ankawa
منتدى الهجرة واللجوء => الهجرة و واللاجئين => الموضوع حرر بواسطة: like moon في 12:01 18/08/2010
-
السلام عليكم
شلون الصحه
والله حتى مداعرف شلون داكتب من قهري
قبل شويه فتحت الايميل ولكيت جايلنا ايميل الي افتهمته منهم انو تأجيل
مع انو احنه دزولنا ايميلات انو احنه على جدول السفر وفهمونه انو امنياتنا طالعه
ووره هذا كوله اجتلي هالرسال
The Baghdad Info Center writes to inform you that a final decision about your case has not yet been made. Your case has been deferred by U.S. Citizenship and Immigration Services (USCIS) for the reason indicated in the attached letter.
Please understand that this deferral does not mean that your case has been denied. Decision deferrals indicate that further review of your eligibility for refugee resettlement in the United States is necessary.
Your case will continue to be processed. When there are updates on your case, and a final decision is made, you will be notified. It is not possible to estimate how long this will take.
You will find a scanned copy of your decision deferral letter attached to this email.
It is very important that your reply to this email (do not send a new, separate email) to confirm that you have received this email and the attached letter.
We can not proceed with your case until we have received a reply from you. When you reply please write the following:
“I confirm that I have received this email and the attached decision letter for my refugee case with the United States Refugee Admissions Program.”
Please write your name at the end of your reply.
After we receive your reply, we can proceed with your case.
Please note that if your case is approved you do not have an option about when you can depart or delaying your case for any reason.
Once you receive a date for departure, you must make plans to depart Iraq for the United States on the assigned date.
Best Regards,
Baghdad Info Center
الي يعرف انو الها غير معنى يكولي
لان الي افتهمته انو تأجيل
:'( :'( :'( :'( :'(
-
ها وبالمناسبه بالرساله المرفقه مأشرين على مربع وهذا نصه
further review for your eligibility for refugee resettlement in the united states
وهاي ترجمتهه
مزيد من المراجعة لأهليتك لإعادة توطين اللاجئين في الولايات المتحدة
-
اي نعم هذا يعني موافقة محلف وانتي هسة بالتجييك الامني ---- نكول الحمد لله والشكر لان المحلف موافق عليكم
لاتنسين انه تردين عليهم مثل مطالبين منج علمود يمشون بالقضية مالتج
مبروك وماكو داعي للاحباط
تحياتي
-
يمعود كول يا الله
ترة 90% من الي مسافرين يمكن جايهم هذا التاشير وكلش عادي
المحلفين الحمد لله موافقيين والموافقة الامنية بعدها مصادرة ولان تاخرت ميخلوك بلةجواب دزولك هل الرسالة وانشاء الله فترة وتجيك تهلهل
تعوذ من الشيطان واصبر
لعد اني شكول ??? ??? ???
-
سلام عليكم
اليوم فتحت الأيميل وجايتني رسالة بيها رد المحلف ومأشر على حقل التاجيل علما"اني استلمت من قبل رسالة انهم مخليني على جدولة السفر نفس حالة like moonواعتقد ان هذا شيئ طبيعي لان المحلف بيوم المقابلة ينطي قرار تأجيل واذا تلاحظ الأخت العزيزة likemoon ان الورقة موقعة بتأريخ 13/5/2010 معناها بيوم المقابلة ، والرسالة الي اجت اليوم ما بيها اي شيء جديد عن حالة الكيس لان بيها توقيع المحلف بتأريخ 13/5/2010 وهذا نص الرسالة مع 2 فايل مرفق مع الرسالة والي هيه قرار التأجيل ودليل هجرة الي اجت ،،،،،الأخت likemoon اتمنى منها الرد اذا اجتها نفس الرسالة وكذلك الأخ ابو جنة واي واحد من الأخوة اصحاب الخبرة ممكن يفيدنا بشيئ والي سافروا وهمة هسه بامريكا
""""Notice of Decision Deferral for Case ……
PA Name………………………
Dear Sir/Ma’am,
The Baghdad Info Center writes to inform you that a final decision about your case has not yet been made. Your case has been deferred by U.S. Citizenship and Immigration Services (USCIS) for the reason indicated in the attached letter.
Please understand that this deferral does not mean that your case has been denied. Decision deferrals indicate that further review of your eligibility for refugee resettlement in the United States is necessary.
Your case will continue to be processed. When there are updates on your case, and a final decision is made, you will be notified. It is not possible to estimate how long this will take.
You will find a scanned copy of your decision deferral letter attached to this email.
