ankawa
منتدى الهجرة واللجوء => الهجرة و واللاجئين => الموضوع حرر بواسطة: hesham11 في 06:19 19/08/2010
-
السلام عليكم ورحمته الله وبركاته الى جميع الاخوة والاخوات في المنتدى ارجو مساعدتي
انني قدمت الى المنظمة اليوأن في سوريا من سنة 2007 ولم اغادر الى العراق منذ ذلك الوقت ولحد الان لا أني ولا عائلتي ولم يحصل لي التوطين ولا في يوم من الايام وفي احدى الايام اتصلو بي من منظمة اليوان لأجل اجراء مقابلة لي من قبل مكتب الحماية في الشهر الخامس وقد قابلتني موظفة امريكية واجرت مقابلا معي وحدي وبعدها بشهرين اتصلوبي من اجل مقابلة توطين وبهذا اليوم ذهبت الى كفرسوسة انا والعائلة وتمت المقابلة والحمد الله وفي نهاية المقابلة طلب الموظف اللي قابلني مني ومن زوجتي التوقيع على ورقة من اجل عرض ملفي الى الوفد الامريكي لأجل الموافقة على قرأة ملفي من قبل الوفد الامريكي وبعدها منذ ذلك اليوم ولحد الان لم يتصلو بي من اجل مقابلة ثانية
وانا اسف لأطالتي عليكم ولكن انتم اخوتي واريد ان اعرف ماهو مصيري
سؤالي هو هل من الممكن رفضي من التوطين مع العلم كلما راجعت قالوا لي (انتضر لسه بكير للمقابلة التالية )
وهل هذا التأخير عادي ام لا
وماهي المدة التي تكون بين مقابلة ومقابلة اخرى
وهل هذا التوقيع امر عادي حصل لكل الاخوة ام لا
ساعدوني جزاكم الله عني خيراً ولكم مني جزيل الشكر والامتنان
-
التوقيع عادي اخي اني اخواني هم كانوا بسوريا ووقعوا ومعاملتهم كانت نفس الحالة بس هما تاخروا خمس سنوات بسوريا ما بين التقديم الى السفر فانت مثل ما قالوا لك انتظر لسه بكير بس انت لا تنقطع ظل راسلهم او خابرهم حتى لا ينسوك وحتى يتحرك ملفك المهم انشاءلله اخي يتصلون بك عن قريب لاجراء المقابلة الثانية ربي يوفقك
-
اخي العزيز مرحبا بك انت متأكد الي قابلتك قبل مقابله التوطين هي امريكيه لان اني هاي اول مره اسمع بيها
وثانيا شغله انت شكد صارلك مسوي مقابله التوطين ... بعد ماخلصت مقابله التوطين ماكالولك اتصل بينا بعد شهريين اذا مانتصل بيك
وشغله التوطيين عاداً ماتتاخر من شهريين الى خمسه اشهر واذا انت متاخر اكثر من هاي الفتره حاول ان تروحلهم وتقابلهم مو تخابرهم ولاتراسلهم اما شغله التوقيع فهاي مال كلام الي كلته بالمقابله وانت مسؤول عن الكلام اي ماتكدر تغييره بالمقابله الجايه وارجو ان تكون قد كتبت كل الي حصل وياك في دفتر ملاحظات وخاصا التواريخ حتى لاتنساها وتراجعها في مقابلات قادمه
اما بالنسبه الى شغله الرفض في مقابله التوطين مايكدرون لان الامم ماعدهم صلاحيه حسب مااعتقد الوحيد هو الوفد الامريكي اي المحلف الي عنده هاي الصلاحيه لوحده
-
طبعا" اني اشكر الاخوان ألي شرفوني بدخولهم واجابوا بأجابات شافية انشاء الله وبارك الله بيهم على هذه الجهود الطيبة
اخوي العزيز يدكو نعم قابلتني وحدة امريكية وهي موظفة في اليوأن وهي كانت من قسم الحماية سألتها على التوطين كالت اني مو من اختصاصي التوطين ولكن انشاء الله خير وهي كانت المقابلة كانت مقابلة حماية بوقتها فبعدها بشهرين قابلت توطين اي يعني هذه كانت بداية لتحريك الملف
اما شكد صارلي من قابلت توطين اني قابلت يوم 5-7-2010 يعني صارلي شهر ونصف تقريباً
وعذراً على الأطالة
-
اخي هشام تحية طيبة
اما بخصوص مقابلتك مع الموظفة الامريكية فهاي المقابلة تخص قسم الحماية حصرا لانه قسم الحماية يرشح ملفات محددة للجنة خاصة وهذا الي صار وياية بالضبط وهاي اللجنة شغلتها تسويلك مقابلة واني اعتبرها من اهم المقابلات فاذا حصلت الموافقة على ملفك فيتم تحويله الى قسم التوطين وتبدي مشوارك من البداية يعني هذيج المقابلة مو مقابلة توطين بس مقابلة تحديد اهلية الملف للتحويل لقسم التوطين وبعدين يالله تسوي مقابلة اعادة التوطين اما بالنسبة لجماعة سوريا فبما انه اكو زخم كبير فديصير تاخير تحويل الملفات من الunhcr الى iomوهذا التاخير مسالة طبيعية فلاتقلق مادام تحول ملفك لقسم التوطين بعد مقابلة اللجنة الخاصة بقسم الحماية فالامور طبيعية بس الاهم انه كلامك دائما متطابق مع الكلام في المقابلة التي سبقتها وانشاء الله اكون قدمت معلومة مفيدة الك
اخوك ابو نور
boston.usa
-
السلام عليكم ورحمة الله وبركاته ....
اني اشكرك حبيبي ابو نور وبارك الله بيك اللهم يوفقك ويوفق كل انسان طيب في هذا المنتدى لأنك فرحتني والله اني كنت شايل هم على هذا الموضوع والان بفضل الله وفضلكم هسه طمئنيت على هذا التأخير
سلامي الى الجميع بارك لله فيك
-
اخي هشام اتمنى انه راحتك تدوم للابد وانشاء الله الفرج القريب الك ولعائلتك
ابو نور
boston usa
-
الاخ العزيز هشام في 2009 كان التوطين انو يدزون عليك انت والعائلة وبعد اقل من شهر يخابروك يكلولك تحول ملفك الى الوفد الامريكي وبعدها تبدي اجرائات الاي او ام وبعدها الوفد ومن ثم الفحص وبعدها الموافقة وبعدها السفر بس هسه شوية اكو زخم صحيح تتاخر بل بداية بس السفر يكون سريع وخليها ع الله وهيه تجيك
وتحياتي الك