ankawa
منتدى الهجرة واللجوء => الهجرة و واللاجئين => الموضوع حرر بواسطة: كوكي 2004 في 03:06 21/08/2010
-
السلام عليكم ياوردة الله يرضى عليج ويخليج للمنتدى اريد ارتاح بجواب مظبوط وبدون مجاملة يعني لتخافين علينه من الصدمات لان العراقيين متعلمين على كلشي . حبيبتي جاوبتي الاخ mrwan 2 على موضوع السنة المالية وكلتيلة انهم يردون يوفون بوعودهم ويكملون الى شهر التاسع يعني الميلحك يكمل وملفه بعده ما متحول الى iom الى شهر التاسع يعني بعد تتوقف معاملتة وميكدر يطلع لامريكا . ارجوك ارجوك ريحيني وردي عليه لان اني عندي ضغط ومن قريت الموضوع ما اعرف شصار بيه . واشكرج على كل المواقف النبيلة الي قدمتيهة وتقدميهة للاعضاء وللجميع ويارب يخليج النه. اختك كوكي 2004 .
-
لا حبيتي اللجوء ابدا ما يتوقف طول ما البلد مامستقر وبكل الدول العالم موبس بالعراق هسى كل تركيزهم على المعاملات الي مرت عليها اكثر من خمس سنوات الي بعدهم حتى ما متحولين للتوطين ابسط مثال اخوتي من سنة 2003 كانوا مقدمين من سوريا كملوا السنة الخامسة بعدهم لا متوطنين ولامقابلة مقابلين بعد ما تم تحويل فايلهم لتتوطين كل الفترة بين التوطين الى يوم السفر 6 اشهر فقط تاخروا المهم اختي العزيزة اطمئني التوطين مستمر العدد الي وعدوا بيه عدد خيالي بالنسبة للوضع سير المعاملات البطيئه يعني التوطين مستمر مجرد توقف المقابلات لغاية الانتهاء من الجرد السنوي وترجع المقابلات كما كانت
-
شكر وامتنان للاخت انجي المحترمة ريحتيني الله يريحج ويسهل امرج وامر كل الاعضاء ياوردة ماقصرتي . اختج كوكي 2004 .
-
لااختي اطمئني مراح ينسد اللاجوء ومادام ملفج مرفوع للامم مايكدرون يوكفوه حتى لو ينسد التوطين الى امريكا لان الملفات المرفوعه لازم يكملوه ولو مااعتقد يتوقف التوطين مادام العراق في اضطراب امني لحد الان ان شاء الله تبشرينا بموعد سفركم قريبا بالتوفيق
-
اختي الغاليه كوكي اطمني التوطين مستحيل يتوقف وانتي من الناس القدماء وان شاء الله يتصلون عليكي وايحددون وياكي مقابله اطمني وخليها على الله
-
اختي انتهاء السنه الماليه هيه انتهاء التخصيصات فقط لهذه السنه وبانتضار تخصيصات جديده للسنه القادمه
واي معامله متتوقف ولا تتاخر
وانما فقط ايكون انجازات المعاملات المتاخره حتى ايكملون العدد ويبدون ايكملون الباقي
يعني هي مجرد امور تنظيميه متوقف شغل
-
كل الشكر والامتنان لكل الاعضاء ويبارك بيكم الرحمن ويفرحكم مثل ما فرحتوني . واكرر شكري للاخ يدكو والاخ بغداد بقلبي والاخت الرائعة انجي والاخت الوردة والدئوبة دائمة والعاملة من اجل الخير ريم عبد . بس اريد اكول للاخ بغداد بقلبي والله اني الى هسه مامتوطنة بس كل الاعرفه خابرت بالشهر السابع على التوطين كالوا ملفكم بالسفارة وبعدها بكم يوم التصلت والدتي كالولهه ملفكم بامريكا والله العظيم اني ليهسه خايفة ومااعرف شنو السالفة مع تحياتي الك وللجميع . اختكم كوكي 2004
-
اختي معقوله الي داتكولي كل موضف يحجي شكل الاحسن تروحيلهن وتتاكدي منهم وتواجهيهم يكون الافضل الج لان مو معقوله كل موضف يحجي شكل لان هاي بيها مسؤوليه لان الموضف كبل مايجاوبج ياخذ منج معلومات اكيد عن رقم الملف والاسم الكامل
يلا ينطيج معلومات عن مرحله الي واصل الها ملفج وبعد مايتاكد من ان المتصل هو نفسه يشوف ملفج وينطيج المعلومه الاكيده