It is very important that your reply to this email (do not send a new, separate email) to confirm that you have received this email and the attached letter.
We can not proceed with your case until we have received a reply from you. When you reply please write the following:
“I confirm that I have received this email and the attached decision letter for my refugee case with the United States Refugee Admissions Program.”
Please write your name at the end of your reply.
After we receive your reply, we can proceed with your case.
Please note that if your case is approved you do not have an option about when you can depart or delaying your case for any reason.
Once you receive a date for departure, you must make plans to depart Iraq for the United States on the assigned date.
Best Regards,
Baghdad Info Center"""
-
بالعكس اخي العزيز هاي اخبار جيدة وتأكيد بانه ملفك ماشي بالمسار الصحيح
بس انت اهم شي تسوي مثل ماكلولك وبسرعة لاتتأخر بالرد لان هذاالرد يؤخذ بنظر الاعتبار من قبلهم وهمه راح يوقفون العمل بقضيتك الى ان ان تبلغهم بالرد وبالعكس هذا ايميل جيد ومشجع مفاده انه تمت الموافقة عليكم من قبل المحلف والان تنتظرون الموافقة الامنية علما تطلع بس اهم شي تجاوب ايميلهم مثل ماطلبوا وتكتب الجملة اللي يريدوها منك وبسرعة
ملاحظة :اني عندي احساس بقضيتك وارجو ان تجاوبني اذا احساسي في محلة ام لاء
1- أحس انه عدد افرادك بالكيس عدد كبير صح لو غلط؟؟
2- أحس انك خادم عسكرية صح لو غلط ؟؟
أرجو الاجابة أخوك كوندا العنكاوي
-
الاخ العزيز
المحلف هو موظف في دائرة الهجرة الامريكية، والرسالة تكول انه الدائرة راح تأجل النظر بقضيتك للاسباب المرفقة ، وراح ينظرون بأهليتك حتى تكون لاجي عدهم.
ولازم تسوى reply على نفس رسالتهم مو رسالة جديدة وتكتب بيها المعلومات الي طالبيها لان بدون هاي الرسالة مراح تكدر الدائرة تابع سير معاملتك.
انته جايلك فقط تأجيل وراح يدرسون قضيتك مرة لخ، ان شاء الله تنقبل عن قريب.
اختك حبيبي بحار
-
السلام عليكم ...
اختي العزيزة خلي ب بالج انو انتي عبرتي المراحل الصعبة و بقالج شي سهل و ان شاء الله السفر بالقريب العاجل
-
بالضبط مثل ما كالت الاخت مينا
الاشكال صار يمهم
انه المفروض يدزولكم هذا الايميل قبل ما يدزولكم الايميل
اللي خلوكم بيه ع جدول السفر
بس صار تقديم وتاخير مو اكثر ,,,,,,وهذا هو الاحتمال الكبير
يبقى احتمال صغير
وهو انه ممكن الايميل اللي خلوكم بيه ع الجدول اجا بالغلط
وانه انتوا بعدكم بالتجييك الامني
اقترح تخابورهم احسسسسسسسسسسن
-
حبيبتي مثل القمر
هذا الايميل الي جايج عادة يرسل الى كل الي مقابلين محلفين وعادة يستغرق شهر او اقل واكثر شي 45 يوم
واحيانا اصلا ينسون ايدزوا
فانتي اجاج هذا الايميل متاخر واتوقع الموظف الي المفروض ايدزه من قبل اتاخر بارساله
هسه انتي عندج ايميل قبله كاتبيلج بي انه انتي على مواعيد السفر اتسويله فورورد وتستفسرين اذا انتي لازلتي على الجدول وشكت تتوقعون الموعد
وشوفي شنو راح ايكون جوابهم
وجوابهم يقطع الشك باليقين
فراح يجي وحده من هاي الاجوبه
انتي بالتجييك الامني
او انتي بالفاينل ستيج
او انتي على جدول السفر
حتى تطمنين من وضعج
-
الى الأخت العزيزة likemoon
سلام عليكم
احب اكلك ومثل ما اشرت في الموضوع الي انت منزلتة ان اني اجتني بالضبط نفس رسالتك اليوم. بس حبيت اكلك على شيء ثاني ما اعرف صار وياك او لا . انا بعد ما اجتني رسالة اليوم الي مثل رسالتك ضنيت ان هية جواب على رسالة ارسلتها الى IOM قبل 3 ايام . اليوم وبعد ما اجتني نفس رسالتك واشرت الها في ردي على موضوعك وفي موضوع آخر ، اجتني رسالة اخرى ردا" على رسالتي الي ارسلتها قبل 3 ايم، انتي تعرفين بالرسالة مالت جدولة السفر الي اجتني بالضبط 3/8/2010 ، وقبل 3 ايام كلت خلي اسوي ريبلي عللى الرسالة مال جدولة السفر اسالهم شوكت راح يتصلون بيه غلى مود موعد السفر وجاوبوني ريبلي على رسالتي انو معلوماتي اتحدثت وانهم الآن يشتغلون على مود يحطوني على جدول السفر وانهم حيتصلون بيه بالمستقبل القريب على مود يخبروني بتفاصيل السفر وهاي نص الرسالة الي اجتني"Dear Sir,
Thank you for your email.
