ankawa
منتدى الهجرة واللجوء => الهجرة و واللاجئين => الموضوع حرر بواسطة: حسوسة في 05:02 21/08/2010
-
السلام عليكم
1-تحية خالصة لجميع اعظاء ومشرفين منتدى عين كاوة للهجرة.
2-اعتذر لعدم المشاركة والدخول للمنتدى خلال الفترة الماضية لعدم توفر شبكة النت.
3-الاخوان الي رح يوصلون بالسلامة وبعد اسبوع رح يسالهم مدير القضية هل تفظلون برنامج الماجك راند لو البرنامج الحكومي فحبيت اوضح شنو برنامج المجك راند واذا احد الاخوة او الخوات المشرفين شاف انو الموضوع مكرر يرفعة براحتة الغرض هو الي ميعرف شي عن هذا البرنامج ياخذ فكرة عنة خدمة للاخوان الي رح يوصلون .
4- برنامج الماجك راند:-
أ -تقوم المنظمة المسؤلة عنك بدفع بدلات الاجار للوحدة السكنية مالتك لمدة 6 اشهر .
ب-تدفع المنظمة جميع مصاريفك الاظافية(النقل- فواتير الكهرباء- فواتير الغاز.....الخ) .
ج-تستلم كاش منى للفرد البالغ 200 دولار شهريا والطفال 40 دولار شهريا كمصرف جيب .
د-تستلم بطاقة الغذاء(الستامب فود) اعتيادي حالك حال الي رايح على البرنامج الحكومي.
و-اثاث البيت المنظمة اتجيبلكيا كلة واثاث مو قاصر.
5-اي احد من الاخوان الي اشترك بهذا البرنامج ياريت يفيد الاخوان واني واحد من الي اشتركو بهذا البرنامج ولمعلومات بعد ال6 اشهر اذا ملكيت شغل او جان شغلك ميسد مصاريفك ممكن ترجع للبرنامج الحكومي وتاخذ مساعة مالية والستامب فود اساسا مستمر مينكطع وشكرا.
تقبلو تحيات اخوكم حسوسة
-
شكرا على المعلومات وتسلم الايادي
بس اريد اعرف شنو هو البرنامج الحكومي وياهو افضل
-
السلام عليكم اخوية حسوسه حمد لله على سلامتك اول ويارب اتكون باحسن الاحوال واتمناللك كل التوفيق اخوية
بس اني زعلان عليك حيل حيل حيل وين رحت وتركتني اخوية لا تسال لا اتكول بسس المهم انته بخير اخوية
اني بعدني تجيك امني :( :( :( :( :( :( :( يعني لا جديد بس ان شاء الله خير بس تتذكر انته شكلتلي انو بالكثير انته
بشهر 8 طاير اشو خلص 8 وراح يجي 9 واني بعدني منتظر رحمة ربي العالمين ان شاء الله هذا الاسبوع اكو شي
لاني اتفائل بيك اخوية ادعيللي اخوية سلامي اللك وتمنياتي للك بالموفقيه والنجاح خلينه على اتصال
اخوك دائما وابد
ماللك الاحزان عمان
-
عليكم السلام اخوية مالك الاحزان الك حق تزعل والله بس صدكني مو بيدي اتاخر عندي الرقم القومي بسبب تشابه بالاسماء
والنت ميقبلون ايوصلو اذا ماكو الرقم القومي ارجو ان تقبل اعتذاري اخوية ويا رب نسمع اخبارك الحلوة وتوصل بالسلامة وهنا بالمنطقة الي اني جيت بيه ماكو مقاهي نت مثل مصر وانكطعنة والجو دائما مطر يعني مو مال تطلع اتدور والمدينة هادئة جدا جدا تكول مو امريكا الساعة 8 باليل كله معزلة وهدوء قاتل بس الف الحمد لله قطعة من الجنة يارب قبل ميخلص الثامن نسمع بشارة منك.
الاخت ام مشمش اني رحت على برنامج المجك راند وريحت دماغي لانه بصراحة تامة حدا خمس سنوات بمصر كعدنة على بساط الف::::::::::::::::::::::: يمكن واضح على هذا البرنامج مرح ادفعين فلس احمر الة بعد شهر من ما تشتغلين واذا الراتب مو كافي هم برجعوج على الحكومي تاخذين مساعدة الي اني افتهمته بالنسبة للحكومي من بعد الشهر الثاني تدفعين لنتي جزء من الاجار من الكاش مني الي تاخذية من المساعدات الحكومية وكل المصاريف الثانية ايظا من الكاش مني مثل فواتير الكهرباء والتنقل وغيرها
تقبلو تحيات اخوكم
حسوسة
-
الاخ حسوسة المحترم
شكرا جزيلا على هذا الموضوع الحلو، عاشت الايادي وبالموفقية ان شاء الله.
