ankawa
منتدى الهجرة واللجوء => الهجرة و واللاجئين => الموضوع حرر بواسطة: slimmy10 في 10:46 20/08/2010
-
الى جميع من عنده تجربة (تجربة فقط . و ليس نظرة أو رأي)
بعد الحصول على موعد السفر. ما نوع الاملاك و الممتلكات التي تحتفظ بها. و ما هي الاملاك و الممتلكات التي تبيعها. و لماذا؟
اتمنى ان ياخذ الموضوع اهتماما خاصا من قبل الاعضاء . و خصوصا اللي صارلهم فترة طويلة من طلعوا من العراق. لازم اكو شي ندموا لأن باعوه.. أو شي ندموا لأن ما باعوه.
شكرا لكل من يشارك و يفيد الاعضاء.
-
يا اخي هوة منو بعد يشتري غراض بيت؟؟حتة لو تبيعهن راح يروحن بفلسين..ااني اكول اذا عندك سيارة بيعهة واذا عندك بيت لا تبيعه..واذا عندك وظيفة اخذ سنة بلا راتب ولو اني افضل انه الواحد يترك الوظيفة حتة باجر عكبة ما يفكر يرجع للعراق من اول ازمة راح يشوفهة بامريكا لان راح يفكر وايكول ارجع لوظيفتي ما طول بعدني اكدر ارجع واني بالنسبة الي راح ابطل من الوظيفة لان ما اريد فد شي يرجعني للعراق
-
حرامات ماعندي تجربة
بس اذا عندك حوض سمج اني اشتري
-
هذا سؤال جدا مهم ووجيه بالنسبةللناس اللي ينتظرون موعد الطيارةوطبعا الجواب يم المسافرين والمستقرين انا رأي ماكو داعي بيع اي غرض اذا عندك اح تكدر اتأمنهم يمه وحتى اذا مويم الأهل والمعارف تكدر اتأجرغرفة كبيرة او متوسطة الحجم وتصفط غراضك بيه بشكل مرتب مع استعمال المعقمات وادوية مكافحة الأرضة والنثالينوتغطي الحاجات العزيزة بأغطية واكيلس وتدفع بدل ايجار الغرفة سواء للمعارف اوالجيران ورأيت بأم عيني هوايه ناس امطبقيه في منطقة الزيونة يا شتبيع هو غرض اثنين عمرنا كله نشتري ودنحس ابهلبيوت وكلها تحمل ذكريات ومواقف حلوة ومره متسوة من اجيب ابو البيع يلوي ركبته ويكول هاي غرفة النوم او الثلاجة 18 قدم اتبيعا ب 100 او 150 الف وانت مكلفك الثلجة نص مليون وغرفة النوم 3 ملايين عمي اوزعهن ابثواب روحي ولو الرجال ميدور ثواب يريد يبيعهن ويريد يشيل خارطة الضيم والضطهاد منراسهاالي دمرها صوت الملة اكثر من 7سنيين وشكرا لللأصغاء
-
الوظيفة لا تعليق
البيت او اي نوع ملك .... لا اتبيع.. اجرة و خلي ايدزولك فلوسة كل 6 اشهر
السيارة ..... بيع احسلك
غراظ البيت.... انصح ببيع جزء كبير و خصوصا الامور الغيرمهمة
و الباقي من الاغراض احتفظ بها في بيتك في احد الغراف
-
عذرا عند الكتابة من توقيف المولدة بدون سابق انذار او من الوطنية اللي تهل علينا مثل هلال العيد مرتين بالسنة وشكراللقبول والعذر عند كرام الناس مقبول
-
بالنسبة للي يملك بيت وناوي يقيم في امريكا ، يبيع احسن
انا عندي بيت وعارضة في العراق من سنتين ولم يتم بيعه ، لان محد في العراق يهتم بامور غيره ولما يعرفون ان صاحب البيت في الخارج يكسرون بسعره
اجرته فترة اكثر من سنة والبيت كان جديد البناء ، فاصبح خرابة ملئ بالرطوبة والحيطان تحتاج الى بياض وصبغ من جديد ، يعني لو يدفون اجرا 1000 دولار بالشهر ما يعوض اصلاح البيت ، غير ان المستاجر يبزك لان العراق بدون قانون يحميك.
