بواسطة: درة العراقية في 19:59 17/08/2010
هلة حبيبتي الحمد لله على السلامة بالنسبة للايجارات شي اكيد غالية بس حسب المنطقة انتي روحي دوري بجبل الحسين او الهاشمي الشمالي انشاء الله هناك تلكين شقة تكفيج انتي والاولاد الله يحفضهم ويكون الايجار معقول واي شي تحتاجين اني حاضرة
العنوان: رد: رحبا اني بعمان وانهبت من كل شي ساعدوني ودلوني رجاء
أرسل بواسطة: hussam2010 في 20:31 17/08/2010
الايجارات بعمان الشرقية ما تتعدى عن 250 دينار واذا بالغربية اقل شي بـ 250 دينار وتلكا بهذا السعر في الكاردنز وصويليح وجبيها اني ربي يسهلها عليكم والدوام المدارس الحكومية تبدي بعد رمضان
العنوان: رد: رحبا اني بعمان وانهبت من كل شي ساعدوني ودلوني رجاء
أرسل بواسطة: بغداد بقلبي في 00:51 18/08/2010
السلام عليكم اخي او اختي المحترم صاحب الموضوع بالنسبه للسكن ممكن انك تستعمل جريدة الوسيط هاي الجريده بيها اعلانات لبيوت معروضه للايجار انته اتصل على الاعلان المكتوب بيه من المالك مباشره لان الباقيات تكون مكاتب سكن عارضتها وعن طريق المكتب لازم تدف ياما 10 او 20 دينار ياخذوك ايشفوك السكن واذا ما عجبك ايظلون كل ما ايصير عندهم يتصلون بيك ويمكن لمدة شهر طبعا اغلب العراقيين الي اياجرون بيوت تكون عن طريق المعارف هم عراقيين ممكن اتاجرون سكن بجبل الحسين منطقه اشويه زينه وايجاراتها معقوله وطبعا اكو شقق فارغه واكو مفروشه اما بالنسبه للمدارس فلا تقلق كل منطقه بيها مدارس بس ما انصحك ان تسكن باماكن تعبانه علمود فرق الايجار لان بيها مشاكل وما راح ترتاح ابدا اني كنت بالاردن سبع سنين واعرفها كلش زين عيني الطريق الي بعمان للبحث عن السكن هي الوسيط والطريقه الاخرى اتوصي الناس الي ممكن ان اتصادفهم من العراقيين طبعا ما بيها شيء وانته وتمشي اي سوبر ماركت باوع على الجام خانه مالته اكو بيهم ناس تكتب اعلان مال سكن يم البقلات وبالموفقيه والله ايسهل امرك وانته ساكن يم اخوك خلي اخوك هم يسالك الناس الي يعرفهم لانه اقدم منك واني لو بالاردن كان جيتك ورحنا دورنا لاتهتم الاردن بيها عراقيين اهواي ولد حلال طبعا بالنسبه لجريدة الوسيط هاي تنزل يوم الجمعه بعمان الغربيه والسبت توصل لعمان الشرقيه وتكون مجانيه وتوزيعها ايتم بابواب الشقق والمحلات وين متروح تلكاها والحصول عليها سهل
العنوان: رد: رحبا اني بعمان وانهبت من كل شي ساعدوني ودلوني رجاء
أرسل بواسطة: azizaliraqi في 01:36 18/08/2010
السلام عليكم
اختي روحي لمنطقة الهاشمي الشمالي وبيها اكثر من حي سكني
بس احسن حي هوه حي الزهراء جدا نظيف ومرتب ورخيص حي الزغاتيت ارخص من الزهراء واكو منطقة التطوير الحضري على طريق الزرقاء يمكن مامتاكد كلش
وانشالله ربي يسهل امرج
تحياتي
العنوان: رد: رحبا اني بعمان وانهبت من كل شي ساعدوني ودلوني رجاء
أرسل بواسطة: ريم عبد في 01:37 18/08/2010
