السلام عليكم شلونكم شخباركم مشتاقين والله اليوم كان عالمي ويه التعب زوجتي كصت اصبعها بالسجينه ورحت وديتها خياط وهوسه والحمد لله فمن اريد اكعد شوية اريد افتح سبحان الله تطلعي شغلة بس الحمد لله على كلشي الحمد لله بميزان حسناتنا دوختكم بس لأن اني مقصر وياكم ومدادخل فأعذروني بس ان شاء الله ارجعلكم
عيني هاي تحشوشه صغيرونه العراقي شلون بالعراق تعامله والفاظه ويه ما يسمى او يدعى التيار الكهربائي الكهرباء تونسوا
سلامي للكل ونشوفكم بخير
طبعا قبل ما انسى مبروك عيني لاباك على الثوب الأحمر ولو هو مال أعدامات ;D ;D ;D ;D ;D الله يبعدج على الأعدامات والف الحمد لله على سلامة جورجيا ان شاء الله اخر العمليات
من تنقطع الكهرباء.. العراقي تلقائيا يستخدم وحده من هلمصطلحات:
1. طفت الكهرباء
2. طفت السخيفة
3. طفت المنبوشة
4. طفت المقدسة
5. طفت بت الزفرة
7. اشتعلت صفحتك يا وزير الكهرباء
8. خرب ...... طفت
9. طفت من نعلعلا روح..........
10.. اهووووووووووو طفت
11. اشتعلوا طفت
12. حولووووو الجينج اوفر طفت الكهرباء
13. طفت... اكو بانزين بالمولده؟؟
14. مو وكتها مو وكتها مو وكتها.. طفت
15. الله يلعنهم
16 ادري شنو دننطي فلوس لو قزرقط ليش طفاها
17 - ادري شبسرعه جتي شبسرعه طفت شلحكنة
وهسه لما تجي الكهرباء الوطنية المواطن العراقي يكول احدى العبارات التالية وخصوصا لما يكون هستوّى جاي من الدوام
1. شوكت جتي الوطنية؟؟
2. هذي وطنية لو مولدة ؟
3. اجتييييييي الكهرباء
4. شغلوا الماطور
5. شغلوا التبرييييييد
6. شكد بشكد الجدول؟؟
7. كلولولوييييش جتي الوطنية
8. شوكت تنطفي الوطنية ؟؟
9. حولوووووو الجينج اوفر جتي الوطنية
10. اجتي المباركة
11. اللهم صلي على محمد وآلـِ مُحمد
12. وطنياااااااااااا
13. جتي بس لا تنطفي
14. اي اي اي همزين جتي
15. الـــــــــــله وطنية
16 -ايباااااااااااااااه وطنية
17- شغل الثلاجة والمجمدة جتي الوطنية
اما لما تطفر الجوزه مال ابو المولده او يطفيها بنص الظهريه، فا ما راح اكدر اكتب كل الكلمات والعبارات اللي تنكال بحقه!!.. فا راح اكتب اشهرها فقط
1. طفرت القندرة
2. طفرت الجوزة
3. خرب طفرت
4. نزلت الجوزة
5. طفاها السافل
6. طفاها الحقير
7. الله يلعنه دنيا واخرة
8. طفرت الجوزة لو هو طفاها؟؟
9. طفت!؟؟ ليش شكم ساعه شغل اليوم؟؟
10. ادري هو شديشغللنا
11. ما الله يكهربه ويموت
12. شوكت يششششغل عاد
13. راح اروح اشوفه ليش ما مشغل
14. بس لا عاطله
15. إإإإإإإي جتي المولدة
16- فلوس لو نوة دننطيه
17- ادري ليش طفة هذا ميخاف الله
18- الكل تصفن وواحد يباوع على اللخ بعدين الكل يسالون ليش طفة المولدة بس لاعطلت
تحياتي
[/b]