اذا كان بالامكان البيع ، الفلوس تنفع بان تشتري بيت في المكان الذي انت فيه او تشغل الاموال ، لكن بقاء البيت في العراق فلا ينفع في شي ، الي يقول ان اسعار البيوت في العراق في زيادة فهذا غير حقيقي، لان فقط اكو اراضي جاي تنباع بعد تحوليها الى سكنية باسعار رخيصة ترتفع اسعارها بعد ما يعرف الناس بتحولها الى سكنية ، اما البيوت فلا اعتقد ان هناك اي زيادة في اسعارها، وحاولوا مقارنة الاسعار بين سنتين والآن فلن تجدوا فرق.
كذلك فان الهاربين مثلنا من العراق كثيرين مما يصعب البيع اذا لم تكن موجود وتهم ببيع بيتك.
ملاحظة مهمة: اسعار البيوت في العراق غير حقيقية يتلاعب بها الدلالون ، يعني بيت في بغداد اغلى من بيت في العاصمة واشنطن وهذا يعني ان الاسعار غير حقيقية.
وهل تعرفون ان مشاريع الاسكان الجديدة تبيع الشقة باقل من خمسين الف دولار وبالاقساط ، يعني اذا انتشرت مشاريع الاسكان فان اسعار البيوت سينخفض بعد سنوات قليلة.
-
الحمد لله اكو كم واحد جاوبوا
بصراحة كنت منتظر اشوف كم رأي يلة انطي رأيي بالموضوع
الممتلكات:
1- البيت: يتأجر و يروح الايجار يم واحد من العائلة أو واحد ثقة, يعني يبقى ذخر للمستقبل.
2-السيارة: بيع على السريع حتى لو بخسارة.
3-غرفة النوم: اذا ما كدرت تبيعها بخوش سعر, اعطيها الى احد الاقارب اللي على باب زواج و يستاهل.
4-باقي الاثاث: اذا ما كدرت تبيعه, خليه يم واحد من الاقارب أو الاصدقاء (الثقة) يبيعة براحته و يخلي الفلوس يمة.
ملاحظة: الفلوس اللي تجي من الايجار أو من بيع الأثاث, هذي تبقى للتصرف عن بعد, يعني مثلا اذا تحتاج شي من العراق أو تريد احد يطلعلك وثيقة او مستمسك,بس تخابر على فلان و توصيه ينطي المبلغ الى ابو الشغله.
اما اللي يسأل عن باقي فلوس الايجار أو الغراض, فأحب ابين له انه بعد ما يستقر بأميركا و يشتغل راح يكوم يدور بيت ملك (حتى لو بالتقسيط), و هنا راح تفيده كل المبالغ اللي كدر يجمعها من الايجار, و حتى راح يكدر يبيع البيت اللي بالعراق حتى يوفر قسط أولي للبيت الجديد بأميركا (للكل ان شاء الله).
وصية من اخ: لا تاخذون وياكم أكثر من عشرة الاف دولار (دفتر) لأن اذا اخذت أكثر من هذا المبلغ راح يصير عندك نوع من الاتكالية و الاعتماد. أعرف واحد طلع لأميركا قبل سنة و نص, أخذ وياه ثلاثة الاف دولار فقط, لم يلمسها لحد هذا اليوم, علما بأنه يعمل حاليا و عنده سيارتين وحده عائلية ووحدة رياضية. الله يوفقه و يوفق الجميع.
و يا ريت تستمر ارائكم المفيدة لكل الاعضاء.
-
احب اشكر العضو ابو حاتم على المساهمة المفيدة.
بس احب ابين للأعضاء ان ايجار البيت حاليا في العراق هو بصورع عامة يكون للأقارب. يعني مو لناس غربه.
و بالنسبة لتحويل فلوس الايجار كل فترة. هذا الموضوع يأثر على البنفتس. يعني اذا الوكالة اكتشفوا تحويل مبلغ , راح تدخل بسين جيم انت في غنى عنها.
و بالنسبة لبيع البيت, فالبيع يكون ورة ما تخلص البنفتس و تتحول فلوس الايجارات المتراكمة وية فلوس البيت مرة وحدة, وهذا الشي راح يوفرلك مبلغ قسط ابتدائي جيد لبيت مرتب بأميركا, و هم تخليلك كم فلس جوة ايدك.
شكرا لكل المشاركين
-
اخويه اني راي الشخصي.مخلص الحجي.بيع كل شي عدا البيت ..الغراض و السياره حته لو بفلسين بيعه لان اذا عفتهن و رحت بعدين اتصير بفلس مو فلسين.هاي اذا مو ابلاش. لا ذكريات ولا ريحه هلي ولا بطيخ.كون واقعي و عملي.