اخي انت هسه رحت لعمان بوكت الموسم الصيفي وطبعا الاسعار تشتعل نار بهيج وقت لو منتضر بعد العيد شويه ترجع اسعار الايجارات للنصف وحتى اسعار االبضائع هم على رمضان تصعد عادة العراقيين تلكيهم بالجاردنز واذا ادور مناطق رخيصه باتجاه جبيهه وصويلح تلكي اسعار مناسبه وشقق نظيفه واذا سجلت اولادك بالمدرسه اتحصل على اقامه وبالتدريج راح تتعلم على المصرف مالت عمان واتسيطر على مصروفك واذا صار عندك شقه وتاكلون بالبيت وسيطرت على المصرف يطلع ارخص من بغداد
العنوان: رد: رحبا اني بعمان وانهبت من كل شي ساعدوني ودلوني رجاء
أرسل بواسطة: النسيم المهاجر في 02:00 18/08/2010
[السلام عليكم
عمان الشرقيه الايجارات ارخص بكثير يعني مثلا ماركا الشماليه او الهاشمي الشمالي او جبل الحسين او ماركا الجنوبيه او التطوير الحضري يعني حتى اكو شقق ب 100 دينار فارغه ( يعني الايجارات ارخص من بغداد ) بالنسبه للمصاريف صدكني اني اشوفها ارخص من بغداد بالف مرة يعني اللحم مثلا ببغداد واصل 18000 حسب ماسمعت هنا اللحم ( مو البلدي ) ب 5 دنانير ونضيف وتاكل وانته مطمئن لانه ماشاء الله متابعه مستمرة ورقابه وصحه وكلش حريصين من هالنواحي ال18000 يعني تصير 9 دنانير اردني اوكي طبقه البيض 2 دينار شنو يمكن ارخص الكهرباء كل الشهر تجي اكثر شي 12 دينار ( طبعا لازم تعرف شون تتصرف بيها يعني مو ماتدير بال وتريد تجيك قائمه قليله ) يعني ارخص من مولدات بغداد وتعيقل ابو المولدة ماعدا الواير انكطع او الجوزة كامت اووووووووووووو وشكد غالي وياريت 24 ساعه هنا 24 ساعهههههههههههههههههههه والحمد لله الماي كل 3 اشهر تجي اكثر شي 8 دنانير يعني مدعومه والحمد لله وانشاء الله يجي يوم وتعرف انو اذا تدير بالك تكدر تشوفها ارخص واحسن بكثير من بغداد .
والتوفيق للجميع
النسيم الجاثم بسبب الامنيه r]
العنوان: رد: رحبا اني بعمان وانهبت من كل شي ساعدوني ودلوني رجاء
أرسل بواسطة: احمد عباس في 12:38 18/08/2010
مثل مكلولك الشباب على المناطق بس انصحك نصيحه من اخ الاخو دير بالك تروح على مكتب عقارات حتى يدورلك شقه لان راح يكلك اكو شقه تخبل تموت 3 غرف ارضيه بيها حديقه وكراج اثاث فاخر وبعبدون وبييييش ؟ ب100 ( طبعاَ) هوه المقصود انو جذابين يكلك شقه زينه ورخيصه بس ماشوفها الك اله تدفع 10 دنانير وتوقع على ورقه تدفع مادري شكد بالميه من ايجار الشهر الاول
تطي وتوقع يوديك طبعاً التكاسي عليك يوديك لشقه تلعب النفس يابه انت مو كتلي على شقه ثانيه وزينه يكلك اييييي بس دشوف هاااي اول تكله لا ماريد يكلك زين يوديك غيرها نفس الشي يابه الي كتلي عليها وينها يكلك زين خلي اخابر الحارس مالتها يخابر المصري الي يشتغل بمكتبه هيج للجذب يابه دنريد نجي على هاي الشقه على اساس هوه حارس العماره يكله تاجرت يندار عليك الدلال يابه هاي تاجرت بس اشوفلك غيرها
وبالمناسبه الدلال يفتر بالفروع حاله حالك يدور شقق