Please note that your contact information has been updated
Please note that IOM is in the process of scheduling your departure to the United States . You will be contacted in the near future by an employee of the IOM regarding your departure details.
Please feel free to contact us for further inquiries.
Kind Regards,
IOM Info Center "
اذا تشوفين هذا معناه ان احنا لازم انجاوب على الرسالة الي ارسوها النا مالت جدولت السفر والي بيها ارقام الهواتف مالتنا ، ماعرف بعد انتي ارسلتي نفس السرالة هذي لو لا
حبيت بس اوضح شيء الك من باب المساعدة
تحياتي
-
اريد اوضح اكثر انو رسالة التاجيل يمكن مثل ما كالت الأخت ريم عبد لان الراسالة الي اجتني اليو م والي هية جواب على الرسالة الي ارسلتها قبل 3 ايام(الرسالة الي ارسلتها قبل 3 ايم كانت ريبلي على رسالة جدولة السفر الي اجتني يوم 3/8) تكول شكرا" لرسالتك وان معلوماتك حدثت وانو احنا نعمل على وضعك في جدول السفر وسوف يتصل بك موظف الهجرة الدولية بالمستقبل القريب بخصوص موعد السفر.
وتقبلوا تحياتي
-
الاخت مينا
مثل ما انت رديتي ومثل ما كتلك بردي السابق
واكدته الاخت ريم عبد
هذا الايميل اللي بيه اتاج المفروض يجيكم من البداية
بس همه اتاخروا بيه
بس يبقى السؤال المهم والمهم جدا
عادة الايميل اللي يجي بخصوص الوضع ع جدولة السفر
يحمل رقم الاي زت بالعنوان للشخص المعني ببالايميل
اذا كان الكيس بيه اي زت واحد ماكو اي مشكلة
لان معناه انه فهلا هذا الشخص خلوه ع جدول السفر
لكـــــــــــــــــــــــــــــن
اذا كان الكيس بيه عدة اي زت
فليس بالضرورة ان يخلوكم كلكم ع جدول السفر بايميل واحد
لان من الصعب ان تكمل امنيات الكل بنفس الفترة
فلذلك واللي اريد ابينه انه
اذا كان الكيس بيه عدة اي زت
فيجب ان يصل لكل اي زت ايميل خاص بيه يخلوه ع جدول السفر
ومو اذا اجا لواحد فقط معناه انه الكل اوكي
يجب انتظار الايميل للكل
حتى بعدها ياله ينطوكم موعد سفر
خصوصا اذا كان الربط بينكم ربط قوي ( يعني كايليلهم انريد انسافر سوية )
اما اذا كان الربط ضعيف فممكن اي واحد يسافر وما عليه بالبقية
تحياتي
-
اخوان اشكركم على اجوبتكم طمنتوني شويه
بس الي اريد افهمه الكم
انو اني اجالي ايميلين واحد لماما واللاخ الي نفس الشي
يعني مأجلين
وانتو دتكولون موافقه المحلف
اذا موافق شلون ينكتب بعد المحلف مماخذ قرار؟؟؟؟؟
والشغله الثانيه انو اختي ما اجالها هيج ايميل بعد
والي سال انو احنه نفرات هوايه : لا اخي
احنه 3 نفرات
اني وماما واختي بس
وماكو لا عسكريه ولاهم يحزنون
ولاعدنه سفر قبل
ولا شايفين اي دوله غير العراق
بس الي اريد افهمه الكم
انو اني اجالي تلفون قبل هالايميل وسالتهه عالامنيه وكالت انتي امنيتك طالعه
بس امك واختك بعدهم