اختك حبيبي بحار
-
السلام عليكم اشلونك اخي والف الحمد لله على سلامتك والله قبل يومين كنت افكر بيك وقلت اشوف حسوسة اخبارو انكطعت ولانعرف سير الرحلة اشلون صارت وغيرها من التفاصيل ان شاء الله الان استقريت ومرتاح ورمضان كريم
اذا امكن اكتب لنا تفاصيل الرحلة وانا اشكرك اهوايه
-
مشكور حبي على التعب بس انت كاتب اكو برنامجين الحكومي وهذا الثاني وشرحتلنا بس على الثاني ممكن نعرف الفرق بينة وبين الحكومي
-
شكرا جزيلا
-
شكرا عالموضوع وموضوع حلووووووو ومفيد وطرحه جميل
وشكرا للاخ ماجلان عالشرح المفيد والتصحيح
اختكم شجرة الدر
-
اخوتي اخواتي اكرام
تحية طيبة للفائدة حبيت بس اكتب اسم البرنامج بالانكليزي (match grant) ومثل ماكال الاخوة البرنامج اني وقعت على الاوراق مالته مدته 120 يوم
ابو نور
-
عاشت الايادي اخي حسوسه معلومات مفيدة عشت
-
شكراً عالمعلومات القيمة بالاضافة الى مداخلة الاخ ماجان واللي وضحت عدد من الشغلات
السؤال هو: هل ان الماج كراند بنفس التفاصيل لو بيه اختلاف بين الولايات لان حسب ما اسمع بالمنتدى ان القوانين تختلف بين ولاية واخرى ومرات بين مقاطعة واخرى
Mory
-
تسلم عالتوضيخ اخي ماجلان ما قصرت
Mory
-
شكرا جزيلا للكل من شارك شكر خاص للاخ ماجلان وحبيت اظيف التجربة الشخصية الي وما مريت بي اني للفائدة
1-لحد هذا اليوم اندفع اجار الشقة لمدة شهرين والمبلغ2400 دولار على اساس 1200 لكل شهر لانه لازم اني اوقع على الصكوك.
2=لحد هذا اليوم اني مستلم من المنظمة 20 بطاقة ركوب باص المصلحة لي ولعائلتي وكل بطاقة قيمته 10 دولار وتستطيع الركوب بيه 10 مرات وبصراحة مفيدة جدا لانه اني لحد الان مشتريت سيارة صح نجحت بامتحان السياقة بس اني شخصيا منتظر على الاسبوع الجاي.
3-دفعت لحد الان فاتورتين كهرباء قيمة الفاتورتين180 دولار.طبعا المنظمة مو اني
4- بطاقة الغذاء حصته الشهرية 600 دولار لعائلتي المكونة من 4 اشخاص.الفود ستامب
5-اني بمنطقة ايست هافن ولاية كونتكت واي تفاصيل جاية رح نذكره لما تصير ان شاء الله.
6.البرنامج الحكومي اني ممتاكد منه لانه من البادية اني شخصيا اقتنعت بهذا البرنامج ياريت من الاخوة الي على البرنامج الحكمومي ينورون الباقين.
تقبلو تحياة اخوكم حسوسة
-
السلام عليكم اخوان اني بالنسبه اليه خليت نفسي عل البرنامج الحكومي الي هو لمده 8 اشهر والبالغ قيمته فقط 266 $ للانه ايحنه فقط اثنان وفقط طفل عمره سنه واربعه اشهر فقط ؟ اني حاليا بولايه اريزونا كليندل وبصراحه اني مجنت اعرف انو الماجك كراند هو احسن من البرنامج الحكومي ؟ بس سوال للاخوان الي مجربين هذا الشي هل ان الي عل برنامج الماجك كراند اذا انتهى المده يستطيع ان يقدم عل البرنامج الحكومي لو لا ؟ وهل القانون ساري بكل الولايات لان هنانه باريزونا قوانينهم تلعب النفس وماعدهم وليفر ابو الخمس سنوات الايجار صحيح هو مناسب ب450$ للغرفه الواحده لكن الكهرباء ناااااااااااااااااار يعني اقل قائمه تجيك 150$ وانت الممنون
-
السلام عليكم
الاخ شكسبير اخوك حسوسة بولاية كونكتك وبالظبط في ايست هافن الي متاكد منة وبالظبط التالي:
1- الاجار لمدة 6 اشهر كامل مع الفواتير تدفع كاملة.
2-الكاش للبالغ 200 دولار والطفل 40 دولار شهريا.
3-مثلا حصلت على عمل بتاريخ22/8 بعد السبوع الاول من العمل تجلب الصك المستلم من رب العمل يقوم مسؤل قضيتك بكتابة تقرير كامل الى الكيس ووركر بالسوشيل والي رح يقرر مقدار المساعدة الحكومية على ضوء اجارك ومصاريفك.