البيت اجره الناس عرف تعرفهم زينين حته لو بطكه ارخص المهم يحافضون على البيت... يجيك مورد شهري ثابت..واتوقع قيمة البيت يصعد بمرور الوكت. واجره الناس تعرف بيهم ماوراهم سفر حته لا اتدوخ بعدين.
البيوت اسعاره منازله ابد. و حسب المناطق طبعا.. صديقي باع قبل 8 اشهر ب 240 الف دولار بيته..هسه الاشتره دفعوله 275 الفو ميبيع..البيت طبعا حوالي ال 230 متر مو اكثر. و بعدين اذا ردت اتبيع الفلوس تكدر اتحولهن بطرق هوايه مذكوره بالمنتدى بعيد عن التاثير على مساعداتك.
تحياتي
ارمنيان
-
ها و خلي افيدك بشغله..تدري اني اشسويت... جوارينه ما وراهم سفر.. اني اجرت البيت الناس عرف مثلا خلي انكول اب 600 الف. كتلهم اتدفعون الجواريني الايجار وهم يحولولي الفلوس. و كلت للجوارين الكم حصه من الايجار .هاي 150 الف الكم من ال 600 الف بس عينكم على البيت وبين فتره و فتره جيكوه الوضع من جوه و من بره حته يعرفون اكو ناس ينقلولي الاحوال وعينهم على البيت (طبعا هاي فوك ما الموجرين عرف و خوش ناس بس حته اضمن اكثر).
تحياتي
ارمنيان
-
عاشت ايدك اخوية ارمنيان على هذا الاسلوب و الطريقة المرتبة.
بس يا ريت لو عند الاشارة الى موضوع معين موجود بالمنتدى , ان توفر الرابط لهذا الموضوع. مثل ما تكلمت عن تحول الفلوس بطرق لا تؤثر على البنفتس , لأن لو تقرا ليفوك شكد موجودين اعضاء بالمنتدى (يندلون بالمنتدى) , و أكثر منهم موجودين ضيوف ( يعني نفرض ما يندلون بالمنتدى و بالبحث)
شكرا مرة ثانية اخ ارمنيان و لكل الاعضاء اللي ما يبخلون بكل معلومة و جهد لفائدة الاعضاء و الضيوف.
-
نصيحه حلوه من الاخ ارمنيان, وطريقه سليمه واجراء ذكي. الله يساعد الكل.
Dollar
-
ماكتلي على حوض السمج
عمي انطيك خوش سعر
TOMMY
-
اخوان اني خلال الفترة المقبلة رح اسافر ان شاء الله وعلية قمت بالتالي:
اليوم تحديدا بعت السيارة مالتي وطبعا خسرت بيهة 7 اوراق لان انحصرت وخفت ان ما تنباع والسوك ميت وصار اسبوعين ادلل بيهة.
البيت مرح ااجرة لان المؤجر يفلش البيت ويلعب بيه طوبة حتة لو جان مرتب لان بينة طبيعة ما ندير بال لأي شغلة مو مالتنة (جرب انطي سيارتك لأي احد وشوف شلون يسوق بيهة تكول ديصور حلقة مال توب كير).
بعض الغراض بعتهة وبس اللي اني متأكد انه رح تخرب اذا عفتهة (مع العلم بعتهة لبعض الاقارب وشوية تساهلت بالسعر) مثلاً المجمدة لان من تنترك رح يصير بيهة ليك وتخرب والغسالة لان فول اوتوماتيك ومن تنترك تيبس كل واشراتهة وتعال صلح.
الاثاث رح اشتري طول قماش من هذا الرخيص واغطيه كله.
بالنسبة لدوامي اخذت اجازة بدون راتب ولو اني ان شاء الله ما بية رجعة بس خليت خط رجعة تحسباً لا سمح الله.
Mory
-
الاخ slimmy 10 المحترم
السلام عليكم ورحمه الله وبركاته
اشكر كل الاخوان على الردود الجميلة الي تعكس نظرتهم للموضوع الى طرحته، اني اليه رأي آخر، انه هذا الموضوع انته الي تحدده فقط، انتي شناوي تستقر بأمريكا الى الابد او ترجع الى العراق بعد الحصول على الاقامة وتحسن الامور، وكذلك السيولة النقدية الي عندك يمكن هية الي تحددلك تبيع الاثاث والسيارة لو لا حتى تروح لامريكا وانته وياك فد مبلغ معين.