باعتبار خلوني على جدول السفر
ووراهه اجه نفس الايميل لماما واختي الي هو الجدوله
وحبيبتي مينا نفس الايميل الي جايلج جايلي
والتأشيره الي بالورقه المرفق هو باخر مربع من الخيارات
والايميل الثاني الي كتبتي
اصلا جايلي قبل قرار المحلف من سالت وره 5 يوم من مقابله المحلف
يعني كل الي انكتب هنا من ايميلات نفسهه ماره عليه
ونفس هالايميل جاي لوحده كرايبنه من شهر 3 وليهسه ما اجالهه طيران ولا ايميل ولا شي
-
اخت لايك موووون
اللي افتهمته من كلامك انه انتوا 3 اشخاص بالكيس
وانت اجاك ايميل بالبداية وحدك خلوك ع جدول السفر
واتوقع اختك عمرها جوا ال21 وهيه مع والدتك بنفس الاي زت
لذلك اجا ايميل بيهم الاثنين سوية خلوهم ع الجدولة
لذلــــــــــــــك
اكلك ماكو لااحباط ولاغير شيء
انتوا حاليا كلكم ع الجدول وباقين فقط ع الموعدددددد
لكن المشكلة فقط هيه
انه ماكو فترة ثابتة بين تاريخ الايميل وتاريخ اعطاءكم موعد سفر
بس انتوا اطمئنوا بعد
شغلتكم منتهية وامنياتكم كاملة
وسفركم مسالة وقت مو اكثر
تحياتي
-
حبيبتي مثل القمر
هذا الايميل مالت الديفيرال
يعتبر موافقه مبدئيه مشروطه بالموافقه الامنيه
ولذلك انكول انه يعتبر موافقة المحلفين صادره ومؤجله لحين استكمال التجييك الامني
وسوي مثل مكتلج دزي استفسار على الايميل مال جدولة السفر وطلبي ابديت لمعلوماتك
وشوفي شنو ايجاوبوج
-
الله يسمع منك يا اخي طمنتني
وانشاء الله يكون مثل متكول
ووهسه واني اكتبلكم فتحت الايميل لكيت جاي قرار المحلف لاختي همين
وهسه جاوبت عليهم باعتبار كل وحده منه اجالهه وحد قرار المحلف
الله يطمن بالكم يا رب
-
انشاء الله حبيبتي ريم هسه ادزلهم قابل شخسرانه هع
مشكوره ورده ومقصرتي الله يطمن بالج يا رب
-
مبررررروك
وبالتوفيق ان شاءالله
-
اخويه العزيز
اني اجاني نفس الجواب بعد مقابلة المحلف بشهر ونفس هذا الايميل اللي اجاك انه قضيتنا تتطلب مراجعه اضافيه ....
بعد 4 اشهر اجاني ايميل من اي او ام انه اني مجدول للسفر وهسه احنا بامريكا ....
اني مريت بنفس الاحباط والضوجه بس ما اضيق العيش لو لا فسحة الامل فا نشالله يجيك الخبر اللي يفرحك بعدين باذن الله سبحانه .....
تحياتي
ابوبشير
-
لعد اموركم عدلة عيوني ماكو شي سهلة
-
الأخت العزيزة likemoon سوي مثل ماسويت ،انا سويت ريبلي للأيميل مالت جدولة السفر وأجاني الجواب بعد 3 ايام الي كتلك بيه والي هوة
Thank you for your email.
Please note that your contact information has been updated
Please note that IOM is in the process of scheduling your departure to the United States . You will be contacted in the near future by an employee of the IOM regarding your departure details.
Please feel free to contact us for further inquiries.