4-بتاريخ 22/9 بعد المنظمة ما اله علاقة لانه هي سندتك شهر وانت تشتغل.
5-لو كان قرار دائرة dss مو بصالحك تكدر تعترض.
وتقبل تحيات اخوك حسوسة
-
مرحبا
الحمدلله على سلامة وصولك والتوفيق يا رب
ممكن سؤال هل العزابي نفس الشي لو يختلف؟
تحياتي
-
السلام عليكم
اخوية دوري نعم الي جاين شباب وحدهم نفس الشي الهم نفس الامتيازات المدينة الي اني بيه اكو شباب وحدهم وداخلين على برنامج الماجك راند واني شخصيا انصح الشخص الي امورة المادية اخت الصفر مثل اخوكم خلي يروح على الماجك راند اظمنلة
اخوك حسوسة
-
شكرا اخ حسوسة على معلوماتك المفيدة ...
بس ليش الاخوان مغلسين على البرنامج الحكومي .... شنو الكل على الماجك كراند ؟؟
ROCK
-
السلام عليكم
اشلونك عمي حسوسه والف الحمدلله على سلامتكم وان شاءالله اتكون البلاد الجديده فاتحه خير عليك وبالتوفيق ان شاءالله وتسلم على هل المعلومات القيمه بس الاهم من هل المعلومات هوه نورت المنتدى مره لخ وان شاءالله نبقه على تواصل وعلى فكره اتصلت بيك بس ملكيت رد :( :(كلت اكيد لساعه نايم داينتظر الفطور بالعافيه مقدما
ان مع العسر يسرا
robin - cairo
-
السلام عليكم
حبيبي روبن المنتدى منور بيك والناس كله اخوية العزيز ترة جاوبتك بس مدا اسمع كلشي اسف جدا والله تحياتي الك ولكل الطيبين بالمنتدى ويارب تنفض شغلت الامنية لكل عراقي ويوصل امريكا ويبني حياة جديدة اذا مو اله فلجهالة وحبيت اكول لكل واحد عندة جهال اهنا المدارات مو طبيعية للجهال سبحان الله فد ناس غريبين يقدسون الطفل ويحترمون الكلاب بصورة مو طبيعية نوبات بالمحلات تشوف الاكل مال الحواوين اكثر من اكل البشر والحمد لله حاليا الاحوال احسن من مصر 500 بالمية ماكو مقارنة
طولت عيكم
اخوكم حسوسة
-
اخي الفاضل صاحب المقال
شكرا والف شكر للموضوع المهم ,لدي بعض الاسئلة هل يمكن الرجوع على البرنامج الحكومي بعد الانتهاء من الماجك كراند؟ام يجب ان تختار برنامج واحد فقط؟
انت برأيك ايهما افضل؟وهل يمكن ان لا يعرض عليك برنامج الماجك كراند؟
شكرا
-
اخوتي اخواتي
د. امين
بالنسبة لبرنامج match grant هو للاشخاص الي انكلزيتهم زينةويدخلون الناس بيه بعد ان يسولهم ختار وهذا اي صار وياية بس اتصور اذا اي شخص ماراح يحجي وياهم بالانكيزي فشلون همه راح يعرفون انه انكليزيته زينة
ابو نور
-
السلام عليكم
1-الاخ الدكتور امين المحترم الي افتهمتة من الكيس وركر والعاملين في منظمة الايرس انه اذا ملكيت شغل بعد ال6 اشهر او كان الشغل غير كافي فسيتم تحويلك على البرنامج الحكومي وبعد شهرين اذا الله انطانة عمر وعشنة رح تصير تجربة فعلية ورح اكتبلك الي صار
2-الاخ نور الحديثي المحترم نعم كلامك صحيح بالنسبة للغة الانكليزية بس المطلوب انه عندك لغة تكدر تعتمد بيها على نفسك في امور الحياة البسيطة ولبس اجادة الانكليزية اجادة تامة
اخوكم حسوسة
-
الاخوان الاعزاء ابو نور وحسوسة المحترمون شكرا على التوضيح ...يعني حضرتكم تنصحون بان نطالب ببرنامج الماجك عند الوصول ...؟لان حسب ما مكتوب فهو برنامج ممتاز..
موفقين ان شاء الله
-
اخويا حسوسة
"خير الناس انفعهم"
الله يوفقك ويسهل امرك وامرنا قول امين
-
شكرا على الدعاء الحلو والله يوفقك وتسافر يارب اخوية امكرانت2
اخوية دكتور امين لحد هذي اللحظة اني شايف الماجك راند احسن بس بعد شهر من هسة تقريبا يخلص واني بعدني مشتغلت اذا فعلا حولونة على الولاية طبعا رح يكون احسن من الحكومي مليون مرة
تقبل تحيات اخوكم حسوسة
-
عاشت اديكم على هاذه الموضوع المفيد ويا ريت تتواصلون ويانه بكل جديد