الله يوفقك ويوفق الجميع
اختك حبيبي بحار
-
اخوان بالنسبة للموظفين
هل صحيح ان الموظف يحق له تقديم استقالة
ومع الاستقالة يحصل ع مكافاة راتب 6 اشهر؟؟
اكو واحدسامع هيج؟؟
اكرر استقالة وليس تقاعد
تحياتي للجميع وشكرا ع الموضوع
-
اشكرك الشكر الجزيل اخت حبيبي بحار
و اكيد الاعضاء الموظفين يتمنون الكلام اللي كلته اخ لورنس العرب2
اني سمعت اللي عنده رصيد اجازات 180 يوم . ينطوه راتب 6 اشهر من يطلع تقاعد. بس الاستقالة شنو موضوعها ؟.. ما أعرف.
و يا ريت كل واحد عنده معلومة بهذا الخصوص ينورنا ...
شكرا
-
والله هو خوش موضوع بس ممكن اتفهمونا جماعة الiom من اي مرحلة تبدأون بتصفية الامور ؟؟والبيع؟
وسؤال اخر شنو الاغراض او المستمسكات ان تأخذوها وياكم
-
فيما يخص موضوع الاستقالة والراتب اكو ضمن قانون الخدمة المدنية يكول انه للموضف المستقيل (المستقيل وليس المقال) استلام مبلغ يعادل رصيد اجازاته المتراكمة. وقبل فترة اجة تأكيد علية اعتقد من مجلس الوزراء لكن المشكلة انه الوزارات نفسهة ما دا تقبل تنفذ هذا القانون ويطلعون الف حجة وحقارة وما يخلوك تستلمه. واللي ايحب اشوفله نص القانون بالضبط والحد الاعلى اني بالخدمة
Mory
-
الاخ/ الاخت Mory
احنا متفقين اكيد الموضف المستقيل وليس المقال
ولكن اذا فقط ياخذ ع كد اجازاته اللي ماماخذهن
فمراح يطلع شيء للخدمتهم قليلة اي مبلغ
لان كل شهر الك 3 ايام واكيد الكثير اذا مو الكل ماخذين هذه الاجازات
لذلك
اني اللي سمعت بيه قطعي للكل بغض النظر ع الخدمة
اللي يستقيل ع اساس اله 6 اشهر راتب
اذا هاي الشغلة صحيحة
فتفيد الموظفين اللي واثقين من انفسهم 100% انه اذا سافروا لامريكا
مستحيل يفكر بالرجعة
اما اللي شغلتهم كرتيكل فاكيد الاجازة لمدة سنة بدون راتب احسن لهم
-
اخي لورنس اذا تشوف ردي قبل السابق تشوف دا ابيع سيارة وااجر بيت فشلون صرت الاخت؟ ???
المهم عيني معلوماتي واني متاكد منهة انه ماكو غير رصيدك اللي متبقي لا اكثر ولا اقل وهاي اذا حصلته انطيك وسام الشجاعة
Mory
-
اكلك اخوية اني قريت كل الردود بس مو معناها
ان لازم احفظ كل الاسماء
ثم اني انطيت الاحتمالين الاخ والاخت يعني عادي جدا
واني ما اكدتت الشغلة يعني هيه لو اي لو لا لان اني كلت سامع بيها يعني ماعندي مصدر
هالمرة اندور بيها وسام شجاعة
لا انت اكدلنا الشغلة واني انطيك وسام الرافدين ومن الدرجة الاولى
-
زين انتة ليش صاير عصبي؟ مع العلم ردي كان بمنتهى الهدوء وخاصة موضوع وسام الشجاعة قصدي اللي يكدر ان يحصل حقه من الوزارة اللي يداوم بيهة انطيه وسام شجاعة مو الك اخوية انتة كان المعنى.