Kind Regards,
IOM Info Center
تحياتي
-
عيني لايك موون
نفس الايميل اجة لواحد صديقي وورة اسبوع انطوه موعد سفر وهسة هوة بهيوستن يسمع حسج يعني لا تخافين
-
الله يطمن بالكم يا رب
تسلمون طمنتوني والله
حبيبتي مينا اليوم راح ادز ريبلاي والله كريم
مشكورين عالمساعده متقصرون والله
-
عيني شموسه مخلص الحجي كله انتي ماعندج رفض ورده كل الي عليج انو اترتبين اموراتج ومن بعدها رح اتصبرين شويه مو هوايه حاولي ان اتسلين نفسج بغير اموور احسن مما اتكابلين الايميل وتنتضرين شي منهم ورده ابد لتديرين بال كلها اتصير سوالف وعيون شموسه
دزيلهم الربلاي وانتضري
تحياتي
-
مرحبا بنيتي
عمج اجاه نفس الرد و طبعا هم صرت نار و انفجرت
بس شنسوي كل الي قاسمة الله النا لازم نشوفه
-
مراخب عمو ابو جنه
نورت
الله كريم عمو انشاء الله خير يا رب
-
بشرونا ماكو جديد بالموضوع؟
-
لا والله ماكو اي جديد بعد
-
الاخ صاحب الموضوع السلام عليكم شوف الجماعة شغلتهم خربطة وبكيفهم احب احجيلك حالتي اني قابلت محلفين بشهر الثاني 2010 بغداد اوراها اجاني نفس التاشير مالتكم يعني التاجيل والجماعة كالو موافقة المحلف وراها اب 20 يوم اجاني رفض والسبب محد افتهمة لحد الان لانه كاتبين السبب انه اني مو معرض للتهديد والبلد الي اني بيه امن علما انه اني مشتغل مترجم اربع سنوات او عندي تقارير من الجيش الامريكي تثبت انه اني مهدد واني عايش با العراق ولا امسافر نهائيا شابف هيج خربطة المهم الله ايوفقكم ولا اتفكر خليهاعلى الله والتسهيل من رب العالمين بس لا اتدوخون ترى خربطة هواي
-
الاخ big_ez
يا اخي الله يساعدك
بس لا شغلتنه هم هيج
لان بصراحه احنه ممهددين بصوره مباشره
يله شنكدر نكول الي قاسمه الله النه يصير والله كريم
-
السلام على جميع الاخوه والاخوات اللي مشتركين بهذا الموضوع حاليا
انا مصيبتي تختلف عن الجميع لكن بالنهايه نفس النتيجه مالتكم اعلاه وهي تاجيل
لقد رفضوا اخواني الاثنين والسبب هو عدم قتاعة المحلف بالتهديد علما ان مقابلة المحلف كانت يوم 17 الشهر الخامس 2010 بعدها بكم يوم خابروني رايدين وصايه على اخوي اللي عمره 16 سنه وفريت العراق كله علمود وصايه وماصارت لان والديه لايزالون على قيد الحياة خابرتهم ودزيت رساله كلتلهم اشطبوا اخوي من القضيه وبقيت انا وعائلتي الصغيره مع اخوي اللي عمره 30 سنه فبل رمضان اتصلوا بي وكالو الاخبار كويسه جدا وان السفر قريب ان شاء الله بس احنا حذفنا اخوك القاصر كلت همين ميخالف مامقسومله يطلع
قبل يومين اجتني 3 رسائل من المحلف الاولى الي وهيه نفس مضمون رائل الاخوه اعلاه تاجيل اما بالنسبه لاخوي القاصر دزلي المحلف انه غير مهدد ومرفوض زين انتوا غير رفضتوه كونه قاصر حسب راي الموظف المصري كل واحد يحجي شكل اما الكارثه الكبرى وهي رفض اخوي الثاني اللي بالثلاثين والسبب انه غير مهدد مع العلم انه ذكر انه مهدد لان جان يشتغل وياي وانطه تفاصيل اكثر من عندي انا صاحب الكيس
وحاليا صارلي يومين مااشتهي الاكل وخايف يجيني رفض ماهي نصيحتكم لي جزاكم الله خير
اخوكم كلكامش
-
والله اخي كلكامش شغلتك غريبه
بس انت ان شاء الله موافقتك صادره واتسافر الله وياك
ومع ذلك خلي ايقدمون كيس للاهل ويه اخوانك على قضيتك
وايعيدون المقابلات من جديد عسى ولعل تمشي شغلتهم بعدك
وياربي ايسهل امرك وايهون عليك هاي الشده
-
ميسٌرة انشالله ولاتشيل هم
-
عيني اخت لايك مون
انت شغلتك تختلف نهائيا وجذذذذذذذريا
عن قضيتي الاخوان عزت وكلكامش
اكللك للمرة الالف
انت اجاكي ايميل جدووووول سفر
وهذا معناه انه المحلف موافق عليك وامنيتك كاملة
باقيلك بس موعد سفررررر
استغرب ليش بعدها موجودة كلمة ( احباط ) بعنوان موضوعك
صدكيني انت شغلة سفرك مسالة وقت مو اكثر
بدلي العنوان عيني بدليه
او اتركي الموضوع وانظمي لمجموعة اللي جايهم ايميل الجدولة
ودا ينتضرون موعد سفر
تحياتي
-
ههههههههههههههههههههههههههه لورنس عيني اعصابك
وهسه اعدل الموضوع ولا يهمك هههههه
ضحكتني والله الله يوفقك