اني انصدك توصي حراس العمارات هذوله بلوه سوده انت بالكاردنز توصي على شق بجبل الحسين يلكيلك واحد يعرف الثاني
العنوان: رد: رحبا اني بعمان وانهبت من كل شي ساعدوني ودلوني رجاء
أرسل بواسطة: ديفيد بغداد في 13:23 18/08/2010
اخوية مثل ماكالولك الاخوان عمان بيه شغلات ارخص من بغداد خاصة الاجارات و الخضراوات و التكسيات و الكهرباء و المطاعم و اكو شغلات اشوية اغلة مثل المواد التمونية و المدارس و الادوية بس تكدر تحصل على دعم من اليو ان و السكن افضل شي من ناحية المنطقة اعتقد جبل الحسين لان هي تعتبر منطقة جيدة و نفس الوقت زينة و الشقق تتحصل شقة فارغة مو بالموسم ب 200 بالشهر و هم اقل و هم هي بنص السوك و شماتريد بية من الخضرة للملابس لاي شي كلة قريبة عليك و اللة اسهلك انشاللة
العنوان: رد: رحبا اني بعمان وانهبت من كل شي ساعدوني ودلوني رجاء
أرسل بواسطة: اريد وطن في 17:53 18/08/2010
اخونا العزيز
اني كنت والف الحمد لله من سكان عمان لمده 20 سنه عشرون عام بالمناسبه اني حاليا بكندا واليوم نسمع خبر سفرك وخروجك من الدول العربيه
اخويه بالنسبه للسكن افضل شي انته تدور بنفسك ومثل منصحوك اخوان طبعن المناطق صويلح و ماركه و جاردنز او الاشرفيه او جبل الحسين المدينه الرياضيه و ضاحيه الرشيد اخويه تروح تتمشى بالمنطقه وعلى الاسواق تشوف اعلانات وكذالك اعلانات على الشقق وطبعن حاول تسال الحراس وتواعدهم تطيهم اكراميه حاله لكولك شقه تعجبك واخويه نصيحه دير بالك دير بالك من الدلالين ترى نصابيين وحراميه بشكل قانوني
اخويه بالنسبه للمصرف ترى عمان مو غاليه وتداعتك اني هسى بكندا اترحم على مصرف عمان طبعن اكيد اكو فرق بالدخل
واخويه لاتنقهر اذا شويه بالاول يقفصون عليك الاردنيه عادي هذا بطبعهم وصارت بكل دول العالم العربي بس بالغرب ماكو هيج قفاصه على الغريب والسائح عكس دولنا العربيه
اتمنى قريبا نلااك مسافر وتخلص من العالم العربي كله كول امين بحق هذا الشهر
اريد وطن
اخويه بالنسبه للتكسيات بعمان اول متطلع انتبه على العداد اذا ممشغله كله نزلني او اتفق مسبقا وافضل شي تكسي المميز الرصاصي وخلي بالك من الجاردنز الى مكه مول ميجاوز دينار ونصف ومن ماركه الى الجاردنز تقريبا دينارين طبعن العداد هو افضل شي ويوجد سرفيس وهذا ممتاز ورخيص اذا كنت طالع وحدك مو العائله كلها يصير التكسي ارخص اخويه الخضروات والدجاج والمسواك مو غالي طبعن اشتري من السيفوي سي تاون مو الاسواق يم السكن مثل الجاردنز او المناطق الغاليه تكون هذه المحلات السوبرماركت غاليه شويه يعني بالنسبه للخضروات والدجاج والامور التموينيه تكون شويه غاليه
بالنسبه المدارس والله ماعندي علم بيها مجان عندي اطفال بالمدارس بس اليعرفه الحكوميه موجوده هوايه وافضل منطقه هي المدينه الرياضيه
العنوان: رد: رحبا اني بعمان وانهبت من كل شي ساعدوني ودلوني رجاء
أرسل بواسطة: ilkorabe في 01:58 19/08/2010