لا تزعل ترة كلنة اخوة هنا وما احب ازعل احد
اخوك
Mory
-
اكلك وسام الرافديم من النوع العسكري لو النوع المدني؟ ولو مو مهم لان بلكي وراه سيارة من القائد الضرورة ههههههههههههههههههههه
-
مرحبا الى كل الاخوة
انا من رايي ان الى الموعد مال السفر مضبوط ومضبط امورة على الطلعة الي عندة بيت يبيعة وياخذ مهلة حسب الوقت المتبقي
ومباشرتا يروح يدور بغير منطقة اقل منهة بل الاسعار وياخذ فد قطعة تجارية او فد قطعتين المهم ياخذ قطع زينة ويكمل الاجرائات مالتهة و يسوي توكيل عام الى اخو او اي شخص يثق به وبعد ذلك يذهب مطمئن
1- ان لا سامح الله لم يوفق اذا عاد فان القطع سوف يرتفع سعرها الى الضعف
2- وان استقر هناك ولا يفكر في العودة بعد سنة او اكثر يخبر اخوه ان يبيع القطع ويرسل له النقود
3- وان استقر وعمله جيد ويريد ان يبني مستقبل في العراق للامد البعيد يستطيع من عمله ان يجمع النقود ويرسلها الى اخوه او اي شخص ليبني له ما يريد
4- واهم شيء هو سرعة بيع القطعة احسن من الدار
5- وان ترك الدار ليس جيد سيضل قلق عليه ربما تسوء حالة الدار لعدم اهتمام المؤجر
6- القطعة لا يوجد شيء يقلق عليه هية فقط تراب
تقبلو مروري اخوكم رعد
-
و الله عاشت ايدك اخ رعد على هذا الجواب المرتب
اخواني...اخواتي الاعضاء
من هاي الاجوبة و المساهمات نشوف ان الواحد لازم يخلص من كل متعلقاته من عدا قطعة الارض (اذا عنده)
و اذا عنده فلوس هواية و ما يريد ياخذهه كلها وياه, يشتري اراضي بأماكن مختلفة و يخليها. بس مو زراعي (ترة شغلة الزراعي لحد الان محيرة).
و يا ريت اللي عنده رأي اضافي يفيدنا...
شكرا
-
اخوان واخواتي نصيحة صغيرة من اخوكم عايش في امريكا رجاءا قبل الاقبال على بيع اي شيء اكرر اي شـــيء التفكير وبشكل دقيق جدالان من الممكن ان تعود الى العراق ... !! والايام القادمة سوف تثبت كلامي هذا .. !! حذاري من الندم .. !!
عزاوي التكساسي
-
اخي العزيز alazawi مع احتراماتي راح اطلع من الموضوع اشويا او ممكن تتحملوني اخوكم اجا القرار مال محلف او ابصراحة
الكل بشرونا با الخير بس انتو تدرون الوسواس الي احنا بي او بصراحةما كو احد غيركم عندا المعلومة الحقيقية الى انتو كونكم ابا
مريكا حاليا القرار الي اجانا كلنا هوا علامة صح في المربع الاخير او كان هوا ملفين bdf اما الثاني كان المعلومات عن امريكا اذا جانت العلامة صح في المربع الاخير تعتبر موافقة فقط باقي التجييك الامني DHS ارجو الاجابة في اقرب فرصة ممكنة
اخوكم ابو روز
-
ابو رووووز
اخوية لاتوهس ههههههههههههههه
التاجيل باي تاشير معناها المحلف موافق عليك واجلك لحين مجيء موافقتك الامنية
هسه اذا ادزلهم ايميل راح ايكولولك انت بالتجييك الامني
وبالمنطق اذا المحلف رافضك ,,,و بعد شيسوون بموافقتك الامنية؟؟
بس همه خربطوكم لان اتاخرا بارسال قرار التاجيل مال المحلف
لازم يدزوه الكم قبل اي شيء بعد المقابلة
وبالمناسبة من يجيك ايميل يخلوك ع جدول السفر معناها انت امنيتك كملت ويبقالك بس تحديد موعد سفر
وللعلم اكو جماعة انطوهم موعد سفر بدون ما يخلوهم ع جدول السفر
تحياتي
-
يعني يمكن الاخ لورنس العرب مية مره عاده وبكل رد يكتبه
(اذا اجاك اميل على جدولة السفر يعني امنيتك كامله) يعني الرجل عجز حته يفهمنا انو
اميل جدولة السفر يعني امنيه كامله
والله هذا ان دل فهو يدل على مسؤليتك وتفائلك بالخير وتقليل قلق الاخرين
يعني مااعرف ليش الاخوان قلقين والله خلوها على الله وان شاء الله ميضيع تعبكم
تحياتي للجميع
-
هسه غير ايفهمونا شنو افضل وقت للبدء باجرائات البيع والتصفية بالنسبة ل ابو iom وكذلك ابو siv نشوف بلكي وحدة تصيب ::)
-
اخي العزيز
بيع الاغراض لايوجد اي مشكله لكن العمل لاتتركه الا قبل السفر بايام معدوده لان ممكن لاسمح الله يتاجل السفر في اي لحظه ولاتامن على السفر الى ان تصعد الطائره وهذه نصيحه من اخ حصلت معه هذه الامور
اتمنى لك التوفيق